我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“如置身於日本”
黑门水产的評論

黑门水产
訂位
香港排名第897 (共13,938家餐廳)
周圍地區: 尖沙咀
餐廳詳細資料
周圍地區: 尖沙咀
4 週前評論 透過行動裝置

而家冇得去日本,真係勁掛住日本美食,所以就諗起呢間黑門,食番餐美味的黎慰藉下!7點去到估唔到咁多人,睇黎大家都好掛住日本!睇完MENU就叫左幾款野食同飲品!
刺身六盛
刺身六盛有三文魚、油甘魚、赤身、真鯛、海膽同帆立貝,重點係每件刺身都係又厚又新鮮!係有光澤感既透亮!食落口完全係所有日本既感覺番哂黎,完全唔係連鎖式日式餐廳可以媲美!海膽有埋紫菜捲住食,食落口好重海水味,食得出超級新鮮,吞左之後陣味仲縈繞係口腔~超正!
黑明令壽司
黑門令壽司黎既時候真係嘩一聲~每件都大大件,非常足料,每件壽司既料都滿瀉哂!材料有三文魚籽、甘蝦蓉、吞拿魚腩蓉、蔥油甘魚他他、海膽、蟹柳、蟹籽,全部都係高質食材,仲有甲羅都係凍食,蟹糕同蟹肉撈埋一齊,底下仲有D飯,蟹味極濃!
黑門帆立貝伴魚子醬
帆立貝上鋪左海膽同魚子醬,用紫菜包住食︿又鮮又甜~魚子醬咸咸地為成道菜增加風味~
黑門令大漁魚子醬脆脆包
叫左一個大漁魚子醬脆脆包,上面有吞拿魚腩蓉、海膽同魚籽,食落口口感勁豐富。鮮、甜、脆共冶一爐!
海膽燒帆立貝、黑門令蟹味噌甲羅燒
呢兩道菜都係用爐燒既,店員會幫手,唔駛自己落手落腳搞,見到店員三兩下就將D材料撈勻同落調味,好似係你面前表演咁! 即時燒起熱辣辣,店員叮囑要趁熱食! 海膽燒帆立貝比較鮮甜,而黑門令蟹味噌甲羅燒就較咸香,後者可以加埋餅乾一齊食,超鍾意呢個食法,而家諗番都流口水!個人覺得係必點菜式!
藍夢島、巨峰乳酸
兩杯飲品各有特式,藍夢島甜味較重,有陣香梨味道,巨峰乳酸一飲落口充滿巨峰提子味,味道冇藍夢島咁甜,兩杯都係解渴美味既特飲!

造訪日期: 2020年6月
感謝 catcatbobo
該評論乃TripAdvisor會員主觀個人意見,不代表TripAdvisor LLC公司。
發表評論評論 (39)
旅客評等
旅客類型
月份
語言

5 - 9 則評論,共 39

2020年6月2日

男人既承諾好多時都係講完就算,
果刻諗到咁講,咪講左先囉,為求塞住女人把口,
等佢唔好成日勞勞嘈嘈。但可惜女人係先天性
最敏感既動物,係咪hea佢地一聽就知。
先發覺有d野唔好下巴輕輕,真係做到先好做,
有時佢地真係想聽既唔係花言巧語,為求過到
骨既說話。而係一句真心真意,眼前睇到既行動。
所以而家有D後悔應承左我朋友生日請佢食日本野,
仲要係尖沙咀「黑門水產すいさん」,今次破產
都唔掂呀,不過呢間水產出哂名高質,係值得既!
-
黑門当店人気No.1 -
▪ かに味噌甲羅焼き - $72
▪ ウニ蟹みそ甲羅焼き - $78
▫ 居酒屋出名好多選擇,要細分究竟邊樣自己
真係想食,我會由佢最出名果d試試。首先
「黑門令蟹味噌甲羅燒」同埋「海膽蟹味噌甲羅燒」
能夠稱霸第一名,當然有原因啦,呢個甲羅燒
將蔥、鵪鶉蛋、蟹籽、蟹膏放係蟹蓋上面撈勻,
然後再夾雜梳打餅一齊食。完全食到濃郁鮮香既
蟹味,而餅乾加強左整體既口感,不得不讚!
-
▪ 極上貝焼き - $88
▫ 排名不分先後,要食到"鮮"呢個字,一定要
試埋「極上大漁貝燒」,就咁睇賣相非常搶眼,
其實入面包括帶子、三文魚籽、海蝦、海膽、
廣島蠔。每一種海鮮擔當唔同既職位,蝦肉
夠爽彈,生蠔肥肉厚身;海膽鹹水味突出,
帶子爽甜嫩滑。重點以浜燒方法將整個鮮味
提高另一個層次,風味呢家野咪就係咁黎囉!
-
▪ 黑門リミングキャビア - $88
▫ 原來人氣呢樣野真係擋都擋唔切咖,呢個
「黑門令大漁魚子醬脆脆包」,就一定係最強
推介,唔好以為佢係無乜特別既多士,其實
面頭鋪滿哂海膽、蟹肉、魚子醬、甜蝦仲有
吞拿魚蓉呀!一啖過果種滋味真係難以用筆墨
形容。海膽既鮮味、甜蝦既肉質、配搭成塊多士,
果種脆卜卜既口感,咁受歡迎唔係無原因呀!
-
浜焼 -
▪ 車海老の磯焼き - $78 (隻)
▫ 另一亮點就係呢條有成八吋長既「磯焼大虎
海老一本」,Staff會好細心幫你全程監督住幫你燒,
確保肉質燒到岩岩好,唔會太老。果然不負所望,
蝦肉入口係處於相當結實爽彈,口感係完全無得輸,
而且帶香濃既燒烤味,呢個一定要試!
-
刺身盛り合わせ -
▪ ほっさ貝 - $188
▪ アワビ刺身 - $98
▪ 甘エビ刺身 - $88
▫ 刺身方面我地分別嗌左3款唔同類別既試試,
呢個價錢黎講我覺得幾公道。首先「活北寄貝」
夠厚切,肉質中上,夠新鮮;「活鮑魚刺身」
爽口鮮甜,完全無腥味,唔錯;;「甘蝦刺身6切」
味道甘香,入口肉質爽彈,最鍾意佢果種
口感同鮮甜,抵讚!
-
▪ 岩手県赤崎生カキ - $78 (隻)
▫ 食得水產無理由唔試埋佢地既招牌之一
「岩手縣赤崎生蠔」,首先賣相夠肥厚大隻,
蠔肉睇落飽滿光亮。一路睇住師傅開蠔殼刀功
細膩,完全無浪費每一個位置,Staff建議
我地配埋佢地既自家製柚子醬汁,
蠔味會更加重,我幾鍾意。
-
▪ 黑門リンファンリーベキャビア添元 - $88
▫ 除左甲羅燒其實帆立貝都係最佳既燒物之一。
呢個「黑門令帆立貝伴魚子醬」將海膽、帆立貝、
魚子醬三樣野結合,多重既誘惑底下一齊食,
每一啖都食到非常香甜爽滑,完全將帶鹹香感帶出,
真係鮮到不得了!!
-
手握 · 壽司 -
▪ 黑門令 · 壽司 - $158
▫ 我會建議試埋佢既「黑門令壽司」,最吸晴既
係大量既三文魚籽、甘蝦蓉、吞拿魚腩蓉、
蟹籽重重包圍係個油甘魚他他上面。而另一亮點
係隻海膽色澤金黃,表面乾身,味道夠濃之餘,
再加上甲羅豐富既蟹膏、蟹肉、蔥花,
夾埋成個一齊食,口感份外豐富。
-
特 飲 -
▪ 深海の心 - $68
▪ 巨峰カルピス - $58
▫ 今次試左兩杯重量級特飲,前者係「海洋之心」,
其實係由Vodka、白桃、菠蘿、梳打溝埋一齊既Cocktail。
飲落酒味唔重,反而甜度岩岩好,好易入口,幾特別;
而後者既「巨峰乳酸」酸酸甜甜,帶少少提子味,
同水產有種特別既化學作用,幾開胃。
-
黑門水產すいさん -
Shop 3 & 4, G/F, 8 Minden Avenue, Tsim Sha Tsui

造訪日期: 2020年6月
    • 划算度
    • 服務
    • 食物
感謝 lankiman6330
該評論乃TripAdvisor會員主觀個人意見,不代表TripAdvisor LLC公司。
2020年5月28日 透過行動裝置

黑門水產すいさん - 超高質日式料理

疫情關係,原定的日本旅行也要暫時擱置,想體驗大阪黑門市場的日本菜,當然要到這間黑門水產的居酒屋,由門面滿滿的日系木風格加燈籠,到內裡掛著不同的水產木牌、貝殼吊飾和日本海報畫,間置身大阪中。

刺身六盛
黑門水產怎可以沒有新鮮刺身,有三文魚、吞拿魚、油甘魚、鯛魚、帆立貝和海膽,厚切的魚生,新鮮肥美。

黑門令壽司
非常的新穎,不像一般壽司一件一件放著,而是將不同的水產、魚生一系列排列著,底部有紫菜飯團,可以按自己的喜好有不同的配搭,有海膽、甜蝦、香蔥吞拿魚蓉、三文魚籽、蟹肉和蟹膏等。

極上大漁貝燒
將帶子、海老、廣島蠔、海膽和三文魚籽所有材料以見殼盛著,再加入牛油猛火燒烤,各種水產的精華鮮味融入在牛油汁當中,非常鮮甜、惹味。

黑門帆立貝伴魚籽醬
超大粒的厚身帆立貝,輕輕火炙過,加上魚籽醬、海膽,三重鮮味享受。

黑門令大漁魚籽醬脆脆包
又一創意的小吃,把多款豪華的材料放在脆脆的法包上,有魚籽醬、海膽、三文魚籽,香蔥吞拿魚蓉、蟹肉、火炙左口魚,口感豐富味道有層次而且非常高級。

海膽天婦羅
發現一款比較少見的天婦羅,就是海膽天婦羅,海膽用紫菜包著再沾上炸粉,天婦羅外樣香口鬆化,紫菜也炸至卜卜脆,內裡的海膽微微溶化,入口即溶。

黑門令蟹味噌甲羅燒
賣相十分吸引的甲羅燒,有蟹膏、蟹絲,蟹籽、香蔥和鵪鶉蛋,用火爐燒烤著,再把所有食材混合,超濃的蟹膏味和鮮甜的海膽,配梳打餅一拼吃。

海底之心、巨蜂乳酸
色彩鮮艷的特飲,酸酸甜甜的巨蜂乳酸,海水藍色的特飲,以菠蘿、白桃和伏特加配製,相當特別。

造訪日期: 2020年5月
1  感謝 justforshan
該評論乃TripAdvisor會員主觀個人意見,不代表TripAdvisor LLC公司。
2020年5月25日 透過行動裝置

生日當然到自己最喜歡的餐廳慶祝啦! 一向都很喜歡黑門水產, 位於尖沙咀棉登徑8號地下3-4號舖, 地點方便, 食物有質素。 最欣賞店內裝修風格有滿滿的日本色彩, 一邊享受美食一邊感覺置身於大阪一樣。 今次因為生日的關係一於食豪啲, 有黑門令大漁魚子醬脆脆包$88、黑門令蟹味噌甲羅燒$72、黑門令壽司$198、刺身六盛$298、平目魚薄切刺身$168、極上大漁貝燒$88、海膽燒帆立貝$85、巨峰梳打$58、suntory1/2 $68。✨✨✨

黑門令大漁魚子醬脆脆包~滿滿刺身的脆脆包, 面層有甜美的海膽, 魚子和吞拿魚蓉, 底層是脆脆多士, 入口滋味無窮。

黑門令蟹味噌甲羅燒~材料有蟹肉,蟹籽,蟹膏,鵪鶉蛋和蔥花,甘香的蟹膏, 配上梳打餅和蒜粒一起吃, 脆香帶濃郁的蟹味, 太正了。店員更會主動為我們細心地烹調, 專業又熟練的手法很快就可以把甲羅燒燒好, 店員還叮囑我們趁熱吃甲羅燒啊!

黑門令壽司~一次過有齊幾款刺身,蔥油甘魚他他、三文魚籽、甜蝦、海膽、吞拿魚腩蓉和蟹柳蟹籽。海膽份量真係好多,重點係 非常甜美又新鮮。

刺身六盛~有油金魚、三文魚、赤身、真鯛、海膽和帆立貝。每一件都超肥美, 啖啖肉, 真是人間極品。

平目魚薄切刺身~ 將平目魚切至如紙般薄, 配上酸酸甜甜的醬汁, 口感細膩又清新。

極上大漁貝燒~有豐富足料的海鮮, 鮮甜海膽, 晶瑩通透的魚籽,肥美的生蠔,爽口彈牙的蝦, 甜美厚肉的帆立貝肉, 超推介。

海膽燒帆立貝~ 燒到香噴噴的海膽和帆立貝,簡直是雙重享受。

巨峰梳打~ 有好香的巨峰提子味, 配上梳打水更加解渴。✨✨

suntory1/2~ 入口香滑的啤酒,沒有苦澀味,好飲。✨✨

黑門水產是一間好評如潮的餐廳, 喜歡這裏的甲羅燒, 加上食物種類多,絕對是性價比高的日本餐廳。

黑門水產すいさん
地址: 尖沙咀棉登徑8號地下3-4號舖

造訪日期: 2020年5月
感謝 Victoriay_eatwithvic
該評論乃TripAdvisor會員主觀個人意見,不代表TripAdvisor LLC公司。
2020年5月22日 透過行動裝置

未有得去旅行,唯有食住唔同國家既菜式頂住先(自己呃自己mode) 今次我就飛左轉日本,去左食「黑門水產」
·
☆ 刺身6盛 HKD$298
每件都好肥美 特別吞拿魚同三文魚啲魚油喺口腔咇哂出嚟,好幸福啊
·
☆ 活鮑魚刺身 HKD$98
第一次食活鮑魚刺身,估唔到原來係咁美味 口感超爽口彈牙,煙煙韌韌,好想再encore!
·
☆ 海膽蟹味噌甲羅燒 HKD$78
Annie超喜歡吃甲羅燒 燒熟後嗰種鮮味真係難以形容 蟹膏超級濃郁惹味,拌餅乾一齊食鮮而不膩。
·
☆ 黑松露白汁燒帆立貝 HKD$78
店員喺燒既過程中不斷倒入白汁,過程中聞到勁香 加入白汁嚟燒令帆立貝燒熟後保持juicy,食落有微微奶油香氣,幾特別
·
☆ 黑門令帆立貝伴魚子醬 HKD$68
鮮甜肥美既帆立貝上面加上海膽及魚子醬,鮮甜中帶點海膽既濃郁惹味,好特別既一種配搭呢~
·
☆ 黑門令大漁魚子醬脆脆包 HKD$78
用上多款吞拿魚拖羅、魚籽、蟹籽及海膽堆砌而成,上面仲加左魚子醬,成個放入口一次過食真係超級滿足
·
☆ 赤鬼海老天反捲 HKD$158
反卷內加入天婦羅炸蝦,再淋上辣醬汁,味道幾過癮,第一次食到本身已經係辣既卷物,值得一試
·
海底之心 HKD$68 Orion HKD$68
·
黑門水產すいさん
尖沙咀棉登徑8號地下3-4號舖

造訪日期: 2020年5月
感謝 foodie_anniechan
該評論乃TripAdvisor會員主觀個人意見,不代表TripAdvisor LLC公司。

去過黑门水产嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單