呢間餐廳除咗主打海鮮及和牛燒肉放題外,仲有得揀午市定食套餐,依家仲做緊二人同行一人半價優惠,咁就梗係揀定食套餐啦
定食選擇都幾多,刺身或燒肉類定食都有,認真花多眼亂而且所有定食都包括沙律、白飯、味噌湯、蒸蛋、甜品及飲品,非常豐富沙律有菜絲、粟米及車厘茄,加入芝麻醬後幾開胃白飯就選用珍珠米,但味噌湯就鹹咗啲蒸蛋混入冬菇一齊蒸,並係蛋面淋上蟹柳絲製成嘅芡汁,口感好滑,味道幾好飲品有十幾款可揀,選擇都幾多甜品係朱古力泡芙,味道不過不失
岩手產黑毛和牛壽起燒佐時令刺身三點($168)
半熟嘅黑毛和牛及生雞蛋睇見都流口水,賣相真係好吸引和牛入口非常軟嫩,將生雞蛋拌勻一齊食,口感就更加滑溜,味道一流另鍋底有娃娃菜、金菇及冬菇等,菜及菇類吸收咗充滿牛香及甜甜地嘅湯汁後,好味之餘又好下飯最後成鍋清晒,一啲都無剩
刺身有油甘魚、三文魚及甜蝦,三款刺身都幾新鮮,油甘魚仲幾肥美刺身質素好過其他日式放題餐廳
岩手產照燒黑毛和牛扒($278)
黑毛和牛扒烤至medium rare,不但油脂分佈均勻,口感又腍又juicy而且更切成條狀,真係好啱我呢啲唔鍾意揸刀叉嘅爛鬼另照燒汁味道甜甜地,超好下飯
定食豐富又好味,仲能以實惠價錢食到高質魚生及和牛,真係唔錯
是否擁有或管理此物業? 免費領取您的清單,即可回應評論、更新個人檔案和更多。