我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“悠閒風動物小森林 慢理牆城 (油麻地)”
慢理牆城的評論

慢理牆城
餐廳訂位
香港排名第470 (共14,630家餐廳)
優等證書
周圍地區: 佐敦/油麻地
餐廳詳細資料
周圍地區: 佐敦/油麻地
2 週前評論

若我得到談情~慢條斯理~
喺香港可以搵個悠閒嘅地方hea下真係好難
今次你到鬧市中的森林:慢理牆城 @
俾自己靜落嚟
享受一下緩漫嘅節奏

牆城小食拼盤
美式甜辣香脆雞翼 雞翼厚身,咬落香滑多汁
香草腸 高質早餐腸,口感唔錯
脆炸薯條 粗薯條,趁熱食好正, 可以點松露醬
甜蕃薯角芝士條 採用淡芝士可以瘋狂拉絲
芝士薯角 軟綿綿芝士味濃

明太子蟹肉扁意粉
意粉有三層組成
上面係鮮蟹籽
中間既波波係蟹肉嚟㗎
下面就係明太子意粉
意粉醬好creamy
明太子唔辣
配埋蟹籽就更有口感
蟹肉好香份量都好多
相當吸引

菠菜煙三文魚意大利飯
煙三文魚嘅份量勁多
菠菜都好足料
意大利飯有隻啖啖既菠菜香
都幾特別
飯面仲鋪滿芝士碎
好邪惡呀

薄荷朱古力(熱)
淨係拉花已經值
香濃厚嘅朱古力加上清香嘅薄荷味
夠曬奶香

真係食過返尋味呀

造訪日期: 2020年8月
    • 划算度
    • 服務
    • 食物
感謝 nkcfung
該評論乃TripAdvisor會員主觀個人意見,不代表TripAdvisor LLC公司。
發表評論評論 (63)
旅客評等
旅客類型
月份
語言

1 - 5 則評論,共 63

2020年10月12日 透過行動裝置

小編形容呢間餐廳真係煩囂市區入面嘅森林,睇咗裝修真係嚇死人超級綠化,鍾意打卡嘅女神或文青界老友一定要去。佢哋位同位之間都隔得幾開下,所以同朋友傾密計真係一流!同埋佢哋提供嘅野食仔都好出色。
-
芝士黑松露焗薯條 98
大佬你無睇錯罕有嘅十分!黑松露同埋知識嘅份量真係多到咧小編以為眼花啊,薯條外層脆內裡鬆軟到咧!最重點真係勁鬼多!
-
牆城豪華早餐 158 8⃣
德國豬肉腸、醃三文魚、炒滑蛋、培根、法國多士、番茄、什菌、茄汁焗豆等等。佢哋嘅德國豬肉腸真係好好味,同出面個啲食完要洗腎好大分別!食完呢個早餐真係超級滿足!Start my lovely day!
-
牛油果蟹肉意粉 1688⃣
賣相誘人超級適合打卡,牛油果居然砌成朵花咁,上面再擺左一球蟹肉!大佬點搞阿差啲靚過我頂佢嘅肺!食之前撈埋一齊只可以話人!間!美!味!牛油果令意粉更加滑身,加埋蟹肉超級鮮甜嘅味道,真係唔夠五分鐘啪咗成碟(誇張mode)。
-
焦糖泡沫咖啡 48 7⃣
味道唔評論個外相已經深得小編嘅心!同杯嘢影咗百幾張相。焦糖嘅特有嘅甜味加上甘香咖啡一齊飲,小編覺得真係唔輸starbucks!

造訪日期: 2020年10月
感謝 hktrendfood
該評論乃TripAdvisor會員主觀個人意見,不代表TripAdvisor LLC公司。
2020年10月3日

今晚家人話帶我去旅行,但未飛得可以去邊呢?原來帶我去行慢理牆城。

原來是這間鄰近油麻地地鐵站,交通方便的M1 酒店,1/F 是餐廳,餐廳內有原始森林、綠化景觀,多款手工藝品裝飾,枱旁有野生動物一同進餐,打卡一流!

每位客人都有杯碟豆花檸檬水,藍色好靚呀,檸檬少酸味好開胃。

牛油果水牛芝士蕃茄波波沙律配柚子黑醋
Super Food大牛油果原隻切開,砌個淘氣樣子好可愛,果肉香滑,加上粒粒水牛芝士,清甜蕃茄,沾上紅甜柚子黑醋更添香甜味。

牛油果蟹肉飯
蟹肉造成蟹肉球,疊在最高處,第一眼像雪糕,造型精緻,蟹肉鮮味,中間夾著香滑牛油果,底層意大利飯,伴有鮮味香菇,香滑夠濕潤。

西西里的檸檬向日葵
檸檬雪芭,外邊有粒粒黃色檸檬碎粒,底層用朱古力畫成的向日葵花瓣,碎有花生碎,糖珠,增添口感,好清新。

店內環境雅緻,職員服務熱誠周到,可以好好享受寧靜的一餐!

造訪日期: 2020年9月
感謝 NataliePang720
該評論乃TripAdvisor會員主觀個人意見,不代表TripAdvisor LLC公司。
2020年6月5日 透過行動裝置

好喜歡一間在商務酒店內的小cafe餐廳
環境猶如置身小森林內
俾人感覺好relax
·
☆ 英式豪華早餐 HKD$148
嘩真係好豐富呀 細食既女孩子1個人應該會食唔哂,而我就梗係食得哂啦 等我同大家數下裏面有啲乜啦 包括德國豬肉腸、煙三文魚、炒滑蛋、煙肉、蕃茄、雜菌、茄汁焗豆、多士,炒滑蛋既蛋係半熟,仲有蛋汁滴住㗎 煙肉煎得好香口,肉邊煎到脆卜卜添
·
☆ 牛油果忌廉蟹肉扁意粉 HKD$168
近期十分喜歡吃牛油果,牛油果熟度剛好,鋪喺意粉上面賣相好似一朵花 意粉醬汁creamy又juicy,每一啖都充滿住滿滿既醬汁,屬於忌廉較為濃郁嗰種。
·
☆ 芝士焗墨西哥辣椒薯條 HKD$88
完全想像唔到份量原來咁多,濃厚既芝士完全覆蓋喺薯條表面 芝士焗到拉絲感十足,薯條加入墨西哥辣椒,喺芝士咸香中多了一份香辣惹味感
·
慢理牆城
油麻地砵蘭街28號M1酒店1樓

造訪日期: 2020年5月
感謝 foodie_anniechan
該評論乃TripAdvisor會員主觀個人意見,不代表TripAdvisor LLC公司。
2020年5月27日 透過行動裝置

好吃,可是聊得並不暢快,係咁俾人催

疫情終於緩和一點,終於可以見見朋友。問吓朋友仔想食乜嘢,佢哋第一句就話掛住上次間餐廳嘅雞翼,佢一講我就知道佢講緊喺油麻地嘅「慢理牆城」。

其實呢間野幾好食,今次嚟到仲多咗好多打卡佈置,枱上邊仲好貼心咁準備咗口罩套同埋消毒濕紙巾。餐牌亦比以前多咗好多選擇。不過就睇到價錢有啲調整左,貴過之前。

唯一嘅缺點就係只可以坐90分鐘。食食吓有人提你仲有冇野加,再過一陣就有人比張單你,再過一陣就有人提我哋只可以坐到晚上8:30。其實90分鐘真係好快就過。不過因為之後冇其他客人,職員就冇趕我哋走。但係佢就一直喺我哋張枱附近徘徊,令到我哋傾偈好唔舒服。

不過都明白餐廳唔係好大,佢哋都想招呼多啲人客所以有限時。如果想傾偈傾耐啲就建議去第二間啦,或者食完呢間再去第二間食甜品。

講返啲嘢食先,第一時間梗係叫雞翼。我哋係為雞翼而黎。「美式甜辣香脆雞翼」八隻 $108,外層嘅皮好脆口,不過今次入面就乾身左少少,之前好食啲。有少少辣味,好滋味。唔食得辣嘅朋友都可以試吓。不過之前濃味好食啲。

跟住見到大啡菇,「芝士焗黑松露薯蓉大啡菇」$98。好香嘅黑松露薯蓉上面有焗過嘅芝士,融化在一起,再加埋個大啡菇一齊食,勁正。如果芝士再多啲再濃啲,更正。口感OK,但係味道唔夠濃。

「尋日的羔羊」(香煎澳洲法式小羊架配脆薯條)$308,呢道菜我就覺得貴咗啲,有四件羊架,但係感覺好強羊膻味,平時其他餐廳食嘅羊架都會用啲香草蓋過羊膻味,但係今次就蓋不住了,肉質尚算嫩但不夠Juicy。

「黑松露雜菌扁意粉」呢碟冇得輸,勁香嘅黑松露,佈滿整碟意粉,淡淡都充滿黑松露香味,食得好滋味。喜歡黑松露的你一定要試吓。

隔咗一段時間冇黎,餐牌上多咗好多選擇,名字都特別有趣。點嘢飲嘅時候見到有杯叫「隊番杯黑啤」好搞笑。其實係「自家製泡沫巨峰提子蜜桃紅茶」,杯飲品真係好似啤酒,飲嘅時候淡淡都有泡,口感好有趣,淡淡的巨峰提子蜜桃紅茶,唔算甜清清地幾好飲。貪得意可以試吓。

三個人食咗九百幾蚊,貴唔貴就見仁見智啦。餐廳大部份野都OK好食,未試過都可以試吓,餐廳好近油麻地地鐵站。唯一唔鍾意就係係咁催。

慢理牆城
地址: 油麻地砵蘭街28號M1酒店1樓

造訪日期: 2020年5月
3  感謝 Lovecathcath
該評論乃TripAdvisor會員主觀個人意見,不代表TripAdvisor LLC公司。

去過慢理牆城嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
US$USD
台灣
© 2020 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。