泰式小食拼盤
小食拼盤係3人份量，每款小食都有3件，有豬肉沙嗲、班蘭香葉包雞、芝麻豬頸肉、單骨雞翼、春卷共5款小食，當中幾鍾意依度嘅春卷，炸得啱啱好唔會燶
泰式牛肉船麵
炸豬皮係分開上，食嘅時候先至浸落湯度，牛丸食落幾實在，好似真係用好多牛肉整成，牛筋牛腱都係非常之軟腍，肉類嘅份量非常足夠!
黃咖哩雜菜
餐牌有幾頁係素食之選，如果想食健康啲或者有朋友係素食者，都有好多菜式可以揀，依個黃咖哩雜菜就係其中之一，雜菜有西蘭花、芥蘭、粟米芯等，黃咖哩好香又唔會好辣~

東南亞菜式入面先諗食得最多既一定係泰國菜！呢間係泰國已經好出名既NARA係海港式已經立足左一段時間！環境闊落之餘仲配埋個海景！可以一邊食一邊欣賞.

泰式蝦片
蝦片和脆鹹香,作為開胃小食好滋味.

泰式東北軟殼蟹
東北軟殼蟹炸香後再加上少少酸辣汁,令味道更香口惹味.

泰式炸蝦餅
脹卜卜呈冬甩型既蝦餅炸得香脆金黃,外層唔會過油膩.咬入蝦餅帶出一陣彈牙爽口既口感,味道充滿鮮啖啖蝦肉鮮香.

濕炒豬肉河
以豆醬配搭魚露及其他醬料混合出獨特既泰式風味芡汁！底下既超闊身泰式河粉質感滑溜而且煙煙韌韌,能夠充分地掛上芡汁.同時經沾上蛋漿炒香過既炒河帶點鑊氣相當惹味.配料以豬肉片,蘑菇及芥蘭後味道更有層次.

泰式炒通菜
以泰式馬拉盞,辣椒加入通菜內炒香,通菜翠綠而且香脆無渣,味道香辣.

泰式椰汁奶皇湯丸
食完咁多主食後,甜品一定不可缺少！呢款經典泰式甜品以椰汁做底,上枱既時候帶點溫熱,內裏充滿色彩繽紛既糯米丸子,芋頭粒,脆米及奶皇湯丸.本身怕泰式甜品既甜度會過高,但另份糖水既甜道適中而且椰汁味濃厚香甜.奶皇湯圓軟綿Q韌,相當有驚喜既一款飯後甜品.

烤杏仁泰式奶茶
泰式奶茶充滿獨有既茶香,味道同樣唔會過甜之餘加上杏仁帶出一點nutty香.

口痕想食泰國菜，喺新城市行完街順便黎到Nara Thai買外賣番屋企開餐～ 原來外賣自取仲有9折優惠，幾抵呢～

無骨海南雞肉好嫩滑，而且雞味濃～ 半隻雞份量都唔少喎，件件雞都啖啖肉，連雞皮都好香滑，忍唔住食咗兩塊！

菠蘿肉鬆海鮮炒飯隻大蝦煎得好香，炒飯配料有粒粒青口、帶子仔、八爪魚等，都幾足料～ 濕炒豬肉河調味咸淡適中，河粉好滑溜～小食炸蝦餅炸得金黃香脆，蝦肉好彈牙！

下次再黎可能會叫埋甜品～ 有我最愛嘅芒果糯米飯、同埋椰香奶皇流心湯圓！

Nara

接完朋友收工，兩個都有鋪泰國菜癮，於是就近近地去新城市廣場間Nara食個晚飯。想試呢間過江龍好耐，今日終於有人陪我食。平時經過都好多人排隊，今日可能落雨，等咗冇耐就入到去嚕。‍♀️‍♀️

餐廳比較幽暗，氣氛幾有feel 架。入到去已經聞到熟悉既泰國菜香味，我地兩個都急不及待落點單。

好快就上咗個頭盤小食，幾片蝦片炸得好香，顏色睇落都好靚仔。蝦片香脆，入口化開，幾好食。

食泰國菜必定會叫炸蝦餅。呢到都做得好有水準！蝦肉彈牙，蝦餅又唔會炸到過晒龍，外皮香脆，肉質爽彈，口感好唔錯。再點埋個醬汁，回憶返晒黎。

燒豬頸肉，外表油潤，食落油脂感豐富。廚師切得好薄身，但豬頸肉一啲都冇因為咁而柴同過份乾身，食唔停口。

主食我地叫咗個泰式金邊粉。金邊粉爽滑，有少少咬口，唔過過份淋。而材料亦都好地道，有芽菜，花生碎，豆腐乾同埋蝦等等。加埋個酸酸甜甜既汁，好好食呀。☺️☺️

尖沙咀這間泰式餐廳，環境美美又舒適，仲有個靚靚打卡鞦韆位，食物質素唔差可以同朋友坐得舒服傾計，不過繁忙時間係有限時的~

海鹽焦糖泰式奶茶
泰式奶茶茶香幼滑，甜度正常，頂層嘅海鹽焦糖奶蓋好質感較輕，好似泡泡，味道鹹鹹甜甜不錯

燒豬頸肉配青木瓜沙律
青木瓜絲爽口又清新，豬頸肉肥美惹味，配泰式辣醬酸酸辣辣好開胃

香茅金蒜脆鱸魚
魚肉分成一件件，炸到金黃色好靚～ 魚肉軟嫩沾點泰式酸辣汁，味道更加提升

菠蘿海鮮炒飯
飯粒比較濕潤，大蝦肉結實，味道正常發揮