我們不支持您使用的這種瀏覽器。TripAdvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“廟街裏的高質日本菜”
丼瀛的評論

丼瀛
訂位
線上訂購
香港排名第4,929 (共13,928家餐廳)
餐廳詳細資料
2019年9月15日

今日係好多嘢食嘅廟街入面揀咗呢間日本菜同我朋友食晚餐。其中一個原因係因為覺得佢個築地壽司杯好特別,包羅萬有,好想試吓。第一個上既菜式就係佢,先食鮑魚片,非常爽口彈牙,啲蝦都好新鮮好大隻,但重頭戲係黑松露海膽同埋三文魚,我認為係黎到必叫!首先比佢地既色澤吸引住,海膽肥厚,濃郁甘甜,再加埋黑松露獨特既味道,兩者好match,會在口中會慢慢溶化。三文魚則片片新鮮肥厚、肉質細嫩、口感爽滑。第二道菜黎嘅係牛舌,因為我朋友鍾意食所以叫左,幾爽口,唔會"韌"。主食先上既係黑松露海膽炒飯,海膽依舊肥厚甘甜,今次比較原汁原味冇咗黑松露嘅襯托但都不失色,但個人較喜愛同黑松露一齊食,炒飯粒粒分明同乾身,仲有黑松露增加左炒飯既香味。

造訪日期: 2019年8月
    • 划算度
    • 服務
    • 食物
感謝 ckn540
該評論乃TripAdvisor會員主觀個人意見,不代表TripAdvisor LLC公司。
旅客評等
旅客類型
月份
語言

1 - 5 則評論,共 6

2019年5月21日 透過行動裝置

藍鰭吞拿魚海膽丼飯
兩層分別有刺身飯同冷麵,上層有藍鰭吞拿魚、吞拿魚拖羅蓉、海膽、甜蛋。下層是冷蕎麥麵。
吞拿魚厚切又大塊,魚味較出。但吞拿魚蓉仲正,由於脂肪多的拖羅位,魚脂入口溶化好香,拌埋飯食味道更好,再食口甜蛋平衡一下,接著仲有超大塊海膽,鮮甜濃郁的海膽,個味久久不散好正。
下層的冷麵好清涼感,食完肥美魚生,食點輕盈清淡冷麵,可消除膩感,又飽肚。

炸軟殼蟹天婦羅,炸得好香脆,唔會太油,軟殼蟹好大好肥,咬落爆肉好嫩腍的蟹肉,香口且不膩,配酒一流。

點左3款串燒,雞軟骨,有咬口的軟骨,越咬越出味,香口惹味。月見免治雞肉,沾上蛋汁食,更滑更香。免治雞肉多肉汁,燒汁香而惹味,肉質嫩滑帶點彈。牛舌勁爽口,厚身都燒得唔乾唔硬,反而好彈好爽,加左黑椒好香微辣。

安格斯牛肉壽喜燒,很抵食又好味又大鍋。
牛肉超多,而且用上安格斯牛,味道濃重有牛肉嫩同牛脂香,拌生蛋黃汁更滑口,壽喜燒的醬汁甜甜地,很開胃好味,令人想配點飯來食。
配料也很多且較健康,有好多吸滿湯汁的菜、葛粉,仲有金菇同甜味爆發的洋蔥絲,配埋牛肉同食好夾。

造訪日期: 2019年5月
感謝 katw759
該評論乃TripAdvisor會員主觀個人意見,不代表TripAdvisor LLC公司。
2019年3月28日 透過行動裝置

瀛丼
今日同朋友行到廟街附近搵食,周圍餐廟都係煲仔飯一係食中菜海鮮,唔係咁岩兩個人食。
俾我地發現左呢間日本居酒居,啲野又幾特別同價錢唔算貴。所以就揀左呢間喇!
見到差唔多每張枱都寫左個留枱名已有人訂座,都幾多人食喎應該都唔差。

見到呢個一層層既壽司杯,又幾特別喎
岩哂影相打卡呀!
分左六層,每樣都幾新鮮。
有兩隻鮑魚食,食落好味道,鹹鹹地又煙韌,幾好味!
海鮮沙律卷作開胃前菜。
然後我地就一層一層咁食上去
蟹籽魷魚,吞拿魚蓉,魚籽醬帆立貝,三文魚籽配三文魚刺身
刺身既質素都幾好,夠鮮味同大塊。都幾抵食。

仲叫左d燒物:
芝士雞翼 同明太子雞翼
釀左好多明太子,好足料又惹味。
雞翼去埋骨,食落夠方便

燒茄子
好大碟,茄子燒完唔會話乾,反而有水份。
調味料令到茄子好香。幾有口感

燒蕃薯仔
食落甜甜地,外皮有少少脆皮。唔錯

三文魚刺身
好肥美又厚切既三文魚,好鮮味呀正

炸天婦羅拼盤
炸到熱辣辣 好香脆,唔會話好厚粉。
有爽口彈牙既天婦羅大蝦,甜甜地既南瓜,同炸茄子 ,食得好滋味。

仲叫左 安格斯牛肉壽喜燒
都幾多料,嫩肉既安格斯肥牛,雜菜,生雞蛋,金菇豆腐等等。
個湯底做得幾好,幾濃郁,令到啲餸夠哂入味。
都唔錯喎!

呢度既員工服務都幾好,又keep住幫我地加茶個d,幾nice幾滿意

造訪日期: 2019年3月
感謝 bofboyy
該評論乃TripAdvisor會員主觀個人意見,不代表TripAdvisor LLC公司。
2018年12月6日 透過行動裝置

隱藏係廟街既日本丼瀛,上次經過見到已經想食,唔洗次次都食大排檔,今次約埋朋友黎食;餐廳裝潢好有居酒屋FELL,到處都見到日本色彩既旗幟

丼瀛龍蝦沙律刺身雙層爆丼$268
淨係個樣已經不得了!原隻龍蝦上抬旁邊配上時令新鮮魚生,龍蝦肉做成沙律裡面仲有橙色既龍蝦膏
配海膽蒟蒻沾麵,蒟蒻以沾麵既食法,海膽汁被芝士味搶去,而且麵既份量偏小

蒲燒原條鰻魚雙層爆丼$148
鰻魚原條上有微微焦燶,味道偏濃肉質好肥美,下層都係配海膽蒟蒻沾麵

喜之次一夜干$108
香港好少地方有得食,製造過程複雜,要先將魚浸泡,再風乾再烘烤;魚既精華被濃縮食起來更鮮甜美味,真的值得一試

蟹蓋麵豉燒$58
有齊蟹膏、蟹肉、蟹籽……超新鮮,勁滿足配埋飯食,好完滿

去佢地餐廳個facebook  page like & share每抬都可以送一杯乳酸飲品; 即刻唔汁輸like 完就送左杯巨鋒乳酸特飲,哈

一共有超過二十款唔同選擇,仲有壽司,串燒,小食……不過店員話好快會轉menu ,下次又黎試新野先

造訪日期: 2018年12月
感謝 ayumiwy
該評論乃TripAdvisor會員主觀個人意見,不代表TripAdvisor LLC公司。
2018年12月6日 透過行動裝置

我係比個 北極光海膽杯 吸引咗入去嘅~
美觀得嚟又好有層次感~色彩繽紛~影相打卡一流~
經歷完海膽嘅鮮味再有蟹肉加蟹膏嘅包圍~
最後再嚟一層甜甜嘅紫薯蓉~好幸福囉~
小小嘅一杯海膽杯~有7重味覺感受~勁!

造訪日期: 2018年12月
感謝 chocong
該評論乃TripAdvisor會員主觀個人意見,不代表TripAdvisor LLC公司。

去過丼瀛嗎? 請分享你的經驗!

亞洲萬里通箭頭
發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單