3年前同一日黎過食飯,KEEP得好新淨,環境同樣舒適,服務好
而家無晚市,出到黎食午餐,兩個人就叫左SET壽司同一SET定食SHARE食!
燒雞扒溫泉蛋飯,包湯,沙律,小吃,麵豉湯夠暖身,味亦夠濃,再食埋沙律夠清爽
燒雞扒啖啖肉,加埋特製既醬汁,最搶眼既係呈流心液態既蛋黃,將之拌勻米飯一起吃
味道特別甘香濃郁,飯粒爽身粒粒分明好吃
另外壽司款式十分之多
包括藍鮨拖羅一件,火炙平目魚背,藍鮨赤身,醬燒帶子,三文魚醬油漬,京蔥三文魚,甜蝦
壽司鮮度十足,厚薄合適,唔一定要厚切先好食既,另一值得一提佢飯係做得好好,唔會好大件飯
變左食幾件就好快飽,炙燒過既食起黎更加鮮香甘美,價錢十分之抵食
埋單都係$300左右

很久沒有去這家吃東西了，難得經過附近就決定去吃點東西吧。由於現在沒有晚市堂食，所以餐廳另外供應晚市菜單，所以食物選擇更多。午市過後來人流不太多，可以慢慢靜靜地跟朋友吃東西。
-
鹿兒島黑豚肉溫泉蛋丼飯 HKD$88，這個份量十足的丼飯，面頭鋪滿黑豚肉。黑豚肉肉質很腍身，口感煙韌還帶點油份，很喜歡這個半肥瘦的口感。醬汁味道濃郁不咸，還帶點甜味，用來拌飯吃挻好的。
-
自選壽司 HKD$18起/份，除了可選擇喜愛的壽司，也可以給廚師發辦的。當天選擇了多款壽司，包括：藍鮨拖羅/火灸平目魚背/油甘魚松露/三文魚醬油漬/立魚柚子/日本芝士蟹棒/醬燒熟蝦。魚生食材新鮮，肥瘦適中沒有根。還有幾件的口感不錯，油脂分佈平均，就算不放醬油也可以。壽司飯是紅醋飯，味道更香口煙韌。
-
大部份壽司也是以兩件起計算，只有部分是以一件計的，午市套餐跟餐有麵豉湯/小食/沙律附送。食物質素不錯，價錢中等可接受。環境寧靜不嘈吵，跟親友來慢慢用餐挻享受的。

係朗豪坊附近搵咗一間日式樓上餐廳，主要係因為見到佢有定食同半價嘅壽司，幾抵食咁，所以就揀咗佢！我哋就叫咗個定食同散叫壽司。餐廳係2樓，一入去就覺得好有日本feel, 有唔少日式燈籠同清酒擺設。

燒花魚一夜干配御飯 (定食) $78
定食另配有麵豉湯、是日小食同沙律。麵豉湯有好多豆腐粒粒；是日小食係帶子裙邊，辣辣哋，幾惹味；沙津係沙津菜加醋，好開胃。到主菜燒花魚一夜干，花魚好大條，而且燒得好香。花魚嘅魚骨容易起到，咁就可以啖啖肉咁食。魚肉肉質爽滑，雖然本身經過醃製，但仍然帶有鮮味。

藍鮨拖羅壽司 $32/件
拖羅油脂分布靚，呈粉紅色，而且無筋位，唔錯。拖羅充滿油脂嘅甘香，亦有入口即溶嘅感覺，如果再厚身啲，一定超級正！

藍鮨赤身壽司 $24/件
赤身鮮紅，同拖羅一樣無筋位，口感軟嫰。

日本芝士蟹柳壽司 $18/2件
芝士蟹柳經過火炙，變得更香。蟹柳係真蟹柳，唔係麵粉嗰隻。壽司表面更加上了沙津醬，令成舊壽司味道更豐富，大人細路都一定啱。

叉燒拉麵 $33
淨係叫壽司怕唔夠飽，所以就另外嗌份拉麵。拉麵份量大概係平時一碗嘅三分二，都幾多。另外，仲有兩件叉燒，豬骨麵豉麵湯底都幾濃郁，唔會過鹹。

總結，餐廳環境幾靚，舒適。食物價錢合理，唯壽司飯略為冧咗啲。

今日來到旺角逛一逛，需要買一件新的大褸，亦順便吃午餐。今次是在香港很流行的盧端燒餐廳，是源自日本鄉間的冬季美味！餐廳專門選用新鮮海鮮，以足夠炭火在食客面前現烤。不過受疫情影響，取消了晚市，現在就沒有這種「表演式」食法了。幸好最近餐廳正做疫情優惠，所有壽司都有半價優惠！
位置：在朗豪坊的街道，一直往前走，看到一個小門口是乘搭電梯就正確,很容易到達，四處是熱熱鬧鬧的逛街好地方。
環境：很舒服，在門口擺有一面的日式燈籠，一個方櫃的自家製梅酒，佈局呈T字形橫向，一邊是靠邊窗和有布簾，相對有私人空間，另一邊是在中央的盧端燒，有一行的吧台，但前方的海鮮區是沒有任何海鮮了。盧端燒的佈置很華麗，使人眼前一亮，亦很適合打卡拍照。
服務：上菜速度很快。
午市：
蒲燒原條鰻魚定食 $138 (已包麵鼓湯、和風沙律和是日小食)原條鰻魚放在木板上，視覺上已感到震撼，因為平常日式鰻魚飯是已切好一塊塊，鰻魚肉質鮮嫩可口， 厚塗蒲燒汁在鰻魚肉，魚皮亦煎得脆口，蒲燒汁滲入日本珍珠米，內有一隻溫泉蛋，將所有東西拌勻一起，味道一流。
由於壽司有特價，也叫了五款(兩件)：黑松露油甘魚$24、京蔥三文魚$13、醬燒熟蝦$22、吞拿魚蓉軍艦$18和藍鰭赤身$48。油甘魚被黑松露味完全蓋過了，三文魚肥美配京蔥提升味道，而藍鰭亦是吞拿魚，赤身代表瘦肉、魚背不含油脂的部位，呈紅色，雖然含脂量少，肉質充實有咬口。當中最好吃是吞拿魚蓉軍艦，價廉物美，能吃到鮮味，口感綿滑。 
荼碗蒸$18另外再叫了一款小食，底下有嫩雞肉和蘑菇，蛋夠嫩滑。
整體而言，環境舒適，食物質素高，特價後性價比合理，值得一顧。

上星期朋友約左我去旺角睇戲，睇戲前BOOK左 - 長阪燒食晚飯，好耐之前食過Lunch吾知晚餐味道又如何呢？

三文魚刺身：三文魚既厚度適中，紋理ok的；味道帶點點魚油味，同樣帶有鮮味的。

雲丹海膽壽司：海膽份量滿佈於壽司上，海膽味道吾腥吾臭；入口即溶，海膽甘香味吾算特別濃郁，整體味道也不錯。

串燒(牛舌&雞腎)：經職員介紹就order左牛舌，果然無介紹錯。牛舌口感吾硬口，反而林中帶少少爽口，牛既油脂滲出令整體味道好juicy。雞腎也是我很愛吃的串燒之一，口感好爽口，絕對吾硬又吾乾啊！

赤蝦壽司：大大隻既赤蝦味道好鮮味，當中帶點甜，個人也推介啊！

椰子雪芭：椰子味極特出，口感又夠滑口，作為甜品一流啊！