在"黑木"日式料理店……
好友爲我預訂了一份廚師發板， 知道我喜歡吃隨意和時令的日式料理，吃什麼一切交由廚師發板吧！
由於疫情關係 很久沒見面，選擇吃廚師發板最適合，可以 邊吃邊聊~
首先上的餐前小食和前菜~
鱈魚乾非常香脆點上蛋黃醬特別的滋味！

沙律~
青瓜，蔬菜，青森蘋果和牛脷絲混入芝麻醬 酸酸味味 口感清爽再配上一件香脆彈牙的花竹蝦膠餅非常香口！

清酒煮北寄貝~
時令限定的北寄貝原隻上，點點竹炭末湯汁鮮甜且豐富肉質爽口。

九州帶軟骨雞肉釀鮮冬菇 配 滑脫脫溫泉蛋，甜甜醬汁好味！

雛鰹魚
兩種食法先吃刺身配醬油灑上幾片菊花瓣 增添香味和仙氣！
再吃右邊帶皮的鰹魚 經輕輕火炙過的配上芽葱軟滑鮮味！
加上中央醋漬的牛蒡和蕃茄兩者令口感更清爽！

美國牛小排~
外層香口肉質嫩滑，牛味濃濃！

牛脷串燒~
大葱麻油香氣撲鼻！
牛舌脆口甘香調味相當不錯！

磯煮花螺~
螺肉彈牙！

鹿兒島黑豚腩~
薄薄的腩肉包著清甜爽脆萵筍，
最特別的是醬汁竟是引用了長洲蝦醬 既有香港風味又惹味很有創意！

燒鰻魚串~
薄片鰻魚先蒸後燒外層香脆再灑上柚子皮末 散發清香！

塩燒雞心口~
口感爽爽咸度恰到好處！

昆布清湯~
湯底清澈鮮甜，鮮紫菜絲般嫩滑。

甜品~
燒菠蘿，奶味濃濃 的奶凍 配 Q彈抹茶蕨餅和十勝紅豆。
今晚吃過這份美味甜品寫上了完美！

尖沙咀有名的廚師發板

很喜歡吃廚師發板，因為每次吃廚師發板都有意外驚喜的菜式，每次當侍應送上菜時都十分期待。
這天朋友生日，他和我一樣都很喜歡吃廚師發板，便找了這家在尖沙咀很有名的廚師發板日式餐廳。這家餐廳除了菜色神秘外，餐廳的內部也是十分神秘，使我每次經過這裏，都忍不住窺探入邊的環境，這次終於可以光明正大地走進去了。

我和朋友坐下後，侍應簡單介紹一下他們的餐廳，便告訴我們任何時候都可以上菜了。

鱈魚乾
通常吃的鱈魚乾都是軟身的，第一次吃到烤焗的鱈魚乾，十分香脆可口。

一夜乾魚仔沙律菜
非常開胃的一道前菜，一夜乾魚仔亦很特別

汁燒南非鮑魚
爽口彈牙，醬汁亦十分惹味

鹽焗銀杏
最通常吃到銀杏的是喝湯或糖水的時候，這次是我第一次嘗試以銀杏作為一道菜式，經鹽燒後很香口

灸燒鰹魚/日式漬物/白子
鰹魚新鮮爽口，白子亦是我首次嘗到，據侍應說是十分矜貴的材料，吃上去很有咬口很特別

溫泉蛋配免治雞肉棒
大廚親自製作的雞肉，再配上新鮮的溫泉蛋，配搭非常出色

熊本縣和牛燒
約三成熟的和牛燒，鮮嫩美味多汁，牛味都出來了

燒雞翼，雞腎，燒雞肝
三款燒物也是如圖中所見，燒得十分香口好味

清湯白布烏冬
一片過的烏冬也是第一次嘗試，加上海草昆布湯，吃完燒物後特別舒服。

冧酒燒菠蘿/十勝紅豆綠茶蕨餅
甜品是清新的燒菠蘿，一口菠蘿再配上紅豆綠茶蕨餅，是今晚廚師發板的最美好結局

每一道廚師發板菜式，也看得出廚師的精妙考究及心思之處，喜歡廚師發板的朋友一定要來一次。

大姐今晚又帶我來串燒omakase, 感覺新鮮好奇，十分期待
餐廳情調很好，身後看到有2位師傅為我們開始準備今晚的omakase
先來客餐前鱈魚片，帶有微溫，十分薄脆，美度鮮美，小食已十分有水準
土耳其無花果配一夜干沙律
無花果清甜，有別於干製品的無花果甜，十分喜歡
清酒燒蛤蜊(右) 跟白貝(左)
十分清甜，而且烹調后也很大隻，份量十足
沖繩水雲配火炙鯖魚
配了酸汁十分開胃，經火炙后的鯖魚更帶有油香
鹿兒島免治雞肉
伴流心蛋，免治雞肉有軟骨，十分有咬口
美國牛肉配露荀
鮮甜露荀，牛肉味濃，有芥末子伴食更滋味
漬物 鮑魚 紫蘇青瓜 蕃茄仔
三樣不同食品，有唔同口感，唔同味道，蕃茄酸帶甜，青瓜有紫蘇葉味勁喜歡，鮑魚清爽彈牙
火炙拖羅配油揚
入口面層軟棉，底部鬆脆可口，兩種口感混和很有層次，伴碟有檸檬和青檸可選擇，配合黎來上碟的串燒
明太子燒意大利青瓜
第一眼覺得咁似魷魚遊戲，明太子帶點點辣，意大利青瓜爽脆多汁
燒白鰻配新鮮柚子皮
未進食已經滿足了臭覺，好香既柚子香氣，鰻魚外皮燒至極脆，十分熱，小心辣口
鹿兒島豚肉
用了大澳蝦醬crossover, 味道香濃，入口蝦醬咸香味濃郁，味道剛好
昆布白布烏冬
昆布湯很清淡，配了白布烏冬，一大塊一片過，很過癮
蜜糖芝士年糕/抹茶配紅豆餅/焦糖燒菠蘿
特別喜歡抹茶配紅豆餅，每款一小口，剛剛好又大滿足甜品癮

前幾日同朋友去開尖沙咀行街，見到有一間日本嘢，門口嘅裝修幾靚，好有神秘感。員工嘅服務幾好，整個用餐過程嘅時候，員工會不停幫我哋倒茶。

Omakase $888/位

鱈魚乾
鱈魚乾香脆，有淡淡的魚香味，加上蛋黃醬一流。

鮮果野菜沙律
餐廳用上咗青蘋果，面上有魚干，整個配搭幾開胃。

汁燒南非鮑魚
鮑魚份量好大，味道燒得啱啱好，唔會太過火。

燒白子
唔鍾意食白子嘅朋友都可以試一試，佢唔會太腥，入口即溶。

蜜柑鯛
作為刺身嘅蜜柑鯛，鮮味好足，配埋漬物一齊食，整個配搭幾好。

鹽焗銀杏
銀杏苦中帶甜，甜中又帶少少苦，幾得意。

免治雞肉棒
將免治雞肉棒放入日本蛋，撈埋蛋漿一齊食好好食。

燒牛肋肉配小蘆筍
牛肉好重牛肉味，配埋小蘆筍一齊食，幾好味。

鹽燒花竹蝦
花竹蝦好燒得好香，蝦肉味好鮮甜。

燒油揚
油揚幾特別，之前都未食過。

燒白鱔
白鱔嘅皮燒得香脆，咬落去卜卜聲。

鹿兒島黑豚豬腩肉
豬腩肉同埋香蔥蝦醬一齊燒，蝦醬將成個豬肉味帶咗出嚟。

清湯烏冬
白布烏冬作為主食。

甜品
冧酒焦糖燒菠蘿，綠茶蕨餅配十勝紅豆醬，唔錯。

前幾日同朋友去左呢間專門食串燒嘅omakase餐廳，慶祝佢嘅生日。

Omakase $888/位

鱈魚乾
鱈魚乾好香脆，點埋沙律醬令人食唔停口。

鮮果野菜沙律
鮮果係青森蘋果，另外仲有一種叫做小女子一夜干嘅魚仔。鹹鹹地嘅魚仔配上清甜嘅青森蘋果幾好味。

汁燒南非鮑魚
鮑魚好大隻，用左燒汁同埋七味粉去燒，味道適中，唔會過鹹。鮑魚入口彈牙。

燒白子
入口即溶，鮮味十足。

蜜柑鯛
食落又真係覺得有淡淡嘅蜜柑味，清新好食。隔離有wasabi味嘅漬物同埋清甜嘅番茄仔。

鹽焗銀杏
用鹽焗銀杏幾特別。

免治雞肉棒
點埋蛋漿食好滑好好食，蛋香十足。

燒牛肋肉配小蘆筍
牛肋肉滑嫩得黎又有少少咬口，牛味好濃。食一片牛肉再食一條小蘆筍就唔會膩。

鹽燒花竹蝦
花竹蝦好香，食落好鮮甜。連蝦殼都燒得香脆，可以試下食少少蝦殼。

燒油揚
上面係吞拿魚蓉，吞拿魚蓉嘅份量好多，好滿足。

燒白鱔
店員會喺我地面前灑上柚子皮。底下有塊燒得好香脆嘅白鱔皮，配埋好滑嫩嘅白鱔，咬落去充滿肉汁。

鹿兒島黑豚豬腩肉
作為最後一份串燒一啲都唔令人失望。上面配上長洲嘅蝦醬同埋青蔥，蝦醬嘅鹹香配上肥瘦相間嘅豬腩肉，再加上青蔥去消除油脂感，非常出色嘅配搭。

清湯烏冬
有昆布同埋一啲菇。同埋呢個係白布烏冬，一大塊咁過，都幾特別。

甜品
係冧酒焦糖燒菠蘿，綠茶蕨餅配十勝紅豆醬。菠蘿好清甜，又有淡淡冧酒香。十勝紅豆嘅甜度都好高，好食。