我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“Nice place for lunch”
Queen's Kitchen的評論

Queen's Kitchen
訂位
線上訂購
香港排名第6,670 (共13,941家餐廳)
餐廳詳細資料
2020年6月4日

餐廳好似私房菜咁,有開放式廚房,
所有嘢都做得好精緻~
有家的感覺
餐廳環境舒適 座位都幾多,
而且仲有梳化位 窗外環境幾開揚

Lunch menu主要有六個選擇 揀咗一個主菜之後,餐前小食、湯同埋甜品就自己feel free出去拎

炒金邊粉配料主要有雞肉、芥蘭、蛋、甘筍 每啖食到唔同嘅配料
金邊粉非常彈牙 like煙韌 而且份量好多。
我鍾意佢夠乾身, 唔會好似d港式炒粉麵咁油林林

是日有青木瓜沙律 酸酸甜甜 又夠清爽
啲細細的蝦米仔~花生~甘筍絲~車厘茄同青木瓜好夾!
滿滿嘅泰國風味 冬陰公湯都好好味!
好足料! 有好多雞件,香葉等等 飲落酸酸地,之後又有小小甜味,小小辣味,鍾意飲冬陰公湯嘅一定要來試試

飲品係另外散叫既 要左青檸梳打
唔會太甜,又夠氣 一個字

造訪日期: 2019年8月
    • 划算度
    • 服務
    • 食物
感謝 Kennis D
該評論乃TripAdvisor會員主觀個人意見,不代表TripAdvisor LLC公司。
發表評論評論 (3)
旅客評等
旅客類型
月份
語言
2019年8月29日 透過行動裝置

終於找到一間有靚景又好味嘅泰菜,餐廳裝修雅緻, 遠眺九龍公園 , 在夜景的襯托下,感覺特別高貴優雅,果然名符其實!

天氣炎熱,當然少不免要飲吓啤酒消消暑,泰國象啤順滑易入喉,冰爽感覺!

金錢魚餅$108 ~ 魚肉爽滑冇腥味, 風味獨特,滋味滿分!

泰式女婿蛋 $78 ~ 菜式名很有創意, 雞蛋沾上麵粉脆炸而成,開邊後再鋪上炸蒜粒,椒粒等,再配上特製酸甜汁, 份外吸引!

椰香咖哩雞$148 ~ 咖哩香氣四溢,辣味適中, 雞肉嫩滑唔嚡口, 加上香脆薄餅,絕配!

蝦醬炒通菜$98 ~ 蝦醬香濃惹味, 通菜新鮮爽口, 普通一道菜也可以色香味俱全!

造訪日期: 2019年8月
感謝 renbyau
該評論乃TripAdvisor會員主觀個人意見,不代表TripAdvisor LLC公司。
2019年4月10日

港人愛吃泰菜的程度,可能僅次於廣東菜或日本菜。其實想在香港找一間好吃的泰國菜館,一點也不難,只要到有「小泰國」之稱的九龍城走一轉,就有不少泰國菜餐廳任君選擇。不過,想品嚐傳統的泰式滋味,卻不是那麼容易!最近友人就推介我一試這間「皇后泰國廚房」,據說餐廳原本是一家烹飪教室,去年搖身一變成為餐廳,以供應地道家常泰菜為賣點。

餐廳位於尖沙咀廣東道 116-120 號海威商業中心 16 樓,甫踏進店,即被場內環境吸引。店內地方頗大,座位非常寬敞,大廳旁邊設有一個大型的開放式廚房。細看四周,裝潢簡約,完全沒有浮誇炫目的擺設,只以幾盞大型的水晶吊燈作點綴,感覺如家般舒適與溫馨。

入座後,店員便隨即送上餐牌及餐前小食。

翻開餐牌,食物分門別類,除了有不少大家耳熟能詳的泰國菜式,如沙嗲雞肉串、泰式雜錦炒河、香辣黃咖喱蟹等之外,仲有多款坊間不常見的泰國地道美食,選擇非常豐富。我地揀左兩款小食、一個檬粉,一客咖喱雞金麵同兩杯飲品。

飲品點了招牌泰式凍檸檬茶 ($38) 同斑蘭葉 ($28),凍檸茶採用泰國茶葉製作,茶味很香濃,而且濃度相當強勁,可以一直 keep 到飲完為止,加上巨形的冰粒亦是以茶雪成,所有就算冰粒溶了,茶味亦不會變淡。斑蘭葉飲品是餐廳自創,不但具保健功效,而且入口更帶獨特的天然芳香味,非常清新。

小食方面,揀左店員推介的泰式女婿蛋 ($78) 同泰式蝦蓉豬肉多士。女婿蛋據說是泰國常見的家常菜,是父母嫁女時烹製給入贅女婿享用的小吃,希望女婿以後善待他們的女兒,故稱女婿蛋。廚師先將雞蛋輕輕炸過,切半後再淋上以燈籠椒、洋蔥、羅望子及多款香料煮成的醬汁,入口外煙韌、內軟嫩,集甜、鹹、酸於一身,非常惹味。

至於呢款泰式蝦蓉豬肉多士 ($78) 廚師先喺麵包上鋪左原隻鮮蝦同豬肉碎,再炸至色澤金黃。蝦隻彈牙爽口,配上豬肉碎,嚼感豐富。多士比預期厚身,而且炸得火喉啱啱好,食落口感非常酥脆,完全無油膩感,蘸醬汁吃,鮮酸開胃。

呢款係傳統椰汁蝦肉菠蘿檬粉 ($148),成品用料非常豐富,碟底墊左涼拌檬粉,面頭鋪滿了新鮮的切片菠蘿、滑溜的魚片、手打魚丸、彈牙的蝦隻同熟雞蛋,再伴以蝦米碎同椰汁,食落口感非常清新,帶濃濃的菠蘿果香,鮮酸開胃,讓人食慾大增,很適合夏天享用。據說這道菜是源自古時設計給軍人的食物,集飽肚、開胃、健康於一身,吃罷令人暑氣全消。

至於壓尾呢款泰北清邁咖喱雞金麵 ($108) 食味亦非常之有驚喜,菜式採用了泰北地區極為常見的咖喱麵,以一半生麵、一半香脆炸麵,再配以雞腿、雞翼及自家製的咖喱湯底煮成。先嚐一口湯底,咖喱味濃郁辛香,但完全不覺嗆喉,反而帶陣陣雞湯的清鮮。蛋麵不算很彈牙,但食落亦絕不糊口,雞腿同雞翼味道亦不俗,食落既酥軟又入味,夾埋脆卜卜的油炸麵吃,滋味非常。

其實餐廳還有不少地道的泰國家常菜供應,下次有空會再來品嚐。

造訪日期: 2019年4月
    • 划算度
    • 服務
    • 食物
感謝 mjqueen7e
該評論乃TripAdvisor會員主觀個人意見,不代表TripAdvisor LLC公司。

去過Queen's Kitchen嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單