我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“讓太太喜歡的一頓Omakase”
玄鮨的評論

玄鮨
香港排名第868 (共15,304家餐廳)
周圍地區: 灣仔/銅鑼灣
餐廳詳細資料
周圍地區: 灣仔/銅鑼灣
2021年3月21日 透過行動裝置

素來心知太太喜歡日本料理, 今天決定給她來一個驚喜,帶她來到曾經連續5年拿到米芝蓮的高級日本料理吃Omakase可是卻又怕她說我太花錢,唯有請她放假去吃午市

位置:
餐廳在銅鑼灣利園旁的開平道Cubus商廈7樓,港鐵站走過去約5到10分鐘,不算特別方便但對於常吃高級料理的朋友,開車去則不會太遠

環境:
商廈出梯後就看到高級日本料理的格局,裝修貴氣,有區分不同的位置供客人足夠的私人空間而兩個大區則設Omakase的服務,能看到師傅一絲不苟地處理食材,更能跟師傅面對面交流餐廳同時設男女及傷健洗手間,非常親民,而洗手間內部裝修像酒店,連貫整體高級路線

服務:
服務非一般的好,由安排入座、給予極厚身的口罩紙套、倒茶、下單、上菜、收拾到結帳都非常到位,像是有貼心助理一般細心期間我跟太太說想去洗手間,還沒問侍應,他便立即指示洗手間位置,並叮囑小心走路,讓人滿意另外要多誇一下負責我們Omakase的遠師傅,全程細心指導對刺身魚類了解不多的我們,言談間風趣幽默,同時亦顯示出他對餐廳的熱誠及經驗✨

食物:
為太太點了壽司套餐,而我則選了份量較多的刺身套餐

Sashimi Set Lunch (刺身午市套餐-$560)

下單後隔即上了的四款前菜:

沙律菜 - 清新鮮甜,雖是剛從冰箱拿出來,但吃得出是即日製造的
鮮帶子 - 非常鮮味,加入海帶再提鮮
燉肉漬物 - 開胃而不會太濃,味道不錯
茶碗蒸 - 有蟹子金菇秀珍菇的蒸蛋,鮮甜幼滑,值得推薦

然後到主菜部分:

五目飯 - 有點醬油味的飯,是日本家的味道
牛蒡 - 是配菜的漬物,煮得有味而不硬
麵豉湯 - 充滿櫻花蝦的麵豉湯,比一般的更鮮甜香濃

刺身盤 - 有以下八款:

北海道厚岸產生蠔 - 不愧是名產地的生蠔,非常厚肉鮮甜,海水味重,令人垂涎欲滴

立魚 - 師傅刀功很好,切得很薄的四片刺身,味道較清淡

海膽 - 鮮甜濃郁,沒有一點苦味

鮮帶子 - 厚身鮮甜,口感豐富

赤鯥 - 充滿油脂,入口香濃

牡丹蝦 - 大隻多肉,鮮味多膏

深海池魚 - 鮮味之餘帶點魚鮨香,厚切令人滿足

赤身 - 吞拿魚肉質實而厚,卻沒有根

Sushi Set Lunch (壽司午市套餐-$480)

同樣有上述套餐的前菜,及後到壽司的Omakase部分:

金目鯛 - 有日本料理中的高級白魚之稱,肉質肥美亦不腥,蘸上豉油後更能食出細膩肥美的肉質

目仁奈 - 比金目鯛濃一點,師傅加上一點薑粒,再提升了魚的鮮味☺️

銀雪魚配醬油昆布漬 - 遠師傅創意之作,銀鱈魚經微燒後入口鮮甜,香味融入米飯之中,而醬油昆布使鱈魚鮮味更濃

赤鯥 - 赤鯥是白身魚中最多油脂的,稀有珍貴,遠師傅用火輕燒過,肥美的魚油及香味在口內發放

北海道帶子壽司配岩鹽柚子皮 - 用即磨岩鹽和日本柚子皮調味,柚子清新不苦澀,北海道帶子比一般帶子爽口軟滑

牡丹蝦壽司配蝦膏醬 - 去殼後的牡丹蝦配上獨特醬汁醃製,酸甜清新及爽口,加上濃郁的蝦膏味道更上一層

黑鮑魚配鮑魚肝醬 - 經六小時炆焗的黑鮑魚非常淋,竟有溏心的效果,鮮甜多汁,而鮑魚肝醬經冰糖去苦澀,變得更濃香

A5佐賀和牛配青橘子啫喱 - A5佐賀和牛油脂充分,肉質鮮嫩,青橘子啫喱跟和牛融合,口感清新亦完全沒有蓋過和牛的原味

藍鯨吞拿魚壽司 - 師傅用上野生藍鯨吞拿魚,魚味濃而不酸,肉質細緻,入口甘香,確是魚中極品☺️

海膽手卷 - 手卷內佈滿海膽,而不像坊間飯多於海膽的做法,因此非常鮮甜滿足

海帶烏冬 - 作為主菜收尾,清淡的烏冬能洗滌之前肉類的油膩感

綠茶雪糕威化 - 甜品用上手作的綠茶雪糕威化,據稱原材料都來自日本,味道香甜威化香脆

總結這次的體驗很不錯,餐廳環境及服務固然非常高級,師傅學識淵博亦細心跟客人交流,讓人除味覺外,身心都得到滿足,難怪餐廳能拿到米芝蓮的認可呢

造訪日期: 2021年3月
3  感謝 moshui
該評論乃TripAdvisor會員主觀個人意見,不代表TripAdvisor LLC公司。
發表評論評論 (34)
旅客評等
旅客類型
月份
語言

1 - 5 則評論,共 34

2021年3月14日 透過行動裝置

銅鑼灣 玄鮨

前菜 農家煮 雞肉沙律 蟹肉蒸蛋
魚生飯
新鮮已經夠掂檔
賣相又夠靚
個飯幾特別 有芝麻香

和風lunch set
豚肉煮 天婦羅 魚刺身
個五目飯好有日本家庭味

服務員有禮
-300蚊promo抵食

造訪日期: 2021年3月
感謝 gonijiwa
該評論乃TripAdvisor會員主觀個人意見,不代表TripAdvisor LLC公司。
2020年11月7日 透過行動裝置

銅鑼灣 - 玄鮨
.
疫情關係好耐無得飛去日本食刺身,今日就特登book左玄鮨愐懷一下日式美食。
.
前菜有3樣,雞泡魚皮清脆有咬口,蟹膏豆腐有陣蟹膏的咸香味,小魚干就好重醬油味。
.
刺身有帶子、鰹魚、金目鯛、嚮螺、鱆紅魚同拖羅。金目鯛上有烏魚籽,帶來2種口慼。帶子爽甜,一食就知好新鮮。拖羅入口即溶,油脂豐富。
.
之後係熒光魷魚,睇落普普通通,點知一咬落口魷魚非常飽滿仲要有膏,一口一隻勁正。
.
煮物係蘿蔔蓉配茄子,茄子索晒醬汁偏咸,但同清甜的蘿蔔蓉一齊食就剛剛好。
.
壽司有海膽、鯖魚、北寄貝、牡丹蝦、池魚同拖羅。海膽顏色新鮮,味道濃郁甘甜。拖羅都係赤身,唔重魚脂但一樣入口即融,唔簡單。北寄貝、牡丹蝦都勁厚肉。
.
食完咁多剌身就飲碗湯暖下胃,黑蜆麵豉湯加入芫荽,蜆肉細細粒但係都幾肥美。
.
最後食甜品做點綴,有菠蘿、愛文芒同抹茶雪糕夾餅,雖然唔係日本水果但都非常鮮甜,真係一隻都食得落,不過食omakase都係點到即止最過癮。
—————————————-.
玄鮨 (銅鑼灣)
地址:銅鑼灣開平道1號Cubus 7樓

#japanesefood #sashimi #sushi #omakase #omakasesushi #廚師發辦 #foodshare #hkig #hkgirl #hkfoodie #foodiehk #foodieblogger #hkfoodieblogger #foodstagram #hkfood #foodiemnt #cwb

造訪日期: 2020年6月
感謝 saidor-ball
該評論乃TripAdvisor會員主觀個人意見,不代表TripAdvisor LLC公司。
2020年6月24日 透過行動裝置

米芝蓮食府
米芝蓮連續幾年推介14-18年 廚師發板

餐廳服務貼心 一一介紹 菜式
餐廳分別有廂房同吧枱
吧枱 以同師傅交流 欣賞餐點製作過程
廚師發板套餐, 每位$1380有六道菜
前菜有炸牛蒡 酸汁漬雞泡魚皮 芥末煙鴨胸
酸汁漬雞泡魚皮 微酸開胃 雞泡魚皮口感雙彈

天婦羅-白粟米 露筍 熒光魷魚 瀨尿蝦
外皮好香脆 皮衣輕薄 不過有點油膩
蘸海鹽食更加帶出鮮味
瀨尿蝦口感彈牙 新鮮


刺身有六款- 鰹魚漬 金目鯛 中拖羅 帶子 赤貝 螺片
味道由淡至濃吃起
鰹魚鮮甜厚身配合特製香葱醬油 帶有層次感
壽司飯嘅配搭 池魚肉質紮實甜美
赤貝爽甜有咬口
帶子清甜肉厚有彈性
中間夾一片檸檬 清香!
來到了最喜歡的中拖羅 入口即溶 油脂分佈好像大理石 滿口甘香
煮物係大根

壽司-日本直送海膽 沙甸魚 赤貝 拖羅 等等
海膽軍艦壽司 要先吃掉 否則紫菜便軟
海膽濃郁甘甜 口感軟綿細膩

一碗暖湯
味增豚肉煮
選用蘿蔔的豚肉味增特別鮮甜
帶出蔬菜 豬肉的甜味

甜品有綠茶雪糕夾餅伴芒果 菠蘿
綠茶雪糕比較沙冰質感

-
:/
: /
: $1388/.

————————————————
玄鮨
銅鑼灣開平道1號Cubus 7樓
————————————————

造訪日期: 2020年6月
1  感謝 momoeats3
該評論乃TripAdvisor會員主觀個人意見,不代表TripAdvisor LLC公司。
2020年6月23日

人海茫茫,生命中出現既緣份可能十隻手指都
數得哂,有d野係整定,唔到你唔服。有人會
認為主動點都好過被動等運到,我認同既,
但係咪真係自己鍾意,無人知。我淨係知
呢刻我好想見到你..壽司小姐,「玄鮨」係
我第二次再黎追求佢既高級壽司店,環境
同氣氛都係好舒服、好寧靜,呢種感覺
就好似基哥話齋,有果種初戀既詩情畫意呀!
-
ランチセット -
▪ 先付け -
▫ 今日前菜係「胡瓜 · 昆布 · 白飯魚仔」,
青瓜入口清新,咬落特別爽甜,配埋昆布同
白飯魚仔增強口感,面頭夾雜一塊檸檬片,
加上少少醋味,特別醒胃!
-
▪ 茶碗むし付き -
▫ 今日兩個Set都有日式茶碗蛋,質感爽滑,
裡面帶有冬菇粒、日式魚蛋片,口感爽彈。
-
▪ 三 色 丼 - $420
▫ 點解叫三色?原因好簡單,三隻色都咁出位,
各佔優勢,首先吞拿魚腩蓉油脂豐腴,質感柔軟,
每啖都食到魚香,唔錯;而三文魚籽完全無
魚腥味,相當新鮮,甘香十足;而最重量級既
海膽,份量比我想像中更多,入口肥美鮮甜,
邪惡之最呀。
-
▪ そば付き -
▫ 而配上「冷蕎麥麵」跟三色丼呢個組合
就最夾,食完魚生用以用作清新一下味蕾同
口腔,有種refreshing既感覺;而麵條質感
幼滑,口感仲好彈牙,幾適合夏天食。
-
▪ 味噌汁
▫ 而另一款Set除左有茶碗蒸同埋前菜外,
仲多左呢碗「味噌湯」,新鮮滾熱辣,
鹹甜適中,份外滿足。
-
▪ 特上ちらし - $360
▫ 話明特上刺身丼,就梗係以海量級既
刺身做主題啦,一次過食盡十款刺身,
包括海膽、赤貝、牡丹蝦、象拔蚌、池魚、
深海池魚、金目鯛、章紅魚、三文魚籽、
中拖羅。三文魚籽鹹鮮平均,送飯就最岩;
中拖羅紅潤帶光澤,入口油香到位,
唔會咬到有渣;牡丹蝦新鮮爽甜,口感唔錯;
深海池魚質感彈牙,唔會咬到有渣,
啖啖滋味;赤貝同象拔蚌入口夠哂煙韌
爽彈,成個set可以用無得輸黎形容!
-
▪ コーヒか -
▪ デザート付きます -
▫ 最後甜品分別揀左「即磨咖啡」同埋
「芝麻雪糕夾餅」,咖啡有得加奶,
自己調配,幾貼心;而雪糕夾餅,表面鬆脆,
裡面透心涼,成個set非常豐富,水準高質
又飽肚,難怪每年都榮獲米芝蓮推介啦!
-
玄鮨 · Xuan Sushi
銅鑼灣開平道1號Cubus 7樓

造訪日期: 2020年6月
    • 划算度
    • 服務
    • 食物
感謝 lankiman6330
該評論乃TripAdvisor會員主觀個人意見,不代表TripAdvisor LLC公司。

去過玄鮨嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。