我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“唔係講玩笑,旺角越南”

Le Viet (Bank Centre)
香港排名第100 (共15,536家餐廳)
優等證書
價位: US$100 - US$200
周圍地區: 旺角
餐廳詳細資料
周圍地區: 旺角
2021年3月19日 透過行動裝置

唔係講玩笑,旺角越南菜LE VIET 真係經常吃,原因好簡單,好食又更抵食,哈哈。當然仲有些其他因素既。皆因離地鐵站好近,係正銀行中心裡面,而且地方闊落又舒服,來到旺角想搵個地方坐得舒服d, 就第一時間唸到le viet la。
今次再來朝聖,第一樣野點既就係條烏頭魚,呢條香茅燒烏頭基本上我每次來都會點,因為成條烏頭魚大大條,燒️真係好惹味,而且少骨易入口,加上d越式醬汁真係好好味,完全越南特色。
因為唔係太肚餓關係,都係唸著同朋友食下野chitchat 下,所以點了幾款甜品,有越南綠豆拉椰糕,焦糖燉奶同埋燒菠蘿配朱古力醬。
唔好以為呢個越南綠豆拉椰糕圖片中細細件,其他都幾full 下架,切開兩個人食剛剛好。
焦糖燉奶就係我最愛,甜甜的焦糖燒係面頭,連埋燉奶一起吃,真係正爆。
最好生果燒菠蘿加埋朱古力醬一樣咁甜咁好味,塊塊菠蘿都大大舊,甜到心坎裡。
今勻埋單$350左右,算係唔錯選擇。

造訪日期: 2021年2月
感謝 yauyau41
該評論乃Tripadvisor會員主觀個人意見,不代表TripAdvisor LLC公司。
發表評論評論 (332)
旅客評等
旅客類型
月份
語言

13 - 17 則評論,共 332

2021年3月16日 透過行動裝置

餐廳裝修簡潔明亮, 座位寬敞舒適 ,透過餐廳的一排大玻璃,採光度十足之餘, 亦可看到旺角熱鬧的街景。

牛油焗大頭蝦$228
牛油焗大蝦真係超級大隻,上枱時, 香氣十足 ,大蝦鋪滿海量的蒜蓉及牛油, 大蝦已開邊,因此更加入味, 蝦肉鮮甜彈牙,入口散發著香濃牛油及蒜香 , 十分誘人, 舐舐脷爆燈,墊底的薯角, 吸收了醬汁的精華, 增添吸引。

海南雞飯配例湯(午餐)$68
肥美的海南雞,油光亮麗,配上金黃色的雞皮, 賣相令人垂涎, 雞皮爽彈, 雞肉嫩滑細緻, 十分滋味, 再配上香香的雞油飯,別有一番風味, 跟配的例湯, 清甜唔肥膩。

三色冰(追加)+$8
雪白的椰汁冰,冰爽蜜甜, 甜度適中, 還有彩色的啫喱粉條點綴, 賣相吸引,粉條口感 QQ彈牙, 入口散發著迷人的椰香,甜度不會隨冰溶化而減退, 十分欣賞。

造訪日期: 2021年3月
1  感謝 susansfoodie
該評論乃Tripadvisor會員主觀個人意見,不代表TripAdvisor LLC公司。
2021年3月15日 透過行動裝置

環境都好大,好適合同朋友食野傾計

咖哩軟殼蟹鍋Curry soft shell crab with baguette,原價$113,而家優惠價$93, 有優惠咁梗係叫一鍋啦, 咖哩用鍋上,用火熱住, 咖哩熱住食係特別好食, 都幾香,辣度適中, 軟殼蟹係另外用碟上,好細心, 用嚟點咖哩,依然食到軟殼蟹既香脆又有咖哩味,或者浸喺咖哩度食,會更淋但吸到更多咖哩汁, 除了軟殼蟹還有微微炸過的薯仔,配咖哩一絕。 呢個鍋仲配有法包, 呢種法包唔係外脆內軟嗰種, 而是比較煙韌, 濕潤有口感,帶微溫, 都幾鍾意呢款法包。

還點了印度薄餅配咖哩($25)

食烏頭,之前多數都食叫明爐烏頭Grilled grey mullet fish with lemongrass, 呢度有一款香茅燒烏頭($173),即點即燒, 所以由下單道上菜都等了差不多十五分鐘,上菜的時候還很熱冒著煙,魚皮非常脆身,但由於還連著魚鱗,所以還是吃魚肉為主,魚肉肉質彈牙,帶香茅香,但比較乾身, 所以蘸酸辣醬更好味

最後芒果糯米飯($55) 都唔錯,芒果香甜帶微酸,入口冇渣, 椰汁較淡,有白糯米飯和紫糯米飯,軟綿煙韌

造訪日期: 2021年3月
感謝 June A
該評論乃Tripadvisor會員主觀個人意見,不代表TripAdvisor LLC公司。
2021年3月14日 透過行動裝置

係地鐵站出黎就會見到有位姐姐拎住大大個牌介紹人食le viet,今日係假日都有lunch set一於去食下

手撕雞撈檬
炸蒜同蔥令撈檬更有咬口同香口,青瓜絲、蘿蔔絲同生菜配合醬汁非常清新,好耐無食撈檬既我好滿足

老公叫既lunch set海南雞飯$68連飲品,雞肉底下有唔少菜,健康均衡,肉亦嫩滑,油飯軟綿且香

燒香茅烏頭,厚厚既外皮底下係嫩滑無比既魚肉,鐘意食烤魚既人唔好錯過

造訪日期: 2021年3月
感謝 auyin06
該評論乃Tripadvisor會員主觀個人意見,不代表TripAdvisor LLC公司。
2021年3月14日

約朋友食飯旺角最就腳,位於銀行中心非常方便,美食多款仲有優惠,可算是經濟實惠,而且環境寬敞,枱與枱距離疏遠可自成一國,食得十分自在。

精選越式拼盆 $98
小食四款非常滿足,燒豬頸肉口感爽彈,炸蝦餅香脆有咬口,越式春卷脆卜卜餡料肉碎粉絲幾好食。扎肉蒸粉包皮薄餡靚,餡料有木耳肉碎蒜片香蔥扎肉,口感爽脆味道豐富。

越式咖哩軟殼蟹鍋配法包 $93
咖哩用火加熱食的確好味,咖哩甜而不辣帶少少椰香,法包索汁食都唔錯,炸軟殼蟹食時先沾上咖喱汁保留口感鬆脆。仲有好多薯仔,食完都幾飽。

香茅燒烏頭 $173
燒烏頭製作需時最尾先上。烏頭大條夠二人食用,魚肚塞滿香料。揭開魚皮香噴噴,魚肉雪白肉質厚實,食落唔腥無泥味,有少許細骨要小心食,醮埋越式酸辣醬,辣酸開胃好食。

造訪日期: 2021年3月
    • 服務
    • 食物
感謝 cargolam
該評論乃Tripadvisor會員主觀個人意見,不代表TripAdvisor LLC公司。

查看過Le Viet (Bank Centre)的旅客也查看過

 

去過Le Viet (Bank Centre)嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。