我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“四季外賣”
四季良晨的評論

四季良晨
使用外送服務
香港排名第5 (共218家小吃)
價位: US$7 - US$13
周圍地區: 西貢
餐廳詳細資料
周圍地區: 西貢
2 週前評論

呢排成日做外賣妹,發現外賣員唔易做。之前食過寶琳呢間四季良晨有好多台灣美食。屋企有煲飯,所以我主要叫小食。

酥炸排骨滷肉飯 ($59)
有成碗排骨份量都唔少!啲排骨同雞拎到返去仲有少少脆,用氣炸鍋整返熱就更好味。滷肉飯味道適中,唔會太咸。

鹽酥雞排 ($38)
呢個都好大份!應該有一整塊,同我塊面一樣咁大。啲肉質唔錯、唔鞋。

381煎餃子($28/4)
店員話呢隻餃子好多人叫,所以我又試下。

鹽酥花枝丸($26/3)
平身覺得廿幾蚊三蚊有啲貴,但原來佢好大粒!幾煙靭、好!

桂花雞翼 ($26/3)
係炸雞翼配上桂花汁,我之前都冇食過。甜甜地咸咸地幾過癮!

滷水雞翼 ($26/3)
冇乜特別嘅滷水雞翼,但係都幾好味。佢啲雞真係幾滑。

飲品
屋企啲細中意飲嘢,所以叫咗兩杯嘢飲。
阿華田芝士奶蓋 ($25)
我叫咗少冰少甜,阿華田唔使我介紹啦,個奶蓋唔錯,芝味無窮。本身我食完飯想飲唔見咗,原來係我細佬偷偷地拎咗入房飲曬!

黑糖珍珠鮮奶 ($29)
我叫咗熱嘅,好温暖。鮮奶味香濃,配搭黑糖一流,我真係未試過難飲嘅黑糖珍珠鮮奶。

造訪日期: 2021年2月
感謝 catigerfoodie
該評論乃TripAdvisor會員主觀個人意見,不代表TripAdvisor LLC公司。
發表評論評論 (132)
旅客評等
旅客類型
月份
語言

10 - 14 則評論,共 132

3 週前評論 透過行動裝置

今日放學經過寶琳新都城,屋企人話唔想煮晚飯但係而家又有六點禁堂食‍♀️就打算買外賣返屋企~見到呢間台灣餐廳感覺幾正就嚟試吓~佢有唔同款式嘅台灣菜,價錢經濟又實惠唔錯

秘罈酸菜魚湯飯$68
係冬日限定嘅酸菜魚☺️辣辣地嘅酸菜魚,仲有好多娃娃菜,酸菜等等~好濃郁嘅湯底酸菜魚幾新鮮酸酸地,幾正

煲仔塔香三杯雞$52
好香好濃郁嘅三杯雞調味幾好送飯一流☺️三杯雞肉質幾滑食落啖啖肉

滷水雞翼五隻$42
雞翼大大隻滷水味幾濃☺️鹹鹹地,同樣好好送飯

台灣烤香腸$28
好鍾意食台灣腸佢切成一片片薄片,食落己有咬口

涼拌黑醋茄子$8
有三個大大嚿茄子平時好鍾意食茄子呢個茄子中間有啲肉碎醬料,配埋黑醋,酸酸地又鹹鹹地,好好味

黑糖珍珠鮮奶熱少甜$29
叫咗少甜,其實都仲係幾甜好濃嘅黑糖味☺️鮮奶味都幾濃郁珍珠咬落幾彈牙軟軟淋淋,唔錯

芝士奶蓋阿華田凍半甜少冰$25
好濃嘅阿華田味叫咗半甜,所以比黑糖珍珠鮮奶感覺冇咁甜~表面嘅芝士奶蓋幾香幾滑口感幾好☺️

餐廳職員嘅服務態度好好值得幫襯

造訪日期: 2021年2月
感謝 ahomemadefoodie
該評論乃TripAdvisor會員主觀個人意見,不代表TripAdvisor LLC公司。
3 週前評論 透過行動裝置

寶琳依間「四季良晨」主打地道台式料理、特式小菜。

特盛秘罈酸菜魚,份量多,魚片滑嫩,味道鮮甜,內有大量酸菜、芽菜、辣椒,口感爽脆,湯底味道正宗,食落好惹味。

紅綠豆薏米黑糖冰仙草,冰仙草口感滑溜,配以黑糖食用,味道香甜,底部內有大量紅豆、綠豆、薏米,好足料。

涼拌貓耳朵,口感爽滑,味道酸辣,食落好入味。

手拍小黃瓜,小黃瓜充滿蒜蓉味道,食落好香口。

仙氣火龍果茶少甜少冰,採用鮮榨紅肉火龍果果汁製作,味道清甜,茶味濃厚。

黑糖珍珠鮮奶少甜少冰,黑糖味道濃郁,珍珠口感煙韌,鮮奶口感細滑,奶味醇厚。

造訪日期: 2021年1月
感謝 ohysf
該評論乃TripAdvisor會員主觀個人意見,不代表TripAdvisor LLC公司。
4 週前評論 透過行動裝置

四季良晨幾時去食都好抵所以我都外賣走
.
煲仔·塔香三杯雞定食雞件多,三杯味濃度適中仲有啲香葉洋蔥等配黑芝麻珍珠米
.
滷水蛋牛腩滷肉飯牛腩大嚿軟稔,仲有原隻切半滷水蛋娃娃菜同蘿蔔接住食啖滷肉飯正爆
.
海底椰無花果燉雞燉湯(2 客)用咗海底椰、無花果、燉雞蘿蔔、粟米超級足料養生補氣,促進消化
.
上湯浸時蔬(2 客)娃娃菜鮮甜
.
紫菜魚丸湯魚丸彈牙同紫菜湯好夾
.
滷水豆腐豆腐經長時間燉煮,滷得好入味
.
紫薯薏米黑糖仙草有紫薯、珍珠、椰果、仙草、黑糖冰香甜豐富
.
夏日冰漾鮮果茶果味同茶味兼備有檸檬、青檸士多啤梨藍莓西柚、火龍果
.
芝士奶蓋阿里山金萱芝士奶蓋鹹香軟滑阿里山金萱清香帶甜

造訪日期: 2021年1月
1  感謝 0907kinki
該評論乃TripAdvisor會員主觀個人意見,不代表TripAdvisor LLC公司。
4 週前評論 透過行動裝置


1. 腱心牛肉麵 $51
個牛肉麵係咁多樣最好食 牛肉肉質幾嫩 索埋啲紅燒湯底 厚薄適中 幾好食 個麵都幾彈牙 幾鍾意佢唔係個啲粗身麵 幼啲入口易啲又掛湯啲 推介呢個麵 仲要份量都多 抵食之選

2. 拉絲芝士火腿蛋餅 + 地瓜條 $40
個蛋餅同平時食開嘅比較唔同 皮係偏厚身同Q彈 不過芝士同蛋香味濃郁 係邪惡之選 至於地瓜條係比較實在嘅口感 滿滿蕃薯味

3. 鹽酥雞排 $38
炸到好酥脆 但唔會好乾 而且有好多舊 咸香咸香 呢個價錢好抵食

4. 桂花雞翼 $26
好特別 佢有個甜甜地嘅桂花醬汁俾你點 上面仲有小小桂花 都幾清新 個雞翼又大大隻 炸到好香好脆

5. 鹽酥花枝丸 $26
有三大粒 粒粒都好大粒 入面仲食到啲八爪魚粒 有料到 出面又炸到好脆 推介啊

6. 台式肉鬆吐司 $20
上面鋪滿肉鬆 鍾意食嘅我十分滿意 仲要有啲沙律醬撈埋 邪惡啊又 不過好好味

7. 鐵觀音珍珠奶茶 $23
真係有個茶包係入面 鐵觀音味濃 珍珠偏淋 不過茶味香濃 都唔錯

8. 蜜桃烏龍蘆薈 $19
好fresh 勁多蘆薈粒 烏龍茶味香濃 可能因為又係加左茶包 再加埋蜜桃甜味 係幾正 幾解膩

Overall推介指數:4/5
樣樣都廿幾三十蚊 所以可以樣樣都叫少少黎食 叫到成枱都係 個個都以為我係大胃王 但係其實都唔算好多 但係好滿足 如果路過個邊想食台灣野就可以試下呢間

造訪日期: 2021年1月
感謝 jennycheung1998
該評論乃TripAdvisor會員主觀個人意見,不代表TripAdvisor LLC公司。

去過四季良晨嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
US$USD
台灣
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。