我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“久違了的點心❤️”
鳳城酒家1954的評論

鳳城酒家1954
使用外送服務
香港排名第3,362 (共15,541家餐廳)
周圍地區: 觀塘區
餐廳詳細資料
周圍地區: 觀塘區
2021年3月14日 透過行動裝置

9/10

今日約左朋友去MEGA食飯,講起好耐無飲茶好掛住點心呀朋友就話帶我去鳳城食好野,滿足我嘅願望喎

坐底見到menu好多野都好想食,點知唔覺唔覺點左勁多野,食到食唔晒,要打包走

金光炸粉果
完全超出我想像,有點以餃子嘅外型,炸到好香脆,啖啖彈牙嘅蝦肉,配埋蝦上湯,正﹗

飽魚雞粒酥
以為蛋撻嘅外型好似好普通,其實味道一啲都唔普通,而且酥皮撻底好鬆脆

貪心嘅我點左個什錦嘅包羅萬有。豬仔外型嘅叉燒包,味道啱啱好又有口感。點知黃色嘅奶黃流心都唔弱,差啲流到周圍係。最喜出望嘅係綠色嘅青趣奶皇子,原來係味道好fresh嘅綠茶,好味又唔會太甜

黑松露野菌餃
熱辣辣嘅野菌餃有少少筍,口感變得好爽脆,配埋黑松露,好惹味

三式炸作
唔止有樣,仲好有內涵。又睇得又食得

1984蝦多士
炸到好香口,上面嘅蝦仲係原隻咁上,睇得見嘅足料,仲好鬼彈牙

紫砂茶壼燉螺頭湯
雖然係1位份量,但其實都好多,可以斟到6、7杯湯料多,味道好香濃

金磚豆腐
除左平時食到嘅味道同口感外,當中好似帶有淡淡芝麻香味

孔融釀蟹蓋
真係好好味﹗蟹蓋釀得滿滿、勁足料外,個餡仲勁多蟹肉不過食完覺得勁飽

金叵籮蟹鉗
Size超大,炸得香脆、爽口又彈牙,小朋友都一定會鐘意食

蜆蚧鯪魚球
怕腥嘅我其實好驚食鯪魚球,因為整得唔好的話會有腥味…但我朋友食完極力推介我試,所以免為其難咁食一啖點知一啲都唔腥,而且味道仲好香濃。我之后仲自動波食多一粒添

生菜夾豬
以前我係一間小炒餐廳食過一次鵪鶉崧令我好難忘,今日係menu見到,梗係想再食啦﹗今次雖然無我以前食過嘅小炒咁有獲氣但口感好清新,一啲都唔覺得油膩

雖然啲野食食唔晒,但一餐滿足嘅晚餐,又點少得甜品呢所以情頊打包都要叫返啲甜品食

我點左杏仁茶,幼滑又香濃,仲要係微甜,啱晒怕肥嘅女士。養顏又無唔怕有負擔

朋友就叫左個西米焗布甸,佢話好好味,不過好飽

造訪日期: 2021年3月
1  感謝 mcpig2003
該評論乃Tripadvisor會員主觀個人意見,不代表TripAdvisor LLC公司。
發表評論評論 (12)
旅客評等
旅客類型
月份
語言

2 - 6 則評論,共 12

2021年3月13日 透過行動裝置

最近兩個月工作太忙碌,再加上沒有晚市堂食,晚飯都變成宵夜了。難得晚市堂食重開,忙裏偷閑去了九龍灣Megabox的鳳城1954大吃一餐。

鳳城 1954 為鳳城酒家飲食集團旗下的新派順德菜品牌。品牌在保留傳統的同時設計、改良並推出新派食物,吸引年青消費客群。

新派/改良版的美食真的很多。創作{包}點便是其中之一。三款賣相可愛的包包供食客選擇:豬嘜叉燒包、青趣奶皇子、溶岩流沙包。想每款都品嘗得到?包羅萬有就可以滿足到你。叉燒夠水準、溶岩流沙鹹蛋黃味香甜、最特別莫過於流芯抹茶陷的青趣奶皇子,抹茶味香濃而不膩。

燉湯以紫砂茶壺盛載,賣相精緻。紫砂茶壺吸收了油份之外,還為湯保持熱度。紫砂茶壺燉螺頭湯,材料豐富,螺頭、瘦肉、桂圓、杞子。湯品鮮味夠火候。

原隻鮑魚煮得入味,鮑汁滲透下層的雞粒,撻底鬆脆,這個鮑魚雞粒酥相當精彩。

黑松露野菌餃是近年新興港式的經典蒸點改良版。在上素野菌餃上再加上黑松露醬,提升食材味道,亦令野菌餃更高貴。

金磚豆腐外層金黃酥脆,內裡柔軟滑嫩,是我喜歡的豆腐菜式。剛炸起的金磚豆腐表面雖涼、但內部仍然很熱,所以食的時候要小心燙口。

1954蝦多士作為鳳城的經典菜式,當然是其中一款必點美食。原隻大蝦俯跟多士炸得金黃脆卜卜,多士的酥脆、大蝦的爽彈帶出了雙重口感而不油膩。

上湯炸粉果是陳年舊點。炸粉果原自順德沒有潮州蒸粉果那麼歷史、外皮和餡料亦有所不同。外皮香脆可口,內陷鮮嫩爽口。食的時候,將炸炒果浸一浸粉菓、令外皮更為酥鬆、口感外軟內脆更多層次,似足打邊爐時的響鈴一樣。

生菜夾豬是我沒有想過會出現在中式餐廳的菜色。與別的生菜包不同,鳳城1954大膽地加入了鵪鶉肉鬆、令生菜夾豬更加鮮香美味。

想食炸物又怕太多,三色炸作就非常合適。這一碟就包括蒜香蝦春卷、甘荀咸水角及牛肝菌腐皮卷,全都是脆卜卜的香口炸物。

蜆蚧是珠三角地區的特產,與鯪魚球總是形影不離。在鳳城1954品嘗到的蜆蚧鯪魚球,有正宗順德廚師的調味配方的蜆蚧,再加上彈牙鯪魚球,絕對是必點食品。

孔融釀蟹蓋可以說是最早期的新派中菜之一。金黃色的釀蟹蓋,啖啖鮮嫩蟹肉。

婚宴或尾牙經常出現的金叵羅蟹鉗,不用等到婚宴或尾牙都可以吃得到。香脆的外皮,包著充滿彈性和蟹香的內饀。

西米焗布甸為港人熟識,也是鳳城酒家的名菜,過往鳳城的焗蓮蓉西米布甸是需要預訂的。金黃色的表面,十分吸引,在未吃時已傳來陣陣香氣。切開後可見一層黃色,一層是蓮蓉。鳳城的西米布甸不厚,切開後蓮蓉在底部流出。入口充滿蛋和奶香,西米軟硬適中,蓮蓉令布甸更加滑口甜美。

蛋白杏仁茶綿滑,啖啖充滿蛋白與杏仁香味。另外再配搭杏仁餅,精緻美味。

造訪日期: 2021年3月
1  感謝 kenku216
該評論乃Tripadvisor會員主觀個人意見,不代表TripAdvisor LLC公司。
2019年12月5日 透過行動裝置

位於九龍灣megabox,地方頗大,食物多款式,價格偏貴,好彩我用其他 Apps優惠,平宜了幾十巴仙,這才算抵食,總體來說,值得一試!

造訪日期: 2019年10月
2  感謝 544chank
該評論乃Tripadvisor會員主觀個人意見,不代表TripAdvisor LLC公司。
2019年9月9日 透過行動裝置

服務人員推薦的手作桂魚捲非常美味,蟲草花燉豬展湯、香露鮮蝦炒米粉、脆皮梨山骨....都很有特色。

是日消費金額$898!

造訪日期: 2019年9月
5  感謝 620wenyingc
該評論乃Tripadvisor會員主觀個人意見,不代表TripAdvisor LLC公司。
2019年6月24日 透過行動裝置

這間鳳城酒家1954同其他鳳城酒家不同,他的點心比較新穎,有卡通造型,吸引較年輕一代食客。食物方面做得不錯,可以一試!

造訪日期: 2019年6月
感謝 JoyceW2056
該評論乃Tripadvisor會員主觀個人意見,不代表TripAdvisor LLC公司。

去過鳳城酒家1954嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。