我們不支持您使用的這種瀏覽器。TripAdvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“美顏又養生”

Beauty in The Pot
訂位
香港排名第2,764 (共13,901家餐廳)
價位: US$25 - US$38
餐廳詳細資料
4 週前評論

香港人一年四季都離不開火鍋,由港式、台式、川式,以至日式,都有不少捧場客。筆者雖然說不上是個火鍋控,但也極愛吃火鍋。最近從報章上得知「美滋鍋」落戶香江,分店設於旺角家樂坊。據知品牌於 2014 年在新加坡成立,主打唯美粉紅設計和養顏湯底,在東南亞地區擁有十多間分店,人氣旺盛,所以趁這天完成手頭工作,下班後,就拉埋老公兩口子過來一試。

新店地方很大,佔地 6,000 平方呎,設計藍本取材自初春盛開的櫻花場面,再飾以夢幻的粉紅色,裝潢既迷人又浪漫,充滿柔美感。最特別是大門入口處放置的巨型粉色小熊,相當搶眼,吸引了不少顧客未入座先打卡。

安頓後先拿起店員送上的平板電腦餐牌細閱,店子主打 6 款美顏滋補湯底,湯底可選單鍋、鴛鴦鍋和四格鍋,而當中又以膠原蛋白養顏美容鍋及滋補養生香辣鍋最具人氣。不過由於兩口子都不大吃得辣,所以最後揀左膠原蛋白養顏美容鍋 ($110) 拼清涼解熱雪耳椰子鍋 ($78),另外再點左幾款配料。

落好單後,趁湯底來未上,先外出「混醬」。檯上放有 10 多款醬料 (每位$18),喜愛邊款,大可自由組合。另外,桌上還有數款前菜及水果,供客人免費享用。

返回座位後,湯底和火鍋料已經全部送上,可以馬上開餐!先試兩款湯底,「膠原蛋白養顏美容鍋」結合粵式和中式湯底的烹調方式,以瑤柱、雞肉、雞腳、豬骨等熬煮數小時並加入牛奶調色,湯頭鮮美,但又不會過度濃郁膩喉。

至於「清涼解熱雪耳椰子鍋」水準亦不遑多讓,據說製作此湯頭的靈感是來自椰奶鍋,而湯料方面,除了用上排骨、老母雞、雞腳、雪耳等熬煮外,還加入了泰國青椰水及椰肉,所以湯頭喝起來特別清甜滋潤,椰香鮮明。

火鍋料方面,貴精不貴多,只點了數款,包括有老公至愛的美國安格斯牛小排、西班牙黑豚香肩、我至 like 的魚三角、炸響鈴,本來還打算點客自製魚豆腐,可惜已經全部沽清,最後改選了滑豆腐及紅薯細粉。

先嚐一片美國安格斯牛小排 ($139),牛小排油花分佈頗平均,肉色鮮嫩,輕涮幾秒即可食用,入口腍滑肥美,肉味濃郁又帶嚼勁,口感相當不錯。

另外西班牙黑豚香肩 ($64) 賣相亦不錯,豚肉看起來不但色澤粉嫩,而且切得平均薄透,脂肪唔多,肉質腍身無臊味,入口甘香不膩,令人回味。

魚三角 ($54),魚三角形狀像羊架,其實是大魚魚骹的三角位,由於該位置活動多,魚肉不易鬆散,所以食落零舍嫩滑,魚味濃郁,啱曬愛吃魚的朋友。

炸響鈴 ($29/半份),響鈴新鮮即炸,放在湯鍋內輕輕一浸,響鈴吸滿湯汁後,入口鬆化,但仍帶點脆口,味道一流。

至於滑豆腐 ($19) 同紅薯細粉 ($14),味道亦不俗。豆腐切成件件厚度相若,入口嫩滑兼富豆香;而紅薯粉煮久了依然滑溜煙韌,加上索滿湯汁,味道極佳!

結帳時,店員送上每人一小杯柚子沙冰作飯後甜品,很有驚喜,味道酸甜清爽,既解膩又清新。

造訪日期: 2019年9月
    • 划算度
    • 服務
    • 食物
感謝 mjqueen7e
該評論乃TripAdvisor會員主觀個人意見,不代表TripAdvisor LLC公司。
旅客評等
旅客類型
月份
語言

3 - 7 則評論,共 9

2019年9月1日 透過行動裝置

|| 粉紅天地 ||

今年年頭係新加坡既時候都見到美滋鍋,只係無諗過會做過江龍黎左香港由佢得宣傳稿未開幕既時候,已經約好左話要去食,但係朋友們輪住病,結果拖到依家先食入到去成間餐廳都真係好粉紅,同朋友們合影左都唔記得影下環境店員亦都有介紹自助區,醬料區各式各樣包羅萬有,仲有水果包括橙、西瓜、火龍果等大部分食物有分半份同全份揀,半份嗰啲價錢又真係就咁除二,可以每款半份試下都幾好,最後人均接近五百蚊見其他人話係個價食服務,間唔中有些少甩漏,但大致上都唔錯,凍仲有得借披肩
·
▪️ 膠原蛋白養顏美容鍋(7/10)110
·
呢個鍋用上豬骨去熬製,仲有唔少既菇、瑤柱係入面,初初就咁飲既時候都香濃,但係後尾用黎打邊爐就唔係好入味
·
▪️ 養生藥膳醉雞鍋(7/10)95
·
藥材同埋花雕味並存,不過兩者都係淡淡的唔算太濃,同埋唔係採用一貫火鍋既半碟雞上,而係切好既雞件粒,份量比預期中少,但係都尚算嫩滑既湯底方面有少許失望
·
▪️ 美國安格斯牛小排 (7.5/10)139(半份)
·
油花分佈唔錯,肉質偏向有嚼勁,而且牛味香濃
·
▪️ 本地手切肥牛(7/10)198(半份)
·
份量會多一點,入口軟腍,唔會太肥,但係牛味相對無咁重
·
▪️ 日本香肩豬肉片(7.5/10)69(半份)
·
切得薄身,不過豬味頗為突出可以一戰
·
▪️ 豬頸肉(6.5/10)34(半份)
·
比較薄身同埋軟腍,欠缺豬頸肉應有既爽彈
·
▪️ 白鱔片(7/10)49(半份)
·
白鱔個皮帶點韌,肉質如果可以再爽脆啲會更好
·
▪️ 凍豆腐(7/10)19(半份)
·
跟鍋都有少少豆腐,額外再叫都頗為滑身既
·
▪️ 軟骨爽肉丸(6/10)44(半份)
·
食落唔覺有軟骨,腍身無爽彈既口感,味道一般
·
▪️ 炸響鈴(7/10)58(全份)
·
的確粗大有份量,略嫌唔夠脆身鬆化,腐皮既豆香味可更濃
·
▪️ 椒鹽九肚魚(7.5/10)58
·
新鮮熱辣辣既熟食,入口軟身,椒鹽味唔錯,非常香口,唯獨係偏多骨,食完忍唔住即刻叫多一碟
·
▪️ 魚皮餃(6.5/10)24(半份)
·
煮極個皮都唔係好新鮮,有少少雪藏既感覺
·
▪️ 芝士蝦丸(7.5/10)44(半份)
·
真係有唔少流心既芝士,蝦丸亦都有咬口
·
▪️ 蟹子墨魚滑(7.5/10)88
·
蟹子都黏得穩固,唔會煲完唔見曬,而且食落彈牙
·
▪️ 年糕、手打烏冬(稻庭)(6.5/10)14(半份)、19(半份)
·
半份既年糕同埋烏冬都已經夠,但兩者都未係好煙韌
·
▪️ 唐生菜、娃娃菜(7/10)28(全份)、28(全份)
·
兩種蔬菜各要全份,出到黎份量都多既
·
▪️ 竹蔗茅根(7/10)23(無限量添加)
·
單點都已經$18,梗係比多少少叫無限量添加,打邊爐飲竹蔗茅根夠解渴,亦唔會太淡
·
▪️ 自製水果紅茶(7/10)23(無限量添加)
·
熱茶會係以桃味為主,飲落都唔會太甜
·
▪️ 柚子沙冰(8/10)
·
甜品幾有驚喜,就算係沙冰狀,柚子味非常香濃
·
▪️ 蛋糕(7/10)
·
正值同行朋友生日,本身打算買蛋糕既我想問切餅費,但訂座詢問時店員話餐廳有免費蛋糕送,所以請店員幫我寫低要蛋糕失敗位係同店員們講左三次先有蛋糕送上檯‍♀️不過店員都主動話幫我地影相,亦都有講有笑個蛋糕都係粉粉的,主要係酸甜既莓味,整體略甜
·
整體評分(7/10)

美滋鍋 (旺角)
地址:旺角登打士街56號家樂坊8樓803號舖 (旺角站E2出口/油麻地站A2出口)
營業時間:
星期一至日 12:00-03:00
#FoodieTWY旺角
#FoodieTWY香港
.
#hkig #hkfoodie #foodie #foodblogger #foodporn #foodlover #foodaholic #foodpics #foodstagram #instafood #topcitybiteshk #topcitybites #uhkfood #ufoodphoto #presslogicholiday #香港美食 #吃貨 #相機食先 #一路食一路post

造訪日期: 2019年9月
感謝 foodietwy
該評論乃TripAdvisor會員主觀個人意見,不代表TripAdvisor LLC公司。
2019年8月23日 透過行動裝置

一直都有朋友說來自新加坡美顏火鍋店「美滋鍋」很好吃,今天相約3位朋友, 一起試試他們的膠原蛋白養顏鍋! 聽說他們有招牌養生美顏湯底及新鮮食材集合四川的麻辣香料、臺灣的藥膳湯底,以及日本涮涮鍋等等,我急不及待去吃了。
「美滋鍋」裝潢令女士十分開心,以迷人粉嫩的室內設計及裝飾,讓各位女士們瞬間化身成夢幻公主,絕對是全港最火熱的火鍋打卡熱點。

湯底可選單鍋、鴛鴦鍋和四格鍋,招牌養顏美容鍋以瑤柱、雞肉、 豬骨及豬腳等含豐富膠原食材熬制8小時而成,味道溫醇順喉,膠質感重,養顏之選。我們當然選膠原蛋白養顏鍋,另外亦加一個養生藥膳醉雞鍋。待應服務非常好,她們先叫我會喝湯。個人比較喜歡膠原蛋白美容湯,湯味道濃郁,所以飲了3碗才開始落吃火鍋。而藥膳醉雞鍋藥材味比例濃郁。

最後送上柚子冰作甜品,消滯又令整個HOT POT體驗書上完美句號。

造訪日期: 2019年8月
感謝 KimchiK5
該評論乃TripAdvisor會員主觀個人意見,不代表TripAdvisor LLC公司。
2019年8月20日

與一般火鍋店形象不同,來自星加坡的美滋鍋裝潢走少女浪漫餐廳風格,迷人粉嫩、可愛啤啤熊、瞬間如身處夢幻小城,不難成為打卡熱點。

幾千呎面積,周四晚不留座要等位,而且限時兩個鐘,可見多旺場,如果不介意吃晚一點,晚上10點入座有八折。

我最欣賞招牌膠原蛋白養顏美容鍋,以瑤柱、雞肉、雞腳、豬骨、豬手等含豐富骨膠原食物熬製超過8小時,醇厚滋味,奶白順滑,尤其加了滑豆腐及菇菌,不得不先喝三碗兼吃料,無比鮮美。

大部份人都會點算鴛鴦鍋我們亦不例外,另一款滋補養生香辣鍋,豬骨湯內加入中藥成分,人蔘、當歸、黨參、紅棗、枸杞及辣椒,刺激但不霸氣,辣得來不傷胃,可喝一兩口。

牛肉自然缺不得,老實講,質素不及本地薑的靚,但價錢合理。海鮮不少,吃了魚三角、老虎蝦、蟶子皇及花甲,皆鮮甜肉彈。自製丸餃非常有新意,蝦卷的蝦肉非常爽口特出。最後喝杯紫背天葵洛神花茶,清涼酸甜的味道,有助平衡一下。餐廳送上冰沙,真可口。

值得一提,服務態度非常好,員工勤奮,出菜快,一般來說兩小時是足夠的。

風格時尚,湯頭出色,火鍋食材選擇豐富,價錢合理,不失為一好選擇,值得一試。

造訪日期: 2019年7月
    • 划算度
    • 服務
    • 食物
感謝 gourmet_ivy
該評論乃TripAdvisor會員主觀個人意見,不代表TripAdvisor LLC公司。
2019年8月10日

這店由新加坡開來的火鍋店,主打粉紅少女風,一行入門口就見到粉紅啤啤熊,可影相打卡先
坐下就可以出來調味位自行混醬,仲有多款冷盤小食及生果任食,另外火鍋料一大特色係可點半份,咁就可試多啲款式
呢到以養生鍋做湯底比較多,今次試咗鴛鴦膠原蛋白養顏美容鍋及滋補養生香辣鍋,養顏美容鍋湯底鮮甜美味,而麻辣比較溫和帶點香辣
鵝腸肥美帶爽脆
黑豚香肩粉嫩唔嚡口
小羔羊肉係嫩肩位,入口鬆化帶點羶味
手切牛肉油脂平均又夠紅潤,食落牛味都重,嫩腍帶點厚實
竹笙新鮮用嚟吸湯底食超正
另外炸魚皮夠脆身,仲有我食麻辣火鍋都必叫嘅滑豆腐

造訪日期: 2019年7月
    • 划算度
    • 服務
    • 食物
感謝 eddie_ilovefood777
該評論乃TripAdvisor會員主觀個人意見,不代表TripAdvisor LLC公司。

去過Beauty in The Pot嗎? 請分享你的經驗!

亞洲萬里通箭頭
發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單