我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“湯底出色”

快樂小羊火鍋餐廳
餐廳訂位
使用外送服務
香港排名第1,943 (共15,263家餐廳)
周圍地區: 旺角
餐廳詳細資料
周圍地區: 旺角
2019年12月14日

去完日本返黎,就接著係約食冬至飯 今次同朋友約係旺角
佢帶我去食火鍋
話唔同平時既火鍋,佢既湯底超濃
唔食辣既朋友都大推薦
我地一行三人
一於就試下佢既心水推介
店員同我地介紹,唔食辣可以選VC鍋
即係維他命C鍋,大量番茄煮成既湯底
夠鮮夠甜夠香,拿來煮肉,煮麵係最好配搭
後尾查返原來已經開左大半年

VC鍋 $112 一上菜全鍋都係番茄片 超純粹,濃濃番茄香

湯底咁正我緊係追加一份烏冬,吸湯食一流
完全不用蘸料,極濃郁

食材都好新鮮,牛肉都抵食 菜,餃類可點半份,單價也不貴,食素朋友都岩食
美國牛肩片$138一盤
蔬菜一份,手工雲吞一份$58
一份日本烏冬

牛肉切得夠完整,厚薄剛好,肉味夠濃,帶少少油 食起來好嫩
有一個推介食法
將肉片放入碗中,再加熱湯浸熟
就可以食到超嫩滑又唔會過熟既牛肉片

另外雲吞都係好出色,一隻大雲吞有2粒大蝦
肉餡唔多,但蝦夠大隻,好飽滿之餘仲爽甜
烏冬同VC鍋係最夾,吸飽酸香既番茄湯
烏冬麵條夠嫩夠滑身,好食到要追加!
仲有佢既餃子都係唔錯
手工餃子,包入好多餡料,好新鮮
裝修好靚好豪華
性價比都高,推薦!
午市優惠最抵食,5點前埋單有6折
宵夜有7.8折!
快樂小羊火鍋
旺角豉油街60-104號XX Arcade部分地下至2樓

造訪日期: 2019年12月
    • 划算度
    • 服務
    • 食物
感謝 alex lam 林
該評論乃TripAdvisor會員主觀個人意見,不代表TripAdvisor LLC公司。
發表評論評論 (20)
旅客評等
旅客類型
月份
語言

3 - 7 則評論,共 20

2019年12月8日

在香港無咩食過邊間好食嘅羊肉火鍋,
知道蒙古過江龍「快樂小羊火鍋餐廳」在旺角開分店,
就帶愛吃羊嘅小妹一齊黎食啦!☺️
果然名不虛傳,
火鍋湯底同羊肉都好正!一定要再黎食過返尋味。

先揀湯底~
主要有清湯、蕃茄湯、辣湯、酸辣湯,
一款湯底$112,鴛鴦湯底(成雙鍋)都只係$118,
差幾蚊梗係試多款啦!
清湯其實係藥材湯,
以紅棗、枸杞、香葉、草果、桂圓等中藥熬製而成,入口清甜帶有藥材味,清香味美,
未放肉去打邊爐之前,我同小妹都各自飲左兩碗,正! 推薦❗️
酸辣湯
原來係泡椒湯底,
小編最鐘意食泡椒雞翼,
不過用泡椒做湯底真係第一次試,
香濃微辣惹味!

呢到有好多款羊肉,
不過佢無寫明真實部位,所以要問店員先知道,
所以如果想一次過試多款肉,
就可以試下招牌羊羊大拼盤($228) 推薦❗️
上枱時嘅乾冰效果,「仙氣」十足,
羊肉砌成如花朵般,睇得又食得!
有3種不同部位嘅羊肉:草原臻選大片羊、千層肋腹和塔拉上的快樂卷,
塔拉上的快樂卷軟嫩,有適當嘅羶香,性價比最高!
千層肋腹脂肪比例比快樂卷多,羶香更重,
大片羊比較有口感。

其他火鍋配料都可以揀全份或半份,
啱晒我地倆口子每樣都可以試下~
推薦❗️鴨血(半份)($31)
入口滑順軟嫩,又不失爽滑口感,正!

油麥菜($36)
一份嘅油麥菜份量有點少,
唔係幾抵,
不過勝在新鮮爽脆。

造訪日期: 2019年11月
    • 划算度
    • 服務
    • 食物
感謝 foodie_talk
該評論乃TripAdvisor會員主觀個人意見,不代表TripAdvisor LLC公司。
2019年11月28日 透過行動裝置

天氣開始轉冷,放工後即興到快樂小羊打邊爐, 在旺角區地點非常方便, 前排新開的時候已經和朋友們一起食過, 對於我這個邊爐控來說, 日日打邊爐都唔會嫌多。以蒙式涮羊肉火鍋為主, 他們的食材也只用天然牧羊放養的六個月大幼羊, 湯底以36種配料每日新鮮淆製。 除了火鍋配料之外, 這裏還有很多不同的熟食,當然也叫了我最愛的羊肉串。 店內的位置寬敞, 地面是用來接待的, 一樓和二樓是用膳的地方, 今次我們一行兩人店員安排我們坐近窗邊卡位, 環境舒適, 服務周到。

首先叫了一個成雙鍋( 麻辣湯 & 蕃茄湯)$118, 火鍋配料有: 包克圖牛羊涮$248, 手工蟹籽墨魚滑$98, 醬爆三寶$43, 鴨血$31,手工水餃$58, 自製土豆粉$32, 油麥菜$36, 山藥$18,秋葵$21,熟食有蒙式烤串$22,  飲品方面有朝日大樽裝$35和百香果特飲$24。

成雙鍋(麻辣湯 & 蕃茄湯)~ 辣湯底的麻香味濃郁, 帶點微辣適合港人口味, 蕃茄湯底也是我的喜歡的, 甜甜酸酸越食越開胃。

包克圖牛羊涮 ~ 羊肉肉質非常幼嫩 ,每一片羊肉薄薄的放落湯底,燙十幾秒就可以食用,質地嫩口,食到停唔到口。 牛肉肥瘦適中, 也是打邊爐必點的。

手工蟹籽墨魚滑 ~ 份量很多,入口彈牙。

醬爆三寶~皮內包了墨魚滑和蝦滑等等, 賣相特別, 但口感比較厚。

鴨血~ 放落麻辣湯底, 味道特別夾。

自製土豆粉 ~ 晶瑩通透的土豆粉放落邊爐湯底入面, 無論蕃茄味和麻辣味,都吸曬湯裏面的精華。

手工水餃~ 皮薄餡靚, 大大粒。

油麥菜, 秋葵和山藥~ 三款蔬菜也很新鮮, 打邊爐食咁多肉,一定要點返幾款蔬菜來中和返。

蒙式烤串 ~ 鐵板上的熱辣辣烤羊串,肥瘦適中,用孜然粉香料烤成,完全食到新疆風味。

飲品有邊爐必備的啤酒(朝日大樽裝), 還有百香果特飲, 很喜歡百香果的香味。

整體而言食物質素好,環境舒適,店員服務態度親切友善,下次一定會繼續再來這裏打邊爐。


快樂小羊火鍋餐廳
地址: 旺角豉油街60-104號XX Arcade部分地下至2樓

造訪日期: 2019年11月
感謝 Victoriay_eatwithvic
該評論乃TripAdvisor會員主觀個人意見,不代表TripAdvisor LLC公司。
2019年9月30日 透過行動裝置

快樂小羊是蒙古包頭的過江龍 ,主打羊肉火鍋和烤羊肉,號稱原汁原味不用任何蘸料!近排在香港很火熱 在旺角開了三層旗艦店,霸氣非常

這家店裝修頗具心思,蒙古大草原為主題,不同分區以中國不同地方命名,全場落地玻璃 座位以卡座為主,地方寬敞外望街景,坐得非常舒適!

火鍋配料選擇甚多,招牌有羊羊大拼盤、嫩滑太陽卷和塔拉上的快樂卷。另有蒙式烤羊排、烤串和羊棒骨等經典燒烤! 我們點了蒙式烤羊排、美國小羊排、黑松露羊肉丸、脆肉鯇 、餃子、蝦滑、東北黑木耳、杏鮑菇、自製土豆粉、炸響鈴和油麥菜

蒙式烤羊排
燒至表面焦香,入口肉質嫩滑,面層還有惹味的孜然味。

成雙鍋 湯底(清湯+辣湯)
清湯有紅棗、枸杞、香葉、草果及桂圓等中藥材,入口清甜帶有藥材味。辣湯不是麻辣 屬於中辣程度。

美國小牛排
用冰架放上肉排 擺設別出心裁 肉質嫩滑 上等貨色

黑松露羊肉丸
驚喜推介 天仙配 將黑松露和羊肉的味道推上另外一個層次

2L桶子1664生啤
生啤桶字底座有冰塊,就算時間耐了啤酒倒出仍然冰凍!

造訪日期: 2019年9月
感謝 foodiehumprey
該評論乃TripAdvisor會員主觀個人意見,不代表TripAdvisor LLC公司。
2019年9月1日 透過行動裝置

波街街逛完一整天,想舒服晚餐!見這間新開不久 羊主打火鍋地方超大,地下reception 1F超大,2F還有VIP room 適合多人 地方很闊落,而且很干淨,電子下單 成雙鍋最合適,清湯和辣湯 其實不太辣,反而很香,清湯也足料 先點些熟食,蒙式烤串很地道,好香羊味,好大隻,啖啖肉 配上啤酒,芒果沙冰,一流配搭☺ 油條點了半份有六條很特別的地道小食,用嚟點火鍋也不錯 塔拉上的快樂卷 份量很多賣相很靚呢!小小蘇,正是我想要的羊味道,5秒就可以食得.

波街街逛完一整天,想舒服晚餐!見這間新開不久 羊主打火鍋地方超大,地下reception 1F超大,2F還有VIP room 適合多人

地方很闊落,而且很干淨,

成雙鍋最合適,清湯和辣湯 其實不太辣,反而很香,清湯也足料

成雙鍋
$ 118

先點些熟食,蒙式烤串很地道,好香羊味,好大隻,啖啖肉

配上啤酒,芒果沙冰,一流配搭☺

油條點了半份有六條很特別的地道小食,用嚟點火鍋也不錯

塔拉上的快樂卷 份量很多賣相很靚呢!小小蘇,正是我想要的羊味道,5秒就可以食得

吃火鍋總少不了牛 快樂牛肉拼盤,有四款牛,份量大,可試到不同部位,牛味濃郁

吃火鍋總少不了牛 快樂牛肉拼盤

青蝦很划算,$88有10只,很新鮮,又爽口

總括來說,環境舒服,價錢平宜,份量足

造訪日期: 2019年9月
2  感謝 WaiLai
該評論乃TripAdvisor會員主觀個人意見,不代表TripAdvisor LLC公司。

去過快樂小羊火鍋餐廳嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。