我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“又到四季良晨”
四季良晨的評論

四季良晨
線上訂購
香港排名第6 (共211家小吃)
價位: US$7 - US$13
周圍地區: 西貢
餐廳詳細資料
周圍地區: 西貢
2020年6月30日 透過行動裝置

又到將軍澳新都城中心二期的四季良晨吃午餐, 餐廳午飯時段超多人, 座位當然坐得比較迫夾。 今次午餐有特盛四寶麵$78、 三拼牛肉飯定食$76、 台灣烤香腸$28、 小食雙拼跟餐$15~ 滷水蛋&手拍小黃瓜、 夏日水漾鮮果茶$25、 黑糖珍珠鮮奶$24。✨✨

特盛四寶麵~ 有豬手、牛展、墨魚丸&滷水蛋, 最正是豬手非常軟腍, 紅燒湯底又惹味, 大大碗非常豐富。

三拼牛肉飯定食~ 有牛肉、牛丸&牛腩, 全牛宴, 適合喜歡吃牛的朋友, 定食還有上湯浸時菜, 味道清甜。

台灣烤香腸~ 烤腸帶蒜香的味道, 甜甜地好好味!

滷水蛋&手拍小黃瓜~ 跟餐加$15,好抵吃! 尤其是小黃瓜酸酸甜甜, 非常開胃。

夏日水漾鮮果茶~ 水果茶解渴清新, 酸甜好喝。

黑糖珍珠鮮奶~ 黑糖配鮮奶味道很夾, 點了小甜, 甜度剛剛好。

四季良晨價錢適中, 喜歡吃台灣菜的朋友可以來試一試。

四季良晨
地址: 將軍澳貿業路8號新都城中心2期UG樓UG051F號舖

造訪日期: 2020年6月
感謝 Victoriay_eatwithvic
該評論乃TripAdvisor會員主觀個人意見,不代表TripAdvisor LLC公司。
發表評論評論 (77)
旅客評等
旅客類型
月份
語言

5 - 9 則評論,共 77

2020年6月22日 透過行動裝置

今日過左新都城行街,行到攰又過黎食台灣麵!都係一如既往咁多人,但流轉得都幾快,所以等既時間都唔算好耐!
三盛牛肉麵
牛丸、牛腩、牛展集於一身既三盛牛肉麵,紅燒湯底濃郁,好有台灣本地既風味,份量好大碗,而且麵質彈牙有蛋香,值得一試!再追加隻滷水蛋,同樣滷得入味,正!
酸菜紅燒肉麵
紅燒肉肥瘦分明,湯底同樣選擇左紅燒湯,紅燒肉配紅燒湯呢個組合一定最夾! 酸菜係呢個麵度作為調味確實一流,可以中和到紅燒肉既膩感,完美配撘!
煎餃子
皮唔算好薄,但因為煎得香脆,而且食落有D煙韌感,好有咬口,內餡肉汁豐富,汁液係一咬開就必出黎,點埋醋食好好食!
台南手工餡餅
又一必點之選,兩塊大大既餡餅,同煎餃子略為相似,但因為外形為大餅,咬落口感更好而且每啖都咬到肉餡,感覺好滿足!
夏日水漾水果茶
甜度剛好,入面有火龍果、藍莓、西柚、檸檬等鮮果,解渴又好飲!
黑糖珍珠奶茶
黑糖煮得好香,同奶茶比例適中,珍珠份量好足,煙煙韌韌冇得輸!

造訪日期: 2020年6月
1  感謝 catcatbobo
該評論乃TripAdvisor會員主觀個人意見,不代表TripAdvisor LLC公司。
2020年6月16日 透過行動裝置

之前朋友介紹呢間台灣菜好食今晚就黎試下,入門口會量體溫,商場又有嘢行食飽行下就啱曬。
首先推介台灣腸,份量都幾多,切左薄片可以一啖食方便啲,香腸醃得好入味入口鹹香,有少少微辣又惹味。
滷水牛肚係朋友推薦,結果真係幾好味,切得細細條,滷水香味很足夠,最重要就係佢滷得夠稔呀!個人認為呢樣非常重要,因為平時好多都太大舊好難扯開,呢到就啱啱好啦!
炸花枝丸好大粒,口感彈牙,唔係溝左好多粉漿個啲,外皮炸得香脆。
豆乳飲品好正,搭配珍珠係新嘗試,估唔到係個幾好既驚喜,一次過滿足我兩個願望,就係食珍珠同飲豆漿,仲有凍熱比你揀添。

造訪日期: 2020年6月
感謝 Tifff_foodie
該評論乃TripAdvisor會員主觀個人意見,不代表TripAdvisor LLC公司。
2020年6月15日 透過行動裝置

見到咁多好評,梗係要黎試下!岩岩坐到個角落位,仲有好靚嘅花花裝修
左:仙氣火龍果茶 $25
右:黑糖仙草凍鮮奶 $24
價錢好親民而且2杯嘅甜味都唔似糖水味,真村實料
跟餐+$15 簡左手拍小黃瓜紫菜貢丸湯
鹽酥花枝丸 $26
桂花雞翼 $26
大家都鐘意食炸嘢花枝丸好大粒!外脆內軟~雞翼係一隻都食唔到!應該好好味了
紅燒牛筋三寶麵 $69
超級大碗!好足料,分別有牛肚、牛腩、牛筋 而且麵分量好多,又彈牙
鹽酥雞扒滷肉飯 $59
雞扒炸得剛剛好,加埋肉噪,突然覺得食左好多肉添
總括而言,E間餐廳價錢親民,食物質素高,值得再黎❤️

造訪日期: 2020年6月
感謝 sandyma00000
該評論乃TripAdvisor會員主觀個人意見,不代表TripAdvisor LLC公司。
2020年6月14日 透過行動裝置

今日突然間又想食台灣嘢,行過見到呢間餐廳啲嘢食好似幾精緻,咁就一於試下啦。

好耐冇食飯嘅我,見到有滷肉飯都想食下,所以就嗌咗個晚餐,晚餐包咗個燉湯同埋上湯時蔬,而我就揀咗炸排骨。佢啲豬扒幾好食,炸粉唔會太厚,啲豬扒都幾腍。

而佢個滷肉飯都幾好食,啲汁夠晒香。

而男朋友就嗌左個雞翼雞肉飯,個雞肉飯相比起滷肉飯會清少少,但係感覺好似健康啲。

佢啲滷水雞翼幾入味,最重要係啲雞翼大大隻,好抵食。

而佢個燉湯都幾好飲,係冬瓜薏米煲豬骨,佢啲冬瓜真係好好食,又甜又冇渣,呢個燉湯都真係冇味精㗎。

另外我哋仲嗌咗兩個小食,其中一個係麻辣貓耳朵,佢啲木耳仔都幾爽口,而個汁都啱啱好,唔會太辣。

另外仲有一個麻辣牛肚,不過呢個麻辣牛肚感覺就辣咗少少,淨係食到辣味。

而飲品我哋就試咗蜂蜜檸檬蘆薈同埋蜜桃烏龍蘆薈,呢兩杯入邊都有粒粒蘆薈食,飲落又唔會太甜,個茶底都幾香㗎。

造訪日期: 2020年6月
感謝 malkayiu
該評論乃TripAdvisor會員主觀個人意見,不代表TripAdvisor LLC公司。

去過四季良晨嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單