我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“素食點心+創意啤”

樂茶軒 (中環)
餐廳訂位
使用外送服務
香港排名第5,962 (共14,738家餐廳)
餐廳詳細資料
2020年12月13日

夜晚收工,把握最後一晚的4人限聚令,來到中環大館食下素食點心飲下茶啤Relax 一下。我地被安排坐係室外,有暖爐,好有冬天feel,仲可以一邊食嘢一邊欣賞大館外的夜景,十分浪漫。

龍華寺素卷
腐皮卷包裹着椰菜、木耳、甘荀等蔬菜,份量十足, 十分飽滿,而外層煎得焦脆,煙煙韌韌的卷配上爽口的蔬菜,口感十分豐富有層次。

黑松露燒賣
黑松露醬俾得頗多,一點也不吝嗇, 其味道亦相當濃郁, 燒賣雖然都用素食制的,但與真燒賣差不多,皮夠薄,口感彈牙。

秘製豉油皇炒麵
炒麵配上簡簡單單既芽菜和韮黃等配料,面再加灑上少許白芝麻,整體色澤好靚,金黃色,麵亦炒得乾身,食落更有好香既豉油味,同出面食果D好唔同。

生煎香茜磨菇包
脹卜卜,好足料, 一口咬落,香茜的香味撲鼻而黎, 雖則好重香茜味,但亦無蓋過磨菇既香味,兩者好夾。

香煎鍋貼
外皮卜卜脆, 好香口

咖哩素芳
咖哩唔會太辣,但裹面有雜菜扣左少少分,整體算唔錯。

茶啤
今晚最期待的就係茶啤,叫左一set 四種口味的茶味生啤,由左至右,由淡至濃咁飲:
烏龍生啤:較茶味清淡
蜜香生啤:清甜可口
苿莉生啤:最香茶味, 個人喜歡呢款
普洱生啤:好似黑啤

造訪日期: 2020年12月
    • 划算度
    • 服務
    • 食物
感謝 pandasmall
該評論乃TripAdvisor會員主觀個人意見,不代表TripAdvisor LLC公司。
發表評論評論 (8)
旅客評等
旅客類型
月份
語言

1 - 5 則評論,共 8

2020年9月24日 透過行動裝置

放假去大館同朋友行下個陣發現呢間樂茶軒
決定入去食個晚餐先~

入去就覺得好有文化氣息,最岩我打下卡影下相
本身對茶唔太認識,經理好有心咁介紹

明前獅峰龍井
第一次聞既時候有淡淡既白朱古力味,佢係綠茶既一種,第一口飲落左,味道淡淡,口內慢慢回甘,令好舒服

蜜香紅茶
一打開茶蓋就有好陣蜜糖香,先飲一啖,甘味迴盪、長存唇齒之間~蜜香醇和最岩我呢啲鐘意甘甘地帶有小小蜜糖香味~令人愛不釋手

薑汁素肉小籠包
真係估唔到小籠包都可以有素既,呢個小籠包同平時食個d有肉既係一樣,有湯架,真係好驚喜吖,但記得要趁熱食吖!唔係d湯就凍晒無甘好食啦!

黑松露燒賣
本身係為食呢款點心而嚟~果然無令我失望!
黑松露好香而且份量唔少,非常濃郁全口都充滿黑松露嘅味道~當黑松露味慢慢散走,燒賣嘅口感就取而代之燒賣皮夠薄~再配素豬肉、素蟹柳等! 配不馬虎

蜜糖香檸柳
用素魚柳炸成,一食就知炸粉好厚,做到外脆內軟
再配甜甜酸酸嘅蜜糖香檸醬,好開胃,食極都唔會覺得油膩~✨

台式馬蹄水餃
水餃皮非上薄,可以透到入面嘅料,但唔會鬆散
水餃內料豐富,有馬蹄、蘿蔔絲、雲耳等,湯底都較清,鐘意清淡啲嘅朋友可以食呢款

藕斷絲連
1 份試到2 個做法,1邊係炸藕條,香脆內爽
雖然係炸藕條,但保留到蓮藕嘅爽口當零食咁食都幾健康另一個做法蓮藕加素肉去煎,爽口得嚟仲有素肉嘅肉汁,唔會太乾

xo醬煎蘿蔔糕
首先食落去係食到甜味,係蘿蔔既清甜,之後就有xo醬既味道慢慢滲出,呢個蘿蔔糕煎到外脆內軟,令人不禁一啖一啖食唔停口

芝士南瓜菇菇
南瓜粒加上芝士,再放係蘑菇上面一齊焗,無想像中甘濃味,但係極好味,好清香既蘑菇味,好鐘意!
經理特登送咗2 粒冰糖葫蘆水果我哋, 士多啤梨好新鮮外面就甜甜嘅味道~超好食

楊支甘露
天氣咁熱,食完正餐當然要食埋佢個糖水!!
楊支甘露有勁大個芒果雪糕,除咗芒果外仲有椰果、西米等,食完真係透心涼

莉花湯圓
個名好靚吖,先試個湯,係茉莉花味而且唔太甜,而湯圓係芝麻餡,兩者好配合,唔會互搶

造訪日期: 2020年7月
感謝 Ctyingz
該評論乃TripAdvisor會員主觀個人意見,不代表TripAdvisor LLC公司。
2019年9月4日

在這裡享受到了精緻的法國素食。好吃的晚餐,以及很好的招待。最有意思的是茶和法式素食出奇的相配。我還點了樂茶軒自己出品的啤酒,就是傳說中的茶啤,感覺相當的棒。聽說法式晚餐只供應網上,而且出品是時令限定,所以每一次去,吃的可能都有不一樣的驚喜

造訪日期: 2019年8月
    • 划算度
    • 服務
    • 食物
1  感謝 LiM569
該評論乃TripAdvisor會員主觀個人意見,不代表TripAdvisor LLC公司。
2019年6月2日 透過行動裝置

看到餐廳門外有點心牌,滿心歡喜走進去,一坐下來侍應告知最低消費每人要點一款飲品,飲品有多款泡茶,啤酒和果汁選擇。茶類價錢挺貴的!再仔細看看點心牌,發覺原來是一間素食餐廳,雖然有點失望,但已坐下就勉強點了幾款點心。幾款點心味道其實都不錯,偏清淡,對於素食者來說應該滿分!但對於食肉獸的我儘管肚皮滿足了卻始終難免有點空虛感。

造訪日期: 2019年6月
感謝 Mini C
該評論乃TripAdvisor會員主觀個人意見,不代表TripAdvisor LLC公司。
2019年6月2日 透過行動裝置

位於中環大館地面廣場,提供室外及室內座位,餐廳裝修設計有濃厚茶莊風格。要注意餐廳只提供素食點心及甜點,另外設有最低消費(一杯飲料)。素食來說質素不錯,除了主打的各款茶外還有啤酒及果汁提供。

造訪日期: 2019年6月
感謝 minibun_travel
該評論乃TripAdvisor會員主觀個人意見,不代表TripAdvisor LLC公司。

去過樂茶軒 (中環)嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
US$USD
台灣
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。