我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“燒豚居酒屋🏮”

Mokumoku Yakiton (The Lamma Tower)
餐廳訂位
香港排名第490 (共15,251家餐廳)
周圍地區: 尖沙咀
餐廳詳細資料
周圍地區: 尖沙咀
2021年3月8日 透過行動裝置

忙碌了整個星期,終於來到週末鬆一鬆。
厚福街食店多的是,來搵食的人也不少。未到六時就已來到坐定定,當時只有另外兩枱客,但六時半已經變得高朋滿座。
店員都十分殷勤,會主動介紹食物。
先來一個蕃茄沙律清一清味蕾。
再來的刺身盛有驚喜,帶子和蝦都肉厚鮮甜,如手掌般大的岩蠔夠爽滑!
串燒是這店的主打,單是豬嘅串燒就有幾頁menu的選擇。我和友人嘗了西班牙黑豚肋骨肉、豬顎骨肉等。月見免治豬肉串配上燒汁和生蛋黃口感滑溜,很美味。另外還有各款豬肉燒卷:蘋果紅薑豬肉卷,配搭新鮮;茗荷豬肉亦很特別,茗荷帶有獨特香味,味甘,能中和豬肉的油膩感。
除了豬肉,厚切牛舌串燒亦值得推薦!
燒菠蘿香甜多汁,是為這餐豐盛的晚餐作結的最佳之選。

喝著梅酒,品嚐美食,再忙也應抽空抖一抖!

造訪日期: 2021年3月
1  感謝 lkflorence
該評論乃TripAdvisor會員主觀個人意見,不代表TripAdvisor LLC公司。
發表評論評論 (35)
旅客評等
旅客類型
月份
語言

6 - 10 則評論,共 35

2021年2月21日

短短一條口福街,各式各樣的食肆,地道小食應有盡有,除了地下,一些位於銀座式大廈內的食肆也越開越多,環境、質素也不俗,我和朋友喜歡嘗新,今晚又沒有特別心水,所以便隨意選了一間位於樓上的居酒屋醫肚。

餐牌上菜式繁多,眼濶肚窄,盡試

蒜子蕃茄沙律 $28
入口清清甜甜,加上蒜香醬汁,加起來很配合,做前菜就啱晒!

白子刺身 $98
因為店員推介,所以二話不說便點了一份。白子其實是魚類的精囊,雖然聽落頗嘔心,但人一世物一世,點都要試下。白子色澤潤白,沒有一般內臟的腥味,口感綿密爽滑,拌以日式醬汁同吃,味道其實不錯!


刺身盛合五款 $298

刺身五款包括 : 海膽,三文魚,帆立貝,油甘魚,赤蝦等,海膽鮮甜;帆立貝不單大隻,而且非常厚肉鮮甜;油甘魚和三文魚新鮮爽口,三文魚魚油甘香,特大赤蝦鮮味濃郁,款款都各有特式!


煙燻豬腩  $128

燒得很香,味道甘香濃厚,份量很多,每件都啖啖肉,加上芥末檸檬醬汁,可以減低豚肉的肥膩,喜歡濃味的不要錯過!

月見免治豚肉串 $116@ 2串

大大串免治豚肉,外型飽滿,燒好之後再沾過醬汁便可以上檯,吃之前務必將豚肉串蘸上新鮮蛋黃汁(月見),味道多了一份層次,原始的蛋香令豚肉味道更濃郁更惹味,感覺上亦沒有那麼熱氣,好味!

上等豬脷串 $76@ 2串

豬脷串很香,還切得很厚身,口感爽,鹽香味濃,第一次吃豬脷的感覺都不錯,下次也可以再encore!


九條蔥卷 $64@ 2串

用上豚肉片包著香蔥一齊燒,豚肉裡有蔥香味,蔥裡有豚肉甘香味,吃上來很可口!



厚揚 $56@ 2串

厚揚是燒豆腐的日本名稱,豆腐燒後塗上醬汁,加上調味,豆腐嫩滑,豆香味濃,是居酒屋不可或缺的小吃之一。

芫茜卷 $76@2串

今次主角是芫茜,用豚肉包著燒,芫茜味濃,加上豚肉的香,一濃一香,很匹配,不吃芫茜的都應該要試一試,可能會令你對芫茜改觀!


厚切白金豚肉 $98@2串

真的切得很厚身,看外表好像很肥,但出乎意料,原來肥膏部份不但爽而且十分甘香,加上肉質厚身,燒起來肉汁容易被鎖住,口感嫩滑,肉汁豐富,既香口,但一點都不覺得膩!

豚肉露筍卷 $64@2串

豚肉果然是這店的主打,將半肥瘦的薄豚肉包著嫩綠的露筍一起燒,外表亮澤金黃,豚肉肉質軟滑,肉味鮮香,露筍清甜爽口,真是絶配。

柚子X梅酒 $65

柚子梅酒,味道清醇可口,同時散發著柚子的清香,加上梅酒本身酸酸甜甜的味道,容易入口,配串燒簡直一流!

這裏的白子刺身和芫茜卷,果然不同凡響! 是今趟晚餐的最大驚喜,我心中的必食之選。

造訪日期: 2020年11月
    • 划算度
    • 服務
    • 食物
1  感謝 3point3
該評論乃TripAdvisor會員主觀個人意見,不代表TripAdvisor LLC公司。
2021年1月25日

太耐冇去日本,大家都好掛住日本。今次就同朋友仔一齊去咗間居酒屋食,呢間係位於厚福街嘅樓上嘅居酒屋。居酒屋主打豬肉,如果你唔鍾意食牛或者係戒牛嘅朋友咁就啱晒你,而居酒屋會提供啲特別嘅豬部位。居酒屋比較細小,所以大家都坐得close啲。居酒屋會先安排一個番茄沙律,沙律幾清新,作為一個唔錯嘅開胃菜。另外,枱面會擺上檸檬同柚子泥,俾你食串燒時調味。

刺身拼盤 $298
拼盤有五款刺身,包括海膽、油甘魚、赤蝦、帶子同埋三文魚。幾欣賞油甘魚同帶子,油甘魚好厚身,食完魚生口腔仍然留有一陣好香嘅魚鮨味。帶子大隻又厚身,好滿足!

天下第一刀 $288
呢一碟係餐廳推介,原來天下第一刀係指豬頸下嘅位置,十分罕有。經過燒香後,肉質就鬆軟又帶少少爽口。佢又未到豬頸肉咁爽,但會有一啲豬嘅油脂香味,外邊則燒得好香脆。餐廳以鹽同蒜片調味,加上蔥花,已經好夠味,但唔會掩蓋晒啲豬肉本身嘅香味。

日本產青椒芝士豚肉卷 $36
本身唔係太喜愛青椒,但呢一個係朋友誠意推介,佢話係食得開心又好味,咁我就試吓。原來青椒入面包滿芝士,當你咬落去嘅時候,就會出現好長好長嘅拉絲。而且,青椒被豚肉片包住,燒香咗嘅豚肉片更襯托出青椒嘅甜味,令我好驚喜。

白金豚肉流心蛋卷 $38
覺得呢一個流心蛋串燒幾得意,因為佢將一隻溫泉蛋,再以一片白金豚肉片包住,豚肉片上有櫻花蝦同醬汁。溫泉蛋仍嫩滑又有流心效果,另一方面可以食到香口嘅豬肉,口感豐富。

上等豬脷串 $38
叫得做食豬嘅專門店,咁就決定叫豬脷試吓。豬脷比牛脷硬身啲同埋會比較彈牙,加上少量柚子泥更突顯肉味。

日本產銀杏 $32
經過燒烤後,銀杏口感更加實同乾身,同茶碗蒸嗰啲絕對唔同。加上佢細細粒,好快就食晒。

豚肉蘆筍卷 $32
蘆筍並唔會有渣太老,同豬肉片好match~

雞翼 $32
燒菠蘿$38
京姬 柚子x梅酒 $65 (買一送一)

總括嚟講,居酒屋嘅食物質素幾高,價錢上宜家有七折,但當係去轉日本係一個唔錯嘅選擇。

造訪日期: 2021年1月
    • 划算度
    • 服務
    • 食物
2  感謝 jas4food
該評論乃TripAdvisor會員主觀個人意見,不代表TripAdvisor LLC公司。
2021年1月22日 透過行動裝置

閠蜜介紹話呢間係食豬串燒專門店以豬唔同部份和內臟為主, d嘢食仲好正,叫我一定要試,見今日下午得閒走去試下
蒜子蕃茄沙律~蕃茄清甜,配上醋和蒜蓉,清新又開胃
刺身四盒~有肥美鮮甜的三文魚、有肉厚味鮮口感鮮嫩富彈性的帶子同大大隻新鮮爽滑的赤蝦
梅酒~梅味濃郁,酒味香醇,冰凍可口
天下第一刀~呢碟係在豬頸下面位置,每一隻豬都只得500克,肉質軟硬度適中, 味道香濃,口感好爽口
露筍豬肉卷~露筍出面包住薄薄嘅豬肉片,中間條露筍心真係好甜好香,食落唔油膩
豬大腸串~大腸味非常濃郁,外脆內軟
豬頭肉串~味道唔錯,惹味,夠香口
蒜蓉牛柳~牛柳肉質燒得剛好, 帶出蒜香味道
豚肉蘋果卷~呢碟好特別, 咸甜交替, 十分惹味
西班牙黑豚肩肉串~肥瘦均勻,充滿油香,食落唔會過韌,易咬
燒菠蘿 外面塗上焦糖輕輕燒香,菠蘿好Juice多汁,又甜又解膩

造訪日期: 2021年1月
2  感謝 KKMan123
該評論乃TripAdvisor會員主觀個人意見,不代表TripAdvisor LLC公司。
2020年12月27日 透過行動裝置

上星期在飲食雜誌介紹過這間主要食串燒的日式店食店名Yakiton日文指豬串燒,所以主要食豬串燒,對於我呢個串燒怪見到雜誌介紹已經流曬口水呢日出左去尖沙咀買野,就順道上去食個午餐☺️

當我望完個餐牌,真係嘩左一聲咁多串燒選擇,樣樣都想食,不過忍下手又忍下口,再問下侍應意見,原來堂食仲有7折架,咁就係咁易點左10幾串啦 前菜蒜子番茄沙律 : 原個番茄配上蒜香醋醬汁完全將個胃叫醒左

刺身盛合4款 : 食完前菜,當然點左個刺身啦,不得了,每件刺身都係厚切,好鮮味

三得利黑白啤酒: 唔知點解啤酒總係與串燒好疋配

之後就食豬串燒勒,點左豬好多部位,雖然食豬串燒好似好肥膩,不過經過師傅燒左出黎,係香口到不得了 簡單推介下我比較鍾意既串燒啦

豬肝串 – 口感好軟棉棉,好香

豬頭肉串 – 平時好少吃,肉質比較爽口嫩滑

厚切牛舌 - 牛舌厚身又軟及彈牙,而且巖巖好熟,證明師傅好功夫

白金豚肉流心蛋卷 – 呢個好有特色,豚肉片卷住隻流心蛋,再在表面鋪左櫻花蝦,當一咬開,蛋汁流左出黎,一齊食口感豐富

厚切白金豚肉 – 睇食店專頁介紹係來自日本巖手縣嘅白金豚,一咬落去肉味香濃,脂肪又入口即融

燒菠蘿 – 最後我點埋呢個,食左咁多豬肉,當然食埋燒菠蘿中和下肥膩感

造訪日期: 2020年12月
感謝 jc120906
該評論乃TripAdvisor會員主觀個人意見,不代表TripAdvisor LLC公司。

查看過Mokumoku Yakiton (The Lamma Tower)的旅客也查看過

 
中國香港
中國香港
 

去過Mokumoku Yakiton (The Lamma Tower)嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。