我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“每次都好好食的Pizza&蛋包飯”
嘛嘛地的評論

嘛嘛地
香港排名第39 (共14,137家餐廳)
優等證書
價位: US$6 - US$26
周圍地區: 灣仔/銅鑼灣
餐廳詳細資料
周圍地區: 灣仔/銅鑼灣
4 週前評論

Mamaday是我最愛的樓上Cafe之一。我最愛它的甜品窩夫,可惜當日已經沒有貨!只好主攻我們每次必點的比蕯和蛋包飯!

午餐選擇有幾款,包括漢堡丶比蕯丶蛋包飯丶意粉丶麵。加錢有湯或沙律丶小食丶甜品,餐飲有無糖紅茶或咖啡,加錢有特飲。我們點了一份午餐,再加一個比蕯分享。所有主菜都可以加錢要沙律或湯。我們都要了沙律。

沙律有滿滿的新鮮沙律菜配上幾塊切片橙色小蕃茄丶新鮮藍莓和白肉火龍果,再加上大量日式芝麻醬,美味清新。

泡菜唔太肥黑豚肉片蛋包飯好像是新菜式,我們馬上決定要試試。這裏的蛋包飯一直水準不俗。這個新菜式都沒有令我們失望。菜單上已貼心提醒我們菜式微辣及內含大量泡菜。果然!我本身對辣的可承受程度也不低,但對我來説也真的有點辣,但這種辣是很醒胃的那種香辣。泡菜分量不少,黑豚肉片也真的唔太肥不過辣味最出。而滑蛋估計有三隻左右,質感香滑,送飯一流!蛋包飯入面的飯原來不是白飯,而是泡菜香辣飯。整碟飯分量大又好味,喜歡辣的朋友必試!

軟殼蟹比蕯有一隻大大的炸軟殼蟹放在比蕯上面,配料有蟹柳丶菠蘿及千島醬。Mamaday的比蕯一向都是非常香脆的超薄皮,上面鋪上一層厚厚的芝士,放上一點蟹柳及香甜多汁的菠蘿,偶爾有一點千島醬,很好吃。炸軟殼蟹其實我們是分開食的,炸皮薄,裏面多汁還有蟹膏,正!

雖然今餐沒有甜品,但是我們都大大滿足,Mamaday的比蕯和蛋包飯真的值得一試再試。

造訪日期: 2020年9月
    • 划算度
    • 服務
    • 食物
感謝 PickyCouple616403
該評論乃TripAdvisor會員主觀個人意見,不代表TripAdvisor LLC公司。
發表評論評論 (258)
旅客評等
旅客類型
月份
語言

15 - 19 則評論,共 258

4 週前評論 透過行動裝置

之前幫襯過尖沙咀分店幾次
今次就黎試下銅鑼灣分店
唔知係唔同分店唔同lunch set menu定佢真係keep住update
今次食嘅野之前都未食過 新鮮感仍然係
-
泡菜黑豚肉片蛋包飯 $112
一上枱我真係俾佢嘅份量震懾到
真係超級大份 有海量嘅泡菜同豚肉
微辣嘅泡菜令成碟飯超級惹味
佢嘅蛋亦都做得十分出色 嫩滑到好似bb蛋咁
-
手打漢堡 $88
依個burger嘅cheese真係夠哂邪惡
配上蜜糖洋蔥醬真係點都好食
特別一提 佢跟餐嘅薯條炸得香脆可口yum
-
☕️豆腐咖啡 $56
咖啡就飲得多 豆腐味嘅又真係第一次飲
佢有一球豆腐雪糕係面
咖啡入面都有豆腐!! 好足料
整體甜甜地 都幾得意

造訪日期: 2020年9月
感謝 bellofood
該評論乃TripAdvisor會員主觀個人意見,不代表TripAdvisor LLC公司。
4 週前評論 透過行動裝置

唔係第一次食Mamaday, 仍然會俾佢既創意裝潢、餐牌,仲有美食所吸引,治癒到呢排係香港抑鬱既情緒。而且衛生方面做得好足,見到staff執完台即刻用消毒噴霧再抹多次

美利堅合眾國草飼牛扒扒扒 $152
佢有配埋水果沙律同蕎麥麵,仲有脆卜卜印尼蝦片係面。牛扒生熟亦拿捏得好好。

有得食手打漢堡仲想點? $88
大份夾抵食,塊芝士融得好靚,係用火槍燒既,令塊漢堡扒更加正薯條份量好多~

手工紫薯窩夫 $78
跟餐+38係兩塊窩夫,正價係四塊~窩夫內餡都有紫薯,配上白雪雪既豆腐雪糕,解左紫薯既飽濟,仲有玫瑰花碎,好香,中意甜既仲可以用埋中間配既煉奶~

造訪日期: 2020年9月
感謝 b612andreaaa
該評論乃TripAdvisor會員主觀個人意見,不代表TripAdvisor LLC公司。
4 週前評論 透過行動裝置

【食評】 Mamaday 17/8/2020

今次同 @kong_girl_foodie 去嘅依間Mamaday位於銅鑼灣,而佢喺尖沙咀同油麻地都有分店,不過油麻地個間就淨係會賣咖啡同蛋糕,詳情可以去佢地官方Instagram @mmd.mamaday @mamaday.studio 到睇番‍♂️。
.
雖然佢成間舖唔算好大,但係每一枱之間個距離都好夠,加上佢嘅裝修同裝飾都好舒服,會有少少坐到唔捨得走。
.
Menu 設計方面非常用心,插圖同每一樣餸嘅名都係有特登諗過,呈現方式都好有幽默感,好處係你會真係可以逐樣野食同飲品名都欣賞一次,壞處係有時候你真係要逐樣睇先睇得明個樣係咩野黎。不過信我,佢地份menu係值得你慢慢欣賞架!
.
跟住就係佢地嘅食物質素。
.
-基本野:肉食者沙律 $98
大大碗沙律,有沙律菜、番茄仔、唐揚炸雞。啲菜好fresh,番茄仔就普普通通,個炸雞係做得最好個個,個面夠脆,最重要係入面重有肉汁。整體黎講好好食,菜同番茄仔都中和同沙律醬同炸雞嘅油膩感,而且食落去都好fresh。
.
-點解個個都叫軟殼蟹比薩架? $138
佢個名改得好啱,我真係每次黎都一定會叫依個黎食佢嘅軟殼蟹炸得啱啱好,同埋個pizza都整得好好,好薄嘅餅底加咗層薯蓉喺面,令到味道豐富咗,同埋成個口感都Smooth咗。佢個面重有蟹柳、芝士、菠蘿,我知道有啲人接受唔到pizza有菠蘿,不過就算你要挑走晒啲菠蘿會想食,我都高度推薦依個pizza!
.
-記住,期望愈大,失望越大⋯雞翼(芝士粉) $68
唔好睇佢個名講得好差咁,其實係超級好食!芝士粉同炸雞翼都好夾,唔會覺得係分開食緊兩樣野咁,雞翼亦都炸得啱啱好,真係雞翼迷必叫!
.
-焦糖脆脆咖啡沙冰 ❄️ $48
依杯野超級有驚喜佢真係會放一大塊焦糖喺面比你食,成杯野有咖啡味又有焦糖味,但係都甜度都係啱啱好,做得非常好。
.
評分
食物:9
環境:8
服務:8
價錢:6
回頭率:8
.
後記✏️
其實我同 @kong_girl_foodie 都食過依間好多次架啦,每隔一排都會掛住依間野,同埋真係每次番黎都會叫佢地個軟殼蟹pizza,因為真係太好食cls架。相信你地都會鍾意依間餐廳,想試下嘅朋友記得一定要打去book位,佢地長期full架。
.
Mamaday
銅鑼灣霎西街28號必發大廈1樓
.
#hongkong #cwb #mamaday #cafe #pizza #foodie #hkfoodie

造訪日期: 2020年9月
感謝 harrylN4828BX
該評論乃TripAdvisor會員主觀個人意見,不代表TripAdvisor LLC公司。
5 週前評論 透過行動裝置

係尖沙咀食完之後,就好想再食多次。咁啱係銅鑼灣,就一於試下另一分店啦。果然,都係咁正咁好味。仲有好多打咭位添,啲裝修都係行型格風!

黑到爆炸魷魚圈墨魚滑墨汁燉飯
每次叫墨魚汁嘅飯都要驚下,因為會食到個嘴黑晒。但係呢個燉飯真係值得,非常之好食,抵晒!

點解個個都叫軟殼蟹比薩架
平時食PIZZA都係得肉揀,配軟殼蟹真係好新穎。非常有驚喜,香脆嘅蟹配埋柔軟嘅餅底,好夾。

有蟹GO又有蟹肉的蟹蟹蟹意大利扁麵
有激多蟹籽,加埋真嘅蟹肉,真係滿口蟹味,鮮甜。用扁麵會特別掛汁,食落真係口感豐富。

造訪日期: 2020年9月
感謝 pingcheung0117
該評論乃TripAdvisor會員主觀個人意見,不代表TripAdvisor LLC公司。

去過嘛嘛地嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單