實習前一日，同男朋友輕鬆下行下銅鑼灣，聽講朋友話呢度坐得幾舒服，嘢又幾好食，仲要係撐醫護梗係要去(｡･ω･｡)
-
ZENSE雜錦拼盤｜138
香檸蜜燒雞翼｜蜜糖芥辣雞柳串｜招牌薯條｜紐倫堡
薯條食落係啤酒薯條！個皮特別脆，
入面薯蓉又綿又足ε-(´∀｀; )
係雞翼樓下嗰啲薯條吸晒啲味好鬼正
.
雞翼好香雞油味！而且面層蜜糖甜甜更開胃
.
雞串都係甜甜地，而且燒得更加香脆
肉好大嚿！加埋香料好惹味！
.
腸帶香草味！隔離嘅沙律菜酸酸地好開胃
-
香辣茄蓉煙辣腸大蝦扁面｜138
蝦食得出唔係急凍，好重蝦味又爽口！
又有菇同埋煙辣腸，仲有啲辣椒絲係面層
啲汁掛晒上邊意粉好入味，意粉又好咬口
成個配搭又香濃又帶少少辣，好惹味
.
套餐包埋精選餐湯或者西蘭花紅莓煙肉沙律
嘢飲都有半價
今日餐湯係蕃茄忌廉湯，好香濃！
又綿密，又多番茄蓉又香香草味，塊包又夠脆
-
☕️鮮奶咖啡｜42
-
嘢食係高質嘅！坐得又舒服，冇理由唔去食
-

去到銅鑼灣選擇太多美食經過小巷大廈樓上間隱世小清幽餐廳，環境舒適 仲有戶外供應比三五知己一齊傾偈唔錯嘅選擇

✨香辣茄蓉煙辣腸扁麵
Order 咗份set lunch配西蘭花薯蓉湯，口感綿綿食落去有一粒粒西蘭花碎，薯蓉打唔會太杰又唔油膩
今次我就揀扁意粉咗配左蕃茄酸酸甜甜車打芝士仲有煙辣腸非常濃郁，上面配襯番紅花襯托，大蝦非常彈牙爽口，加埋三色椒帶少少甜味，層次感好豐富呀，好好味

✨慢煮加拿大黑毛豬鞍扒(蘋果蓉醬)
黑毛豬仲要用咗慢煮方法烹調忍唔住同朋友order試下厚厚黑毛豬肉質超嫩滑勁Juicy側邊仲有少許肥肉念着瘦果一邊感覺上好似溶化嘅感覺，口腔滿滿油脂分布，秘製蘋果蓉醬，簡直係perfect match，超有驚喜

✨荔枝薑梳打
平時冬天我都會飲薑茶或者黑糖，荔枝薑梳打我就好好奇想試吓，荔枝真係有果肉㗎，仲要原粒果肉，有一絲絲薑片微辣得嚟，甜度適中梳打配荔枝果然係清爽

✨抹茶豆腐沙冰
另外朋友好鍾意飲抹茶所以佢就揀咗杯豆腐未做嘅沙冰，豆腐打爛咗之後其實佢有亦都唔會有得渣載抹茶味甘香唔會苦澀最令我驚喜就係個沙冰打得比較說細所以呢食落去唔會話食到一粒粒好大粒嘅沙冰，好清新夠清爽

Classic Spaghetti Marinara #黃店
-
Cafe Zense 輕食為主 pasta rissoto all day breakfast☀️食物質素正常 不過黃店係吸引我地黎打卡嘅因素
-
番茄海鮮意大利粉
煙三文魚檸檬忌廉意大利粉
蜜糖芥茉醬烤雞肉串
抹茶豆腐沙冰
-
：/
:/
: $/.
————————————————

/, , - ,
————————————————.
.
.

落雨天悶在家裡倒不如出去走走。逛了一個早上，剛好午餐時段，友人帶路去了謝斐道一商廈內的樓上餐廳，地點靜中帶旺，方便。
餐廳有室內和室外，坐位都幾寬躺。

今日餐湯是南瓜忌廉湯，好香甜，南瓜味顯著。

主菜揀了泰式冬陰功大蝦意大利麵。賣相ok 喎。
微微的辣度勁惹味。大蝦有四五隻之多，抵食。爽甜。
配菜有各色椒，菇菌，非常美味。

另外點了一客金寳蘋果甜品，即叫即焗，熱呼呼。雪糕溶入金寳蘋果內，冷熱交融，甜度剛好，好正！

最後香濃咖啡，順滑帶苦澀，品質不錯。

銅鑼灣人多車多 鬧市中既樓上cafe比比皆是 但鬧市中有室外座位既cafe少之有少

餐廳座位唔算特別多 裝修簡約優雅 室內有雲石枱梳化椅 室外有木枱藤椅 環境舒適 但當日天氣唔係特別好 所以就冇坐岀去⁣⁣⁣⁣⁣⁣⁣⁣⁣⁣⁣⁣⁣

Lunch Set 包餐湯或沙律
雜菌湯 有粒粒雜菌 質地較稀 旁邊的麵包烘得很脆很脆 沾湯吃一流
沙律菜新鮮無苦澀味 淋有最愛的芝麻醬 煙燻鴨胸帶鹹香 還有酸甜開胃的橘子

▪️香煎北海道帶子墨魚汁意大利飯 $148
超黑的墨魚汁意大利飯 吃完整個嘴和牙齒絕對會變成黑色(淑女們要小心) 意大利飯黏稠順滑 入口帶鮮味 米粒帶咬口 熟而不軟爛 帶子煎得略微乾了一點 面層還舖有芝士片

▪️黑松露野菌忌廉意大利麵 $118
入口淡淡的黑松露香 忌廉很香滑 每一條麵條都掛上醬汁 麵條軟硬適中 帶點咬口 野菌份量不少 整體不會太重口味 但能夠滿足肥仔的口癮

▪️德式班㦸伴冧酒脆糖香蕉 • 朱古力碎 $88
班㦸即叫即製熱騰騰 全個鐵板上很有氣勢
德式班㦸比起平常的班㦸薄身 口感濕潤實在 班㦸邊邊位超脆 帶點焦香 香蕉香甜軟冧 面層的焦糖薄薄一片很脆身 鐵板的班㦸配上雪糕 即使拍照拍得久了 依然能夠體驗到冷熱交融 焦糖香蕉雪糕配上班㦸 整體口感味道都很豐富

▪️洋甘菊花茶 $58
花茶整壺上 味道清香 附有蜜糖 可自行調較甜度 是消膩的好選擇 喝完一整壺還可加熱水 感覺很划算

整體而言 環境舒適 食物質素中上 是值得支持的黃店cafe