我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“抵食放題”

稻八日式火锅炸物放题
餐廳訂位
香港排名第589 (共15,446家餐廳)
周圍地區: 大埔
餐廳詳細資料
周圍地區: 大埔
2021年6月8日 透過行動裝置

環境:
服務:⭐️⭐️⭐️⭐️⭐️
味道:
影相:
Encore:98%
進入前要度體溫
➖➖➖➖➖➖➖➖➖➖➖➖➖➖➖
年年有今日,話咁快又到我生日‍♀️
生日嘅指定動作,緊係要大食一餐
特別係前幾個月,收心養性左一排
趁呢個機會,要黎個大解放
於是就揀左呢間令我念念不忘嘅「稻八」
.
餐牌
「稻八」供應六款放題套餐
最平$158就有交易架啦
當然,作為牛肉控嘅我地
最終都係揀左$388嘅「日本國產黑毛和牛盛合」
除左可以任食六款肉類
仲有海鮮,刺身,炸物,飲品,沙律同雪糕
都係任食吾嬲架‍♀️
.
湯底
揀左最新推出嘅「日本南瓜忌廉湯」
以日本南瓜熬煮而成嘅忌廉湯
湯頭入口順滑,南瓜清甜
仲加入大大隻嘅長腳蟹,為湯頭添加鮮味
.
肉類
一開波,店員會先比兩人份嘅肉類
有牛肉,羊肉,豚肉,雞片
加加埋埋埋有成八盒咁多,真係好豐盛
其中,A4黑毛和牛肩肉我地都一致讚好
雪花均勻,可見油脂豐盛,非常吸引
牛肩肉切成0.3cm厚
係鍋中涮8秒即可,口感爽滑而有嚼勁,勁高質
當然,你又可以一次過食哂咁多款牛
之後再專攻你最中意嘅牛
.
蔬菜。丸類。沙律
餐廳入面有個自助吧枱
擺滿哂蔬菜,沙律等
仲要超過30款比你慢慢揀,實有一款岩食嘅
而丸類,餃子類等就寫哂係落單紙上
填完可以交比店員幫你照單拎~
.
炸物
食左咁多次放題
唯獨是稻八嘅炸物係最令我念念不忘嘅
以DIY形式呈現,格離嘅雪櫃放哂一串串嘅材料
如茄子,腸仔,蝦,等等
炸爐上有炸油,麵包糠同炸漿
跟住指引去炸,就算你係地獄廚神,都無有怕
.
飲品。雪糕
飲品櫃有兩個,大致上有齊啤酒,可樂,檸茶等
雪糕有維記,韓國雪條,仲有雪糕糯米糍添
最後最後,食完埋完單
門口位仲有Haggen dazs,movenpick雪糕櫃
拎住邊走邊食

造訪日期: 2020年9月
感謝 cykmanc
該評論乃TripAdvisor會員主觀個人意見,不代表TripAdvisor LLC公司。
發表評論評論 (39)
旅客評等
旅客類型
月份
語言

2 - 6 則評論,共 39

2021年6月8日 透過行動裝置

冇得去旅行一於拎D 旅行經費黎食豪DD!!! 我地呢晚踩完單車黎到大埔既稻八! 為左食呢餐我地全日都食左好少野, 仲要做完運動真係好肚餓! 我地決定食豪DD叫左$388 既日本國產黑毛和牛餐!

大家想食靚牛, 真係要叫呢個餐….. D 牛真係靚到好誇張……………………. 好食到不得了…… 和牛肩肉同三角腩既油花香得黎唔會太利, 一次過碌幾塊再成揪放入口個種牛係你口入面化開既感覺…. 真係好想再食…. 我地已經冇叫豬羊雞…因為想留哂個肚黎食牛!!!

稻八仲有好多特色野玩, 例如係自己炸串! 估佢唔到又真係幾好味!炸燒賣超正! 其他都好唔錯!!! 岩哂一家大細黎玩同食!野飲方面仲有好多選擇!熱茶包, 凍既茶, 甜野飲, 好多都有~ 任君選擇!

我地湯底就揀左兩個~ 比較冇咁重味, 因為驚蓋過左香濃既和牛味~~~~ 刺身都有好多選擇!! 好肥美, 好鮮味! 正!!!!!!!!!!!

造訪日期: 2020年10月
感謝 Fatfatfoodfood
該評論乃TripAdvisor會員主觀個人意見,不代表TripAdvisor LLC公司。
2021年5月28日

每次去大埔搵朋友食飯,都會想到很多任食的餐廳。而今次來到這間都是任食火鍋,最開心是可以自助炸物,自己炸嘢食都過癮㗎~~我們叫了特級美國穀飼牛放題,價錢都是$250內,抵食!
——————————
地獄火岩湯 湯底
朋友和我都食得辣,所以叫了這間餐廳唯一的辣湯底。這是日式辣湯底,不油但很香,而且辣得不嗆鼻,沒有想像中那麼辣

自助炸物
朋友推薦炸茄子、秀珍菇、小番薯和蝦,的確不錯!尤其小番薯炸過後,會變得軟中帶甜,一啖就食完另外有幾款調味粉可以落,個人比較喜歡落咖喱粉,超香‼️‼️

牛肉
這裏的特級美國穀飼牛,可以看到有不少雪花花紋,肥瘦半半,食起來牛味很夠,不是平時食的那麼肥☺️而且切得薄薄一片,淥一淥就食得,正!
其餘美國進口牛肉和豚肉,也不錯但相對來說沒有太多肥肉,會健康一點。

造訪日期: 2021年5月
感謝 haru d
該評論乃TripAdvisor會員主觀個人意見,不代表TripAdvisor LLC公司。
2021年5月4日 透過行動裝置

餐廳:稻八日式火鍋炸物放題 (大埔)
地址:大埔舊墟直街4-20號美新大廈地下A2號舖

今次去咗全港獨有嘅自助炸爐日式火鍋店,有得自己炸嘢食,有得食又有得玩,仲要喺黃店,唔喺唔幫襯吓啊?

呢間位於大埔嘅稻八日式火鍋炸物放題,吸引咗唔少火鍋擁躉,我最主要係俾佢嘅日本國產黑毛和牛吸引而去,果然無令我失望

叫咗個日本國產黑毛和牛盛合套餐($388加一),一開始先送上幾款肉食,包括黑毛和牛三角腩、黑毛和牛牛肩肉、羊肉、日本北海道雞片、美國自然豚肉片等,另外仲有海鮮,食完可以再叫,包你食到夠為止

我覺得最正嘅喺黑毛和牛三角腩,脂肪分佈均勻, 薄薄一塊但喺牛肉味濃,入口仲軟滑即溶,真係好正,食完一塊又一塊;同時送上嘅美國進口牛肉,入口就相對有咬口,筋嘅部分較多,我就鍾意前者喇,唔知你地鍾意邊一款呢?

除咗肉類出色,仲有十幾款丸同時令限定嘅花膠、餃子、蝦滑、墨魚滑等,仲有二三十款蔬菜可以自助式去拎嚟食,而最特別嘅當然喺自助炸爐啦,有十幾款炸物已經串好比你揀,蘸上麵漿同炸粉,再自己放入炸爐炸幾分鐘,大功告成,嚟到一定要整返幾串過吓癮

餐廳一邊播住日文歌,佈置亦好日式,服務員仲好頻密收碟同加水,整體服務唔錯,臨走憑單據拎埋杯Häagen-Dazs雪糕嚟食好滿足啊

造訪日期: 2021年5月
感謝 hinsonfoodhk
該評論乃TripAdvisor會員主觀個人意見,不代表TripAdvisor LLC公司。
2020年11月20日 透過行動裝置

高質火鍋刺身放題!❤️

環境與一般放題黎講都差唔多 但位置唔會太迫 坐得都舒服~

日本國產黑毛和牛盛合 $388
我地今次叫左呢個套餐而且叫左紫菜海膽湯 講講個湯底 個人就食到昆布味多啲 海膽味就唔算太得出 呢個set最主打都係佢晚黑毛和牛 和牛睇落啲花紋好靚 入口即溶 食落簡直充滿油脂 不過食得太多都會有啲膩 但係好食既 絕對唔係hea
個人感覺啲牛非常高水準 食多啲真係回到本

另外,佢除左打邊爐仲有炸物同刺身架 所以話大埔人真係可以黎試一試❤️ 炸物係自己DIY 都幾特別 見到唔少人都有食 我當日就無食啦 因為食打邊爐同刺身都已經飽左了

刺身方面都好新鮮~ 同平時放題質數一樣當時最好食既刺身係榮螺,帶子,馬刀貝,三文魚都ok

環境與一般放題黎講都差唔多 但位置唔會太迫 坐得都舒服~

日本國產黑毛和牛盛合 $388
我地今次叫左呢個套餐而且叫左紫菜海膽湯 講講個湯底 個人就食到昆布味多啲 海膽味就唔算太得出 呢個set最主打都係佢晚黑毛和牛 和牛睇落啲花紋好靚 入口即溶 食落簡直充滿油脂 不過食得太多都會有啲膩 但係好食既 絕對唔係hea
個人感覺啲牛非常高水準 食多啲真係回到本

另外,佢除左打邊爐仲有炸物同刺身架 所以話大埔人真係可以黎試一試❤️ 炸物係自己DIY 都幾特別 見到唔少人都有食 我當日就無食啦 因為食打邊爐同刺身都已經飽左了

刺身方面都好新鮮~ 同平時放題質數一樣當時最好食既刺身係榮螺,帶子,馬刀貝,三文魚都ok

造訪日期: 2020年11月
感謝 tszkwan_kwan
該評論乃TripAdvisor會員主觀個人意見,不代表TripAdvisor LLC公司。

查看過稻八日式火锅炸物放题的旅客也查看過

 
中國香港
中國香港
 

去過稻八日式火锅炸物放题嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。