我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“文青小清新 · 猶如置身園林中”
慢理牆城的評論

慢理牆城
訂位
訂位
Eatigo
香港排名第507 (共13,938家餐廳)
周圍地區: 佐敦/油麻地
餐廳詳細資料
周圍地區: 佐敦/油麻地
2020年6月5日 透過行動裝置

好喜歡一間在商務酒店內的小cafe餐廳
環境猶如置身小森林內
俾人感覺好relax
·
☆ 英式豪華早餐 HKD$148
嘩真係好豐富呀 細食既女孩子1個人應該會食唔哂,而我就梗係食得哂啦 等我同大家數下裏面有啲乜啦 包括德國豬肉腸、煙三文魚、炒滑蛋、煙肉、蕃茄、雜菌、茄汁焗豆、多士,炒滑蛋既蛋係半熟,仲有蛋汁滴住㗎 煙肉煎得好香口,肉邊煎到脆卜卜添
·
☆ 牛油果忌廉蟹肉扁意粉 HKD$168
近期十分喜歡吃牛油果,牛油果熟度剛好,鋪喺意粉上面賣相好似一朵花 意粉醬汁creamy又juicy,每一啖都充滿住滿滿既醬汁,屬於忌廉較為濃郁嗰種。
·
☆ 芝士焗墨西哥辣椒薯條 HKD$88
完全想像唔到份量原來咁多,濃厚既芝士完全覆蓋喺薯條表面 芝士焗到拉絲感十足,薯條加入墨西哥辣椒,喺芝士咸香中多了一份香辣惹味感
·
慢理牆城
油麻地砵蘭街28號M1酒店1樓

造訪日期: 2020年5月
感謝 foodie_anniechan
該評論乃TripAdvisor會員主觀個人意見,不代表TripAdvisor LLC公司。
發表評論評論 (57)
旅客評等
旅客類型
月份
語言

1 - 5 則評論,共 60

2020年5月27日 透過行動裝置

好吃,可是聊得並不暢快,係咁俾人催

疫情終於緩和一點,終於可以見見朋友。問吓朋友仔想食乜嘢,佢哋第一句就話掛住上次間餐廳嘅雞翼,佢一講我就知道佢講緊喺油麻地嘅「慢理牆城」。

其實呢間野幾好食,今次嚟到仲多咗好多打卡佈置,枱上邊仲好貼心咁準備咗口罩套同埋消毒濕紙巾。餐牌亦比以前多咗好多選擇。不過就睇到價錢有啲調整左,貴過之前。

唯一嘅缺點就係只可以坐90分鐘。食食吓有人提你仲有冇野加,再過一陣就有人比張單你,再過一陣就有人提我哋只可以坐到晚上8:30。其實90分鐘真係好快就過。不過因為之後冇其他客人,職員就冇趕我哋走。但係佢就一直喺我哋張枱附近徘徊,令到我哋傾偈好唔舒服。

不過都明白餐廳唔係好大,佢哋都想招呼多啲人客所以有限時。如果想傾偈傾耐啲就建議去第二間啦,或者食完呢間再去第二間食甜品。

講返啲嘢食先,第一時間梗係叫雞翼。我哋係為雞翼而黎。「美式甜辣香脆雞翼」八隻 $108,外層嘅皮好脆口,不過今次入面就乾身左少少,之前好食啲。有少少辣味,好滋味。唔食得辣嘅朋友都可以試吓。不過之前濃味好食啲。

跟住見到大啡菇,「芝士焗黑松露薯蓉大啡菇」$98。好香嘅黑松露薯蓉上面有焗過嘅芝士,融化在一起,再加埋個大啡菇一齊食,勁正。如果芝士再多啲再濃啲,更正。口感OK,但係味道唔夠濃。

「尋日的羔羊」(香煎澳洲法式小羊架配脆薯條)$308,呢道菜我就覺得貴咗啲,有四件羊架,但係感覺好強羊膻味,平時其他餐廳食嘅羊架都會用啲香草蓋過羊膻味,但係今次就蓋不住了,肉質尚算嫩但不夠Juicy。

「黑松露雜菌扁意粉」呢碟冇得輸,勁香嘅黑松露,佈滿整碟意粉,淡淡都充滿黑松露香味,食得好滋味。喜歡黑松露的你一定要試吓。

隔咗一段時間冇黎,餐牌上多咗好多選擇,名字都特別有趣。點嘢飲嘅時候見到有杯叫「隊番杯黑啤」好搞笑。其實係「自家製泡沫巨峰提子蜜桃紅茶」,杯飲品真係好似啤酒,飲嘅時候淡淡都有泡,口感好有趣,淡淡的巨峰提子蜜桃紅茶,唔算甜清清地幾好飲。貪得意可以試吓。

三個人食咗九百幾蚊,貴唔貴就見仁見智啦。餐廳大部份野都OK好食,未試過都可以試吓,餐廳好近油麻地地鐵站。唯一唔鍾意就係係咁催。

慢理牆城
地址: 油麻地砵蘭街28號M1酒店1樓

造訪日期: 2020年5月
2  感謝 Lovecathcath
該評論乃TripAdvisor會員主觀個人意見,不代表TripAdvisor LLC公司。
2020年4月25日 透過行動裝置

慢理牆城
Wall Is Eat
+ 西式
+ 甜品/糖水
+ 酒店餐廳
+打卡一流
+ 七色意大利飯和七色扁意粉

明太子蟹肉扁意粉(粉紅)$158
好食指數:⭐️⭐️⭐️⭐️⭐️
打卡指數:⭐️⭐️⭐️⭐️⭐️
大份指數:⭐️⭐️⭐️⭐️
抵食指數:⭐️⭐️⭐️⭐️
蟹肉好似一個雪糕球禁大,又有蟹子配埋上面,好俾足份量
明太子醬好creamy,非常入味!

牛油果忌廉蟹肉意大利飯(淺綠) $178
好食指數:⭐️⭐️⭐️⭐️⭐️
打卡指數:⭐️⭐️⭐️⭐️⭐️
大份指數:⭐️⭐️⭐️
抵食指數:⭐️⭐️⭐️⭐️
意大利飯軟硬度適中,口感豐富!
牛油果同蟹肉嘅配搭,美味又健康!

慢理牆城 (油麻地)
油麻地砵蘭街28號M1酒店1樓

喜歡我的文章,可以關注我及讚好以作鼓勵

感謝 teatea0901
該評論乃TripAdvisor會員主觀個人意見,不代表TripAdvisor LLC公司。原文語言為中文,源自www.tripadvisor.com.tw 查看原文
2020年4月18日 透過行動裝置

餐廳:慢理牆城 (油麻地)
地址:油麻地砵蘭街28號M1酒店1樓

網上見到慢理牆城呢個打卡勝地想去好耐,終於約左朋友去到油麻地M1酒店1樓嘅呢間餐廳朝拜,話明係酒店級數嘅餐廳,唔少得嘅緊係貼心嘅service同extraordinary嘅餐廳環境啦

先係送左每人一個口罩可摺式卡套,再提供木箱比我地放袋,仲好識為客人影相同密密斟水仲有換碟,順帶一提,呢到嘅水係藍藍地色因為係加左碟豆花架

餐廳以原始森林同木製品為主題,打造成一個小森林,仲有food panda同比卡超坐鎮,你仲搵唔搵到其他動物/公仔呢

餐廳以7種顏色為名,製作相應顏色嘅飯/意粉️‍,每碟份量都好大,深綠色嘅菠菜煙三文魚意大利飯($168)香得黎帶有陣陣芝士香,菠菜比例夠多唔會炒到好濕,煙三文魚砌成玫瑰形狀,望都覺得好食

粉紅色嘅明太子蟹肉扁意粉 ($158)唔鹹,蟹肉同蟹籽份量多到砌到兩個小球放係意粉上,打卡一流,不過忌廉比例就有啲多有少許黏口,但整體都唔錯

小食叫左個芝士焗墨西哥辣椒薯條($88)同美式甜辣香脆雞翼4隻($58),兩個都好值得一試!尤其薯條份量超大,仲加左超足料芝士同墨西哥辣椒,芝味辣味夠哂過癮;雞翼脆而唔油,甜辣適中,聞到都已經好香

造訪日期: 2020年4月
感謝 hinsonfoodhk
該評論乃TripAdvisor會員主觀個人意見,不代表TripAdvisor LLC公司。
2020年2月26日 透過行動裝置

經常都有留意網上平台的人氣餐廳, 十強入面慢理牆城絕對是好評如潮。 位於油麻地M1酒店1樓, 裝修以森林花園做主題, 店內放滿綠悠悠的植物, 影相打卡一流,更令客人有放鬆的心情。 第一次到當然要試下餐廳的意粉和主菜,原隻美式燒春雞配黑松露薯蓉$248和明太子蟹肉扁意粉$158。

✨✨原隻美式燒春雞配黑松露薯蓉~ 原汁原味的燒春雞,採用燒的烹調方式, 皮脆肉嫩沒有油膩感,可以在健康和美味中取得平衡。 口感軟腍的薯蓉, 配上獨特的黑松露味道, 令薯蓉入口更增加層次感。 配菜還有新鮮的沙律菜伴醋, 味道更加清新。

✨✨明太子蟹肉扁意粉~ 粉紅色的賣相很吸睛,扁意粉伴上幾片芝士片,面層有即拆蟹肉,食落新鮮甜美,加上鹹香味的明太子,口感豐富, 來到一定要試下!

第一次來用餐, 高質的食物質素, 親切友善的服務態度, 餐廳環境舒適, 順帶一提餐廳提供75%酒精濕紙巾❤️,面對當下的疫情,真是非常細心,個人感覺已經攞滿分了。

慢理牆城
地址: 油麻地砵蘭街28號M1酒店1樓

造訪日期: 2020年2月
感謝 Victoriay_eatwithvic
該評論乃TripAdvisor會員主觀個人意見,不代表TripAdvisor LLC公司。

去過慢理牆城嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單