我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“必吃卷物!”
古今PREMIUM的評論

古今PREMIUM
餐廳訂位
使用外送服務
香港排名第692 (共15,461家餐廳)
優等證書
周圍地區: 灣仔/銅鑼灣
餐廳詳細資料
周圍地區: 灣仔/銅鑼灣
2021年6月10日

地點就喺SOGO隔離嘅澳門逸中心,原來成座廈都係餐廳食肆!menu設計簡潔,主打卷物、壽司同刺身,天氣熱熱地食啱哂,仲有其他日本料理例如:串燒、鍋物之類。店員有禮,價錢親民!食物質數高!讚
紅龍卷 $124
cream cheese醬放喺新鮮吞拿魚上,卷物裡面係炸蝦同芝士。一口份量,多重口感,上層creamy,加上吞拿魚鮮味,中間再食倒炸到卜卜脆嘅蝦!推介!好味!
西京燒銀鱈魚 $145
主角銀鱈魚超有氣勢!表皮小小焦香,帶點醬油香甜嘅醬汁! 上枱已經聞倒好香! 兩片大大片嘅銀鱈魚,肉質嫩滑到冇得彈!油份適中食落唔會好乾!好味!
龍捲風沙律 $82
打卡又好味嘅一個巨型沙律!真係食得又睇得!頂層有高高在上嘅蟹柳,中層有大量蟹籽加爽口嘅中華沙律!配埋底層嘅生菜,沙律醬係我最鐘意嘅千島醬,原來仲加左薯片!估唔倒又幾夾,成個沙律清新又爽脆!
日式炸豆腐 $45
賣相都極靚嘅炸豆腐,外脆內軟!炸皮啱啱好,唔油膩!面頭有好多木魚絲,豆腐軟綿綿好滑
枝豆 $51 最後點埋枝豆,咸咸地帶出枝豆味!份量多!唔錯!

造訪日期: 2021年6月
1  感謝 TravelbyChinss
該評論乃TripAdvisor會員主觀個人意見,不代表TripAdvisor LLC公司。
發表評論評論 (38)
旅客評等
旅客類型
月份
語言

6 - 10 則評論,共 38

2021年6月4日 透過行動裝置

今次同一位 Hellosss 朋友約喺銅鑼灣食飯,佢留意到陳卓賢都嚟食過古今,就已經諗定要同我嚟食啦!

古今係主打日式fusion菜嘅居酒屋,創意壽司卷物有成40幾款,刺身、熟食款式多,都真係幾啱我心水!

金龍卷 $103
長長嘅金龍卷可以食到芝士、炸蝦、三文魚,味道已經調好,沾少少芥茉已經好提味!炸蝦夠熱夠香脆,三文魚肥美,好食!

蜘蛛 $93
用醬油型造出蜘蛛啲腳,擺盤確係有蜘蛛嘅神緒️材料就有青瓜、牛油果、蟹柳、軟殻蟹,配搭得宜,醋飯味道都唔錯!

網燒牛舌心 $88
店員話個個食過都大讚好味,仲話「脷疊脷好滋味」!令我哋食之前已有所期待 首先見到牛舌夠厚切,繼而放入口咬係又香又軟又淋 確係抵讚好味道!

三文魚魚頭湯 $128
魚湯鮮美濃郁,除咗大大個三文魚頭,仲有三文魚鮫,起出魚肉真係好嫩滑,塊魚面珠肉唔好錯過!
菇、菜、豆腐都放頗多,夠哂重份量!十分推介!

食物水準高,價錢大眾化。店員好有熱誠推薦菜式,今餐我哋食得好開心好滿足!一定要再回訪

造訪日期: 2021年4月
感謝 Baboo_waikoko
該評論乃TripAdvisor會員主觀個人意見,不代表TripAdvisor LLC公司。
2021年5月26日 透過行動裝置

收工後,與同事係公司附近食番餐好嘢後,再去上堂。

龍卷風沙律
賣相一流,整到真係好似龍卷風咁,面層有蟹籽、蟹柳、脆片;底層有中華沙律和西生菜。西生菜好新鮮,一入口有少少冰涼感覺,尤其依加夏天食,真係好清新。個沙律醬味濃,帶點微辣,好開胃。

蜘蛛卷
花了些心思,砌到成隻蜘蛛咁,卷物里面有青瓜,牛油果,蟹柳和軟殼蟹,軟殼蟹炸得香脆可口,連賣青瓜和牛油果一齊食中和左個油膩感。

辣妹卷
卷物里面有芝士和炸蝦,外層有些黑芝士,面鋪左一堆辣味吞拿魚,但食落一點也不辣,炸蝦食落卜卜脆,味覺和聽覺雙重感受,好滿足。

蟹膏帶子炒飯
炒飯炒得乾身,飯粒粒粒分明,帶子彈牙爽口新鮮。

芝士魚餅
魚餅食落好彈牙,粉少魚肉多,有驚喜。中間夾左一片芝士,芝士味唔太濃,唔會搶左魚餅既味道,兩者好和諧,而且就算凍左,味道都唔錯。

整體黎講,環境都唔錯,上菜⁸速度又快,服務質素好

造訪日期: 2021年5月
感謝 pandasmall
該評論乃TripAdvisor會員主觀個人意見,不代表TripAdvisor LLC公司。
2021年1月16日

覺得古今佢有好多特色嘅卷物,所以今次嚟銅鑼灣決定揀佢食。因為我同朋友係中午時段食,就嗌左一個set lunch同埋小食同卷物。

胡麻豆腐沙律 ($78)
一見到呢個沙律就覺得佢好似一個中式嘅全盒,好大盆。沙律上面就有一磚豆腐片,而豆腐上更鋪滿了蟹籽啦同埋魚籽,令成個豆腐沙律升級咗。豆腐下亦有海草、沙律菜同車厘茄,佢哋都滿佈胡麻醬。每一啖都充滿芝麻醬香味,絕對唔使擔心話唔夠醬汁或者好乾身。

牛肉壽喜燒一人鍋配飯 ($108)
冬天咁凍,所以就諗住同朋友食返一鍋熱辣辣嘅嘢。我哋就揀咗牛肉壽喜燒配珍珠米。壽喜燒嘅牛肉算係靚,上菜時仲未熟晒添,食落去幾嫩滑。鍋內材料中仲包括冬菇、豆腐、粉絲、旺菜等等,材料好入味(特別係粉絲),甜甜地撈飯好食。

吉列蠔 ($58)
吉列蠔有四隻,炸漿唔會太厚身,而味道都幾好食。新鮮炸起嘅蠔脆卜卜,配上沙律醬好滋味。

蜘蛛卷 ($88)
蜘蛛卷係佢哋其中一個特色卷物。佢個名叫蜘蛛,到底佢材料係乜嘢呢?!原來有軟殼蟹、牛油果、蟹柳同埋青瓜,佢嘅賣相都幾靚,刻意將軟殼蟹腳露出,好似蜘蛛咁。牛油果同炸脆咗軟殼蟹都幾match,青瓜就帶返啲爽口口感。

總結,古今嘅卷物真係幾吸引,希望下次再試多啲款式。沙律小食水準唔差,店員都幾好人。

造訪日期: 2021年1月
    • 划算度
    • 服務
    • 食物
2  感謝 jas4food
該評論乃TripAdvisor會員主觀個人意見,不代表TripAdvisor LLC公司。
2021年1月10日

約咗朋友嚟銅鑼灣交收,順便在附近搵個地方吃頓 late lunch。友人提議去澳門逸園中心試下呢間「古今」。

聽朋友講,餐廳嘅食物選擇好豐富,除了主打嘅創意卷物外,還有多款手握壽司、前菜小食、鍋物、串燒和炸物等供應,加上出品啱港人胃口之餘,又適合影相打卡,所以喺網上甚具人氣。

原來餐廳地方都幾大,通道寬闊,座位舒服,加上環境佈置得好雅致,一室木系裝潢,拼配牆身上嘅壁畫,滿載日本風情。

我哋點咗一客沙律做頭盤,另外再加咗一份卷物同雜錦天婦羅。

胡麻豆腐沙律 ($78) 率先送上,嘩!估唔到個份量竟然咁大,堆到成座小山丘咁高,而且用料好豐富,除了豆腐和沙律菜外,仲有中華沙律、蟹籽、三文魚子同車厘茄。豆腐非常滑溜,食落好重豆香。沙律菜新鮮爽甜、中華沙律清涼爽脆,配埋個胡麻醬汁食,味道超夾。

接著送上的金龍卷 ($98) 亦非常美味,卷物以一隻長碟盛上,砌到成條金龍一樣的形態,十分搶眼。壽司飯入面包住了炸蝦和忌廉芝士,而面頭就鋪咗一層新鮮的三文魚。一啖入口,炸蝦脆卜卜、忌廉芝士芝香濃郁,配埋油潤的三文魚,口感好豐富。

跟住係一客雜錦天婦羅 ($58),天婦羅有蕃薯、茄子、冬菇各一件,另外仲有兩隻炸蝦。幾款天婦羅都炸得很不錯,脆漿夠晒薄身,入口香脆不油,蝦肉彈牙結實,食落鮮嫩爽口,而茄子亦外脆內多汁,只須輕輕蘸上醬汁已經好好味。

意猶未盡,見天氣凍冰冰,決定再加一客熱湯作結,揀咗三文魚魚頭湯 ($96),非常大鍋,份量不少。先飲啖湯暖下胃,湯身熱辣辣,味道好鮮甜,有好濃郁的三文魚味,一點也不腥。除了三文魚頭外,湯內還有大量紹菜和豆腐,用料十足。

魚頭煎成金黃色,大大個,好香口,連住的魚肉肉質很嫩滑,挺鮮美。食完真係好飽肚,下次有機會再嚟試下其他卷物。

造訪日期: 2021年1月
    • 划算度
    • 服務
    • 食物
感謝 mjqueen7e
該評論乃TripAdvisor會員主觀個人意見,不代表TripAdvisor LLC公司。

去過古今PREMIUM嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。