我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“酒店內小越南🇻🇳”
Fuhn的評論

Fuhn
使用外送服務
香港排名第1,311 (共15,446家餐廳)
周圍地區: 佐敦/油麻地
餐廳詳細資料
周圍地區: 佐敦/油麻地
2021年6月9日 透過行動裝置

約咗朋友喺逸東酒店食飯,最鍾意入邊嘅一個小food court,不同種類嘅菜式應有盡有,尤其係越南菜,今次見到轉左餐牌,就決定食下新菜式

餐牌設計得好清楚,仲有圖做參考,有不少新出嘅菜式~

越式扎肉撈金邊粉~
平時撈檬粉食得多,撈金邊粉第一次食,質感比起平時檬粉更煙韌,撈埋特製醬汁,按個人需要控制分量,味道酸酸甜甜的,調味剛剛好,不會過鹹~扎肉份量很多,絕不會唔夠餸,仲跟咗一隻煎荷包蛋同埋不少沙律,感覺好refresh,係炎炎夏日嘅開胃良菜~
加咗少少錢轉左set,包左兩件春卷,同一杯飲品,春卷剛剛炸起,外皮仍然保持香脆,內裏的素菜即仍然是熱辣辣的,軟軟的質感與香脆的外皮形成強烈對比,點埋醬汁食味道更豐富~

火車牛魔粉~
越南菜怎能少得牛肉河粉,牛肉湯底尚算清甜,有大量不同的牛肉製品,滿足了喜歡食不同牛肉部位的願望牛腩軟腍,牛柏葉則夠爽脆,而牛丸汁夠厚實彈牙,一碗麵食到不同層次的口感,配合嫩滑的河粉,即使係女仔都會不知不覺食晒成碗

自家製手打蝦餅~
驚喜之作,想不到賣相如此有光澤,而且剛剛炸起外皮依然十分香脆和熱辣辣,內裏的蝦肉則十分嫩滑,更食到粒粒彈牙的蝦肉,點埋醬汁酸酸甜甜更是開胃

牛油果奶昔~
和同樣是最愛的食物,今次組合起來為我帶來意想不到的驚喜,牛油果融入於奶昔當中,味道不會過甜,有清新的感覺,質感亦十分creamy,從喉嚨滑過時帶來透心涼的感覺,是消暑良品☺️

造訪日期: 2021年5月
感謝 tummyfoodie
該評論乃TripAdvisor會員主觀個人意見,不代表TripAdvisor LLC公司。
發表評論評論 (20)
旅客評等
旅客類型
月份
語言

10 - 14 則評論,共 20

2021年6月9日 透過行動裝置

Fûhn (香港逸東酒店) (佐敦)
佐敦彌敦道380號香港逸東酒店LG樓3號舖

黎到逸東酒店staycation ,但套票吾包晚餐咁就出去行下搵食,無意中發現Basement 有好大個美食廣場,咁就行個圈睇下有咩食。選擇好多,樣樣都好吸引❤️最後簡左食銅鑼灣都有分店嘅獨特北美文化越南PHO 餐廳。

火車牛魔粉(HKD 98):識食一定趁湯還是滾動時,把美國生牛肉片浸入湯入面,之後再試一試啖帶有牛香的清甜湯頭,矜貴嘅牛坑腩牛味香濃肉質軟腍、手打牛丸彈牙、牛筋片、牛腩邊充滿骨膠原、有口感的牛柏葉,按個人口味加入新鮮越南香菜、豆芽、辣椒粒調味,提升另一層次。PHO份量有點多,幾乎食吾曬。

香茅雞扒撈檬(HKD 68):熱辣辣嘅天氣,食一碗酸酸甜甜撈檬至爽不過,香茅雞扒香茅味突出,雞扒煎炸至嫩滑多汁,加埋魚露撈檬汁,酸酸甜甜好開胃,配埋適量沙律菜做伴碟好健康。

+HKD 16升級套餐(春卷+沙律+飲品凍奶茶):新鮮沙律菜加上胡麻醬好味春卷炸至香脆。

椰青(HKD 48):飲完透心涼的椰青,清甜而細膩,大自然的味道,仲可以用匙羹慢慢食嫩口椰肉做甜品。

香茅牛油雞翼(HKD 58): 略嫌香茅味吾夠
突出,但雞翼充滿蒜蓉香,大量乾蒜蓉粒係表面,食個陣小心辣口,熱辣辣,仲有自家製醃酸蘿蔔青瓜做伴碟, 解一解油膩感。

總結:
美食廣場高質越南湯河
湯頭清甜鮮辣

#逸東酒店#美食廣場#LG層#越南河粉#fuhnhk# 火車牛魔粉#香茅雞扒撈檬#椰青#香茅牛油雞翼

造訪日期: 2021年5月
感謝 SANDRAFUNG
該評論乃TripAdvisor會員主觀個人意見,不代表TripAdvisor LLC公司。
2021年6月2日

原來逸東酒店Basement 有個好大嘅Food court! 一路行落去好有花樣年華feel! 懷舊木系設計加上圓型計好特別!行一個圈就諗倒食咩好! Food Court選擇多而且種種都好吸引!落住雨又凍凍地所以最後揀左食越南河

美國安格斯生牛肉河粉 $65
拎餐時真係好驚喜,兩碗河粉都係超級大碗同擺盤好靚,清晰透明嘅湯底,特多牛肉同大量洋蔥同蔥花!先飲一口湯!湯頭肉味濃郁,肉香而唔油膩!安格斯生牛肉肥瘦均勻份量足,每片都有肉香同超淋,河粉爽滑,一啖河粉一啖湯超級正!

️自家製特濃雞絲湯粉 $80
奶白色嘅特濃湯底,除左雞絲之外,配料有自家製雞肉丸同鵪鶉蛋,同埋大量洋蔥同蔥花,湯頭濃厚清香而不膩!自家製雞肉丸好驚喜!軟綿綿帶有點微辣好好食雞絲肉質剛剛好唔會太硬,河粉份量多!
炸軟殼牛油果沙律 $88
炸軟殼蟹牛油果沙律賣相超吸引!全隻大大隻炸軟殼蟹,酥炸鬆脆咬落去啖啖肉仲唔油膩 !加上酸醬配牛油果同沙律菜一齊食立即好fresh!

造訪日期: 2021年6月
1  感謝 TravelbyChinss
該評論乃TripAdvisor會員主觀個人意見,不代表TripAdvisor LLC公司。
2020年10月19日 透過行動裝置

經常外出用膳, 有時真係食到唔知食乜好, 星期六晚上揸車到旺角太子道西的新世紀廣場吃晚飯, 原來這裏三樓有一個food court, 一於入去睇下。 當晚想食粉類, 很快就揀好試Fûhn Express, 晚餐有火車頭湯粉$65、 生牛肉湯粉$49、 越式扎肉串$19、 扎肉紙米卷$38。

火車頭湯粉~ 有牛丸、生牛肉和牛柏葉, 以火車頭湯粉來計, 配料算少, 整體味道不過不失。

生牛肉湯粉~ 生牛肉湯粉最重要是湯底夠熱, 但可惜這款湯底只是暖, 金邊粉份量多, 但還是一餅餅, 較難把金邊粉分開。

越式扎肉串~ 扎肉串有兩條,味道可以。

扎肉紙米卷~ 紙米卷裏面有一條很細很幼的紮肉, 跟整條紙米卷不成比例。

整體而言各方面質素普通, 之後還走到Food Opera 的水吧買了兩杯飲品, 味道也是一般般。

Fûhn Express
地址: 旺角太子道西193號MOKO新世紀廣場3樓食代館9號舖

造訪日期: 2020年10月
感謝 Victoriay_eatwithvic
該評論乃TripAdvisor會員主觀個人意見,不代表TripAdvisor LLC公司。
2020年6月21日 透過行動裝置

It's time for my afternoon tea❤️☕️
.
.
越南 又係香港人一個旅行熱門地。你又愛嗎?旅行就係要到處探索,吃吃當地既美食,其實越式口味,都幾岩我地既口味,真係又平又好味。
.
疫情關係 仲未通關,其實香港美食 真係無處不在。今次比我發現 原來九龍逸東酒店內,都有好多唔同餐廳,形式就似foodcourt 可以隨自己喜歡 點選當刻既餐點。今次teatime 想食越南野。
.
l[越法蝦堡+咸蛋黃薯條套餐]l $98
l[越式法包(全條)+咸蛋黃薯條套餐]l $98
.
Tea Time 吃點東西,來@fuhnhk 吃個越式包點吧。平時好少食包既我,點解會吸引我❓因為我知道呢度既越法蝦堡 & 越式法包,都係自家秘製架,當然要來試試吧。
.
蝦堡 既蝦 好厚身,而且又夠彈牙,麵包夠軟熟,加上蕃茄、洋蔥、芝士、生菜,一口好rich。而法包 好似潛艇咁大,包比較乾身,但配埋秘製醬汁辣辣地,味道都不錯,而且份量不少呢。
.
.
呢度咖啡 仲係按照越式傳統做法,沖調出黎既滴漏咖啡☕️,味道比一般香濃呢。暫時去唔到越南,黎呢度喝一杯正宗咖啡 relax一下吧。
.
.
✨Fuhn佐敦店✨ 最近仲推出優惠啊:
逢星期1-4下午3點後,首20位食客 只要叫新推出 l[越法蝦堡加咸蛋黃薯條套餐]l,或者 l[越式法包(全條)加咸蛋黃薯條套餐]l,就可以任食咸蛋黃薯條啊啊啊。真係可以食唔停‼️
.
.
×××[Fûhn (逸東酒店地下)]×××
©佐敦彌敦道380號香港逸東酒店LG樓3號舖
.
.

造訪日期: 2020年6月
感謝 Wincyholic
該評論乃TripAdvisor會員主觀個人意見,不代表TripAdvisor LLC公司。

去過Fuhn嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。