我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“小店burger之選”
MOO MOO Burger的評論

MOO MOO Burger
線上訂購
香港排名第842 (共13,938家餐廳)
價位: US$6 - US$19
周圍地區: 觀塘區
餐廳詳細資料
周圍地區: 觀塘區
2020年6月3日

經典之堡 hkd$60
當然係最經典又絕配既食材.有安格斯牛肉漢堡,芝士,蕃茄,生菜同自家moo moo汁.
安格斯漢堡係佢地自家手打制,漢堡扒夠厚,咬落牛肉唔會死實實咁,咬開仲有肉汁流出黎.
漢堡包烘得夠脆,鬆軟之餘又唔會好乾.
配上新鮮切片厚蕃茄同超爽脆既生菜令口腔無咁油膩之餘再帶點甜味.

熱帶之堡 hkd$67
加上菠蘿同煙肉,將秘制醬汁換上千島醬後帶出另一番風味.
雖然加上煙肉,但整體唔會好鹹,煙肉煎得夠脆口帶陣陣煙肉油香味,配上酸酸甜甜既菠蘿剛好中和左牛肉漢堡同煙肉既肥膩感.
千島醬帶微酸正好為漢堡帶黎更濃厚既肉香及開胃感.

薯條 hkd$+14 (set)
用上粗身薯條,即叫即製炸得夠晒脆.就算隔左一陣再食薯條都仍然脆身.

忌廉蘑菇雞翼 hkd$40 (3隻)
饟雞翼真係啱晒我呢d又鍾意食埋雞翼尖又唔鍾意食骨既入.
雞翼外層塗上燒烤醬烤得香脆,一咬開已經食到陣陣忌廉香味,慢慢再細嚼,隨之而來換上蘑菇既菌香味,令雞翼變得一d都唔單調.

造訪日期: 2020年6月
感謝 Cantzipmyjeans
該評論乃TripAdvisor會員主觀個人意見,不代表TripAdvisor LLC公司。
發表評論評論 (43)
旅客評等
旅客類型
月份
語言

1 - 5 則評論,共 43

2020年5月21日 透過行動裝置

上次黎呢頭食飯,見到呢間餐廳都幾吸引,就決定下次再黎呢間試下。

兩個人,要左兩個漢堡,一份薯條,兩杯飲品,坐室外空間感大啲,chit-chat下都開心啲。不過,某人轉過頭又見到買啤酒有優惠價換薯條,又整多份,好懷疑食唔食得哂。

我地一個食白菌之堡,一個食魚Full之堡。白菌之堡其實係安格斯牛肉加蘑菇,車打芝士等,雖然上檯嘅時候其貌不揚,好似好細份,但一咬落去就發覺漢堡扒好厚,牛肉味好香,而且唔嚡口。而魚Full之堡當然係魚柳配芝士啦,同樣好厚肉,炸得好香口,夠哂新鮮熱辣。兩個包同樣係令人好有滿足感嘅漢堡包,每一樣材料嘅份量都夾得啱啱好,唔會太膩亦都唔會太寡。呢間小店都算有驚喜!

薯條就分別係肉汁芝士薯條同丹麥腸仔薯條,見到個份量都夠哂澎湃,芝士多,味道重,配啤酒一流,淨係食薯條都夠飽,岩哂chit-chat食。

我地原本飲檸檬特飲同蜜桃冰茶,無乜特別,不過不失啦!啤酒就有3款選擇,分別係1664,Asahi同嘉士伯。

白菌之堡 - $65
魚Full之堡 - $62
特飲/冰茶 - $28@
啤酒配丹麥腸仔薯條 - $62

造訪日期: 2020年5月
感謝 Jess I
該評論乃TripAdvisor會員主觀個人意見,不代表TripAdvisor LLC公司。
2020年5月19日

觀塘成日都有好野食食黎到觀塘一定唔會餓親觀塘工廠區果邊已經有唔少既選擇,今次為大家介紹漢堡包
.
熱帶之堡 $67
完全係肥仔餐好軟熟既牛油包夾住煙肉加牛肉仲有最重要既菠蘿夠晒多汁要個口夠大可以一次過放晒佢地落口
.
白菌之堡 $65
睇相以為有好多菇所以叫左佢果然其望越大失望越大啲菇唔算好多,成個包都好juice 唔叫好乾so far都幾好
.
炸雞條 $39
成條雞肉拎去炸正呀,上到黎仲熱辣辣♨️再配埋芝士醬,緊值係一流呀
.
薯條 $25
薯條就算唔配肉醬都好夠味薯條配有七味粉,今次佢幫我地落多左有啲鹹但佢既薯條本身係好味既
————————————-
MOO MOO (觀塘)
觀塘巧明街94-96號鴻圖中心地下1A號舖

造訪日期: 2020年5月
感謝 feimuihk
該評論乃TripAdvisor會員主觀個人意見,不代表TripAdvisor LLC公司。
2020年4月28日

平時好少食完即日出食評,但今次有點例外,因為食完真係好激動,發現有如此美味的漢堡包,好想第一時間公諸同好。之前路過間店好幾次,見到都唔會望多眼,以為好普通的漢堡包。就係今天陪媽媽到來,食完恍然大悟,以前路過多少次就等於錯過了多少次。漢堡包美味程度遠超我想像,其他野食同樣出色。

餐店有提供戶外和戶內坐位,今次去到戶內廿個位已坐滿,只好坐戶外對住條大巷,大巷環境乾淨並無廢氣異味,人流稀疏有廣闊空間,天氣涼了坐都坐得舒服。餐牌簡潔食物得漢堡包、沙律、薯條和雞翼,我地首次食所以樣樣食啲。

加州風味雞翼半打 $68
有四種醬可以配其中一種,揀了松露醬,但雞翼唔點醬已好好味,再點松露醬味道反而有點亂。雞翼表層佈滿芝士碎和蔥花,雞翼皮炸得好香仲未炸到乾晒,雞肉嫩滑好入味,比早前食過的雞翼專門店好味程度不相伯仲。

燒豬頸肉沙律 $54
沙律有新鮮的羅馬生菜、紅毛菜、九芽菜、粟米粒、紅腰豆、麵包粒,餐牌有寫照抄而已。醬汁有三種可揀,最終揀了柚子醋食落幾開胃,燒豬頸肉厚切但細條,咬落爽口彃牙帶點油香。

熱帶之堡 $67
菠蘿和蕃茄切得厚身鎖到汁,同埋好挺身無咁散爛。而主角安格斯牛肉同樣厚厚的,咬落好多肉汁好有牛味,無令人失望。美味的千島醬將所有餡料味道連貫起來,一啖咬落仍食到每部份保留的菠蘿汁、蕃茄汁、牛肉汁,無論口感和味道相當有層次,味道豐富食落好滿足。餐店有手套提供可以放心食,避免沾滿成手汁無咁論盡。

細沙律配罐裝汽水 (+$14)
同燒豬頸肉沙律相比,沙律菜料和份量都差唔多,感覺配搭重複左兩個沙律。加十四蚊比剩叫燒豬頸肉沙律抵。下次再來食選擇必然係一人一個包,再補少少錢轉一個做餐,有個細沙律,咁配搭更經濟實惠。

造訪日期: 2019年10月
    • 划算度
    • 服務
    • 食物
感謝 cargolam
該評論乃TripAdvisor會員主觀個人意見,不代表TripAdvisor LLC公司。
2020年4月27日 透過行動裝置

餐廳:MOO MOO (觀塘)
地址:觀塘巧明街94-96號鴻圖中心地下1A號舖

下午3點3又係tea time,去觀塘海濱行下曬下太陽之前有啲肚餓,經過Moo Moo於是決定食返個下午茶,佢地11:00-16:30仲有優惠嘅滋味套餐

佢地有8款漢堡選擇,亦可以揀沙律,再加配薯條同飲品。我就揀左個滋味雞堡($60),即叫即整,漢堡仲要好大個,成塊厚煎雞扒配上芝士、番茄、生菜同Mayonnaise,一大啖咬落去夠哂過癮滋味,麵包仲少少脆口;另外加$40有個芝士肉醬薯條同蘋果薄荷特飲

價錢黎講有少少貴,不過芝士肉醬就聽得多,芝士肉醬薯條就真係第一試,薯條都幾大兜,一個人食都有啲飽,撈勻黎食都幾惹味,而且薯條被醬汁整腍左少少無咁熱氣

造訪日期: 2020年4月
感謝 hinsonfoodhk
該評論乃TripAdvisor會員主觀個人意見,不代表TripAdvisor LLC公司。

去過MOO MOO Burger嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單