我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“回味無窮既邊爐”
英雄火鍋的評論

英雄火鍋
香港排名第1,803 (共13,941家餐廳)
周圍地區: 灣仔/銅鑼灣
餐廳詳細資料
周圍地區: 灣仔/銅鑼灣
2020年6月3日

4大名鍋,好似酸菜鍋、魚頭鍋,好特別,好想試
今次食左烏雞鍋先 近排攰,食烏雞進補下都要架喇

烏雞份量都幾多!
食落啖啖肉, 最鍾意就梗係雞髀
嫩滑得黎,散發陣陣酒香~ 最後係食晒! 一件不留
湯底有唔同藥材, 好似紅棗,黨參,杞子etc 我係開始落其他火鍋配料之前,
都飲咗半碗, 好甜,好溫暖

美國極品肥牛 $208 值得!
份量一啲都唔少! 超高質
每一片都係咬幾下就溶化晒~ 好食到我個心都溶化埋呀

造訪日期: 2019年8月
    • 划算度
    • 服務
    • 食物
感謝 Kennis D
該評論乃TripAdvisor會員主觀個人意見,不代表TripAdvisor LLC公司。
發表評論評論 (22)
旅客評等
旅客類型
月份
語言

1 - 5 則評論,共 22

2020年2月15日

2020年未試過出街吃火鍋,今年第一擊,一於食好啲,食得舒服啲。

火鍋店喺正銅鑼灣地鐵站C出口對面馬路,方便到極。占地全層,空間感十足,有好多卡位雅座,加上半腰屏風,喺非常注重衛生嘅時間,唔怕隔離枱口沫橫飛,好安心。

呢度主打重慶火鍋,名鍋如酸辣魚,重慶麻辣火鍋…. 我唔系咁食得酸辣,所以揀咗胡椒豬肚雞湯。先飲碗湯,湯底清甜得來又有胡椒味,飲咗成身暖曬。 湯料十足,除咗有豬肚,雞,胡椒粒,仲有馬蹄,白果, 腐竹。

英雄八盞,醬料
即是八碟前菜,青瓜,木耳,蓮藕粒,豆干,豬耳,海帶,芽菜,花生。開胃好味。加埋自調醬料都系每位$20,誠意之作。
調味料是自取,最特別有榨菜末,香菜末,芹菜末同花生末。

美國極品肥牛
叫咗小份,但系都非常大碟,肥牛油花分佈均勻,豐富又細密,淥起來夠軟淋,牛味十足。

招牌四寶丸
全部手打,分別是墨魚丸,蝦丸,鯪魚丸,牛肉丸。樣樣都好彈牙,尤其鐘意食墨魚丸同鮮蝦丸,好鮮味。

蒙古羊肉片
完全冇羊騷味,肉質鮮嫩。

酥炸響鈴
淥完之後,出面嗰幾浸索曬啲湯好入味, 入面嗰幾浸仲脆脆地,仲有好香豆味。

韭菜水餃
餡料十足,非常飽滿,裡面啲菜同肉好新鮮。

四川紹粉
煙煙韌韌,加埋啲湯一齊食好好食。

雜菜籃
可以食到幾種唔同嘅菜。

竹蔗茅根水
一大瓶,清熱解喝。

食物中盡顯英雄氣,味裡蘊含溫柔風,為今年火鍋之旅開了個靚頭。

造訪日期: 2020年2月
    • 划算度
    • 服務
    • 食物
感謝 AnnaLeunghaha
該評論乃TripAdvisor會員主觀個人意見,不代表TripAdvisor LLC公司。
2019年10月28日

這天朋友帶我來的是一家古色支香的火鍋店, 朋友說環境闊絡又舒適, 適合坐2,3小時的晚飯.
二十五年陳年花雕醉烏雞鍋:
朋友吃不了麻辣, 豬骨火鍋又吃得太多, 看到這裡有用上二十五年陳年花雕的醉烏雞鍋, 自然一試.
上桌時湯與烏雞是分開奉上, 可見烏雞的質素頗為新鮮.
加上烏雞後煮了幾分鐘, 雞肉仍保持嫩滑, 湯底帶少許花雕的甜香而且雞湯頗好喝, 先行喝上一碗才開始打邊爐.

美國雪花肥牛:
單看牛肉的紋路, 驚喜度滿分. 份量及質量都絕對對辦.

炸魚皮:
許久沒在打邊爐時點炸魚皮, 這次是因應朋友想吃而點. 十分乾脆的口感.

招牌四寶丸:
四寶丸全部4款都是新鮮手打, 最喜愛的是墨魚丸及牛肉丸, 彈性一流.

鮮黑毛肚:
鮮黑毛肚沒經漂白, 比平常的好吃許多.

豬爽喉
豬爽喉沒什麼味道, 主要是爽脆非常的口感, 沾點鼓油吃停不了口.

雜菜藍
蔬菜藍的蔬菜選擇多又新鮮.

韮菜水餃
水餃質素不錯, 內饀新鮮.

洛神花茶
洛神花茶的甜酸味比膩口的竹蔗矛根更適合在打邊爐時喝, 價錢不貴又大瓶.

價格中等, 但環境比現時大部份的火鍋更好, 有再來的價值.

造訪日期: 2019年8月
    • 划算度
    • 服務
    • 食物
感謝 RaymondpoonRP
該評論乃TripAdvisor會員主觀個人意見,不代表TripAdvisor LLC公司。
2019年10月22日

最近秋意漸濃最好就打邊爐,呢間食咗幾次質素都不錯,而餐廳環境都好舒適,坐嘅位置都好鬆動
可以喺門口位置自己混醬,醬料選擇都很多
竹蔗茅根水好清潤,秋冬天啱哂
今次就試了這個25年陳年花雕醉烏雞鍋,鍋內好多藥材,而烏雞好新鮮仲加入25年陳年花雕去浸住,濃香酒味,放湯後酒香不斷揮發香噴噴,而雞件嫩滑好香酒味
美國極品肥都好抵食,雪花油脂分佈均勻,食落好嫩腍牛味都好出
羊肉脂肪比例較少,羊羶味適中,嫩中帶一點咬口,不錯喔好好食
四寶丸有鯪魚、牛肉、墨魚丸及蝦丸,任部都係手打,每粒大少適中一樣,彈牙有質感,蝦丸好鮮甜美味,而墨丸墨味好出好鮮味彈牙
響鈴係自家製每條都好金黃色,放湯幾秒就食得,豆味好出無油益味
仲有我好鍾意食嘅皇帝菜都好新鮮

造訪日期: 2019年10月
    • 划算度
    • 服務
    • 食物
感謝 Superloveeatbear
該評論乃TripAdvisor會員主觀個人意見,不代表TripAdvisor LLC公司。
2019年6月25日 透過行動裝置

火鍋英雄-火辣火鍋體驗

首先映入眼簾的是接待處背面的書法字,是以店名火鍋英雄四字而成,店內裝潢古色古香,木製的桌子椅子,配上竹的特色牆,牆身掛著不同的書畫和老擺設,當中更有琵琶,包箱以古代的屏風分隔,相當有心思。

英雄八盞
誠意推薦的前菜小吃,包羅萬有,一定有款合你心意。

酸菜冷鍋魚
用老瓦缸浸泡了酸菜,底味十足,酸味夠;再配以多種香料,令湯底辣而不膩;再加入新鮮薄切魚片,魚肉嫩滑不老,湯底鮮味提升。

美國極品肥牛
雪花靚肥牛,油脂比例多、分佈平均,而且厚度比一般肥牛厚,入口即溶之餘又帶實在的感覺,牛味超濃,肉質腍身。

招牌四寶丸
全手工製成的丸類,有新鮮的墨魚丸、彈牙的蝦丸、爽口的鯪魚丸和牛味濃的牛肉丸。

鮮黑毛肚
新鮮的黑毛肚,薄切的一片片,爽口又不老不韌。

韭菜水餃
外皮超薄的水餃,內裡韭菜餡料非常多,充滿了整個水餃,脹脹的,而且韭菜切得碎,湯汁爆滿又夠口感。

四川紹粉
正宗的四川粉麵,呈闊條麵般,煮熟透後半透明狀,索滿了酸菜湯底,煙韌入味。

雜菜藍
蔬菜種類繁多,有生菜、油麥菜、白菜、娃娃菜和金菇。

竹蔗茅根水
冰凍新鮮榨成的飲料,解渴解膩又消暑。

造訪日期: 2019年6月
感謝 justforshan
該評論乃TripAdvisor會員主觀個人意見,不代表TripAdvisor LLC公司。

去過英雄火鍋嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單