我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“韓燒吧”

梨滿園韓國料理
香港排名第3,297 (共13,939家餐廳)
周圍地區: 樂富
餐廳詳細資料
周圍地區: 樂富
2020年6月3日

任點任食1.5小時都係百幾蚊,仲諗? 入座啦............

二人坐卡位相當濶落,指定動作先送上幾款前菜及生菜

飲品有汽水免費任飲,酒類就另外收費

見到餐單寫住"頂級韓牛",當然要食左牛肉類先啦,就黎住呢客韓牛肩肉,韓牛板腱肉及牛脷,肉色靚仔,每樣切成薄片,方便易燒

牛肩肉跟傳統食法,加生蒜片及韓式辣醬,再用生菜包住,一啖放晒入口,食到鬆軟肉質及生菜嘅爽口感,一份點夠呀?!

而牛脷係薄切,好快就燒好,幾款調味醬中,點麻油鹽食可提升牛脷嘅味道!

肉類要黎多ROUND啦,今次有韓牛仔骨,黑豚腩肉及鷄肉

都話鍾意食D有脆感嘅食物,鷄腎當然入選,原隻切開幾份方便燒
點麻油鹽食,有咬口,正喎!

海鮮類只得4款選擇,都係大路之選,就試下海蝦及帶子啦,蝦隻份量有霸氣,燒完後蝦肉幾結實,帶少少咸香味道; 而帶子燒完就"瘦身"左,食多幾粒補返數!

多款熟食選擇,務求令個咀無停,呢客煎餃子,煎得外皮香脆,入口熱香,內裏饀料有粉絲同肉碎,味道相當唔錯

參考食評有咩推介,咁先唔會用錯QUOTA嘛,呢客海帶湯上枱時滾熱辣,有大量海帶,仲有蜆同肉碎,味道幾清甜,唔怪之得咁多人叫!

落單紙上寫有是日甜品及糖水供應,但我比較鍾情門口呢個雪糕柜,任食,食完燒物再食返D甜凍品,好岩數喎!

造訪日期: 2020年6月
    • 划算度
    • 服務
    • 食物
感謝 gingerszeto
該評論乃TripAdvisor會員主觀個人意見,不代表TripAdvisor LLC公司。
發表評論評論 (10)
旅客評等
旅客類型
月份
語言

2 - 6 則評論,共 10

2020年1月29日

黎左樂富想食韓燒,就黎左呢間

$160有得任食算係幾抵

呢度既裝修感覺有d似舊中式餐館

黎到職員好快就送上前菜,點餐又會比意見我地,感覺幾親切

叫左炸醬麵,配左隻蛋,醬汁比得好夠,麵質夠腍

蛋卷落左好多蔬菜粒,中間有紫菜,健康又好味

餃子好飽滿,menu寫煎,但其實佢應該係炸唔係煎

D肉好多種類揀,唔會韌

佢仲配左生菜可以包黎食

D海鮮好新鮮,魷魚帶子都醃得好好食

仲有好多其他配料可燒,但真係太多試唔哂

甜品汽水都係任拎

總括黎講都幾高cp值,下次可以再試

造訪日期: 2020年1月
1  感謝 heiman0531
該評論乃TripAdvisor會員主觀個人意見,不代表TripAdvisor LLC公司。
2020年1月18日

還記得對上一次吃韓燒已是一年前,點解咁耐無燒? 皆因我懒,只想食不想燒,但今晚卻揀了去韓燒放題,為何呢? 因為同樣約了一年前一同韓燒的朋友仔,她願意由頭燒到尾,我完全不用動手,只是動口,係咪好幸福呢?

既然由朋友代勞,我當然揀間方便她的餐店。開放式的門口,旁邊鑲了一個挺搶眼的招牌,還放了一塊大餐牌,頂級韓燒放題90分鐘19:30-21:00成人$188,小童$148;17:50-19:20成人$160,小童$126。

內裏裝橫平實,牆身鑲了幾幅韓國畫,環境整齊企理。近門有數張大圓枱,兩旁設有闊落的卡座和一排泊牆的長櫈配四人枱,座位不算很多,但枱與枱之間一定距離,坐得好舒服。
***************************
未開爐之前先準備冰凍的飲品。一座飲品櫃放滿罐裝飲品和一些需自費的酒精飲品,我倆就要了罐酸咪咪的C+,冰涼透心,開胃解膩,是好選擇。
***************************
還未點菜,店員已送上四款韓式前菜、生菜籃和多款醬料。四款韓式前菜各有特色,包括有粉綿入味的南瓜、爽口微辣的大豆芽和清新的菠菜,還有我最喜歡的泡菜,香辣惹味,滿有韓國風味,正! 馬上再encore。
***************************
以點單紙下單,簡單方便。前後兩版,燒物有A+頂級牛類、肉類、海鮮和蔬菜,另外還有不少熟食菜式,包括湯飯類、壽司/刺身、煎/炸物、手醃前菜、小炒和甜品。

是時候開爐啦!友人先揀了美國頂級安格斯一口牛粒、黑豚腩肉、豬頸肉、豬大腸和芝士腸,而我就當然主攻海鮮,有青口、帶子和海蝦。她馬上悉心地燒給我吃,真窩心!以生菜包着美國頂級安格斯一口牛粒,加些泡菜和韓式醬料,更吸引!再來就是以生菜包着彈牙的海蝦,同樣加泡菜和韓式醬料,好吃! 還有青口和帶子,帶子粒粒潔白亮澤,待燒至兩面金黃便可品嚐,肉質鮮嫩,蘸上少許胡椒麻油,更些鹹香更美味!

友人就話豬頸肉挺爽口、薄切五花肉很肥美,而芝士腸也不錯。全部都用清爽的生菜包着同吃,可中和肉類的油膩感,最佳配搭。

除了肉類和海鮮外,還揀了幾款蔬菜,有雞脾菇、粟米和南瓜。最喜歡是雞脾菇,相當爽口,挺有菇香;南瓜就甜美,也好吃。
*************************
燒了一輪就是時候點一些熟食。三文魚刺身色澤亮麗,肉質軟柔,油潤肥美,很新鮮。另外韓式蛋卷是我推介之一,玉子很香滑,味道甜甜地,夾着爽滑的韓式粉絲、肉絲和蔬菜絲,又豐富又好味,滿有韓式風味。

接着上枱是豆腐辣湯也不錯,湯頭雖有一層紅油,但吃落又不會辣至嗆喉,味道剛好,香辣惹味,又熱辣辣。內有香滑的豆腐、雞蛋、金菇、翠玉瓜、洋蔥,配上蜆肉和蝦粒等,相當豐富。

再來一客炒雜菜,選用的款式亦不少,有翠玉瓜、黃芽白、紅蘿蔔和椰菜,烹調時間合宜, 全部皆保持爽嫩,而且沒有泛油光, 只稍稍調味, 不油膩亦不濃味, 挺清新健康, 很合我口味, encore吧!

最後就點一碟炸醬麵,醬料好足,吃前先拌一拌,全碟麵均沾上醬料,還拌上清爽的青瓜絲,若然麵條彈牙一點會較吸引。
***************************
甜品不能少,馬上自取雪糕。共有四款口味選擇,包括至尊朱古力、曲奇忌廉、黑芝麻和雲尼拿。我就要了前三款,最喜歡是至尊朱古力口味,混入粒粒的朱古力脆,朱古力味更濃,再多一球吧!
--------------------------------------
今晚一切都由朋友代勞,我又係只是吃,唔駛做,好幸福呀! 我估…當我每次想吃韓燒時,我都會想起你,謝謝你!

造訪日期: 2020年1月
    • 划算度
    • 服務
    • 食物
感謝 wanttoeat8
該評論乃TripAdvisor會員主觀個人意見,不代表TripAdvisor LLC公司。
2019年10月13日 透過行動裝置

好耐無食過韓國菜喇,朋友聚會選址較方便的樂富,商場內有間叫梨門園既韓國燒烤,在地鐵站旁的商場內,地鐵出閘步行3分鐘就到了~~~地點非常之方便~~
內裡非常寬敞,地方大所以唔洗等好耐就有位,我地5個人叫咗個4人餐。
一坐下來服務員就捧來韓式小食六小碟,碟碟都清爽可口。
烤肉什錦拼盤(豬,雞,牛),五花腩煎完出左啲油,食落好爽口。牛肉醃得好香,唔洗點汁都好夠味。雞肉煎完唔乾,仲好腍好香。
生菜籃配麵豉醬,生菜綠綠的,望落非常新鮮同乾淨,朋友將生菜夾上牛肉,味道非常夾,口感非常好,大家可以試吓!
香煎餃子,餃子煎得好香好脆, 入面有肉汁,幾好味。
鹽燒鯖魚,條魚外面燒到好脆,好香口。師傅將時間拿捏得啱啱好,雖然魚皮燒到好脆,但魚肉仲係好juicy好好嫩滑。再加檸檬汁再點附上嘅汁食,完全係想再叫多份黎食。
餐廳環境好,服務員也很周到!燒烤的吸氣管很強,出來不會好大陣燒烤味,都是個優點。價錢都好,低食。餐廳都有套餐可以選,一定會再來!

造訪日期: 2019年9月
感謝 cathywan0906
該評論乃TripAdvisor會員主觀個人意見,不代表TripAdvisor LLC公司。
2019年9月6日 透過行動裝置

要出樂富拿些東西,所以找間就腳的店舖,想起這間幫襯過的,記憶猶新,所以重臨再找韓式小鮮肉了!

見到 2人套餐做特價,由 $280 減為 $258, 一於吾執輸立刻 order

前菜 有6小碟 ~ 碟碟很精緻,顏色翠嫩,咬感清新,正好先清一下口腔!

嘩,小鮮肉來了: 烤肉雜錦拼盆 …有牛肉,五花腩和雞肉: 饞得直流口水,五花腩脂肪比例平均, 牛肉及雞肉是腌制好的,味道適中;味蕾滿分!

生菜籃配面豉醬 生菜綠悠悠,超新鮮! 悉隨尊便,可把肉、泡菜、芽菜等包裹住,記得加少許面豉醬,美味無比! 又或加入白飯,口感又不同了,認真好味!

生菜減退了肉類的油膩感,滋潤了口腔呢!

韓式炒年糕 ~ 上次吃過炒粉絲,所以今次吃年糕,它本身是淡味的,所以用了大量配料,如蕃茄、洋蔥、蘿蔔和翠肉瓜,色彩艷麗,甜甜的夠健康!

要贊職員有禮貌,又有笑容,其間還提醒我們,五花腩需要燒人焦一點會更好味! 而通風系統亦是要贊的,甫入來沒嗅到燒烤味道,食完身上也沒事呢!

感謝 Trip806658
該評論乃TripAdvisor會員主觀個人意見,不代表TripAdvisor LLC公司。原文語言為中文,源自www.tripadvisor.com.hk 查看原文

去過梨滿園韓國料理嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單