我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“初嚐「桂花小幸」 ”

桂花小幸 b+bc cafe - 將軍澳
香港排名第4 (共211家小吃)
優等證書
周圍地區: 西貢
餐廳詳細資料
周圍地區: 西貢
2020年6月27日 透過行動裝置

初嚐「桂花小幸」

將軍澳對我來講都算幾熟悉嘅,因為都有一班親朋戚有都係將軍澳度住啦,而我經常都會入將軍澳去探佢哋嘅,今日呢我又去將軍澳探我親戚啦,一場入到黎啦順便去搵好嘢食啦,行行吓就見到有間食台灣野,月眼見門口都幾多人等緊位,一於就食呢間啦⋯⋯

我就叫左果麻辣紅燒腱心牛肉麵$63,為食嘅我架加$15叫左滷水蛋及滷水豆腐,而朋友就叫咗麻辣三寶米線套餐(牛丸、豬肚、水餃)$69,朋友梗係唔執輸照跟我一樣那兩款小食啦,佢就叫左滷水蛋及上湯時菜,而香腸控嘅我架要叫碟台灣烤香腸$28來食下啦。首先講下我碗牛展炆得好冧及入味,而最好係麻辣醬係另上的,鐘意食幾辣就自已加幾多,而朋友碗麻辣三寶米線都幾多水準,滷水蛋都好入味,但滷水豆腐比較淡及菜有啲老,最後架要叫杯台式特飲埋果靚尾啦,朋友就叫左黑白配珍珠豆乳,而我就叫左黑糖珍珠鮮奶啦

造訪日期: 2020年6月
感謝 Dingdingdonstory
該評論乃TripAdvisor會員主觀個人意見,不代表TripAdvisor LLC公司。
發表評論評論 (100)
旅客評等
旅客類型
月份
語言

8 - 12 則評論,共 100

2020年6月26日

將軍澳廣場裝修之後,環境唔同晒,而且引進咗好多新嘅食肆,今次就試吓呢間台式料理,叫桂花小杏,下午二時,店內都好多人食下午茶,睇嚟都信得過lol 我叫咗一個紅燒牛肉麵,另加滷水豆腐及涼拌貓耳朵。紅燒牛肉麵嘅牛肉份量多,牛肉夠晒入味,面積都夠彈牙,湯底也不會太鹹。兩款涼拌小吃,都非常適合夏天食,貓耳朵即係木耳,非常爽口,味道好。mad 令一個套餐點左三杯雞定食,上菜時真係話一聲,因為好精緻,白飯一大碗配上滋味既三杯雞,雞肉嫩,呢個比較濃味,非常之好送飯。king 飲品方面呢度有好多台式特飲,我哋叫咗仙氣火龍果茶及紅豆豆漿,飲品嘅包裝紙杯都非常精緻,看出佢哋好用心,飲品味道也不錯,不會太甜,比較健康。wow

造訪日期: 2020年6月
    • 划算度
    • 服務
    • 食物
感謝 Lin L
該評論乃TripAdvisor會員主觀個人意見,不代表TripAdvisor LLC公司。
2020年5月30日 透過行動裝置

今日同朋友黎左食晏!!
中午時段好多人,拎票等左十分鐘左右先可以入座~~
午餐有主食+飲品+小食,平均都係六七十蚊,無需加一,價錢唔貴!!
難怪有唔少學生光顧,相信胃口細既女生,一份飲餐二人分吃都好足夠~~
就好似呢日咁,朋友話無乜胃口,所以我地都只係點左份飯餐再加小食一齊share:)
先黎係單點加配既椒鹽花枝丸,金黃大顆,相當惹味!!
之後係跟餐加配既涼醋茄子同紫菜魚丸湯,兩份加埋只係15蚊,好抵食~~
之後既主食係酥炸雞排滷肉飯,跟配滷水牛肚做小食~~
滷水牛肚都幾入味,亦唔會好韌:)
滷肉肉燥既份量都幾多,足夠每口飯都食到芳香既肉燥~~
酥炸雞排外層的確好脆,肉質都唔會好乾,味道都唔錯=)
另外朋友再點左四顆牛肉湯水飲,佢話湯頭幾濃,味道唔差!!!
之後我跟餐加錢轉飲呢度既水果茶~~~
700cc超大杯,加上飲落冰凍清甜,非常解渴:)

造訪日期: 2020年5月
感謝 eatwhatiwant2018
該評論乃TripAdvisor會員主觀個人意見,不代表TripAdvisor LLC公司。
2020年5月29日 透過行動裝置

上星期放工去左將軍澳搵舊同事食飯,由於朋友喜歡台式食品,我們就去了桂花小幸。等候人數好多,需要耐心地等候;食客需要自己排隊下單,較需要啊!

蕃茄酥炸排骨米線:個人非常推介依個湯麵比中意食蕃茄湯底既食客,由於湯底充滿左甜甜酸酸地蕃茄味,令人更加開胃。而米線麵質好滑又彈牙,份量足夠。酥炸排骨的確一流,因排骨炸得香口,油份吾會好多,排骨啖啖肉,口感帶林口易於咀嚼!另配有醬料點用,使味道更突出!

特濃蕃茄雞排麵:由於同事也是蕃茄愛好者,所以點了另一款蕃茄湯底既麵食。雞排皮炸得更加香口,油份雖然比排骨多,但味道吾覺油膩,雞肉嫩滑。

紫菜魚丸湯:好多紫菜,味道帶少少咸;而魚丸好夠彈牙,岩晒大人小朋友食啊!

古早味滷水味牛肚:牛肚切成較幼既條狀,令食客易於咀嚼。牛肚份量不少,因是以滷水煮,讓牛肚中充滿左滷水濃郁既味道,很入味。

滷水蛋:凍凍地,放於湯中食用也不錯!

貓耳朵:味道酸酸地幾開胃,可作為前菜,口感軟身。

幸福紅豆與豆乳:個人好喜歡飲既紅豆之一,當中既紅豆份量好多,而甜度更高,口感為軟口。與豆乳一同飲用,豆乳好香豆味又吾太甜,同紅豆配合啊!

黑糖珍珠奶茶:同樣珍珠好大粒而份量好多,味道甜甜的,茶很滑。

造訪日期: 2020年4月
感謝 foodiemenus
該評論乃TripAdvisor會員主觀個人意見,不代表TripAdvisor LLC公司。
2020年5月25日 透過行動裝置

今日我同朋友都好有共識,午餐都係想食台灣野,依間台灣嘢食都幾出名㗎!我哋取票之後,大概等左10分鐘就已經可以入去啦!
食台灣野就一定要食滷肉飯,真係好耐冇食過滷肉飯啊,今次一定要試吓,呢度嘅酥炸排骨都幾好味,尤其是酥炸排骨嘅醬,兩者加埋真係好好味!
我依個係酥炸排骨滷肉飯,另外在加咗個小食,加小食只係加$8,我個人覺得幾抵食!飲品,我就嗌左芝士奶蓋阿華田,因為芝士奶蓋阿華田個名好吸引,而且都好耐冇飲過芝士奶蓋啦,所以就嗌埋啦!
呢度嘅上餐速度都幾快㗎,雖然係午市時段,但係都好有效率!
先講吓酥炸排骨滷肉飯,佢嘅滷肉飯飯嘅份量都幾多,滷肉飯送上餐嘅時候係熱嘅,熱辣辣食滷肉飯先係最好味嘅!
佢嘅酥炸排骨果然冇令我失望,外脆內軟,而且唔多骨,咬落去真係脆卜卜㗎!
可能你會話酥炸排骨之所以咁取係因為多粉,咁你就錯啦,近啲影張相俾你睇,一啲都唔厚粉,皮薄餡靚,炸到金黃色!
我每食一啖都要點一點佢嘅醬,佢嘅醬汁真係好吸引㗎!
涼拌木耳,佢嘅味道好開胃,酸酸辣辣,好啱呢個夏天食啊!
芝士奶蓋阿華田真係好好飲,我試過單獨飲佢嘅芝士奶蓋,好香濃嘅芝士味,芝士奶香好重好滑,配埋阿華田真係冇得頂!

造訪日期: 2020年5月
感謝 m00nhalf
該評論乃TripAdvisor會員主觀個人意見,不代表TripAdvisor LLC公司。

查看過桂花小幸 b+bc cafe - 將軍澳的旅客也查看過

 

去過桂花小幸 b+bc cafe - 將軍澳嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單