「桂花小幸」嘅食物同質素都幾高，絕對係翻食之選
.
麻辣牛肚麵湯底麻香中辣牛肚份量多，腍韌度適中，另外有蘿蔔生菜麵質爽滑掛汁
.
蕃茄花枝丸麵蕃茄香濃偏酸仲有2嚿新鮮蕃茄花枝丸大大粒爽囗彈牙，仲有好多魷魚粒
.
雞翅膀滷肉飯滷水雞翅膀入味微微鹹甜，肉質軟嫩滷肉肥瘦平均相對油潤撈飯食一流
.
台灣烤香腸外面薄脆質感香軟帶甜
.
涼拌貓耳朵味道少少酸辣，好爽口
.
涼拌黑醋茄子厚切茄子軟腍多汁
.
夏日水漾鮮果茶有火龍果、藍莓士多啤梨西柚、青檸、檸檬和水果新鮮，配上少甜清新茶底
.
芝士奶蓋阿里山金萱阿里山金萱味清香， 芝士奶蓋鹹香濃厚

#將軍澳 #桂花小幸

Friyay!!! 星期五收工一定要食返餐好☺️ 今日就約咗個住將軍澳嘅朋友食晚餐，嚟到呢間7點至9點都座無虛席嘅餐廳 - 「桂花小幸」 呢度嘢食抵食又大大份，難怪咁受歡迎！

原盅燉湯煲仔塔香三杯雞定食 （$88）
$88超多嘢食！ 有一大碗香噴噴嘅白飯，上面仲有少少飯素 有一個小砂鍋嘅三杯雞，三杯雞鹹鹹香香，加埋洋蔥吊味，好味 原來三杯雞係唔辣嘅，老少咸宜㗎XD 個凼姇仲附送上湯娃娃菜同一盅原盅嘅湯，湯入面有茄子、豬肉、雞腳，個湯超清甜

蕃茄濃湯水餃 （$52/8隻）
個湯底好香濃，仲有幾舊甜甜嘅蕃茄添 水餃都好好食，個皮不太厚，裏面有好多豬肉，浸喺蕃茄湯之中吸晒啲精華！

加配小食 （$20/2）
涼伴貓耳朵
滷水豆腐
小食$12/一款，$20/兩款好抵！我哋揀咗貓耳朵（木耳）同豆腐，做頭盤好開胃

紅綠豆薏米黑糖冰仙草 （$38）
黑糖唔會太甜，個刨冰仲好大個，加上紅豆、綠豆、薏米，三種配料，好豐富好抵食！呢個$38真係大推廣‼️

夏日水漾鮮果茶（$34）
仙氣火龍果茶（$34）
清新嘅水果特飲

前幾日同朋友去左呢間台灣菜食dinner。

麻辣牛肚熱拌米線$65
呢個似乎係新出嘅。賣相幾靚，配料幾多，有好多牛肚、生菜、酸菜同埋紅蘿蔔等等。食落有啲辣辣地嘅滷水味，米線好掛汁。
仲送埋紫菜貢丸湯，有好多紫菜，最特別嘅係貢丸大粒到好似啲長州大魚蛋咁大粒，食落幾香幾彈牙。

腱心牛肉麵$65
轉蕃茄湯+$4
蕃茄湯底酸酸甜甜，感覺幾健康。有五大片腱心牛肉，食落軟淋得黎又有啲咬口。台灣麵煮得軟硬適中，入口彈牙。

麻辣豬肚$38
份量好多，作為小食其實直情夠4個人share。呢個辣度十足，食得辣嘅話會好鍾意。豬肚好入味，好食。

桂花雞翼$26
雞翼炸得好脆，入面仲有肉汁同好滑。我幾鍾意佢配埋嘅桂花汁，好清香又唔會太甜。

芝士奶蓋桂花烏龍茶$25
芝士奶蓋味道香濃，同桂花烏龍茶好夾。

芝士奶蓋玄米茶$25
朋友就揀左飲呢杯，同我嗰杯都差唔多，不過就變左做玄米茶。

住喺將軍澳嘅朋友好鍾意食台灣菜，所以幫襯了位於將軍澳廣場嘅「桂花小幸」。

星期日下午2點，以為避開正午繁忙時間無咁多人，黎到都要坐5分鐘先可以入座。

餐廳內有優雅的卡位坐好舒服，仲設有自助水吧。

食物方面，今次試了以下幾樣。

1. 紫菜魚丸湯($10)、涼伴黑醋茄子($10)、滷水蛋($8)。三款小食價錢優惠，亦有一定水準，特別係涼伴黑醋茄子，味道酸酸地，食咗令人好開胃嘅前菜。

2. 椒鹽花枝丸(3粒)($26)，炸得外脆內熱，內有粒粒花枝肉，配上椒鹽，十分可口。

3. 三盛紅燒牛肉麵($75)，內有腱心牛肉、牛腩、牛筋。紅燒湯底濃郁，牛筋好腍，牛肉同牛腩好入味，而且份糧好足，入口好有台灣味道，一碗已令人好滿足。

4. 秘罈酸菜魚湯飯($73)，湯底酸度適中，有好多芫荽，好適合鍾意食芫茜嘅我。另外，魚片肉份糧多，一碗飯食完仲有好多湯同餸，抵食之選。

5. 蜂蜜檸檬蘆薈($21)、夏日水漾鮮果茶($29)。
兩杯飲品好足料，特別係鮮果茶有好多鮮果肉，可以一邊飲一邊食，兩種享受。

整體來講，餐廳環境舒適，食物水準高尚，充滿台灣味道，價錢優惠，可以一試再試。

桂花小幸除了麵食外，尚有原盅燉湯定食套餐及小食，一人獨享可以樣樣各試一點。

涼拌貓耳朵

套餐可以加錢叫點小食。涼拌貓耳朵爽脆中又帶點醋酸味，雖然見到有辣椒絲但其實味道不太辣，清清爽爽作為前菜很不錯。

滷水蛋牛腩滷肉飯

套餐已包一隻滷水蛋，滷蛋切半，滷水輕輕將蛋白染成啡色，顏色對板，入口亦帶點滷水味，蛋黃濃郁甜美而蛋白嫩滑清爽。

牛腩有四大條，肉質軟腍中帶咬口，肉味亦見濃郁。滷肉飯的豬肉粒富有油香，肥瘦均勻，醬油味道濃厚，配飯一流。

原盅燉湯

是日燉湯為老黃瓜粟米黃豆豬骨湯，燉湯顏色清澈，老黃瓜解暑清熱利濕，很合夏天飲用。

上湯浸時菜

定食附送上湯浸娃娃菜，娃娃菜味道嫩口鮮甜。

仙氣火龍果茶

仙氣火龍果茶很像紅肉火龍果汁，清甜解渴，顏色紅紅的很美。