我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“帶媽媽去MAMADAY”
嘛嘛地的評論

嘛嘛地
香港排名第29 (共13,784家餐廳)
價位: US$6 - US$26
周圍地區: 灣仔/銅鑼灣
餐廳詳細資料
周圍地區: 灣仔/銅鑼灣
3 週前評論

難得約了媽媽岀街,而又知道佢喜歡新奇趣怪的餐廳,所以今次試新野,同佢來人氣designer cafe Mamaday @ 銅鑼灣。 媽媽一見Mamaday 就說乜咁搞笑tongue 下午時段有set lunch 至兩點半,我們叫左手打漢堡$88 有蕃茄、芝士、蜜糖洋蔥圈、生菜,好正有口感的漢堡。大愛的伴碟薯條也有一大碟 wow 另外也點了素食沙律$78, 好新鮮的沙律菜。而且仲有車厘茄同藍莓,好開胃。媽媽非常滿意! 來Cafe 當然要飲咖啡,媽媽估佢唔到選了棉花糖咖啡,我就要左個豆腐咖啡。 兩個都非常特別,棉花糖咖啡有一層厚厚的甜味,夾雜香滑咖啡,好軟又泡泡的口感,十分獨特。 豆腐咖啡就有一球雪糕,淡淡香味不太甜,混合咖啡其實似一球冷的忌廉,好香又滑。冷飲用紙飲管,夠環保,我鍾意❤️ 仲有甜品,焦糖窩夫,好脆的格仔餅,配海鹽雪糕,媽媽第一次食,因為不太甜,大愛

造訪日期: 2020年5月
    • 划算度
    • 服務
感謝 Lin L
該評論乃TripAdvisor會員主觀個人意見,不代表TripAdvisor LLC公司。
發表評論評論 (180)
旅客評等
旅客類型
月份
語言

22 - 26 則評論,共 180

3 週前評論 透過行動裝置

窩夫又幾出色喎
近年受到奶綠男渲染下都食多左唔同小店既窩夫 今次嚟試吓唔叫主食 又發現原來佢既窩夫都幾好味仲正過饅魚飯 個啲

呢日天氣幾熱 一坐低即刻揀返杯凍飲同叫左個沙律我叫左杯洛神花柚子茶 奶綠男叫左杯焦糖脆脆咖啡沙冰 洛神花柚子茶 甜甜酸酸 飲落都幾消暑解渴 又幾開胃 岩曬食飽但想搵位坐下舒服食得落既人飲

奶綠男叫左杯焦糖脆脆咖啡沙冰 咖啡幾香濃 沙
冰幾綿密 上面既焦糖脆脆好香甜惹味 幾好飲得嚟又有啲甜食食下 唔錯仲叫過 基本野:肉食者沙律 肉食係炸雞粒 配上好足料嘅沙律菜同黃桃 配搭幾清甜得嚟唔單調 沙律都幾惹味

對於奶綠男杯焦糖脆脆咖啡沙冰印象幾好 所以叫左份焦糖脆脆窩夫 再戰多啲焦脆脆脆 焦糖脆脆窩夫中間有球既雪糕 食落微鹹香 係海鹽味雪糕球 窩夫內軟外微脆但唔會太硬身 幾好喎 

旁邊仲有一兜仔奶蓋 加落焦糖脆脆 超級正 甜甜鹹鹹好惹味 再加上雪白既糖粉同紫紅既乾花瓣 擺盆都幾靚 係份起味道外觀上都好有誠意
既作品份量都幾多下 有成4塊足一個大圓碟大既窩夫 鐘意食窩夫既唔好錯過

造訪日期: 2020年5月
感謝 pennywspang
該評論乃TripAdvisor會員主觀個人意見,不代表TripAdvisor LLC公司。
3 週前評論

約左好友食LUNCH,
終於可以試想試好耐既Mamaday。

今日去左銅鑼灣分店,裝潢玩味感十足,
坐得舒服,可以慢慢歎返個LUNCH。

午市套餐12:00-14:30,只限星期一至五,
有漢堡、飯、意粉、PIZZA揀,都幾多元化,
包一杯無糖紅茶或Americano,
亦可以揀其他飲品減HK$20,
仲可以加配其他小食~

有得食手打漢堡仲想點(With Orange Jam) HK$88

嘩一上枱超吸晴,勁多配料好豐富!
有齊生菜、蕃茄、芝士、手打漢堡同蜜糖洋蔥圈。
手打漢堡牛味香濃多肉汁,口感鬆軟特別鮮嫩,
配以半溶芝士,啖啖「芝」味無窮!
仲有份量十足既炸薯條,口感酥脆,勁滿足。

有蟹GO又有蟹肉的蟹蟹蟹意大利扁麵HK$128

濃郁蟹膏勁滋味, 仲有大量蟹籽、蟹絲同蟹鉗仔,
鮮味十足,味道層次豐富,意大利扁麵彈牙有韌性。

脆炸魷魚圈 午餐加配HK$28

炸至金黃色,香酥可口,
魷魚嚼勁十足,好食到停唔到。

比利時窩FULL(紫薯) 午餐加配HK$38

賣相吸睛,窩夫外脆內鬆軟,
紫薯蓉質感軟滑甜度剛好,
配以雪糕同吉士醬一同食用,
味道層次相當豐富。

無糖紅茶順口唔苦澀。

Americano咖啡質感醇厚好順喉。

造訪日期: 2020年4月
    • 划算度
    • 服務
    • 食物
感謝 heimenmen
該評論乃TripAdvisor會員主觀個人意見,不代表TripAdvisor LLC公司。
3 週前評論 透過行動裝置

原來朋友話自己book mark左呢度好耐都未有機會黎!!!
我見佢咁有興趣,自己亦覺得呢度既水準都好穩定,所以呢日放假就約左佢上黎食晏~~~
同之前上黎食都一樣,呢度既裝修都無乜大改變,保持玩味風格:)
朋友對呢度趣味十足既菜名好感興趣,仲話有好多款都想試xDD
可惜我地只得兩個胃,始終唔能夠一次過滿足曬佢咁多個願望……
今日就叫住幾款同佢share食左先啦xpp
要左一份明太子炸雞冷烏冬同呢度大熱之選既鰻魚蛋包飯~~
個冷烏冬好彈牙,明太子醬都幾濃!!
而炸雞肉質都幾嫩,仲有唔少蟹棒絲添xpp
呢份鰻魚蛋包飯一到,朋友已嘩左聲!!
我地加錢要左原條鰻魚,賣相都已經無得輸~~~
仲要配埋滑蛋同燒汁炒飯,yummy!!
難怪成為店內既人氣打卡之選xpp
今日仲跟餐補錢試左呢杯牛油果奶昔添!!!

造訪日期: 2020年4月
感謝 eatwhatiwant2018
該評論乃TripAdvisor會員主觀個人意見,不代表TripAdvisor LLC公司。
4 週前評論

拾級而上,未進入這家樓上Cafe前,兩側的牆壁及樓梯已有一系列的插畫及設計;入到餐廳,玩味十足的。來到這裡吃頓飯,和朋友聚餐,裡面落地大玻璃的設計,望著外面銅鑼灣的街道及車輛,有種忘憂、放鬆的感覺。無論是裝飾、佈置、餐牌、菜式名字、餐具、餐巾等,都是自家設計,花盡心思,別具特色!難怪那麼多人光顧兼且在逐個位置打卡拍照。

餐牌有很多fusion菜式,加上玩味有趣的菜名,花了很久才決定點什麼。

唔好抱咁大期望蒲燒鰻魚蛋包飯
所謂「希望越大,失望越大」,大概有時當面對事情、事物抱著這種態度,生活可能更加驚喜。

先說外觀,第一眼被這如此澎湃的鰻魚蛋包飯吸引著。半條鰻魚的長度差不多佔據整隻碟子,鰻魚上有紫菜絲的點綴,墊底的都是滑蛋,外圍撒滿鰹魚碎,上面的食材完美地覆蓋著底下的飯。
從味道上來說,大大塊的鰻魚有股炙燒過的香味,外皮帶微脆可口,肉嫩無骨,加上燒汁添加香甜味道。滑蛋嫩滑,富香濃蛋味。不斷躍動的鰹魚片口感堅靱,有嚼勁。配上日本珍珠米,粒粒分明,忍不住一口接一口吃下去。

跟餐飲品點了杯無糖紅茶。透明杯子有點像實驗室的試杯,喝一口茶消除飽肚感覺,解一解膩。

造訪日期: 2020年4月
    • 划算度
    • 服務
    • 食物
感謝 yoyo_cly
該評論乃TripAdvisor會員主觀個人意見,不代表TripAdvisor LLC公司。

去過嘛嘛地嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單