我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“少味精台灣餐廳”

桂花小幸 b+bc cafe - 將軍澳
香港排名第4 (共219家小吃)
優等證書
周圍地區: 西貢
餐廳詳細資料
周圍地區: 西貢
5 週前評論

今日同朋友去左桂花小幸食下午茶,回味台灣的味道

朋友叫左碗三盛牛肉麵(養生湯),當中有腱心牛肉、牛腩同牛丸,我試左一舊腱心牛肉同牛腩。腱心牛肉炆到冧得黎有彈性;牛腩大大舊,唔會好油膩,肉味香濃,炆得冧,d肉仲唔會痴牙添!另外,要一讚養生湯底!湯味清甜得黎,完全唔油膩,無乜味精既感覺,所以朋友飲哂成碗湯!

我就叫左碗滷水蛋滷肉飯套餐配涼菜、蔥油時菜同紫菜魚丸湯(今日因為無魚丸,所以轉左做牛丸)。滷肉份量同飯既比例剛好,如果滷肉再濃味少少會更好!不過我減肥中,所以低鹽都係好既!滷水蛋同涼菜既味道都唔錯

另外,食左2件台灣手工餡餅,個皮幾脆,略嫌油膩,入面既餡都係屬於低鹽系列

甜品方面我地叫左碗紫薯薏米黑糖仙草冰,紫薯薏米都幾有咬口,黑糖唔會過甜,塊薄荷葉令我食第一啖仙草有淡淡既薄荷味,幾特別。

我地各自都要左杯特飲,包括仙氣火龍果茶同日式紅豆抹茶,味道正常。

總結:牛肉麵同仙草冰都非常不錯,滷肉飯同餡餅不過不失。整體上餐廳既食物唔會好咸/好多味精,食完唔會好口渴,讚!

造訪日期: 2021年4月
感謝 Foodie_Yau
該評論乃TripAdvisor會員主觀個人意見,不代表TripAdvisor LLC公司。
發表評論評論 (158)
旅客評等
旅客類型
月份
語言

10 - 14 則評論,共 158

2021年4月9日 透過行動裝置

很久沒有來幾軍澳了,這次在附近玩樂後有點餓了,在覓食期間發現這家店舖。看到環境裝修挻舒服,藉著晚市未開始,就快快進去吃東西吧。餐牌上有多款食物選擇,還有很多台式小吃和甜品供應。

現做煎餃子 / 蕃茄濃湯餃子 HKD$28,這一份有四隻,有數款不同口味的煎/水餃選擇。煎餃子外皮脆脆的,口感煙韌。蕃茄濃湯味道酸酸的很濃郁,餃子大粒肉質不錯,而且外皮不易穿挻好。

紅燒半筋半腩牛肉麵 HKD$64,這個可選擇湯底和辣度,選擇了麻辣中辣。湯底味道濃郁,而且聞到強烈的辛辣味。牛肉肉質腍身,牛筋口感煙韌爽口。麵質軟硬適中,整體味道不錯的。

椒鹽花枝丸 HKD$42,這個一份有五粒,金黃色的賣相吸引。這個口感豐富煙韌,裡面的墨魚肉挻多的。味道咸咸的很惹味。

紫薯黑糖冰仙草 HKD$35,飯後當然要來個甜品,這個滿滿材料的甜品,味道甜而不膩,跟朋友分享來吃是不錯。大大粒的紫薯,配著黑糖珍珠口感更豐富。再吃個仙草既消薯又透心涼。

另外我們點了熱黑糖珍珠鮮奶和凍金牌咖啡,這兩款也有跟餐加購價。兩杯飲品味道香濃,味道不會太甜。食物質素不錯,跟餐還可以加購小食/升級飲品,性價比不錯。

造訪日期: 2021年4月
1  感謝 CHINGCHINGJAIII
該評論乃TripAdvisor會員主觀個人意見,不代表TripAdvisor LLC公司。
2021年3月28日 透過行動裝置

今次幫襯左一間台式店鋪《桂花小幸》,覺得真係幾好食想推介比大家‍♀️果晚我地大約7pm到,但都要等一陣位先有得入,店鋪唔算大,但係地方都乾淨同舒服當然入去前都係要量體溫同寫紙仔

店鋪入面裝修都令人舒適,有種小清新既感覺
留意番依度係自己係位睇完餐牌再出去收銀度落單比錢,所以記得出去前望一望自己係咩枱號⚠️

落完單之後大約8-10分鐘內都上餐,餐就唔洗自己拎,會有職員拎比我地

今次我地嗌左兩個晚餐定食再加一個小食:

鹽酥雞排滷肉飯定食 $76
因為我同老公都好中意食鹽酥雞排,所以依個係我地食台灣野多數必點既佢個鹽酥雞排真係好正唔會好厚粉,好酥香,雞扒醃得入味,重點肉質嫩滑,唔會「鞋」配埋個滷肉飯食真係好惹味,個飯仲要係用我中意食既珍珠米飯所以我會加分推介

因爲係定食所以配埋湯同菜,湯唔係一般既味精餐湯而係原盎燉湯,果晚我地係紅蘿蔔椰子雞燉湯,都幾足料,清甜而菜就係上湯娃娃菜,無咩特別,但夠味唔會係水煮菜咁

我覺得個定食份量真係好足夠,如果我一個人食唔洗額外再叫小食都好飽

煲仔.塔香三杯雞定食 $88
因為三杯雞係台灣名菜,所以我都想試下依度好唔好食可能係要即煮,所以餐牌都寫明要耐心等候,但其實我都唔算等好耐

賣相幾吸引,因為配料有洋蔥同九層塔,所以係好香雞既肉質雖然無鹽酥雞扒咁嫩滑,但係都夠入味餸飯一流,如果有多D汁就更好另外都係配原盎燉湯同上湯娃娃菜

麻辣紅油水餃(4件)$28
我地額外叫左依個小食,中意食辣既我都覺得夠哂辣但我老公就食唔到覺得太辣所以食唔到辣既朋友就要留意

由於我地定食已經有湯,所以係無包野飲既,但可以加$6/$8加餐飲,但我地覺得食得台灣野當然唔少得飲台式特飲佢地有得選擇加配茶研社既特飲仲有得正價減$5‼️

所以我同老公就叫左兩杯特飲:
涷香濃珍珠奶茶(原價:$22)
熱日式紅豆抹茶(原價:$26)

佢地茶研社特飲係外賣杯上既,我覺得幾好又可以飲唔哂拎走,唔洗迫自己要趕住飲想讚下個熱飲杯好靚

其實餐廳外有個茶研社飲品既小賣部,所以有時如果唔係食野但想買杯野飲,都可以係外面買

總括一下先,想食飯傾下計又坐得舒服,我覺得將軍澳依間《桂花小幸》都係一個唔錯既選擇

食物方面,有好多唔同既選擇(我下次去會試下佢個紅燒牛肉麵或特濃蕃茄米線因為見隔離枱都食得好滋味),食物質素都唔錯,但價錢合理,份量都好夠仲有唔洗加一

所以如果大家想食下台式野,真係可以去試下
推介比大家‍♀️‍♀️

造訪日期: 2021年3月
感謝 CookingWomanism
該評論乃TripAdvisor會員主觀個人意見,不代表TripAdvisor LLC公司。
2021年3月25日 透過行動裝置


最近轉到去將軍澳區出沒, 這裏很多商場 ,可以在這裏盡情shopping, 趁聚百貨公司特賣日, 但要來這裏就湊熱鬧。 不經不覺已經到了晚飯時間, 在商場逛逛 搜尋 有什麼好吃的餐廳。

這間台式餐廳很多人等候, 應該會是不錯的選擇, 幸好只是等了十多分鐘便有位。

原盅燉湯定食套餐:
鹽酥雞扒 滷肉飯
上湯浸時菜
清潤蘋果合掌瓜雪耳無花果湯
超值套餐之選, 燉湯非常清潤順喉, 雪耳清爽爽滑, 湯頭滲出淡淡蘋果清香, 無花果的鮮甜味道, 非常清潤保濕。

鹽酥雞扒份量不少, 炸到金黃色脆卜卜, 雞扒醃得夠味, 滷肉飯香濃美味, 但是肥肉會比較多, 女士們又愛又恨

紅燒牛三寶麵
(牛筋+牛腩+牛肚)
麵質煙韌彈牙, 吸收了湯頭的精華味道, 牛筋夠淋 又夠滑, 牛腩份量十足, 金錢肚可以再淋啲啲就更加好。

現做鮮肉餃子
台南 手工餡餅
兩款小食都係啖啖肉好多餡料, 外皮香香脆脆, 餡料充滿肉汁, 點辣醬就更加好食。

夏日水釀鮮果茶
水果茶清新爽口, 充滿了不同的水果, 香橙火龍果藍莓 草莓檸檬。

脆脆阿華田
濃濃的朱古力味道, 非常香甜順滑, 上面鋪滿了oreo朱古力餅。

造訪日期: 2021年2月
1  感謝 Chingyee0708
該評論乃TripAdvisor會員主觀個人意見,不代表TripAdvisor LLC公司。
2021年3月21日 透過行動裝置

又有一段日子冇黎食飯,老公話好掛住D台灣麵,於是今日就黎食番個牛肉麵!

蟲草花杞子雞湯飯

睇MENU見到有新野,係養生既蟲草花杞子雞湯飯!製作需時所以等左20分鐘先上檯,一黎到係見到一大碗湯~攪下佢,入面真係好足料,蟲草花數量都幾多~雞件食落唔鞋口亦冇雪味,將一匙飯加湯一齊食~又暖胃又滿足!

涼拌貓耳朵、上湯浸時菜

另外加$15配埋涼拌貓耳朵同上湯浸時菜~清清地好健康,涼拌貓耳朵酸酸甜甜好開胃,只係加$15有呢個配撘非常之抵!

三盛牛肉麵

牛丸、牛腩同牛展呢3盛配埋彈牙既台灣麵真係冇得輸,牛腩唔會痴牙,牛展大執又夠厚,真材實料!

牛肉濃湯水餃

呢排熱氣唔敢食煎炸野~清清地食個牛肉濃湯水餃作為小食就最岩!水餃Size適中~肉餡鮮嫩,浸湯食一流!皮唔係薄款但咬落有種煙韌感,同肉餡配撘十分得宜~

仙草草莓茶、十勝紅豆奶茶

兩杯特飲仙草草莓茶同十勝紅豆奶茶各有出色之處~仙草草莓茶清新又唔會有藥水味,甜甜地女仔好岩飲~十勝紅豆奶茶紅豆蓉同奶茶融合,紅豆既甜同濃郁既奶茶配撘得天衣無縫!

造訪日期: 2021年3月
感謝 catcatbobo
該評論乃TripAdvisor會員主觀個人意見,不代表TripAdvisor LLC公司。

查看過桂花小幸 b+bc cafe - 將軍澳的旅客也查看過

 

去過桂花小幸 b+bc cafe - 將軍澳嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。