我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“必叫人氣巨型火山排骨‼️ 火焰燒雞同樣出色🔥”

Milu Thai Restaurant
香港排名第50 (共15,446家餐廳)
優等證書
價位: US$13 - US$39
周圍地區: 灣仔/銅鑼灣
餐廳詳細資料
周圍地區: 灣仔/銅鑼灣
2021年6月11日

我見好多foodies都推介呢間火山排骨,暴風式被大家洗版 好喇,終於被大家燒到‍♀️ 決定去試試佢!

餐廳位於銅鑼灣,12:00一開門我就到達餐廳門口‍♀️ 職員安排我哋坐四人座位,呢度座位與座位之間相隔唔近,坐得幾舒服!

餐牌入面菜式都幾多,樣樣都想試,最想試當然係大家熱烈推薦嘅火山排骨啦 order完食物唔洗等好耐就食得,上菜速度都幾快

♥ 火山排骨 $198
必叫招牌菜式! 一上枱真係嚇親,比想像中仲要大份,足夠3-4人食 佢哋將一條條長型豬脊骨堆砌成一座小山,再淋上秘製青辣椒芫荽蒜頭醬汁,酸辣有致,好惹味!肉質柔軟無帶筋,而且唔算肥!近骨位置會有少少脂肪,食起嚟有油潤感,有油香
餐廳有準備膠手套,方便大家可以用手去食,我個人就鐘意拆肉再蘸汁去食! 唔經唔覺一啖接一啖,我一個人已經KO咗3/4嘅排骨 今次唔洗去曼谷拉差達火車夜市都食到火山排骨,好幸福‍♀️
好食度:⭐️⭐️⭐️⭐️ (4/5)

♥ 火焰燒雞 $198
另一款廚師推介嘅菜式 呢道菜好啱打卡,侍應會事先喺雞嘅表面淋酒,再喺你面前點著隻雞,今舖真係被焫焫焫焫焫焫著 燒完隻雞,侍應會拎返隻雞入廚房斬件
燒雞外皮酥脆,脆到好似食緊脆皮雞咁 因為外皮有淋過酒,所以味道甜甜地。隻雞本身醃得入味,唔洗蘸醬都好味 應該係我近期食過比較好食嘅燒雞,估唔到比火山排骨更驚喜!‍♀️
好食度:⭐️⭐️⭐️⭐️✨ (4.5/5)

♥ 泰式串燒 (半打) $88
係呀!又係叫肉 今餐真係食好多肉 我哋揀咗2串豬、2串牛、2串雞!三款串燒都燒得啱啱好,唔會太乾!而且醃得好入味,串燒牛最濃味,但稍為鹹咗少少
好食度:⭐️⭐️⭐️✨ (3.5/5)

♥ 芒果糯米飯 $78
食到呢度已經飽到上頸 但甜品真係有另一個胃㗎! 芒果肉超甜又多汁,甜到好似浸過糖水咁!再配埋軟糯綿密嘅糯米飯同香滑椰奶,真係好正呀 為呢餐完美作結
好食度:⭐️⭐️⭐️⭐️ (4/5)

♥ 泰式奶茶$32 & 椰汁冰$28
泰式奶茶茶味好濃,好香滑;椰汁冰椰子味濃郁,好解辣
好飲度:⭐️⭐️⭐️✨ (3.5/5)

我個人特別推薦火山排骨& 火焰燒雞,如果要叫哂兩樣,我建議最好3-4個人share食!真係唔係講笑,今餐我哋兩個人食咗超多肉,食完真係超級飽,連我自己都覺得好誇張

造訪日期: 2021年6月
    • 划算度
    • 服務
    • 食物
感謝 eat_rice_see
該評論乃TripAdvisor會員主觀個人意見,不代表TripAdvisor LLC公司。
發表評論評論 (154)
旅客評等
旅客類型
月份
語言

2 - 6 則評論,共 154

2021年6月5日

嘩!嘩!嘩!之所以要嘩足三次,因為真係好誇張!講緊既係 MiluThai มิลู่ไทย......

有乜值得要嘩足三次?埋就係火山排骨同火焰燒雞,第一個「嘩」係屬於火山排骨!

$178 既火山排骨比想像中高,而且絕對唔係浪得虛名,真係好似一座火山咁高!

味道方面完全無失望,雖則食落有少少麻煩,不過比想像中入味,而且唔韌唔黏牙!

火焰燒雞同樣係招牌菜,一場來到銅鑼灣無理唔試埋,估唔到感覺好似睇緊表演!

所以第二同第三個「嘩」係屬於火焰燒雞,隻燒雞係面前好大火咁燒啊燒,好刺激!

$198 物超所值,即燒即食,有得睇又有得食,雙重享受,雞皮好脆,食緊炸子雞咁!

造訪日期: 2021年4月
    • 划算度
    • 服務
    • 食物
1  感謝 hkfruitpunch
該評論乃TripAdvisor會員主觀個人意見,不代表TripAdvisor LLC公司。
2021年5月27日 透過行動裝置

不得不說這裡的火山排骨太有特色了,只要看到圖片就知道它出自哪間餐廳‼️
▫️
❥$ 火山排骨 之前看到很多朋友介紹這個排骨已心心眼,果然實物真的很巨大‼️ 4大條排骨堆疊而成,淋上大量的醬汁,只是聞到味道已讓人狂流口水‼️ 排骨煮得很軟嫩,不用太費力就可以吃到 火山排骨真的物如其名,它的醬汁辣辣的,令人愈吃愈辣,愈吃愈開胃️ 太滋味了‼️
▫️
❥$ 鹽燒鰂魚 鰂魚的魚骨不算多,所以很容易就吃到它的魚肉‼️ 熱滕滕的魚肉,好滑、好鮮、好好吃‼️❤️ 我自己就可以吃一條
▫️
❥$ 泰式蛋炒金邊粉 金邊粉用蛋絲包著,賣相不錯‼️ 而且炒得很香很乾爽一點都不油 旁邊還有辣粉及花生顆粒 可以攪勻後一齊吃,非常不錯‼️
▫️
❥$ 泰式海南雞(半隻) 半隻的份量比想像中多 沾點醬料後大口大口的吃很爽‼️
▫️
❥$ 泰式奶茶 茶味香濃,口感順滑 不禁想起了在泰國旅行每天都喝上1、2杯的日子‼️
▫️
❥$ 珍多冰 冰涼的椰奶裡有很多綠色的珍多粉條,很爽滑,口感一流‼️

造訪日期: 2021年5月
感謝 msfoodloverr
該評論乃TripAdvisor會員主觀個人意見,不代表TripAdvisor LLC公司。
2021年3月6日 透過行動裝置

同朋友去食泰菜,餐廳都幾闊落,又瀰漫住食物嘅香氣,未食都已經流口水

火山排骨($178)
賣相浮誇又吸引,排骨被堆砌成山型,切合火山排骨呢個菜名而且份量又多,燜得夠腍又入味,淋上由多款配料秘製嘅泰式辣汁,味道酸酸辣辣,真係越食越開胃惹味另餐廳仲提供手套及濕紙巾,唔怕整污糟對手,方便又衛生

生蝦刺身(6件)($98)
生蝦夠爽口彈牙,蘸埋酸辣嘅生蝦汁一齊食好開胃,每次食泰菜必點底部有冰保鮮,更用冰袋包住避免生蝦被冰水浸濕,抵讚

炭燒豬頸肉($88)
豬頸肉烤得焦香,食落都幾爽口,蘸埋酸辣嘅醬汁一齊食都幾好味

馬拉盞通菜($78)
通菜炒得有鑊氣,辣辣地又唔會好鹹,食落爽脆又惹味差唔多成碟都係我食晒

椰青($48)
通常椰青水嘅份量比較少,成日都唔夠飲!但呢度嘅椰青水份量相對比較多之餘又夠凍,味道仲好!清!甜!真係好好飲,最終我哋二人點左三個椰青

造訪日期: 2021年3月
感謝 dyiongw
該評論乃TripAdvisor會員主觀個人意見,不代表TripAdvisor LLC公司。
2020年12月23日 透過行動裝置

餐廳:Milu Thai มิลู่ไทย (銅鑼灣)
地址:銅鑼灣耀華街3號百樂中心2樓

今次喺第2次嚟銅鑼灣嘅Milu Thai食飯,再嚟嘅原因係因為見到最近好多人介紹佢地嘅火山排骨好吸引,所以就有個衝動試吓

火山排骨 $178
呢個火山排骨份量超大,成家人四至五個人分都仲得,兩大排肋骨肉好輕易就拆到出嚟食;除咗肉質非常軟腍之外,餐廳仲用咗秘製嘅泰式青椒辣醬去醃製,食落香辣惹味,不過唔太食得辣嘅人可能就食唔到喇。雖然咁大舊食落有啲論盡,但係戴上手套一條條肋骨肉放入口「損」真係夠哂滋味,呢個價錢、呢個份量、呢個味道,真係值得一試

泰式串燒(半打) $88
串燒可以自由揀選豬、牛、雞肉,串燒燒得可口,即叫即燒熱辣辣,加上邊邊稍微烤脆,蘸埋沙嗲汁冇得輸,係咪望見都好吸引呢?

泰式海南雞(半隻) $128
呢度嘅海南雞顏色睇落幾新鮮,亦都有足半隻嘅份量,雞髀、雞胸、雞翼樣樣齊,雞肉嫩滑無雪藏味,都有陣陣鮮雞香,最重要係骨唔多啖啖肉,食都食得過癮

蒜蓉通菜 $78
呢碟通菜都幾大碟,落足蒜蓉同油去炒,不過我就略嫌有少少油膩,但對比起出面嘅蒜蓉通菜嚟講,都真係炒得幾香幾好食

泰式奶茶 $28
去泰國餐廳梗係唔少得飲杯泰式奶茶喇,以往對泰式奶茶嘅既定印象就係好甜好多糖,但餐廳為咗迎合香港人嘅口味,用咗少糖嘅方法去整呢杯泰式奶茶,既有泰式風味,亦唔會因為太甜而覺得唔好飲

整體嚟講呢度嘅推介菜式——火山排骨都真係幾引人入勝,價錢唔算貴而且味道都真係幾適合香港人,抵我再返嚟幫襯多次

造訪日期: 2020年12月
感謝 hinsonfoodhk
該評論乃TripAdvisor會員主觀個人意見,不代表TripAdvisor LLC公司。

去過Milu Thai Restaurant嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。