我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“抵食茶記在中環”
中環茶記的評論

中環茶記
線上訂購
香港排名第2,315 (共13,782家餐廳)
周圍地區: 中環
餐廳詳細資料
周圍地區: 中環
3 週前評論 透過行動裝置

去到中環,見到間好有特色既茶記,呢到樓高3層,店內既設計、裝飾都好有懷舊感。就位於中環威靈頓66號裕榮大廈地舖,一眼就睇得到,燈光閃閃的【中環茶記】,樓梯仲有70-80年代既感覺。

假日原來無下午茶餐食,所以就叫咗份
茶記常餐:

五香肉丁公仔麵 + 火腿炒滑蛋 + 歐式多士配牛油 $45 + 配懷舊紅豆冰 $8
大大舊五香肉丁,公仔麵軟硬到適中,2塊火腿配香滑滑蛋,仲有件脆口厚身牛油多士。當然要再配埋懷舊紅豆冰,大大粒紅豆。

廚師推介:
揚州炒飯 $55 + 配凍奶茶 $3
碟炒飯好香好好食,夠哂足料又夠大碟。配埋杯香滑奶茶。

特色小食及多士:
法蘭西多士 $24
去得茶記食野,當然唔少得西多士啦,西多士好厚身,搽上牛油 + 糖漿,切開一格格,外香脆內軟,好好味。

炸雞中翼 (3隻) $24
外皮香脆炸雞翼,肉質嫩滑。

造訪日期: 2020年5月
感謝 SukiYeung
該評論乃TripAdvisor會員主觀個人意見,不代表TripAdvisor LLC公司。
發表評論評論 (29)
旅客評等
旅客類型
月份
語言

1 - 5 則評論,共 29

4 週前評論

中環茶記 Cha Kee Central 疫情影響下,全香港餐廳都受影響,今次走到去中環搵食
餐牌同上一手唔同左,應該係轉左班底
食物水準依舊,餐牌減掉了不少款式,集中做好招牌美食
入座前測體溫例牌做足,態度服務唔錯
下午茶,午餐相對抵食
下午茶2-5PM 一份都係$30多就有
午餐有$50套餐,每天一款,蒸排骨,蒸雞,咸蛋肉片等等~配白飯~
今日食個精選午餐,皇牌焗豬扒飯 $55,不貴,大字頭快餐都要50啦
即點即焗,厚切豬扒,食起上黎有肉汁,夠嫩香
焗番茄醬汁加上香草碎,食起來帶一點清香~
芝士係可做到拉絲效果,飯底有炒過,粒粒爽身分明
整體份量係足夠既,不會太油膩~
係做得唔錯既焗豬

造訪日期: 2020年4月
    • 划算度
    • 服務
    • 食物
2  感謝 alex lam 林
該評論乃TripAdvisor會員主觀個人意見,不代表TripAdvisor LLC公司。
4 週前評論

已經有幾個月沒回舊屋打掃,趁今日得閒,返去執拾一下,順便到「中環茶記」吃頓下午茶。

餐廳座落於威靈頓街,樓高 4 層,佔地數千呎,每層均以懷舊主題來設計,配上門口以霓虹燈製成的招牌,設計極具特色。至於店內裝潢亦落足心機 ,到處都可以看到不同懷舊風格的佈置 ,如天花吊扇、墨綠色地磚等,盡顯老香港情懷。

睇咗餐牌,原來假期無下午茶餐供應,我哋揀咗乾炒牛河、法蘭西多士、瑞士雞中翼、油多同飲品。

乾炒牛河 ($55):牛河鑊氣十足,上檯時仍熱騰騰。牛肉夠曬厚身,大片完整,賣相焦香誘人,食落有牛味。河粉透薄分明,乾身煙韌,入口腍滑有米香,吃罷碟子上沒有半點油。

法蘭西多士 ($24):件西多送上來時還是脹卜卜,外層炸至金黃香脆,切開裡面軟綿綿,再加上牛油和糖漿,香口而不太甜,簡單又美味。

瑞士雞中翼 ($24):雞翼一客有 3 隻,外形屬中等,唔算特大,不過就浸得非常入味,入口皮香肉嫩,香甜惹味,無與倫比。

牛油多士 ($15):多士烘得未算很香脆,幸好麵包頗厚身,而且牛油塗得夠多也算均勻,味道亦不俗。

牛河配有咖啡或奶茶,如果轉凍飲就要加 $3。我哋點咗凍奶茶 (+$3),另外加咗杯紅豆冰 ($28),奶茶口感非常順滑,奶味和茶味平衡,奶香與茶香並重。紅豆冰非常大杯,夠曬冰涼解渴,紅豆煮得稔而香甜,而且甜度亦十分適中,入口奶味濃,好飲。

其實在這步伐急速的大都會裡,間中去一些富有懷舊特色的店子閑坐一會,享受不一樣的用餐體驗,絕對是一個不錯的選擇。

造訪日期: 2020年4月
    • 划算度
    • 服務
    • 食物
感謝 mjqueen7e
該評論乃TripAdvisor會員主觀個人意見,不代表TripAdvisor LLC公司。
2020年4月18日

平日下午茶時間,限聚令下只可招呼一半客人,餐廳好守規矩,封咗一半枱,一丶二樓已坐滿客,我哋被安排到三樓,連條樓梯都好懷舊feel,沿邊鋪咗紙皮石。

經過2樓,怖滿可口可樂嘅裝飾;呢2部Dumb waiter真經典,已經好少見到,用嚟運送食物,提高送餐效率

估唔到身在中環,價錢算親民,下午茶餐只係$32-38,幾抵食!

廚師推介系列,蟹籽海皇燴炒飯 $60
蝦粒丶仿蟹柳粒丶蟹籽炒飯加芡汁,口感似福建炒飯,夠哂飽肚

下午茶系列,瑞士汁乾炒牛河 $38
牛肉丶蔥丶牙菜丶河粉炒成,,再加上蛋絲及芝麻,味均勻,夠鑊氣,炒得夠乾身,唔會食到成咀油

法蘭西多士 $32
飯後食返件甜嘢,先算完美,所以叫多份西多餐,炸到金黃香脆,加上牛油及糖漿,食咗先講!凍檸賓,有成半個檸檬,出面好少有,好正!

特別要試返杯由大埔文興茶水檔梁師傅炮製傳統嘅港式奶茶,真係好滑,茶味夠,趁熱飲~

造訪日期: 2020年4月
感謝 jy0v0
該評論乃TripAdvisor會員主觀個人意見,不代表TripAdvisor LLC公司。
2020年2月18日

對上一次同一班老友嚟中環食茶餐廳已經差唔多喺年半前嘅事,嗰次一棚人嚟呢頭就食晏,都喺叫啲特餐、午餐之類,今次因為過開嚟呢頭想飲下野睇睇野,就順便係到食埋個晚餐。地點揀咗真真正正嘅【中環茶記】,一來位置上都好就腳,威靈頓66號,其實大家都成日係中環遊走,都幫襯過好多唔少餐廳,就腳方便企理就最好,二來茶記非常好,夠多嘢揀,又平靚正。

門面經過唔怕行錯,因為五光十色非常多霓虹燈,其實論不上好港式既茶餐廳,因為摩登味重。

入面裝修採用6、70年代懷舊港式茶餐廳風格,彷制格局得唔錯,有天花吊扇、墨綠色地磚,仲見到用傳菜升降機上菜,好得意,成間分左幾層,每層位置寬敞,有卡座圓枱。

到處也貼上舊香港舊照片,不同懷舊字體句子,幾搞笑。

睇睇Menu,好多人都會點常餐等等,更有不少懷舊菜式,如紅豆冰、懷舊雪兔、鐵板餐等,盡現舊式香港情懷!但因為晚餐既關係想點飽肚一點既叫餸食飯。

熱奶茶
我是奶茶愛好者, 天天一杯「回魂奶茶」,呢幾年不變。飲到呢間嘅奶茶,都真係開心大發現。

紫薯流心西多士 $48
下午茶必點嘅西多士,夜晚照食,呢度全新推出有4款,我就揀左紫薯,見佢話嚴選高級日本直送紫薯,就睇下係咪好食D,西多士其實就是法式吐司拿去炸,有些裡面會抹醬,上面再放一塊奶油,熱騰騰剛出爐的 紫薯流心,真心流心程度沒有的,可能改名叫流沙會好點。

不過入口,口感香滑,紫薯味道都濃郁,都算合枱嘅。

海南雞無骨豬手雙拼 $88
點左份雙併海南雞無骨豬手配白飯,部位屬雞髀部份雞肉夠嫩滑處理得不俗,呢個雙拼配上3隻醬汁,海南雞點上泰式醬汁非常開胃。

無骨豬手切薄片,味道非常佳,皮與瘦肉完美比例,每一口都有Q彈外皮與細緻豬肉~滑嫩嫩口感與濃郁香氣,讓人一口接一口,沾著獨門醬料,好好吃呀!推介!

干鍋麻辣土雞 $128-半隻
好多唔同款式既野食,連干鍋都有。 干鍋本來是四川等地一帶的受歡迎菜式,真的可以與火鍋相媲美呢。

雞肉入味帶點辣味,口味有偏重,吃到最後偏鹹,醬汁再少一點會比較好,不過份量好多,而且色澤都好靚。幾個人Share食,性價比都高呢。

總價錢不收加一服務費,但真心來說,茶記的服務超好的,呢個位好加分。其他野食都甚具噱頭,下次再試新野先。

造訪日期: 2020年2月
    • 划算度
    • 服務
    • 食物
感謝 Daitodum
該評論乃TripAdvisor會員主觀個人意見,不代表TripAdvisor LLC公司。

去過中環茶記嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單