我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“雞翼,雞翼,全部都雞”
Wingman的評論

Wingman
餐廳訂位
使用外送服務
香港排名第27 (共15,374家餐廳)
價位: US$13 - US$52
周圍地區: 中環
餐廳詳細資料
周圍地區: 中環
3 週前評論 透過行動裝置

雞翼,雞翼,全部都雞翼

之前見到有朋友上載雞頭和雞翼相去自己Facebook,心想這是哪兒?今日終於自己食到,哈哈,就是叫她帶我去食一次。這個餐廳原來叫 wingman,一打開餐牌,全部都雞翼,各式各種不同的味道都有,真是大開眼界。再看,原來都有小食和配菜,和飯之類,不過都是主要食雞翼,哈哈,一看四周就知道,四周的人客都是 「枱上是雞翼。」這餐廳有散叫,有放題任食雞翼,今次我們就散叫了四款雞翼,yeah! 埋單連加一服務費大概304元,平均每人152元。

巴馬臣芝士蒜蓉味,$69有六隻。
這個蒜蓉味果真好重,好濃。上面又佈滿芝士,正。這款是乾身雞翼,外乾,但內裡仍保留到雞翼原有的水份,烹調時間剛剛好。四款雞翼來說,是算清淡的,哈哈。更刺激的雞翼在後面,就是水牛城雞翼。

印度唐杜里烤雞味,一樣是$69有六隻。
這款同樣是乾身雞翼。雞翼上面佈滿調味粉,有點像孜然粉雞翼。有配一小碟綠色的調味醬,味道淡淡的,有點點酸,是好輕微的酸味。

日本蜂蜜芥辣,同樣是$69有六隻。
這款我最愛,最喜歡,有甜甜的蜂蜜味,上面有一少許芥辣讓我們自己添上,蜂蜜和芥辣交雜,好夾,好配搭,好好味。這款是濕雞翼,有汁又有蜂蜜醬,好好食,食完一隻,即刻愛上。雞肉又嫩,蜂蜜又甜,雞翼內裡又保持到原有水份,真心個人很喜歡。

水牛城醬雞翼,都是$69有六隻。
這款好辣,這種辣有回流感,食完舌頭都有麻痹感。好刺激。如果一向喜愛食辣的朋友應該會覺得好食,水牛城醬好多,密密填滿整隻雞翼,這款濕雞翼用來刺激精神和食慾都幾正,哈哈。

造訪日期: 2021年5月
感謝 LingB_b
該評論乃TripAdvisor會員主觀個人意見,不代表TripAdvisor LLC公司。
發表評論評論 (135)
旅客評等
旅客類型
月份
語言
  • 更多語言

2 - 6 則評論,共 135

3 週前評論

挑戰,雞翼放題!大胃王M佬同雞翼控A姐,今日嚟到中環Wingman嚟個雞翼放題PK戰,輸咗嘅就要負責今個星期屋企大掃除啦!一入到嚟Wingman,就會見到好多港式設計,例如仿九龍皇帝墨寶、霓虹燈等等,玩味十足。我哋今日就叫咗10款雞翼放題,連汽水、檸檬茶同啤酒都任飲,夠晒抵食!唔講咁多,即刻挑戰!

雞翼放題限時90分鐘,每次最多叫5款味道,而每款味道最多4隻,食完再叫,唔好浪費。呢度嘅雞翼主要分為濕身同乾身,濕身主要係醬,而乾身主要係粉。雞翼全部即叫即炸,製作需時,但就夠晒新鮮熱辣。

泰式甜辣醬雞翼
呢款泰式甜辣醬都係我同A姐首推嘅味道,每隻雞翼都塗滿泰式甜辣醬,又甜又辣,非常惹味。

紐奧良香粉雞翼
紐奧良雞翼一直都深受唔少人喜愛,其實紐粵良粉即係混入咗匈牙利紅椒粉paprika、大蒜粉、洋蔥粉、黑胡椒、小茴香粉、辣椒粉、奧勒岡同百里香而成,所以香氣強烈,味道非常有層次。

黑芝麻海鮮蜂蜜雞翼
呢款味道深受A姐喜愛,而我就係輸咗一隻黑芝麻海鮮蜂蜜醬俾佢!呢隻雞翼嘅醬汁好似食緊乳豬或片皮鴨咁,味道濃郁!

黑椒檸檬味雞翼
呢隻味一啲都唔膩,因為黑椒又香又濃,加上檸檬汁,非常清新開胃。

蒙古燒烤味雞翼
蒙古燒烤充滿濃濃嘅孜然味,同土匪雞翼非常相似。

水牛城醬雞翼
水牛城雞翼一向都唔係我同A姐嘅所愛,但嚟到點都要試吓!雞翼塗滿水牛城醬,又酸又辣,味道非常濃郁強烈,鍾意食水牛城雞翼嘅人,一定唔可以錯過。

巴馬臣芝士蒜蓉味雞翼
勁多芝士粉同勁多蒜蓉呀!雞翼芝士味香濃,加上蒜蓉,味道鹹香又有層次。

咖啡香味雞翼
雞翼灑滿espresso咖啡粉,充滿濃香咖啡味,仲帶有少少咖啡嘅炭焦味,係男人man仔嘅味道。

田園風味雞翼
田園風味有洋蔥、細香蔥同酸忌廉,呢款雞翼係相對淡口嘅清新香味。

死神醬雞翼
呢款死神醬雞翼一定要留到最尾最尾最尾先食!死神醬雞翼充滿辣椒同秘製辣醬,非常非常辣,夠晒刺激,一隻就K.O.左我!

飲品
我哋呢個餐仲包埋飲品放題,其中指定啤酒都係任飲,確實非常抵,啱晒成班friend一齊嚟盡情狂歡,而我就要返去做大掃除啦!

造訪日期: 2021年5月
    • 划算度
    • 服務
    • 食物
感謝 A姐M佬玩樂日記 A
該評論乃TripAdvisor會員主觀個人意見,不代表TripAdvisor LLC公司。
2021年2月24日

我倆一向係雞翼控,呢日喺中環工作完,就去Wingman外賣雞翼回家加料!Wingman不愧係雞翼專門店,雞翼口味繁多,有成接近20款口味,分咗乾身Dry Rub,濕身Saucy及特製Specials三大種類,好多口味喺市面上都比較少見,好吸引!Wingman之前有做雞翼放題,其實好啱我哋呢D鍾意試新嘢又鍾意食雞翼嘅人,可惜而家無堂食,心大心細完一輪,我揀咗乾身嘅Espresso BBQ咖啡香味以及Thai Sweet Chilli泰式甜辣醬。

Espresso BBQ咖啡香味($69/6隻)
雞翼灑滿咖啡粉,不過咖啡香味唔係好突出,而且食嘅時候有D炭焦味,唔係好啱我口味。

Thai Sweet Chilli泰式甜辣醬($69/6隻)
呢個口味好好食,我諗我都係鍾意食濕身雞翼多D,每隻雞翼都沾滿泰式甜辣醬汁,甜辣惹味,雞翼肉質嫩滑多汁,令人食唔停口!

Spinach & Kale Salad 菠菜甘藍沙律配柚子醬 ($65)
沙律菜好新鮮,配上柚子醬,清新解膩!

呢度嘅外籍店員都非常有禮,但等候外賣期間仲會主動斟水,又細心提醒要盡快食用,服務好好!下次再嚟試下佢嘅雞翼放題先!

造訪日期: 2021年1月
    • 服務
    • 食物
1  感謝 missfoodieshk
該評論乃TripAdvisor會員主觀個人意見,不代表TripAdvisor LLC公司。
2021年1月26日 透過行動裝置

很久沒有出外吃晚飯。加上現在疫情關係很多食肆只可以堂食做到六點。之後只可以外賣。甚至有些店舖早早打烊收工!所以今次同朋友逛完街之後買外賣回家食。朋友介紹底下去了中環閣麟街樓上食店一齊叫外賣叫雞食。店舖裝修也有香港特色,牆上裝有霓虹光管的裝飾,地方不算很擠迫也可以望出窗外。令到空間感也覺得很舒服

我們點了三款雞翼,不同口味。有日本蜂蜜芥末雞翼- 蜜糖味濃郁配合芥末的刺激,食落口滿嘴甜甜微辣的感覺,雞翼味道外脆內軟,出奇地清新不辣。
巴馬臣芝士蒜蓉雞翼 - 雞翼鋪滿巴馬臣芝士及蒜茸,濃郁香惹鮮香脆嫩。
新加坡辣蟹味雞翼 - 雞翼炸得香脆配合廖生辣椒粒,令到雞翼的賣相更加好看,還添增添了雞翼的辣味,食到口裏隨之帶有刺激的辣味。另外蒜蓉粒炸得香脆塗抹在雞翼上,香味濃郁,再配合番茄醬的醬料令這款雞翼的味道濃郁濕潤。
總括來講乾和濕的味道及感覺,我個人比較鍾意濕身的比較好吃。而蜂蜜芥末雞翼是我的至愛。

造訪日期: 2021年1月
感謝 Dobbyszeto S
該評論乃TripAdvisor會員主觀個人意見,不代表TripAdvisor LLC公司。
2021年1月24日

今日去中環買禮物送給朋友,走著走著已經很晚了,所以想外賣食物回家加餸。聽朋友說,中環有間雞翼店很好吃,恰巧我又走到擺花街附近,就順便來WingMan,試試它的炸雞翼啦。

雞翼原來有好多花款,口味多到不得了,分為乾身、濕身和特製雞翼。由於想外賣回家,選擇乾身雞翼,就不怕會被醬料弄腍雞皮啦。

Cajun Spice chicken wing $69/6隻

我一向愛食紐澳良香粉的炸物,cajun fries 是我常食的薯條口味。炸至金黃的雞翼,外皮脆卜卜,香料粉味濃,加上有少少辣,好惹味。

Bling gold chicken wing $88/6隻

超誇張的黄金雞翼,好有型好有氣派,新年同親友相聚拎出嚟,一定令全場興奮不已啊。真正金黄雞翼,除了炸至金黃色,更灑上金粉,好誇張啊。

造訪日期: 2021年1月
感謝 foodieduffy
該評論乃TripAdvisor會員主觀個人意見,不代表TripAdvisor LLC公司。

去過Wingman嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。