我們不支持您使用的這種瀏覽器。TripAdvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“令人回味嘅又點止海南雞😋”

天天海南雞飯
訂位
2
10/15(週二)
20:00
線上訂購
香港排名第193 (共13,891家餐廳)
周圍地區: 灣仔/銅鑼灣
餐廳詳細資料
周圍地區: 灣仔/銅鑼灣
4 週前評論 透過行動裝置

同同事傾開講翻上次我哋出trip去新加坡食咗個好好味嘅海南雞飯,好回味,即慶上網睇下有咩海南雞飯好食,收工去試吓。

我哋發現原來有間新加坡過江龍-天天海南雞開咗過嚟香港,仲拎咗米芝蓮。
餐廳環境型格有創意,好有特色,令人印象深刻。

香茜蟶王 $128
由於我地都好鐘意食芫茜,呢個小食對於我地嚟講係必叫嘅!
芫茜份量多,仲有木耳絲同蟶子,每啖口感都非常爽脆,而且仲有香濃嘅麻油味,呢個配撘好正,好開胃!

天天海南雞(例牌) $158
絕對要連皮食嘅海南雞!
平時我有食雞走皮嘅習慣,唔係我唔鐘意食,係怕肥怕油膩,好怕雞皮下面嗰舊黃油膏。
喺到食海南雞就冇呢個煩惱,雞皮皮薄爽滑,皮下冇任何多餘脂肪,肉厚嫩滑,雞味濃,而且去骨乾淨,唔會有碎骨。
三款海南雞醬汁都好好味。

天天石鍋雞飯 $48
雞飯唔係一般油淋淋嗰種雞油飯,食落比較輕盈清爽,雞味香濃之餘,仲帶點斑蘭嘅清香,用石鍋盛載仲可以保持溫度同濕潤。

海膽豆腐 $148
底下有個火熱住,令到豆腐保持溫度暖暖地同軟身,豆腐豆味香濃,十分滑溜。海膽份量多,鮮味十足!

Guiness $88
火龍爆檸 $38
同事飲Guiness,我就試咗個火龍爆檸,用咗火龍果,檸檬,碧螺春綠茶,味道清新,好fresh,而且茶味突出。

天天特式豆腐花 $0
而家like佢地Facebook就有得送豆腐花!
呢個豆腐花好有驚喜喎!豆味濃郁,食落香甜,質感滑溜似奶凍。

造訪日期: 2019年9月
感謝 Bibueat
該評論乃TripAdvisor會員主觀個人意見,不代表TripAdvisor LLC公司。
旅客評等
旅客類型
月份
語言

19 - 23 則評論,共 145

4 週前評論 透過行動裝置

中秋節,要去維園感受下熱鬧嘅氣氛, 每年維園都有賞燈會,今年亦都不例外。 預早一天到這裏,欣賞五光十色的花燈, 真是一件賞心悅目的事。

我哋一早book了,喺維園旁邊嘅天天海南雞飯, 提早做節。
餐廳的環境十分精緻, 優雅的高貴藍作為餐廳主調 , 絕對有別於一般吃海南雞飯的中菜餐廳。

海膽豆腐
店員推介了海膽豆腐, 海膽的份量不少, 而且醬汁非常濃郁, 可是豆腐煮得有點過 熟

天天海南雞
招牌海南雞, 肉質非常嫩滑彈牙, 醬汁不會過鹹。

天天石鍋雞飯
超級喜歡這個雞飯, 煙韌爽口, 略帶少許油潤和鹹香, 令人 一口接一口。

蒜泥黑豚
黑豚肉肉質爽滑, 配搭青瓜更加清新可口。 最重要係個醬汁非常之美味, 鹹鹹辣辣 非常過癮。

蔗梨薏茶
甘甜的茶味, 配搭甘蔗雪梨薏米, 為踏入初秋的乾燥天氣帶來一份滋潤。

火龍爆檸
大半杯都是泡泡, 但是味道不錯, 酸酸甜甜, 非常清爽。

總括嚟講, 餸菜的味道是很不錯的, 但是要多加努力控制上菜的節奏, 第一道海膽豆腐之後,相隔了25分鐘才上第二道菜。 但我也明白,美食當然有時要讓人久候的。

造訪日期: 2019年9月
感謝 Chingyee0708
該評論乃TripAdvisor會員主觀個人意見,不代表TripAdvisor LLC公司。
5 週前評論 透過行動裝置

終於都有機會嚟食天天海南雞飯啦
.
平日都係好爆下! 早d食就唔洗排咁耐啦~
.
坐低會先上壺檸檬水( $9 per head). 我地就叫左一只海南雞($158) 一睇仲以為係冇皮嘅,原來係好薄皮 食落都幾嫩滑,配中間嘅辣汁食最夾!! 下面仲有d青瓜添=)
.
配左個天天石窩雞飯($48),系1/2人份量嚟嘅。油飯雞油味越食越濃 好香又唔會油膩~男友大愛呀!
.
海膽豆腐($148). 第一次食熱的海膽, 原來都幾唔一樣, 食落會更加creamy! 再配上滑滑tofu, 層次十足~
.
香茜蟶王($128) ^^ 一嚟到會以干冰托底先, 出嚟效果巧靚!! 仙境咁~ 蟶王食落去好有咬口, 又夠爽! 再加上一絲絲的配菜, 又開胃又健康!!
.
另外再叫左野飲, 一個係庶梨薏茶($38), 唔會好甜又幾refresh!!
.
熱薏米水($28), 好耐冇飲過咁足料的薏米水啦! 值得一試ar!

造訪日期: 2019年9月
感謝 Camilla W
該評論乃TripAdvisor會員主觀個人意見,不代表TripAdvisor LLC公司。
5 週前評論 透過行動裝置

今晚同朋友慶祝生日食飯,我特意搵銅鑼灣呢間米芝蓮餐廳同佢慶祝生日,一入到去裝修我覺得非常之特別,同好有氣氛我覺得米芝蓮級數真係唔簡單。 冇辦法啦同佢慶祝生日點都要揀啲好嘢嚟嘅。 我哋叫咗以下食品:

香茜蟶王: 呢碟嘢一送上,煙霧瀰漫, 很迷幻。 食落去香茜味都幾重,雖然我唔係太食香茜,但係自己覺得都幾好味,同埋配埋蟶子都幾爽口,撈埋啲香茜一齊食, 我覺得都幾夾,從來冇諗過 蟶子會夾到香茜。

例牌天天海南雞: 坦白講我覺得佢個雞皮都唔算肥,而且我自己食落去啲雞肉都幾嫩口 , 佢個招牌聲稱冇肥膏同冇腥味。 咁我自己覺得都認同嘅, 大家都可以睇下我啲相,佢嗰雞其實我自己覺得 真係幾正, 雞固然係正但其實我覺得佢嗰個汁先做得非常之出色-薑蓉同埋個辣汁, 當你將雞点落個汁食, 又有另一番滋味。

天天石鍋雞油飯: 當點咗海南雞 ,咁一定要襯返個油飯啦, 這是常識吧! 好似頭先我咁講啦, 因為佢個薑蓉同埋個辣汁我自己覺得做得非常之出色, 當食雞嘅時候再餸埋個油飯。 我同我朋友都好快清咗成碗飯,因為個辣汁我覺得同其他出面舖係做得唔同,同埋個飯我認為 都整得真係幾香口!

海膽豆腐: 點解我要叫呢個餸係因為我其實本身都幾鍾意食海膽和豆腐,同埋自己本人就真係未食過熟熟地嘅海膽因為通常食海膽都係食日本嘢嗰時先會食,講返個餸其實個豆腐都做得非常之好豆腐都幾嫩滑 好似山水豆腐咁樣,夾埋個海膽食,我自己覺得真係一個新嘗試和新口味。 值得一試。

最後我同朋友都叫咗兩杯嘢飲, 話曬都係佢生日。食完嘢又可以飲嘢,吹下水真係幾好呀。 其實我覺得呢個真係幾好氣氛所以如果有啲乜嘢慶祝生日或者談下情, 我覺得呢度都係一個幾好嘅選擇。 話曬真係叫做米芝蓮我自己覺得佢真係米芝蓮質素。 有興趣嘅朋友我覺得可以值得一試!

造訪日期: 2019年9月
感謝 kingsfoodland
該評論乃TripAdvisor會員主觀個人意見,不代表TripAdvisor LLC公司。
2019年9月9日

早幾年同屋企人去新加坡,專程去一試天天海南雞的我們,當天冇開門還未能一嘗其滋味點著點遺憾..
直至舊年喺銅鑼灣開第二間分店,有試過朋友評價都好壞參半 抱著一個食咗先講的心態而且掛著米芝蓮餐廳之名,好應該個機會大家mad 餐廳位置坐落於銅鑼灣Fashion Walk食街,好易揾 店內裝潢摩登,好似去咗酒吧,枱與枱之間都闊落,適合同朋友聚餐,有別於新加坡位於的熟食中心

看著餐牌會知道除了打正旗號「天天海南雞」,餐廳仲結合了幾個新加坡米芝蓮牌子,同樣係米芝蓮推介的菜式!

頭盤先來個開胃菜 — chopstick蒜泥黑豚 [麻辣青瓜黑豚白肉] 白肉升級用上黑豚肉,肉質口感佳配合青瓜爽脆,沾上大量蒜泥的醬汁不僅好惹味而且帶麻香,作為一個前菜好開胃

水煮和牛 $148 對於嗜辣的我,呢度出品的水煮牛都迎合返大部分香港人口味,辣味輕手d,唔食得辣的朋友絕對可以試下
川椒的麻香十足,香香麻麻好過癮。牛肉取的位置好嫩滑,仲有配料有秀珍菇及芋絲,無論牛肉定配料都好掛湯,完全吸收水煮湯頭,惹味醒胃。都係撈飯之選

天天海南雞(例) $148 未食過新加坡總店所以冇得比較,第一係估唔到例牌份量都咁多,滿滿的一碟,肉質嫩滑而且皮薄,食落唔會好油好肥,呢款海南雞都幾健康!底部有好多汁,汁底好似蠔油混醬油味既醬汁,撈飯一流

天天石窩雞飯 $48 要額外嗌飯,石窩能保持飯粒熱度,食到尾飯都係溫暖的,好欣賞呢個位
個人認為雞油飯絕對係海南雞的靈魂之一,兩者做得好會令成件事更上一層樓,我會為好味的雞油飯翻食
溫熱的油飯每粒都均勻地沾上雞油,油膩感並不重,吃多了都唔怕漏

呢度有酒精飲品,喺呢個環境摸住酒杯底好chill 好relax
不過見mocktail賣相都幾得意同特別,就健康d啦
chopstickUnder Age $68 (Pandan Syrup, Yakult, Egg White, Lime juice)
因為我都鍾意Yakult,同埋用上班蘭都幾特別,味道亦好出
成個combination幾得意又唔會話唔match

Grown Up $68 (Cucumber, Mint Leaf, Apple Juicy, Pineapple Juicy, Syrup)
呢個係Standard的 fresh 顃mocktail, mint 同cucumber好清新
特別食飯清一清refresh一下都不錯

豆腐花 滑到好似凝固了的豆漿,入口即溶感覺好難忘亦富有豆味,正好為整頓晚飯畫上完美句號

造訪日期: 2019年9月
    • 划算度
    • 服務
    • 食物
感謝 mrschanali
該評論乃TripAdvisor會員主觀個人意見,不代表TripAdvisor LLC公司。

去過天天海南雞飯嗎? 請分享你的經驗!

亞洲萬里通箭頭
發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單