我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“有情調高級餐廳”

Lost Stars Livehouse Bar & Eatery
餐廳訂位
香港排名第44 (共15,301家餐廳)
優等證書
價位: US$8 - US$129
周圍地區: 油尖旺區
餐廳詳細資料
周圍地區: 油尖旺區
2021年4月7日 透過行動裝置

老公話見到呢一間LOST STARS LIVEHOUSE BAR & EATERY,係10大推介榜,一早同我預約咗慶祝生日!

一去到喺餐廳門口就知道呢度超高級,好有情調,氣氛浪漫。餐廳入面燈光比較昏暗,每張枱上面都會放住一小個燭光,好romantic。場上播放住音樂,唯一好可惜嘅係見到有啲band show器材, 但係原來疫情期間暫時暫停咗live band show...如果有埋live band,氣氛一定更加好。

煙三文鮮凱撒沙律
而家習慣去到餐廳第一件事嗌既就係沙律,冇諗過原來咁大碟,連煙三文魚都好多。

Lost Stars 精選小食拼盤
見佢個小食拼盤有4樣唔同嘅小食,手工白啤酒漿炸牛油果條,自家製金民畢芝士球,自家製蟹餅,單骨棒棒雞。4樣聽落都好特別,所以我哋都叫咗一個嚟試吓。冇諗過份量又係咁多,每樣都有3,4舊。

手工白啤酒漿炸牛油果條。唔係幾食得出有白啤酒味,但係炸左嘅牛油果又幾好食喎,可能因為炸過,成條牛油果食都唔覺得好滯。

自家製金民畢芝士球,一口咬落去,口感豐富,最中意入面既芝士粒粒,啱晒我呢個芝士控

米蘭烤龍蝦手製寬條麵伴12小時熬製赤米蟹膏龍蝦汁(全隻)
老公最鍾意龍蝦,呢個成隻龍蝦,龍蝦肉超爽口彈牙,老公話寬條麵如果可以再煮冧少少就perfect la。成個面龍蝦汁先係精粹,經12小時熬製赤米蟹膏龍蝦汁好鮮甜香濃。

我呢個牛控就當然都要叫個牛啦,威靈頓牛柳配法式伯那西醬佐意大利鮮香芹及甜醋初榨橄欖油,次次去街唔係食肉眼就係西冷,今次老公話我生日一於叫呢個威靈頓牛柳,呢個要預早預訂嫁~~

第一次食,原來煮法咁特別。包圍住牛柳上係一層薄薄的酥皮,酥皮烤得酥脆,裹面的牛柳呈粉紅色,一CUT開就溢出肉汁,我幾中意呢個生熟度,肉嫰。而且酥皮同牛柳仲夾左一層厚厚的醬料,食落似係黑松露醬,非常濃香惹味

Lost Stars Beer IPL手工啤酒
見好多人都叫佢地嘅手工啤酒,我地都試下,口感好順滑,留於口腔有點點柑橘果香及花香調,果香比較重~ 值得一試

造訪日期: 2021年4月
感謝 Aprilwong421
該評論乃TripAdvisor會員主觀個人意見,不代表TripAdvisor LLC公司。
發表評論評論 (115)
旅客評等
旅客類型
月份
語言
  • 更多語言

3 - 7 則評論,共 115

2021年4月3日 透過行動裝置

之前左一段時間嘅餐廳 終於都試左☺️
餐廳都好大下 座位都好多
但閒日嘅晚餐時間去到竟然
建議大家想食就早啲

$
魚肉十分鮮甜嫩滑!
而且配料都很豐富呢~
除左雜豆 仲有菇類 菠蘿 煙肉等等
令魚肉食落無咁單調

. $
牛排整得十分軟腍入味 帶微焦 肉香十足!
不過我地果舊筋位比較多~
伴菜嘅南瓜十分爽甜
第一次食扒會配芥蘭
特別得黎又意外地喎~

當日除左主菜 佢地餐湯都好正!
飲落好之餘 口感都好好呢~

仲有仲有 都試左佢地嘅手工啤☺️
麥香唔係太重 但果香十足
當日都見到唔少客人飲呢☺️

整體黎講野食好食之餘 店員服務也很好~
食氣氛都好正!
如果想聽記得約
再留意翻佢地嘅通告 就知道演出者

造訪日期: 2021年4月
感謝 hkfoodmap
該評論乃TripAdvisor會員主觀個人意見,不代表TripAdvisor LLC公司。
2021年3月20日 透過行動裝置

估唔到大角咀都會有咁摩登既Live house~ 夜晚嚟到,燈光昏暗,相當有情調。枱同枱之間距離唔太遠,但勝在樓底高,都坐得幾舒服。

逢星期五至日嘅夜晚 都會有唔同既樂手駐場,品嚐美食美酒嘅同時,亦可以陶醉於live music當中!不過呢幾日最後預先book位,通常都full house ~

星期二至四有兩款精選晚市套餐,隨餐附送餐湯及一杯無酒精飲品。

椰菜花薯蓉湯
濃稠帶顆粒,調味恰到好處。

▪️燒美國黑安格斯肉眼 佐 法式伯那西醬 (8安士) $328
肉眼嗌左五成熟,切開會見到粉嫩嘅紅色,完全無overcooked。薄切既黑安格斯肉眼 肉質唔柴有咬口,富肉汁,亦帶微微焦香。
肉眼底下有爽口芥蘭、南瓜、蕃薯。每種蔬菜調味都唔錯~ 蕃薯香甜,不過如果再軟綿啲就好啦。

▪️刁草牛油香煎澳洲深海盲鰽魚柳 配 熱帶風味莎莎 $248
盲鱸魚柳外皮煎得好脆!可惜面層舖滿莎莎醬,令到部分魚皮變淋左。盲鱸魚柳肉質結實,質地唔太滑溜,但勝在調味恰到好處。熱帶風味莎莎有唔少菠蘿粒,酸酸甜甜好清新。底下仲有好多菇、青豆、煙肉。特別鍾意條條粗身煙肉,鹹香十足有口感。略嫌青豆粒偏硬。最頂層既風乾西柚片,雖然只作裝飾之用,但誠意十足。

▪️India pale lager 手工啤酒$68
Lost Star x H.K. Lovecraft 合作推出
100% 香港製造,口感輕盈,好滑好順口。
飲落有柑橘果香,餘韻有少少麥芽甜味。

整體嚟講,估唔到live house氛圍唔錯之餘,食物都有返咁上下質素!可惜嘅係枱同枱之間距離較近,有意無意會聽到隔離枱既對話。不過會為左佢既live music回頭!

造訪日期: 2021年3月
1  感謝 sistersnfood
該評論乃TripAdvisor會員主觀個人意見,不代表TripAdvisor LLC公司。
2021年3月20日

工作咁忙,放假要食好D獎勵自己!

今晚約左閨蜜一齊去
LOST STARS LIVEHOUSE BAR & EATERY,
位於大角咀利奥坊一期地下,
環境昏暗充滿情調,
播著悠閒音樂,浪漫有氣氛~

而家逢星期二至四,更有紅酒、白酒、氣泡酒
Free Flow 2小時,價錢由HK$198起,正!

36小時海鹽風乾種子薄脆配紅石榴、
蜜柑、羽衣甘藍沙律佐印度芒果油醋汁

沙律相當清新特別,羽衣甘藍新鮮爽脆,
加入紅石榴、蜜柑,酸酸甜甜夠哂開胃,
薄脆微鹹有咬口,清新健康之選!

⿊松露薯條配黑松露巴馬臣芝士豆乳醬

必點菜式之一,薯條即叫即炸,
金黃酥脆,配以特製香濃惹味既芝士豆乳醬,
令人忍唔住一口接一口,好邪惡!

威靈頓牛柳配法式伯那西醬
佐意大利鮮香芹及甜醋初榨橄欖油

半日前預訂就可品嚐到,
招牌菜式果然名不虛傳!
酥皮層層鬆化好香口,
牛味濃郁細膩,油香十足,
肉質柔嫩多汁,鮮甜甘香。

晚市套餐價錢相宜,附送餐湯及飲品,更可半價享用甜品。

刁草牛油香煎澳洲深海盲鰽魚柳配熱帶風味莎莎
煎至外焦內嫩,啖啖肉,
肉質嫩滑無比,鮮味十足。

黑松露意大利燴飯伴牛肝菌、大啡菇及野菌
菌香撲鼻配以濃厚黑松露香,
飯粒外軟內韌,有咬口,濕潤度好剛好。

@loststars.livehouse

#loststarslivehouse #loststars #livemusic #livehouse #hklivehouse #hkmusic #livehouserestaurant #taikoktsui #大角咀 #西餐 #音樂 #relax #高質西餐廳 #音樂場地 #晚宴場地

造訪日期: 2021年3月
    • 划算度
    • 服務
    • 食物
1  感謝 heimenmen
該評論乃TripAdvisor會員主觀個人意見,不代表TripAdvisor LLC公司。
2021年3月10日 透過行動裝置

今晚約了幾個朋友談心,難得食肆可坐四人,要找一間環境舒服的餐廳,朋友提議大角咀Lost Stars, 除了適合談天,食物也很上檔次,價錢會貴些。
餐廳燈光昏暗微黃,桌上蠟燭掩映,環境的確又大又舒服,氣氛令人完全進入放鬆狀態。我們見到有舞臺,原來星期六日晚上會有 live band表演。職員先為我們介紹優惠,逢星期二至四,紅酒、白酒、氣泡酒,Free Flow 2小時$198起,能多喝幾杯的話,其實很划得來。
不過我們不太喝酒,反而另一手工啤:飲啦孝順,更適合我們,以碌柚葉、桂圓、杞子、紅棗等材料釀製,味道清新,有接骨木花香味,微甜,質感輕柔,女士們很適合。
先來餐湯, 是香濃的蘑菇湯,菌打得夠碎,喜歡質感夠濃,磨菇味突出突,又沒有苦澀味。
晚市套餐黑松露烤農家鮮三黃雞佐黑松露雞油278, 雞已經幫你砌好一半,中間夾著燒蔬菜,很有心思。黑松露味極香,切開雞肉很鮮嫩多汁,滑滑的雞肉,每口都吃到黑松露香氣!燒雜菜份量也不少,有燒薯仔和芥蘭,燒過後很香甜又爽口,覺得燒蔬菜質素也很高。
另一套餐叢林風味烤乳豬配燒天然蔬菜佐蜜糖芥末籽醬$348, 套餐的燒蔬菜都是一樣的,我們見到這麼多蔬菜,都很喜歡,全部吃清光。燒乳豬份量很大件,皮脆肉厚,不會只得一層肥肉,非常好。喜歡乳豬皮燒得脆卜卜的,點上蜜糖芥末籽醬,增添清新味道,與酒樓吃的乳豬醬很不同呢!乳豬肉又爽又滑,咬下還有點爆汁的感覺,非常爽口,不覺肥膩,燒得很不錯。
威靈頓牛扒$788, 外層酥皮烤得非常漂亮,金黃香酥,易令人垂涎欲滴。切開了的威靈頓牛扒,見到裏面是四成熟,熟度剛好,口感十分鮮嫩多汁,肉質非常軟滑,又不會覺得腥。中間包裹著的蘑菇蓉很香,切得夠細碎,黑椒味完全滲透,與酥皮和牛扒混在一起,味道不會太鹹,口感層次豐富,絕對是美食的享受!
點了餐飲兩杯熱茶,洋甘菊蜂蜜和甘草薄荷, 清新一下口腔,為之後的甜品作好準備,值得一提,點晚餐可以半價點甜品啊!
是日甜品蘋果批$44,半價可以食到真的超值。蘋果批賣相漂亮,外層灑上糖霜飾面,裏面蘋果蓉爽甜,帶輕微肉桂香氣,作為飯後甜品很不錯。還有一球雲呢拿雪糕,以焦糖脆脆墊底,味道與口感齊備!
法式焦糖燉蛋,半價$59。這個賣相更特別用中式碗盛著的焦糖燉蛋,很有風味!面層糖漿燒成脆片,但沒有燒焦味,燒的程度剛好。燉蛋質感幼滑夠挺身,與焦糖味道就是絕配,而且夠大碗,可以與朋友一起share ,另外還有雲呢拿雪糕、紅桑子等,覺得口味與層次感很豐富。其實甜品創作,也要很講究藝術感的!
整頓飯的食物,覺得除了味道好,也很有創意,都是心機之作,偶爾來chill 一下亦無妨。

造訪日期: 2021年3月
感謝 dordor02
該評論乃TripAdvisor會員主觀個人意見,不代表TripAdvisor LLC公司。

查看過Lost Stars Livehouse Bar & Eatery的旅客也查看過

 

去過Lost Stars Livehouse Bar & Eatery嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。