我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“好有「味力」的冰室”
Mei Lik Cafe的評論

Mei Lik Cafe
使用外送服務
香港排名第3,869 (共15,296家餐廳)
餐廳詳細資料
4 週前評論

前陣子放假一天,和親愛的到鰂魚涌逛逛,剛好行過一間很多人排隊的冰室,我就建議入內光顧,因為想一想,已經有一段時間沒有吃過常餐和快餐了
-
這次光顧的冰室,從牆上的相框至食物,都散發出香港懷舊的味道,與店內招牌「味力香江」相互呼應中午套餐雖然選擇不多,卻是香港人常吃的快餐,一嚐會令人回味還有經典的常餐,無論食幾多次都唔會厭
-
1️⃣常餐 $45 + 芝士 $6
叉燒湯意粉是一道香港人才認識的湯麵,雖然煮法簡單,但是意粉都不能煮得太腍,叉燒當然是要半肥瘦,而今次品嘗的這個是可以滿足以上的要求北海道牛奶炒滑蛋很香很滑,睇到金黃色的外表已經流哂口水牛油厚多士烘得剛剛好,香脆多士配上融化的牛油是經典的絕佳配搭火腿和芝士普普通通,但是我獨愛他們合在一起的味道
-
2️⃣秘製沙嗲牛肉拌滑蛋飯 $58 + 煎蛋 $6 + 牛油奶多 $10
這個套餐都幾抵食,牛肉、滑蛋和飯同樣都很多,而且沙嗲汁又很惹味,啖啖飯都食得很滋味點多一隻煎蛋是因為我太為食牛油奶多是一道超級邪惡的小食,又甜又香又脆的口感,令人慾罷不能即使知道會超標,但都會忍唔住食哂佢

造訪日期: 2020年11月
    • 划算度
    • 服務
    • 食物
感謝 glassesgor
該評論乃TripAdvisor會員主觀個人意見,不代表TripAdvisor LLC公司。
發表評論評論 (9)
旅客評等
旅客類型
月份
語言

1 - 5 則評論,共 9

2020年12月20日 透過行動裝置

平時呢間野係lunch 時間係超多人排隊,今日過左lunch 時間黎食。唔洗等位,哈!

本來係想食常餐,但見到有下午茶就心思思想食其他,今次一次叫左3個餐

1.牛油果炒蛋配農夫包沙律菜$58
係茶記冰室內"牛油果"已經少見,佢仲配意大利甜醋同農夫包,個包小麥味好重,又有沙津菜,令我一度懷疑我入左一間西餐廳而唔係一間冰室。

2.吉列龍脷柳配沙律$48
呢碟最後最後先到,仲出緊煙,證明係即叫即製。
首先個龍脷柳比其他店鮮同冇腥味同「雪味」,配左他他醬,呢個他他醬有少少洋蔥(希望我冇錯),好特別!
呢個醬絕對做到平衡作用,中和油膩感。碟上的檸檬都唔洗用。
好食!而且份量足,成隻手掌咁大。推薦!

3.鮮茄火腿湯通粉$36
好濃蕃茄湯底,好多茄蓉。

總體呢間冰室一流,絕對可以再黎!

造訪日期: 2020年12月
2  感謝 eating t
該評論乃TripAdvisor會員主觀個人意見,不代表TripAdvisor LLC公司。
2020年10月20日

躲懶唔返工,瞓到自然醒,同老公兩個去食下午茶。唔想行太遠,揀咗呢間離屋企只需 10 分鐘路程嘅「味力冰室」。

其實呢間餐廳都開咗有一段日子,不過一直未幫襯過。門面以粉藍色系為主調,既清新又不失利落感。

至於店內裝潢亦充滿魅力,設計融入了懷舊元素,牆身上掛了不少香港的舊照片和海報,另外還有舊式轉盤電話,給人慢活休閒的感覺。

先看餐牌,食物主打港式美食,有常餐、午市套餐、下午茶餐,另外亦有幾款新出嘅食品:橙茶、火腿芝士奄列、雪糕西多士等供應。我哋揀咗一個午餐同兩個下午茶餐, 一於齊齊開心 Share。

餐牌上標明店內所有食品都是即叫即製,所以要耐心等候。先吃珍寶豬扒飯配秘製咖喱汁 ($58),豬扒炸得啱啱好,既鬆脆又不油膩,肉質夠曬軟熟,鮮嫩有肉汁。咖喱汁充滿椰香,入口濃郁惹味。

另外加咗餐肉 (+$10)、煎蛋 (+$6) 同鮮油奶多 (+$10)。餐肉兩大塊、厚切、煎得夠香脆、有咬口。煎蛋是荷包蛋,半熟流心,入口有蛋香,用來撈飯一流。

鮮油奶多烘得好香脆,拿上手時仍熱辣辣,中間夾著半溶的牛油同煉奶,美味又邪惡!

生炸雞髀配薯條 ($36) 雞髀非常大隻,重而燙手,外皮炸至色澤金黃,咬下有沙沙聲的脆口感。雞肉嫩滑不韌,入口啖啖肉,肉汁極豐富,既油潤又帶有油脂香,而且完全無雪味,加上沙律菜伴粗薯條,簡直是最佳美食享受。

至於另一客茶餐法蘭西多士 ($32) 亦很值得推介,西多極厚身,外脆內鬆軟,蛋味很香濃,食落完全沒有半點油膩感。中間的花生餡塗得甚慷慨,配上清純的糖漿,美味又不甜滯。

跟餐飲品點咗椰汁雪糕紅豆冰 (+$15)、黑牛 (+$15) 同凍檸茶 (+$3),紅豆冰味道不俗,椰味重又不掩紅豆味,配埋雪糕,簡直透心涼。黑牛唔係間間餐廳都有得飲,可樂加上朱古力雪糕,絕對是完美的邪惡配搭。

兩餐夾埋一餐食,埋單唔使 $200,兩個人都吃得很滿足。

造訪日期: 2020年10月
    • 划算度
    • 服務
    • 食物
感謝 mjqueen7e
該評論乃TripAdvisor會員主觀個人意見,不代表TripAdvisor LLC公司。
2020年7月15日

最近經常到柴灣演岀,可以順道發掘港島東美食在鰂魚涌轉車時發現這家味力冰室,是家新式茶餐廳,比一般茶餐廳更乾淨、裝修精緻。

食物:4.3/5
全部食物份量多,極有飽肚感

▪️炸雞脾
超級大隻 極有滿足感!即叫即炸,雞皮香脆、肉質嫩滑有肉汁

▪️黑松露炒蛋多士
炒蛋嫩滑,黑松露份量多,但味道不會過重,與蛋香均衡 多士厚身,烘得香脆!

▪️牛油果炒蛋配農夫包、沙律菜
沒想過茶餐廳都有這種如All day breakfast 般的茶餐 牛油果熟度剛好、口感軟滑,炒蛋嫩滑,農夫包非常特別,有一粒粒藜麥,健康之選☺️

▪️雪糕紅豆冰
大大杯,雲呢拿雪糕配紅豆冰,解暑之選,夏天飲一流!

造訪日期: 2020年7月
3  感謝 desertfoodiehk
該評論乃TripAdvisor會員主觀個人意見,不代表TripAdvisor LLC公司。
2020年4月11日 透過行動裝置

係鰂魚涌有事要處理,先食個早餐吧! 叫左肉丁煎蛋一丁,由於本人愛好華田,見到有華田爆脆就即刻加錢試,另外加左份黑松露炒蛋厚多士。
丁蛋面比一般茶記有誠意,肉丁比一般重味,相信來貨不錯,煎蛋一望就已經好吸引,好少茶記冰室會煎得咁靚,仲要流心的。
期待既華田爆脆也合我口味,原來爆脆係面頭既華田脆脆,浸得耐都唔會淋,味道也夠,很怕沖得淡茂茂的!
多士也不錯,牛油味很香下得足夠,炒蛋也很滑,吃前先把松露醬查開,但包身偏淋應該算麵包吧,炒蛋也偏粒狀,所以吃起來有點兒狼狽,整體也值得再次到訪

造訪日期: 2020年4月
感謝 kiwan_karen
該評論乃TripAdvisor會員主觀個人意見,不代表TripAdvisor LLC公司。

去過Mei Lik Cafe嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。