有別普通餃子店，小店主要用木系同白灰牆黎裝潢，感覺簡約得黎好文青，仲好光猛同舒服淨係餃子款式已經有11款湯餃同煎餃一樣咁受歡迎另外仲有麵set同小食～～
.
◽️雙併湯餃10甩 $46
雙拼都唔使加錢啱晒我呢啲選擇困難湯底可以簡雞湯或者蕃茄薯仔魚湯～我簡佐後者每碗都會再加一匙薯仔蕃茄蓉係面再帶啲魚既味飲落好鮮甜！雖然唔係話真係超級濃味～但覺得襯餃子岩岩好仲要咁大碗!! 真係好住家feel～～完全無味精既感覺！
講完湯底終於到主角！！分別要咗frd強推既粟米芝士雞肉餃同西洋菜豬肉餃粒粒都勁大甩勁飽滿～同埋個皮唔會話好厚岩岩好‍♀️前者每啖都咬到啲粟米粒好甜芝士味唔會特別話好出，但真係食到啖啖都好足料同juicy西洋菜餃都一樣55比例咁澎湃重點係每粒餃都會有湯底既餘韻～～真係好好飲haha
.
◽️煎餃子麵 $46
依碗就簡佐雞湯同台灣麵，飲落比前者較清淡，有啲葱花調味咁～但重口味人士既我再加佐啲自家製既菜莆中和返有少少麻辣，落完之後更加惹味係我鐘意既味道！麵質都幾爽口同有彈性～～配魚湯應該會入味啲下次試下先
煎餃要佐洋葱牛肉餃覺得幾有驚喜食落牛肉味幾重～帶點洋葱既香氣！煎到金黃色食落外脆內軟仲爆晒汁點埋個醬醋真係perfert池
.
總結，真係甩甩餃都勁足料個人力推粟米同牛肉餃湯底就蕃茄薯仔夠住家I like 出街食唔等於要熱氣架嘛！重點係抵食又local～

看似平平無奇的 雙拼煎餃10隻($44) 分別係韭菜豬肉餃同香芹芫荽豬肉餃餃子外型好似一隻金元寶，肉餡飽滿脹卜卜，餡料切得細碎，方便咀嚼，每啖都充滿豬肉香同韭菜香/芫荽香☺️☺️愛芫荽的朋友仔一定唔可以錯過。

2018 即將進入尾聲，在此先祝大家新年進步，身體健康，勇往向前。唔知各位計劃好除夕夜去邊度玩兼 Countdown 未呢？其實筆者今晚一早就已經約好咗小鬼去銅鑼灣倒數慶祝，不過由於時間尚早，所以決定先去長沙灣接老公放工，然後去吃點輕食，再繼續行程。

老公提議帶我去吃餃子，原來佢之前嚟食過，覺得店裡的餃子味道唔錯，不但口味有創意，而且粒粒飽滿，加上定價相宜，所以想帶我嚟試下。店子喺昌華街，位置都幾隱蔽下，好彩有老公帶路。

餐廳設計呈長方形，店內面積不大，座位分成左右兩排，左手邊以四人方桌為主，而右手邊就擺放了長檯櫈，配上水泥牆身，裝潢簡潔，感覺企理舒服。

入座後先拿起餐牌細看，餃子款式都幾多，有成 8 款口味，包括椰菜冬菇雲耳豬肉餃、香芹芫荽豬肉餃、粟米芝士雞肉餃、白菜豬肉餃、菜心豬肉餃、韭菜豬肉餃、洋蔥牛肉餃及京蔥羊肉餃，另外亦有一款季節限定的西洋菜豬肉餃。除此之外，店子亦有麵餐、特色小食同飲品等供應，選擇不少。原來仲可以用 QR code 掃描程式登入點餐，非常先進。

餃子全部自家製，見到阿姐坐喺度密密手包；新鮮現包的餃子果然零舍唔同，看起來粒粒飽滿，既豐滿又有彈性。

選了兩款湯餃、兩款煎餃，另外再加咗幾款小食。雙拼湯餃揀咗：椰菜冬菇雲耳豬肉餃拼菜心豬肉餃 ($42/10隻)，湯底預設為自家製鮮雞湯，亦可以轉做番茄薯仔魚湯。據說雞湯係用咗大量雞殼、雞腳同金華火腿等熬成，入口非常鮮甜，既順喉又不油膩。椰菜冬菇雲耳豬肉餃用料十足，食落爽口清新；而菜心豬肉餃亦做得很有水準，豬肉和蔬菜比例平均，不會過於鬆散，啱曬我口味。

至於雙拼煎餃方面就揀咗：白菜豬肉餃拼韭菜豬肉餃 ($44/10隻)，兩款餃子都煎得金黃香脆，豬肉唔乾身，食落超 juicy，吃時可蘸點桌上的秘製蝦米辣菜脯，入口辛而不辣，帶醃菜特有的鹹香，配上油香豐富的豬肉餃子，味道一流！

食完餃子就輪到試下店裡的小食，選了醉豬手 ($45)、滷水牛展、蝦籽蠔油菜心同飲品熱豆漿。醉豬手以雞湯慢煮而成，皮肉嫩滑，筋位爽彈腍軟，充滿骨膠原，入口帶馥郁酒香，非常滋味。

滷水牛展 ($38) 切成薄片，中間帶少許筋膜，肉質肥瘦適中，煮得入味又夠腍，入口軟熟，咬開不費勁亦不黏牙。至於蝦籽蠔油菜心 ($20)，條條望落去都色澤翠綠，食落唔太老，亦無灼得過火，入口清甜無渣，配上蠔油同蝦籽，帶漁村風味。食完飲番杯香醇的熱豆漿 ($8@)，成個人都暖笠笠，感覺很窩心！

唯一可惜係今次試唔到洋蔥豬肉餃同京蔥羊肉餃，因為店員話呢兩款餃子一早已經售罄，唯有下次再嚟碰下運氣。