我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“唔使去台灣 去呢度就得”

桂花小幸 b+bc cafe - 將軍澳
香港排名第4 (共210家小吃)
優等證書
周圍地區: 西貢
餐廳詳細資料
周圍地區: 西貢
2 週前評論 透過行動裝置

嚟到將軍澳呢度想食台灣野嘅話就一定要嚟呢一間桂花小幸,環境充滿着台灣嘅氣息,木製嘅裝修令到人心曠神怡

鹽酥雞扒滷肉飯 ($59)
台灣嘢點少得滷肉飯,滷肉肥瘦適中,分量亦都好足夠,滷肉可以完全覆蓋碗飯。 鹽酥雞扒好有味,炸到皮薄肉質依然滑

麻醬雞絲冷麵 ($54)
除咗飯之外冷麵亦都係我好鍾意食嘅嘢,呢個冷麵簡直係超水準發揮。首先面質非常有咬口,上面沈上青瓜雞肉,食落好有清新嘅感覺,配上濃郁嘅麻醬,10分唔錯

椒鹽花枝丸 ($42)
一定係香港最好食嘅花枝丸,對得住呢個價錢,每一件都係大大粒炸到好脆,入邊仲有粒粒墨魚粒。

麻辣紅油抄手 ($52)
一共有八隻紅油抄手,個麻辣醬非常惹味,完全感受到麻同埋辣嘅感覺!

十勝紅豆奶茶& 香芋奶茶
不得不讚奶茶真係奶味幾足夠,而且甜度亦都調校得恰到好處,唔會太甜亦都唔會太淡,不過建議香芋奶茶唔好嗌少甜,正常甜度係最好

造訪日期: 2020年10月
感謝 Burgerexpertt
該評論乃TripAdvisor會員主觀個人意見,不代表TripAdvisor LLC公司。
發表評論評論 (118)
旅客評等
旅客類型
月份
語言

5 - 9 則評論,共 120

2 週前評論 透過行動裝置

今日同朋友去左將軍澳的桂花小幸食晚餐,係無得去台灣既日子,惟有去食台菜懷緬一下。雖然店舖不大,但裝潢可愛亦坐得舒適。
呢度點餐係自己出去櫃檯點餐及即時比錢既,可能因為我地去既時間都早所以完全唔駛排隊✌。
我地2個人點了2個定食,分別係紅燒牛三寶麵 (牛筋、牛腩、牛肚)及士林胡椒豬肚湯飯,再加左15蚊要多2個前菜 (滷水豆腐、上湯浸時菜)。而另外因為好想食炸物,就叫多2個小食,炸花枝丸同桂花雞翼,佢有3件同5件既選擇,我地2個人就叫左3件既食,另外我地仲叫左2杯夏日水漾鮮果茶。
點完餐D野食都好快黎,首先黎既前菜滷水豆腐真係超級好食,真係瞬間回台灣,我應該每次再黎食都會叫呢個滷水豆腐食,因為真係太好食啦❤️,而個上湯浸時菜就一般啦,比較清淡。
到主餐部份,紅燒牛三寶麵有好多餸,我地2個女仔真係食極都食唔晒。而胡椒豬肚湯就好惹味,仲食到個人暖笠笠。
然後就到我最愛既炸物啦~哈哈哈!!!個炸花枝丸真係好好食呀,真材實料啖啖花枝粒唔係CHEAP野,而個桂花雞翼原來係炸雞翼點桂花醬 (我自己心諗以為好似酒釀雞翼d fd ) ,炸雞翼點桂花醬感覺好清新,好似會無咁地熱氣咁。
最後就係杯夏日水漾鮮果茶,好清新唔太甜,好適合食煎炸野飲,Perfect❤️。

食好食滿2個人都係200零蚊,超級抵。

造訪日期: 2020年11月
感謝 linglingyiu209
該評論乃TripAdvisor會員主觀個人意見,不代表TripAdvisor LLC公司。
3 週前評論 透過行動裝置

已經有一陣子都冇喺街度食飯啦.咁樣梗係要把握而家疫情緩和左少少呢個機會出街食飯啦

既然去唔到旅行梗係要食返啲特別小小嘅嘢啦 就即刻諗起食過台灣菜先
因為我真係好鍾意食豬手關係 所以呢我就叫咗呢個豬手麵啦其實唔係度度地方都有得食嘅豬手麵嘅 佢既豬手係好林嘅 好明顯炆嘅時間係好足夠啦豬手都算大隻 可以補充番佢我d骨膠原哈哈

另外個花枝丸都炸得好好外脆內軟而且上枱時仍然是熱辣辣的值得一題入邊真係好軟綿綿架

我哋仲帶咗個煎餃子添 我地等左一陣先食都仍然係熱架 証明真係即叫即煎

叫咗兩杯嘢飲我覺得幾大杯同埋飲唔晒 不過因為佢係外賣杯嘅關係我哋可以拎走返企慢慢歎

造訪日期: 2020年10月
感謝 yanyanfoodieyan
該評論乃TripAdvisor會員主觀個人意見,不代表TripAdvisor LLC公司。
2020年10月14日 透過行動裝置

今日竟然黎個意外既8號風球,大風大雨梗屋企又冇咩食最好梗係黎我既飯堂食!又唔駛淋雨又又好味~
滷水蛋牛腩鹵肉飯
老公想食飯,就叫左滷水蛋牛腩鹵肉飯,滷水蛋係一隻切半,滷得入味,蛋白吐淺啡色,食落有蛋味又有滷水汁味,成隻俾我食哂! 牛腩分碟而裝,半肥瘦食到老公LAM LAM脷~我就最鍾意佢厚身得黎又唔痴牙~墊底既芽菜索哂d滷水汁~識食既我梗係都唔放過~
鹽酥雞扒麵
冇食一排一定會掛住! 鹽酥雞扒大大塊,而且新鮮炸氣熱辣辣~咬落去鬆脆到不得了,外面咸咸地,雞肉又夠嫩,食到唔停口~另上既麵夠彈牙,配既湯夠哂濃味,最好就係附埋既大湯匙筆一口湯再擺上麵然後一啖擺入口~
台南手工餡餅
小食叫左至愛既台南手工餡餅,咬落去見到肉汁豐富到一個點~一路食都抵唔住一路流出黎,食得有D失儀但真係好好味~
仙氣草莓茶X十勝紅豆奶茶
一直都想試下個草莓茶,今日黎到就叫黎試下,草莓茶完全冇可怕既假假藥水味,而係有淡淡既士多啤梨香,每啖都清新又解渴! 十勝紅豆奶茶係老公必點之選,佢話試過好多間紅豆奶茶,呢間既紅豆同奶茶既比例俾佢覺得係最恰當~
紅綠豆薏米黑糖冰仙草
最後上埋甜品~第一次食呢度既甜品~令我都幾驚喜!首先份量方面好大碗,兩個人食SHARE黎分就岩哂!一啖食落去感受到碎冰既凍感,仲有黑糖既香甜~連埋紅綠豆薏米食就食到綿密同薏米煙韌既口感~墊底既仙草滑溜溜,連糖水一齊食好滋味!如果遲下出埋有芋圓版就正嚕!!

造訪日期: 2020年10月
感謝 catcatbobo
該評論乃TripAdvisor會員主觀個人意見,不代表TripAdvisor LLC公司。
2020年10月9日 透過行動裝置

前排去TKO搵個朋友 諗住喺佢樓下求其食
餐廳裝修一啲都唔求其 好有文清風格 宜家環境都幾舒服 同朋友各自叫咗lunch set,有主食,仲有自選飲品同小食,呢個價錢亦相當抵!

•麻辣滷水牛肚麵套餐• - 首先呢到嘅份量一啲都冇呃你 都幾大碗 而且賣相仲幾好! 呢碗湯底都整得相當濃 好香牛肉味 仲有佢哋嘅辣椒油都好香 加埋一齊好夾

另外呢個跟餐嘅牛肚都好入味 啲麻慢慢滲出嚟 又唔會辣 反而係好香椒味 幾醒胃

•紅燒牛展麵• - 而我朋友就叫左呢款麵 眼見佢塊牛展都好壯觀下 而且口感仲好爽口 都幾近似台灣食到嘅味道

•白桃烏龍蘆薈• - 我仲叫左呢杯好fresh嘅台式特飲 解渴之餘仲好清新添 入面仲有好多蘆薈 每一啖都咬到 好爽口

•紫薯黑糖珍珠冰仙草• - 我咁愛甜品又點可以唔叫返個呢 呢個冰仙草嘅份量一樣咁多! 而且仲配埋椰果 珍珠同埋紫薯等等 好豐富 仲唔會太甜添 呢到嘅質素都幾似台灣 間唔中如果掛住台灣都可以嚟呢到頂住癮先

造訪日期: 2020年9月
感謝 kelvinlauuu
該評論乃TripAdvisor會員主觀個人意見,不代表TripAdvisor LLC公司。

查看過桂花小幸 b+bc cafe - 將軍澳的旅客也查看過

 

去過桂花小幸 b+bc cafe - 將軍澳嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
US$USD
台灣
© 2020 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。