我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“去轉日本旅行.豚肉居酒屋”

Mokumoku Yakiton (The Lamma Tower)
餐廳訂位
香港排名第724 (共15,125家餐廳)
周圍地區: 尖沙咀
餐廳詳細資料
周圍地區: 尖沙咀
2021年1月25日

太耐冇去日本,大家都好掛住日本。今次就同朋友仔一齊去咗間居酒屋食,呢間係位於厚福街嘅樓上嘅居酒屋。居酒屋主打豬肉,如果你唔鍾意食牛或者係戒牛嘅朋友咁就啱晒你,而居酒屋會提供啲特別嘅豬部位。居酒屋比較細小,所以大家都坐得close啲。居酒屋會先安排一個番茄沙律,沙律幾清新,作為一個唔錯嘅開胃菜。另外,枱面會擺上檸檬同柚子泥,俾你食串燒時調味。

刺身拼盤 $298
拼盤有五款刺身,包括海膽、油甘魚、赤蝦、帶子同埋三文魚。幾欣賞油甘魚同帶子,油甘魚好厚身,食完魚生口腔仍然留有一陣好香嘅魚鮨味。帶子大隻又厚身,好滿足!

天下第一刀 $288
呢一碟係餐廳推介,原來天下第一刀係指豬頸下嘅位置,十分罕有。經過燒香後,肉質就鬆軟又帶少少爽口。佢又未到豬頸肉咁爽,但會有一啲豬嘅油脂香味,外邊則燒得好香脆。餐廳以鹽同蒜片調味,加上蔥花,已經好夠味,但唔會掩蓋晒啲豬肉本身嘅香味。

日本產青椒芝士豚肉卷 $36
本身唔係太喜愛青椒,但呢一個係朋友誠意推介,佢話係食得開心又好味,咁我就試吓。原來青椒入面包滿芝士,當你咬落去嘅時候,就會出現好長好長嘅拉絲。而且,青椒被豚肉片包住,燒香咗嘅豚肉片更襯托出青椒嘅甜味,令我好驚喜。

白金豚肉流心蛋卷 $38
覺得呢一個流心蛋串燒幾得意,因為佢將一隻溫泉蛋,再以一片白金豚肉片包住,豚肉片上有櫻花蝦同醬汁。溫泉蛋仍嫩滑又有流心效果,另一方面可以食到香口嘅豬肉,口感豐富。

上等豬脷串 $38
叫得做食豬嘅專門店,咁就決定叫豬脷試吓。豬脷比牛脷硬身啲同埋會比較彈牙,加上少量柚子泥更突顯肉味。

日本產銀杏 $32
經過燒烤後,銀杏口感更加實同乾身,同茶碗蒸嗰啲絕對唔同。加上佢細細粒,好快就食晒。

豚肉蘆筍卷 $32
蘆筍並唔會有渣太老,同豬肉片好match~

雞翼 $32
燒菠蘿$38
京姬 柚子x梅酒 $65 (買一送一)

總括嚟講,居酒屋嘅食物質素幾高,價錢上宜家有七折,但當係去轉日本係一個唔錯嘅選擇。

造訪日期: 2021年1月
    • 划算度
    • 服務
    • 食物
1  感謝 jas4food
該評論乃TripAdvisor會員主觀個人意見,不代表TripAdvisor LLC公司。
發表評論評論 (29)
旅客評等
旅客類型
月份
語言

2 - 6 則評論,共 29

2021年1月22日 透過行動裝置

閠蜜介紹話呢間係食豬串燒專門店以豬唔同部份和內臟為主, d嘢食仲好正,叫我一定要試,見今日下午得閒走去試下
蒜子蕃茄沙律~蕃茄清甜,配上醋和蒜蓉,清新又開胃
刺身四盒~有肥美鮮甜的三文魚、有肉厚味鮮口感鮮嫩富彈性的帶子同大大隻新鮮爽滑的赤蝦
梅酒~梅味濃郁,酒味香醇,冰凍可口
天下第一刀~呢碟係在豬頸下面位置,每一隻豬都只得500克,肉質軟硬度適中, 味道香濃,口感好爽口
露筍豬肉卷~露筍出面包住薄薄嘅豬肉片,中間條露筍心真係好甜好香,食落唔油膩
豬大腸串~大腸味非常濃郁,外脆內軟
豬頭肉串~味道唔錯,惹味,夠香口
蒜蓉牛柳~牛柳肉質燒得剛好, 帶出蒜香味道
豚肉蘋果卷~呢碟好特別, 咸甜交替, 十分惹味
西班牙黑豚肩肉串~肥瘦均勻,充滿油香,食落唔會過韌,易咬
燒菠蘿 外面塗上焦糖輕輕燒香,菠蘿好Juice多汁,又甜又解膩

造訪日期: 2021年1月
1  感謝 KKMan123
該評論乃TripAdvisor會員主觀個人意見,不代表TripAdvisor LLC公司。
2020年12月27日 透過行動裝置

上星期在飲食雜誌介紹過這間主要食串燒的日式店食店名Yakiton日文指豬串燒,所以主要食豬串燒,對於我呢個串燒怪見到雜誌介紹已經流曬口水呢日出左去尖沙咀買野,就順道上去食個午餐☺️

當我望完個餐牌,真係嘩左一聲咁多串燒選擇,樣樣都想食,不過忍下手又忍下口,再問下侍應意見,原來堂食仲有7折架,咁就係咁易點左10幾串啦 前菜蒜子番茄沙律 : 原個番茄配上蒜香醋醬汁完全將個胃叫醒左

刺身盛合4款 : 食完前菜,當然點左個刺身啦,不得了,每件刺身都係厚切,好鮮味

三得利黑白啤酒: 唔知點解啤酒總係與串燒好疋配

之後就食豬串燒勒,點左豬好多部位,雖然食豬串燒好似好肥膩,不過經過師傅燒左出黎,係香口到不得了 簡單推介下我比較鍾意既串燒啦

豬肝串 – 口感好軟棉棉,好香

豬頭肉串 – 平時好少吃,肉質比較爽口嫩滑

厚切牛舌 - 牛舌厚身又軟及彈牙,而且巖巖好熟,證明師傅好功夫

白金豚肉流心蛋卷 – 呢個好有特色,豚肉片卷住隻流心蛋,再在表面鋪左櫻花蝦,當一咬開,蛋汁流左出黎,一齊食口感豐富

厚切白金豚肉 – 睇食店專頁介紹係來自日本巖手縣嘅白金豚,一咬落去肉味香濃,脂肪又入口即融

燒菠蘿 – 最後我點埋呢個,食左咁多豬肉,當然食埋燒菠蘿中和下肥膩感

造訪日期: 2020年12月
感謝 jc120906
該評論乃TripAdvisor會員主觀個人意見,不代表TripAdvisor LLC公司。
2020年9月17日 透過行動裝置

尖沙咀日式串燒店滿街都是,如果還要是上樓鋪,更加要有殺手鐧才能殺出重圍。
今天試了口福街一間上樓鋪Mokumoku Yakiton,是朋友介紹,有別於一般日式串燒店,是以燒豬肉為主打的。而且酒類選擇非常豐富,啱哂酒鬼一族嘅我
一坐低即刻飲番杯生啤,通常響日本的居酒屋都是這樣的。接著就叫了前菜日本生蕃茄及刺身盛,刺身共有五款最肥美的是油甘魚厚切,另外的牡丹蝦亦十分鮮甜。
啤酒過後當然是飲Sake啦,這裡的Sake有十分多不同size的選擇,可以隨喜好試很多不同款式
第一道上的串燒是白金豚肉流心蛋捲,豚肉用薄切的方式包著流心蛋一齊燒,從來未試過的口感,腩肉的咸香配以淡淡的留心蛋,出奇地好味
接著是店員推介的豬肉蠔卷,又是一個出奇的新嘗試,蠔雖然細只,但味道超濃郁,喜歡食蠔的不要錯過。
再來是厚燒白金豚肉,肥瘦相間又爽口,而且調味剛剛好,不會過咸。
接著是西班牙黑豚肩肉串,口感有點像雞頸肉,十分特別。
再來是上等豬脷串,是日本來貨的,豬脷除咗煲湯之外,都是第一次吃串燒,由於是以薄切方式,不會太韌。
但說到日式串燒,雞中翼是不能沒有的,單看外表色澤,就知燒得十分對路,而且肉汁豐富,未食完已經想encore
還有亦是店員推介的煙薰豬腩,煙薰味很濃,而且表皮燒得香脆,油粉極豐富。
最後是我的最愛下酒妙品,燒明太子,中間夾了青瓜片,中和了咸味
整體來說串燒非常出色,酒類選擇多,店員見我們飲得高興,還奉上自家釀製的梅酒,十分窩心。而上枱時已奉上的柚子胡椒醬,就能大大提升味道及層次,亦是一贊
價錢來說,由於飲酒太多,所以人均消費都過$1000,但如果單以食物來說,算是合理

造訪日期: 2020年9月
感謝 JoeSio0408
該評論乃TripAdvisor會員主觀個人意見,不代表TripAdvisor LLC公司。
2020年8月20日

六月中的時候,幾位朋友一同相約吃晚飯,說道想聊聊天順道暢飲一番,男性朋友便提議到這間以豬作主題的居酒屋用膳,這裡以串燒卷物爲主,而且亦有多款酒類提供,我們便隨他到此一嚐究竟。

餐廳入內需先量度體溫,餐桌亦使用白色板塊阻隔開,聽好友說,這裏以前是以製作內臟為主,現在則以卷物為主。因為夏日關係,以往的豚骨拉麵亦轉作了凍食沾麵,餐廳的食材主要味道是較鹹香濃郁的,所以十分適合用作伴酒。

是日我們便品嚐了各款店內的新出品卷物,因為餐廳以豬作主題,所以許多菜式均是使用到豚肉來製作,而且店內使用上的豚肉是來自岩手縣的極品白金豚,其特別之處是豬隻均飲用山上的湧泉,而且對於豬隻的味道、肉質亦有嚴格把關,因此白金豚有著均稱的油花與肉的比例,不但肉味更香濃,口感亦幾乎入口即化。

豚肉芫茜卷
豚肉芫荽卷一碟兩串,每串有三卷,外層的豚肉燒至金黃焦香,入口肉味濃郁,鮮嫩柔軟,配搭味道獨特香濃的芫荽,正好緩和豚肉的油膩感。

皮蛋紅薑卷
使用紅薑包裹皮蛋燒製而成,紅薑色澤鮮紅,口感微焦辛香,配上濃郁柔韌的皮蛋,味道獨特相配,香濃可口。

白金豚肉流心蛋卷
餐廳使用豚肉中的極品白金豚來製作,入口不但柔軟香濃,而且鮮嫩富彈性,內餡的流心蛋亦稠密緻滑,軟綿濃郁,蛋黃則呈現流心狀態。

免治豬肉釀冬菇
把免治豬肉放於冬菇內一同燒製,入口香而不膩,免治豬肉嫩滑濃郁,冬菇厚實飽滿,軟滑爽口,配搭一起正好可以緩和豬肉燒製後的油膩感。

豚肉蠔卷
外層豚肉色澤燒至金黃,味道焦香脆口,鮮嫩濃郁,內餡包裹着蠔肉,入口甚是新鮮,且肉質肥美飽滿,口感爽滑鮮甜。

免治豬肉釀沖繩苦瓜
把免治豬肉釀製於苦瓜之中,利用苦瓜把豬肉的油分吸收,以達到香而不膩,可緩和油膩感。免治豬肉肉味濃郁,鮮嫩香滑,苦瓜是來自沖繩的,色澤呈現翠綠,口感鮮香爽脆,味道獨特回甘。

豚肉紫蘇卷
豚肉紫蘇卷一碟三串,每串三卷,豚肉燒至金黃焦香,肉質濃郁軟嫩,紫蘇葉味道獨特濃郁,把豚肉搭配清香的紫蘇葉,口感香而不膩,惹味可口。

其餘還點選了蒜子蕃茄沙律、燒鱈魚乾、雞泡魚乾、西班牙產夾心肉、厚切白金豚肉、活白鱔、山形縣產煙燻豬腩、汁燒白菌、雞翼、豬顎骨肉串、凍豚骨湯沾麵,食材均鹹香脆口,味道濃郁,用作送酒相當適合。

刺身方面則點選了兩款,分別是刺身五品、粒貝刺身,刺身五品指的是三文魚、油甘魚、帶子、赤蝦、海膽這五款,刺身均肥美飽滿,新鮮可口,鮮味十足。

酒類則挑選了兩款,分別是高千代豐醇無盡純米大吟釀,其味道米味甘甜,清爽醇香,另一款則是鏡山千秋龍脈純米大吟釀,味道柔和清雅,不但有茉莉花的清香,同時亦有青蘋果的爽雅甘甜。

整體而言,餐廳裝潢以木材為主元素,配搭黃燈,感覺休閒舒適,食材用料新鮮,味道製作用心出色,款式眾多,進食同時又可與朋友暢飲數杯,是與朋友到居酒屋的好選擇。

造訪日期: 2020年6月
    • 划算度
    • 服務
    • 食物
1  感謝 RitaAuYeung0118
該評論乃TripAdvisor會員主觀個人意見,不代表TripAdvisor LLC公司。

查看過Mokumoku Yakiton (The Lamma Tower)的旅客也查看過

 
中國香港
中國香港
 

去過Mokumoku Yakiton (The Lamma Tower)嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
US$USD
台灣
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。