同朋友喺銅鑼灣食完晚飯，想搵間酒吧飲杯嘢傾下計，嚟咗呢間由日藉調酒師開嘅b.a.r. Executive Bar。呢間酒吧係百樂中心嘅27樓，入到去燈光昏暗，幾有氣氛，私隱度算幾高，雖然座位唔多，但係我哋好好彩咁啱星期五晚walk in都有兩張對住吧枱嘅位，可以望住調酒師嘅沖Cocktail表演。成間bar由一個日藉調酒師主理，佢會用英文去幫你揀到啱你口味嘅cocktail，呢間bar主打日本產whisky，吧枱後面擺滿林林總總嘅whisky，所以我哋都揀咗兩杯用whisky做base嘅酒。Japanese Whiskey Sour 呢杯幾重whisky味，同時亦都加咗濃縮嘅檸檬汁同糖漿，令到杯酒酸酸甜甜苦苦咁，多重口感。Peach Bellini Cocktail呢杯相對上whisky味冇咁濃，用日本進口嘅水蜜桃打爛成沙冰咁嘅質地，飲落去其實酒味唔係好出，好似飲緊蜜桃沙冰咁，啱哂酒量唔太好但又鍾意喺酒吧同朋友傾偈聚會嘅人！
銅鑼灣耀華街3號百樂中心27樓
位置就腳：
餐廳環境：
食物味道：
整體CP值：
2
0
0
0
0
