我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“限定嘅營養豐富紫甘藍粟米鮮肉餃~☺️☺️”
豐信餃子店的評論

豐信餃子店
香港排名第1,792 (共14,644家餐廳)
周圍地區: 旺角
餐廳詳細資料
周圍地區: 旺角
3 週前評論

小編在「豐信餃子店」剛開業嘅時候食過一次,
當時不太敢於新嘗試嘅我簡直係有意外嘅收穫,
完全覺得係發現左新大陸,
比起同區只忠於傳統嘅餃子店黎講,「豐信餃子店」餃子種類更多,
所以每次黎「豐信餃子店」,
都有種歷久常新嘅感覺~
我地有時仲會專誠黎買生餃子返屋企煮tim~

餃子有15款之多,
除咗較傳統嘅韮菜餃、椰菜餃、白菜餃,
仲有咖喱椰菜餃、雲耳椰菜餃、西洋菜餃、紫菜餃、素餃、芫茜餃、香菇餃、麻辣白菜餃、梅菜粟米餃、南瓜粟米餃、芝士粟米餃,
款式比較創新,
餃子每天新鮮製造,皮薄餡靚~
不過建議大家想買生餃子嘅話,可以打電話黎預訂先~
因為真係好多食客買生餃子,曾經見過有個足足買左五百幾蚊!
生餃子數量有限,賣晒就冇架啦!

推薦❗️ 涼拌藕尖($28)
如果鍾意食泡椒口味嘅話,就一定唔可以錯過!
藕尖鮮嫩爽口,酸香微辣,好惹味!

香煎豆腐($12/3件)
豆腐切成薄片煎香,
唔算太特別,豆味唔係特別重。

每次食煎餃子,芝士粟米餃都係我其中嘅首選,($39/7隻,$49/10隻)(煎餃加$2)
因為芝士粟米餃真係好適合煎黎食,
煎完之後餃子裏面嘅芝士呈半溶嘅狀態,「芝」味十足~推薦❗️

食湯餃,我地倆口子最愛吃紫甘藍粟米鮮肉餃($36/7隻,$45/10隻),
因為紫甘藍營養豐富,食落爽脆有口感!必試!推薦❗️
湯餃沿用自家煲製嘅老火湯—椰子海帶鮮雞豬骨湯,味道鮮甜~
而家仲有款新嘅酸辣湯底可以揀(加$9),
嗜辣嘅foodie唔可以錯過,真係幾惹味!
不過辣度就冇得specific。

每款餃子仲可以加配粉麵,
米線、米粉、幼麵、上海麵、出前一丁、薯粉都可以揀,
我地見到隔離枱食碗米線食得好似好滋味咁~
所以我地分別揀左米線和薯粉,
「豐信餃子店」採用嘅米線較坊間食開嘅煙韌,更掛湯!
配上真材實料嘅湯底就啱晒啦!
薯粉係比較幼身,不過都幾煙韌,不錯吃!

造訪日期: 2020年10月
    • 划算度
    • 服務
    • 食物
感謝 foodie_talk
該評論乃TripAdvisor會員主觀個人意見,不代表TripAdvisor LLC公司。
發表評論評論 (16)
旅客評等
旅客類型
月份
語言

1 - 5 則評論,共 16

4 週前評論

今日夜晚想食得清清地,呢度附近原來有好多餃子店,不過上網見到呢間好似唔錯所以決定食呢間!

餐牌有好多餃子選擇,仲有好多特別嘅味道。可以揀湯底或者係煎餃! 除咗餃子仲有好多小食,睇落都好吸引! 價錢方面真係好抵食,搞到樣樣都想試! 所以我哋兩個人嗌左一碟雙拼湯底餃子,一碟雙拼煎餃,三碟小食同嘢飲。

涼拌藕尖同埋羅漢果茶先上~
先上係有原因嘅,真係好開胃嘅小食!酸酸辣辣,又幾清新嘅感覺,而且越食越辣睇落去完全唔似辣,不過辣得幾過癮

羅漢果茶滋潤清熱,唔會太甜,感覺健康,真材實料。 跟住來到重點:呢度嘅餃子真係好好食!

韭菜鮮肉餃和紫甘藍粟米鮮肉餃(7隻) 配椰子海帶鮮雞豬骨濃湯底
食餃子之前可以先試下個湯,個湯本身得好鮮甜,係椰子海帶鮮雞豬骨濃湯,而且係冇味精,好健康! d餃子大大粒好足料!而且個皮好滑,唔會厚身! 煮得啱啱好,個皮有少少QQ地,唔會太硬或者太軟。 紫色嘅餃子係紫甘藍粟米鮮肉餃,好特別出面好少見,見到係新品嘅Menu所以決定試吓,而且紫甘藍都好吸引感覺好健康。食落幾爽脆,配上粟米口感豐富,不錯。 韭菜鮮肉餃呢個口味一定唔會輸,啖啖肉,用料新鮮,配湯底令到肉汁更加飽滿。

芝士粟米鮮肉餃和麻辣白菜鮮肉餃(7隻)
煎餃就完全係另一個感覺。 餃子一樣大大粒!煎得好香脆!比起湯底餃子更加香口惹味。 芝士粟米鮮肉餃和麻辣白菜鮮肉餃寫住係招牌,果然出色。用來做煎餃真係一流。 芝士粟米鮮肉餃嘅芝士好濃郁,熱騰騰仲有少拉絲嘅效果!而且都係好多肉汁!呢個口味強烈推介要食煎餃! 麻辣白菜豬肉餃唔算好辣,但係好香,麻麻哋好正,啱晒我呢啲唔係太食得辣嘅人。

全部睇落都好吸引!本身唔係特別鍾意食餃子嘅我都覺得好好食。我就比較鍾意食湯底餃子,冇咁油膩同健康啲,男朋友就比較鍾意食煎餃!個人覺得呢四隻口味都揀得好好

招牌秘製拼盤 + 甜蜜蜜雞中翼(3隻)
因為唔知道拼盤入邊有兩隻雞翼,所以我哋額外嗌多咗一碟,但係都清哂 秘製醬汁真係好出色好惹味同濃郁,偏甜甜地。加上芝麻喺面更加香口。 配料都好入味,包括有雞腎,牛展,蛋同埋雞翼。值得一提嘅係牛展同埋雞腎啖啖肉得來唔會鞋口。

今次第一次食,每一碟都好出色,特別係餃子同埋秘製拼盤。餃子好足料,而且大大粒,呢個份量兩個人都夠飽而且仲見到好多人會入嚟買生餃!下次一定會再返嚟食!

造訪日期: 2020年10月
    • 划算度
    • 服務
    • 食物
感謝 foodDJ
該評論乃TripAdvisor會員主觀個人意見,不代表TripAdvisor LLC公司。
2020年9月9日

餃子控必看❣️
放工即刻去好好彩唔洗掛隊呀但我入左去之後都一直有一定既人流如果想食既話不防早啲黎呀.
.
芝左粟米鮮肉餃 $36
我簡左煎餃(+2)真係煎得好靚就唔好食算就呃得下人更何況係好食既個餃子唔會話十分脆卜卜,但係呢每一粒餃子都好有肉汁☺️有啲意外驚喜❗️芝士味唔算十分重,但都有既仲可以拉絲,總括黎講性價比好高
.
咖喱椰菜鮮肉餃+素餃 $47
可能我中意食濃味野咖喱餃子我必定叫❤️咖喱味好夠,但如果加埋薯仔就開心好多.
素餃有香菇,木耳,雪耳組盒好特別香菇味好重,都好扎實❗️不錯
———————————-
豐信餃子店 (太子)
太子汝州街17號地下A號舖

造訪日期: 2020年9月
感謝 feimuihk
該評論乃TripAdvisor會員主觀個人意見,不代表TripAdvisor LLC公司。
2020年9月5日 透過行動裝置

一向都好鍾意食餃子,
呢日行過太子汝州街,
見到呢間豐信餃子店坐無虛席,
門外仲有唔少人排隊,一於試下~

餃子種類款式多,除左傳統款式,
仲有咖喱、麻辣、梅菜、南瓜、芝士等,
亦設有湯餃同煎餃供選擇。

自家製辣菜脯夠哂惹味,好開胃。

湯餃既湯底係紀無味精既
椰子海帶鮮雞豬骨濃湯,
飲落清甜濃郁帶點椰子味香。

每隻餃子都大大隻,
皮薄餡靚好紮實,
想試多款口味建議揀雙拼。

韭菜鮮肉餃拼香菇鮮肉餃
菜肉餡料比例均勻,
韭菜餃充滿辛香味,
香菇餃鮮美口感柔嫩。

莞茜鮮肉餃拼南瓜栗米鮮肉餃
鮮肉鮮甜又多汁,口感豐富,
莞茜餃荽味唔會過於強烈,
南瓜粟米香甜有咬口。

除左餃子亦有多款特色小食。

招牌秘汁拼盤
有金錢、雞腎、雞中翼、滷蛋,
秘汁滷得超入味,一次過試哂多款招牌小食。

涼拌海蜇
口感清爽有嚼勁,低脂肪又低熱量~

清熱潤喉羅漢果甘草茶
有消暑祛痰作用,甘甘地好好飲。

造訪日期: 2020年6月
感謝 heimenmen
該評論乃TripAdvisor會員主觀個人意見,不代表TripAdvisor LLC公司。
2020年6月14日

講食餃子,
好多人都會首選歷史悠久嘅「美味餃子店」,
不過小編最近發現左一間餃子店嘅餃子都相當唔錯,
仲有過之而無不及~

講餃子種類,
「豐信餃子店」就比較優勝,
餃子有14款之多,
除咗傳統嘅韮菜餃、雲耳椰菜餃、白菜餃,
仲有椰菜餃、西洋菜餃、紫菜餃、素餃、芫茜餃、香菇餃、咖喱椰菜餃、麻辣白菜餃、梅菜粟米餃、南瓜粟米餃、芝士粟米餃,
款式新穎,
而且每天新鮮製造,皮薄餡靚~
不過建議大家想買生餃子嘅話就打電話預訂先,
因為真係太好賣,
小編個日係8pm先去食,
不論係堂食或外帶,好多款都冇晒!
我最想食嘅南瓜粟米餃同咖喱椰菜餃都冇。

而味道方面,
「豐信餃子店」嘅湯餃同煎餃都好正!
全部都大大隻,皮薄,內餡十足,
而家全部都可以雙拼,想試多款口味都得!
韮菜餃鮮香,
雲耳椰菜餃口感一流,
芝士粟米餃好「芝」味,仲有少少拉絲感~
香菇餃好香口,啖啖菇香,正!
而價錢方面,就兩家相若。

食餃子,梗係要配自家製嘅辣菜脯,微辣惹味!
其實我就覺得兩家菜脯都好食嘅,
不過「豐信餃子店」嘅就相對冇咁油膩,感覺比較健康~

湯底各有特色,
「美味餃子店」沿用野葛菜生魚豬骨湯,
而「豐信餃子店」嘅湯底同樣自家煲製嘅老火湯—椰子海帶鮮雞豬骨湯,味道鮮甜~

「豐信餃子店」每款湯餃都可以配粉麵,
而且種類比較多元化,
除咗米線、米粉、幼麵,
仲可以揀上海麵、出前一丁、薯粉。

而家「豐信餃子店」除咗餃子之外,
仲有好多特色小食,
涼拌皮蛋呀,雲耳呀,酸薑流心皮蛋呀,甜蜜蜜雞中翼呀,
全部都自家製,少糖少鹽,無味精,值得一試!

如果第一次黎,想試晒多款小食,可以試下招牌秘汁拼盤($40)
有齊金錢、滷蛋、雞腎、雞中翼,
雖說係秘汁,但其實感覺似係滷水汁,
全部滷得都幾入味,不錯吃!

最後仲要左豆漿和羅漢果甘草茶,
羅漢果甘草茶甘甜滋潤,感覺好健康,
如果豆漿可以冇糖就好啦!

造訪日期: 2020年5月
    • 划算度
    • 服務
    • 食物
感謝 foodie_talk
該評論乃TripAdvisor會員主觀個人意見,不代表TripAdvisor LLC公司。

去過豐信餃子店嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
US$USD
台灣
© 2020 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。