我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“威靈頓牛柳酥皮層層鬆化好香口, 牛味濃郁細膩”

Lost Stars Livehouse Bar & Eatery
餐廳訂位
香港排名第38 (共15,448家餐廳)
優等證書
價位: US$8 - US$129
周圍地區: 油尖旺區
餐廳詳細資料
周圍地區: 油尖旺區
2021年3月20日

工作咁忙,放假要食好D獎勵自己!

今晚約左閨蜜一齊去
LOST STARS LIVEHOUSE BAR & EATERY,
位於大角咀利奥坊一期地下,
環境昏暗充滿情調,
播著悠閒音樂,浪漫有氣氛~

而家逢星期二至四,更有紅酒、白酒、氣泡酒
Free Flow 2小時,價錢由HK$198起,正!

36小時海鹽風乾種子薄脆配紅石榴、
蜜柑、羽衣甘藍沙律佐印度芒果油醋汁

沙律相當清新特別,羽衣甘藍新鮮爽脆,
加入紅石榴、蜜柑,酸酸甜甜夠哂開胃,
薄脆微鹹有咬口,清新健康之選!

⿊松露薯條配黑松露巴馬臣芝士豆乳醬

必點菜式之一,薯條即叫即炸,
金黃酥脆,配以特製香濃惹味既芝士豆乳醬,
令人忍唔住一口接一口,好邪惡!

威靈頓牛柳配法式伯那西醬
佐意大利鮮香芹及甜醋初榨橄欖油

半日前預訂就可品嚐到,
招牌菜式果然名不虛傳!
酥皮層層鬆化好香口,
牛味濃郁細膩,油香十足,
肉質柔嫩多汁,鮮甜甘香。

晚市套餐價錢相宜,附送餐湯及飲品,更可半價享用甜品。

刁草牛油香煎澳洲深海盲鰽魚柳配熱帶風味莎莎
煎至外焦內嫩,啖啖肉,
肉質嫩滑無比,鮮味十足。

黑松露意大利燴飯伴牛肝菌、大啡菇及野菌
菌香撲鼻配以濃厚黑松露香,
飯粒外軟內韌,有咬口,濕潤度好剛好。

@loststars.livehouse

#loststarslivehouse #loststars #livemusic #livehouse #hklivehouse #hkmusic #livehouserestaurant #taikoktsui #大角咀 #西餐 #音樂 #relax #高質西餐廳 #音樂場地 #晚宴場地

造訪日期: 2021年3月
    • 划算度
    • 服務
    • 食物
1  感謝 heimenmen
該評論乃TripAdvisor會員主觀個人意見,不代表TripAdvisor LLC公司。
發表評論評論 (131)
旅客評等
旅客類型
月份
語言
  • 更多語言

17 - 21 則評論,共 131

2021年3月10日 透過行動裝置

今晚約了幾個朋友談心,難得食肆可坐四人,要找一間環境舒服的餐廳,朋友提議大角咀Lost Stars, 除了適合談天,食物也很上檔次,價錢會貴些。
餐廳燈光昏暗微黃,桌上蠟燭掩映,環境的確又大又舒服,氣氛令人完全進入放鬆狀態。我們見到有舞臺,原來星期六日晚上會有 live band表演。職員先為我們介紹優惠,逢星期二至四,紅酒、白酒、氣泡酒,Free Flow 2小時$198起,能多喝幾杯的話,其實很划得來。
不過我們不太喝酒,反而另一手工啤:飲啦孝順,更適合我們,以碌柚葉、桂圓、杞子、紅棗等材料釀製,味道清新,有接骨木花香味,微甜,質感輕柔,女士們很適合。
先來餐湯, 是香濃的蘑菇湯,菌打得夠碎,喜歡質感夠濃,磨菇味突出突,又沒有苦澀味。
晚市套餐黑松露烤農家鮮三黃雞佐黑松露雞油278, 雞已經幫你砌好一半,中間夾著燒蔬菜,很有心思。黑松露味極香,切開雞肉很鮮嫩多汁,滑滑的雞肉,每口都吃到黑松露香氣!燒雜菜份量也不少,有燒薯仔和芥蘭,燒過後很香甜又爽口,覺得燒蔬菜質素也很高。
另一套餐叢林風味烤乳豬配燒天然蔬菜佐蜜糖芥末籽醬$348, 套餐的燒蔬菜都是一樣的,我們見到這麼多蔬菜,都很喜歡,全部吃清光。燒乳豬份量很大件,皮脆肉厚,不會只得一層肥肉,非常好。喜歡乳豬皮燒得脆卜卜的,點上蜜糖芥末籽醬,增添清新味道,與酒樓吃的乳豬醬很不同呢!乳豬肉又爽又滑,咬下還有點爆汁的感覺,非常爽口,不覺肥膩,燒得很不錯。
威靈頓牛扒$788, 外層酥皮烤得非常漂亮,金黃香酥,易令人垂涎欲滴。切開了的威靈頓牛扒,見到裏面是四成熟,熟度剛好,口感十分鮮嫩多汁,肉質非常軟滑,又不會覺得腥。中間包裹著的蘑菇蓉很香,切得夠細碎,黑椒味完全滲透,與酥皮和牛扒混在一起,味道不會太鹹,口感層次豐富,絕對是美食的享受!
點了餐飲兩杯熱茶,洋甘菊蜂蜜和甘草薄荷, 清新一下口腔,為之後的甜品作好準備,值得一提,點晚餐可以半價點甜品啊!
是日甜品蘋果批$44,半價可以食到真的超值。蘋果批賣相漂亮,外層灑上糖霜飾面,裏面蘋果蓉爽甜,帶輕微肉桂香氣,作為飯後甜品很不錯。還有一球雲呢拿雪糕,以焦糖脆脆墊底,味道與口感齊備!
法式焦糖燉蛋,半價$59。這個賣相更特別用中式碗盛著的焦糖燉蛋,很有風味!面層糖漿燒成脆片,但沒有燒焦味,燒的程度剛好。燉蛋質感幼滑夠挺身,與焦糖味道就是絕配,而且夠大碗,可以與朋友一起share ,另外還有雲呢拿雪糕、紅桑子等,覺得口味與層次感很豐富。其實甜品創作,也要很講究藝術感的!
整頓飯的食物,覺得除了味道好,也很有創意,都是心機之作,偶爾來chill 一下亦無妨。

造訪日期: 2021年3月
感謝 dordor02
該評論乃TripAdvisor會員主觀個人意見,不代表TripAdvisor LLC公司。
2021年3月7日 透過行動裝置

雖然疫情期間取消live show,但聽住音樂,配埋柔和嘅光線同枱面上嘅燭光,依然好有氣氛!

✨威靈頓牛柳配法式伯拿西醬佐意大利鮮香芹及甜醋初榨橄欖油(必須半日前預訂)(2人用) $788
Book位時預訂埋嘅威靈頓牛柳,是夜最期待嘅菜式果然冇令我地失望,絕對係必食推介❤️
賣相擺盤精美!金黄色嘅酥皮非常酥脆鬆化!酥皮切開後唔會甩皮甩骨保持完整。內裡包住酒紅色嘅牛柳,牛柳多汁,而且肉味香濃,肉質冇筋冇渣,入口軟腍鮮嫩!酥皮緊緊包住牛柳,中間夾住一圈鵝肝醬同蘑菇蓉,香氣濃郁,味道豐富有層次!

✨刁草牛油香煎澳洲深海盲鰽魚柳配輕煮意大利煙燻培根伴蔬菜佐熱帶風味莎莎 $248
盲鰽以刁草牛油煎香,魚皮脆脆地,肉質雪白,結實有咬口又好嫩滑,非常鮮味!配上菠蘿芒果煮成嘅莎莎,酸甜清新,味道開胃之餘更有提鮮作用!

✨韓國松葉蟹膏龍蝦湯配自家製牛油烤西班牙水晶包$188
松葉蟹膏龍蝦湯濃稠香滑,蟹膏鮮味滿瀉,一上枱已經聞到!真係啖啖鮮甜!
水晶包外皮香脆,內裡煙韌,點埋橄欖油黑醋好正!

✨鐵板水牛城雞塊配岩漿芝士 $168
大量岩漿芝士鋪滿雞塊,雞塊啖啖肉,肉質嫩滑juicy,配埋芝士,非常惹味!

✨法式焦糖燉蛋配愛爾蘭奶油利口酒及雪糕 $118
賣相有特色,用咗中國風藍白瓷碗。大大碗焦糖燉蛋,焦糖薄薄一層,金黃香脆,燉蛋非常綿滑,蛋味濃郁,甜度適中。

✨飲啦孝順 $68
獨家碌柚葉雞尾啤!香氣獨特,味道清幽易入口。
用上碌柚葉、桂圓、杞子、紅棗等慢煮4-12小時提取當中天然甜味,並將其加入配合以12種天然草本植物釀製的英國琴酒 Beefeater Gin 進行發酵,以提升整體香氣,最後以接骨木花香的St. Germain Elderflower Liquor 和100%麥芽釀製,口感輕盈的 Helles 啤酒收結入罐。

逢星期二至四,紅酒、白酒、氣泡酒,Free Flow 2小時,$198起!大家一齊 Happy Together !!

造訪日期: 2021年3月
感謝 Bibueat
該評論乃TripAdvisor會員主觀個人意見,不代表TripAdvisor LLC公司。
2021年3月4日 透過行動裝置

餐廳室內環境好有氣氛, 好有格調, 適合二人浪漫晚餐或同好友聚餐~

食飯前, 先飲罐 Lost Stars x HK Lovecraft <#飲啦孝順>!
碌柚葉雞尾啤 - 入口有清爽既感覺, 有接骨木花香氣, 甜甜地, 口感輕盈

//威靈頓牛柳配法式伯那西醬 (二人前)//
製作需時, 但好值得等待, 因為超級好食, 大力推薦!
酥皮好鬆化, 但唔鬆散, 厚薄均勻, 菌醬緊貼酥皮, 又帶菇菌香氣~ 威靈頓牛柳會配上意大利鮮香芹及甜醋初榨橄欖油, 牛柳好粉嫩, 肉味濃, 肉質超鮮嫩, 肉汁相當豐富, 個人覺得唔洗沾醬汁都已經好好食!

//米蘭烤龍蝦 • 手製寬條麵//
烤龍蝦上面佈有半溶芝士, 龍蝦新鮮, 肉質彈牙。寬條麵上淋上12小時淆製既赤米蟹膏龍蝦汁, 食到蕃茄醬汁味, 酸甜之間又帶點芝士既鹹香。寬條麵掛汁, 帶點嚼勁, 滲著小麥味及蛋香。

//36小時海鹽風乾種子薄脆配羽衣甘藍沙律//
沙律伴上印度芒果油醋汁, 海鹽風乾種子薄脆好香口, 蕃茄味好香, 微酸既蜜柑及紅石榴令人開胃。

//韓國松葉蟹膏龍蝦湯//
龍蝦湯質感滑稠, 味道濃郁, 香味十足! 配上牛油烤脆包, 好味!

造訪日期: 2021年3月
1  感謝 Karenkyt
該評論乃TripAdvisor會員主觀個人意見,不代表TripAdvisor LLC公司。
2021年2月26日 透過行動裝置

晚市開翻同朋友去咗氣氛好好嘅「LOST STARS LIVEHOUSE BAR & EATERY」食下嘢
.
是日餐湯雜菌忌廉湯,菌香濃郁食到粒粒蘑雜菌
.
威靈頓牛柳配法式伯那西醬佐意大利鮮香芹及甜醋初榨橄欖油酥皮焗得酥脆中間嘅牛柳上係鵝肝,然後塗上鵝肝醬蘑菇泥牛柳煮至3成熟,粉嫩軟熟肉汁豐潤一次過食到3種配搭,旁邊亦有配上薯菜
.
米蘭烤龍蝦手製寬條麵伴12小時淆製赤米蟹膏龍蝦汁(全隻)龍蝦肉彈牙鮮甜但比較細隻表面加上芝士同番茄粒粒酸酸甜甜,寬條麵扁身掛汁
.
刁草牛油香煎澳洲深海盲鰽魚柳配輕煮意大利煙燻培根伴蔬菜佐熱帶風味莎莎盲鰽魚柳嫩滑鮮香,魚皮微脆帶魚油香加上雜菌、青豆、菠蘿粒非常夾
.
法式焦糖燉蛋配愛爾蘭奶油利口酒及雪糕焦糖脆卜卜燉蛋香滑帶雲呢拿味
.
Margarita入口有Tequila嘅苦,然後檸檬嘅酸同鹽嘅鹹入口感到鹹味同火辣後又被酸味沖淡了
.
Merry Peppermint入口先係薄荷清涼嘅感覺然後甘草回甘嘅甜味浮現☺️
.
<#飲啦孝順>碌柚葉雞尾啤入口香甜清爽,麥芽味重同時飲到碌柚葉桂圓、杞子、紅棗等味道❤️易入口

造訪日期: 2021年2月
1  感謝 0907kinki
該評論乃TripAdvisor會員主觀個人意見,不代表TripAdvisor LLC公司。

查看過Lost Stars Livehouse Bar & Eatery的旅客也查看過

 

去過Lost Stars Livehouse Bar & Eatery嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。