我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“黏稠極高的濃湯拉麵”
幸屋的評論

幸屋
香港排名第1,058 (共15,125家餐廳)
周圍地區: 大佛口
餐廳詳細資料
周圍地區: 大佛口
4 週前評論

今日約了朋友去歌連臣角道行山,在出發前,我們來到巴士站附近的拉麵店,在店門外有花檔,擺滿一盆盆的蘭花。

環境:門口擺滿招牌,掛上「博多豚骨」的紅燈籠,內室一眼可見,是長條方位,高樓底,座位分左右兩邊,一邊是吧台,另一邊普通座位。雖然已過中午時段,店內仍然很多人。

服務:上菜速度快,阿姨見我們有袋,都給多一張椅子來放袋,服務很貼心。

午市:
蟹籽沙律$42

主要閃青瓜絲在底,加上蟹柳條和豐盛的蟹籽,配沙律醬,是很清新的沙律。

吉列廣島蠔$42

四隻熱辣辣的炸蠔,外脆內軟,吃時需小心,因為是有少少燙口。有兩隻手指的大小,蠔不算是肥美,但味道濃,不錯。

胡麻王豚骨拉麵$78

首先是湯頭超級濃稠,我從未見過湯底會那麼快凝結成糊,伴有大量的芝麻粉,再攪拌均勻,會傳出陣陣濃郁的芝麻香,麵條較幼細。配菜則有完整的溫泉蛋、碎蔥、叉燒、白菜、黑木耳絲和紫菜。配菜很豐富,這方面我感到很抵食,叉燒有兩件,一件又大又厚,另一件則是薄身,不過我嫌兩塊都不夠焦香。

特濃魚介醬油沾麵$98

這是朋友點叫,配菜差不多,是多了洋蔥圈和筍乾,不過我和朋友都不是很明白為什麼有檸檬。我試了魚介湯,也是很濃郁,感覺此店的湯底都是這樣。魚介湯完全沒有腥味,除了有點鹹,鮮味十足,值得下次再來吃這一個湯頭!

值得一提是桌面提供一樽醃芽菜,味道意料之外好,微辣帶酸,又爽口,一時喝湯感到膩,又可以吃此小菜解油膩。

造訪日期: 2021年1月
1  感謝 ying0564335
該評論乃TripAdvisor會員主觀個人意見,不代表TripAdvisor LLC公司。
發表評論評論 (29)
旅客評等
旅客類型
月份
語言

1 - 5 則評論,共 29

2021年1月24日

終於捱到星期日,又可以放鬆心情抖下。今日要去灣仔辦年貨,難得出開嚟,當然要食埋飯先走。

有人話好耐無食過拉麵,上網 search 下附近有乜嘢好推介,搵到機利臣街呢間評價不俗的燒鳥丼居酒屋。

麵店嘅裝修好有日本風味,門口掛咗大大個紅燈籠,非常觸目。店內環境亦不俗,相當闊落,設有高腳檯櫈和多張雙人座位,配上極高樓底,感覺開揚舒服。

餐廳主打拉麵,不過亦有飯類、沾麵、小食及串燒等供應。我哋點咗金武士豚骨拉麵 同 蒲燒鰻魚丼,另外再加咗兩個小食。

金武士豚骨拉麵:呢度嘅拉麵可以選幼麵或粗麵、軟硬度、湯嘅濃度,香油濃度、青蔥同椰菜嘅多寡,甚至連叉燒都可以自選厚身的豚角煮、薄切的叉燒肉 or 兩款 mix 都得,自由度挺大!

拉麵選了幼身、正常硬度、濃湯底,另外配多蔥及椰菜。先嘗一口湯底,湯頭醇厚順滑,濃厚而不膩,充滿膠質,鹹度亦恰到好處。麵條掛湯能力不俗,而且嚼勁也算不錯,即使浸湯一段時間也能夠保持口感。

至於叉燒和豚角煮,水準亦唔錯,咬下腍滑鬆化,而且煮得非常入味,肥瘦控制得很好。伴吃的溏心蛋亦做得相當有誠意,蛋白非常滑嫩,蛋味濃稠。

另外個蒲燒鰻魚丼亦睇頭十足,飯面有兩大塊鰻魚、溏心蛋同椰菜,分量不少。鰻魚肥厚又多肉,加上經過火炙後,肉質外焦香內軟綿,配上面頭微甜嘅燒汁同香口嘅芝麻,令鰻魚更惹味。底層的米飯口感亦唔錯,粒粒飽滿,能吃到飯香。

小食點咗和風豆腐 同 炸雞,豆腐新鮮炸起,咬下熱辣辣,外面酥脆,入面嘅豆腐好嫩滑,充滿豆香,與木魚碎同吃,香口無比。炸雞外皮金黃鬆脆,雞肉嫩滑,食落滿有肉汁。總括來說,這裡的食物和服務都頗不錯,值得一試。

造訪日期: 2021年1月
    • 划算度
    • 服務
    • 食物
1  感謝 mjqueen7e
該評論乃TripAdvisor會員主觀個人意見,不代表TripAdvisor LLC公司。
2021年1月24日

好想去日本旅行,好想食拉麵。呢間店之前食過一次,今次就嚟返尋味。

吉列廣島蠔$42
先嚟兩個小食,我哋鍾意食香口嘢,就點了這個吉列蠔,吉列炸粉酥酥脆脆,蠔肉雖然細細隻,但蠔鮮味十足。沾上美奶滋好好味,配上爽脆生菜去油膩感。

日本芝士年糕$38
金金黃黃,圓轆轆,賣相吸引。一口咬下先是軟糯的年糕,然後是creamy嘅芝士,淡淡的芝士奶香滲出,再沾上香甜的煉奶,味道討好。

特濃味噌廣島蠔沾麵$108
廣島蠔大隻肥美,配上檸檬汁,鮮味更突出。我哋鍾意粗拉麵,貪佢口感煙韌彈牙,凍嘅拉麵放入熱辣辣嘅味噌沾麵汁,香味超濃郁,配上香蔥、紫洋蔥、木耳絲、竹筍、半隻糖心蛋各種配料,超級好味。

蝦武士拉麵$88
我選了特濃湯底,鋪滿櫻花蝦,蝦香鹹鮮味十足,配上大量蔥花、木耳絲,超好味。拉麵選了正常硬度,軟硬適中,每一口都掛滿汁,食到唔停口。配料方面好豐富,我選了豚角煮和叉燒各一,肉肥而不膩,肉質鬆軟;另外,糖心蛋軟滑,雖然簡單一隻蛋,配上熱拉麵湯好滋味。

造訪日期: 2021年1月
1  感謝 FoodieFoodie_84
該評論乃TripAdvisor會員主觀個人意見,不代表TripAdvisor LLC公司。
2020年10月24日 透過行動裝置

今期期間限定係松葉蟹沾麵,湯汁熱騰騰翻滾下,濃濃的海鮮湯嘅香味就不斷直湧入鼻腔。
再加上彈牙爽口嘅麵條,每條麵都可以做到掛湯效果,而主角松葉蟹非常新鮮,味道鮮甜,肉質彈牙,仲有其他配菜如糖心蛋亦做得非常出色,火候控制得非常好。
金武士拉麵:係款傳統博多豚骨湯拉麵,湯底有三款濃度可選擇,呢次選擇濃湯,豚骨香味撲鼻,未飲都聞到湯頭用料十足,亦用左相當嘅時間熬煮先可以做到咁濃郁嘅味道,非常好味好飲,完全可以將整碗湯飲到見底,除左湯頭出色外,拉麵中其他配料亦都不錯,份量很足,而叉燒呢度有分兩種,有厚身嘅豚角煮同埋較薄身帶多點瘦嘅普通叉燒,個人鍾意口感較好嘅豚角煮,而麵條彈牙,掛湯一流。
汁煮牛舌:牛舌切粒,口感一流,唔會太稔,同其他配料一樣都非常入味。
日式餃子:呢度嘅餃子比較特別,不用沾醬汁,餐廳經已為客人添上沙律醬,木魚絲等,有啲章魚燒嘅醬汁,食落係會有啲章魚燒嘅味道。

造訪日期: 2020年10月
感謝 hkngtmfood
該評論乃TripAdvisor會員主觀個人意見,不代表TripAdvisor LLC公司。
2020年10月4日 透過行動裝置

最近去幸屋吃拉麵,不錯。

我叫了九月限定的特濃豚骨松茸沾麵。麵松茸又香又鮮味。露芛和菜苗幼嫩翠綠很可口。木耳爽口清淡。粟米粒鮮甜。紫菜香脆。拉麵好彈牙有嚼勁。䐁肉半肥瘦有肉香。糖心蛋也很美味。吃完碗拉麵覺得很幸福。

魚介酱油义燒拉麵也很美味。麵的份量很多,吃一碗一定飽。

汁煑牛舌又香軟又可口,蘿蔔也很入味。炸雞調味適中不油腻,肉質好。

小店的服務很貼心。我們吃得很滿意,下次會才來。

造訪日期: 2020年9月
1  感謝 aliceyuens
該評論乃TripAdvisor會員主觀個人意見,不代表TripAdvisor LLC公司。

去過幸屋嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
US$USD
台灣
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。