講起食熱狗一定會諗起齊柏林，今次叫左火炙芝士辣肉醬熱狗同埋田園風味熱狗，每個熱狗都加左細薯條同埋牛油粟米杯，超滿足嘅一餐 火炙芝士辣肉醬熱狗好足料，芝士同辣肉醬覆蓋曬成個熱狗，都好夠味，熱辣辣食更滋味田園風味熱狗主要有青瓜絲同番茄，味道好fresh，配上千島醬都好味。食呢兩個可以share，一個清淡一個重口味d個薯條都好出色，如果係即炸既就好食好多，有次買唔係新鮮炸既。最鍾意薯條既醬，兩種醬襯埋好好食

-
OMG!!!! 堂食又延期 其實都估到⋯so sad
喺屋企煮來煮去果幾味 有時真係幾悶
最後都系決定叫外賣 唔洗煮唔洗洗碗 方便

火炙芝士辣肉醬熱狗️
之前食過覺得辣辣地好好味
溶左既芝士加上辣肉醬裹住成條熱狗
❤️辣辣地既醬汁 配上條腸 再加上軟綿綿既熱狗包 喜歡❤️
今次叫左套餐有埋飲品同薯條
雖然係外賣 薯條嚟到仲熱辣辣 脆脆的

辣雞塊
呢款亦都系之前食過覺得正既雞扒
雞扒勁Juicy 外脆內軟 超正！
鍾意食炸雞嘅朋友仔 又食得辣嘅 絕對要 try try

好多人話呢間熱狗好食，我又未食過，一直都想試，今次跟朋友特地走過嚟買做lunch～
一去到，見好多人排隊買，所以都要預返時間等、見到舖頭都冇好多decoration ，主要係有wallpaper, poster，又有好多mirror 應緩，笑咗
食物方面都幾多choice，主要都係熱狗同薯條。
熱狗同薯條新鮮熱辣整，大大份。
可以揀唔同醬。
熱狗choice 都好多，其實食完個熱狗包都好飽已經。
等佢整大約都15分鐘左右，不過佢即整又熱都值得等嘅。

前排同太太係屋企好懶，唔想郁，唯有叫外賣食啦我哋最終就係#foodpanda 叫左呢間屋企附近想試好耐嘅「齊柏林熱狗店」

我同太太因為都有啲餓嘅關係每人叫兩隻熱狗️ 叫左4隻 大家share試味

火炙芝士辣肉醬熱狗️$42
身為芝士控嘅小編，就覺得恰到好處個味好夾

美國洋蔥圈熱狗️$36
啲洋蔥圈炸到脆卜卜，食落仲熱熱地

芝味熱狗️$38
呢個熱狗芝士更多，更岩我口味

澳式風情熱狗️$38
呢個都係無得頂！啲味都係好夾！千島汁真係好好味

以上套餐+$12就可以轉為套餐，可以配小食 或 飲品揀兩款，小編就揀左薯條 同 +C檸檬

P.S. 特別要講嘅係薯條配果個疑似千島醬+茄汁，好夾個薯條 兼 好好好好好味食到停唔到口

以熱狗做主打嘅店係香港真係唔多，而且仲要多人排隊買，應該只有呢間。 今次就試吓佢哋嘅人氣招牌熱狗，火炙芝士辣肉醬熱狗️。麵包雖然烘過，但依然鬆軟。而且淋上滿滿嘅芝士辣肉醬，啖啖都拉絲，真係好滿足。薯條都算厚身，但因為外賣返屋企食嘅關係，有啲林左。