我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“高質燒肉放題”
熊本燒肉的評論

熊本燒肉
餐廳訂位
香港排名第2,626 (共15,239家餐廳)
價位: US$36 - US$39
周圍地區: 灣仔/銅鑼灣
餐廳詳細資料
周圍地區: 灣仔/銅鑼灣
4 週前評論

好耐無食過燒肉放題, 難得今日放假, 一於比自己輕鬆下。

店舖係採用平板電腦點餐, 夠哂環保之餘, 又能減少漏單情況。
牛 / 豬 / 雞 / 海鮮都有好多唔同種類以供選擇。

個人最鍾意係 厚切五花肉 , 燒完係肥而不膩, 又夠香口。

刺身種類都好多, 有三文魚 / 真鯛 / 油金魚 / 甜蝦 / 刺身帶子 / 北寄貝 / 馬刀貝 / 八爪魚片 / 希靈魚 , 而且都好新鮮。

海鮮類有大蝦 / 三文魚骹 / 油甘魚鮫 / 鯖魚 / 多春魚 / 辣尤魚。

蝦肉好新鮮彈牙, 尤魚燒完好惹味, 魚類都好唔錯。

清酒煮蜆都係必食推介。

蔬菜類我最鍾意係燒菠蘿 / 粟米 / 翠肉瓜, 食得太多肉, 再食返D蔬菜, 可以平衡返肥膩感。

熱食方面都有好多, 鰻魚飯/芝士年糕都好好食。

飲品可以自己去飲品櫃任取, 如果飲啤酒既話, 仲可以加錢任飲。

埋單既時候店員仲會送上2杯雪糕做甜品。

造訪日期: 2021年3月
    • 划算度
    • 服務
    • 食物
感謝 buniscat
該評論乃TripAdvisor會員主觀個人意見,不代表TripAdvisor LLC公司。
發表評論評論 (18)
旅客評等
旅客類型
月份
語言

1 - 5 則評論,共 18

2021年1月19日 透過行動裝置

餐廳:熊本燒肉 (銅鑼灣)
地址:銅鑼灣謝斐道477-481號3樓

啱啱星期六去咗銅鑼灣謝斐道嘅熊本燒肉食燒肉放題,原因係咁啱果日同阿媽出嚟,佢又話想食餐好嘅,所以就帶咗佢嚟呢間黃店燒肉餐廳

呢度嘅職員服務態度都幾好,無論係講解放題價錢、食物種類,到換鐵板、收餐碟,到最後比雪糕同埋單,都一直好有禮貌,中間有幾次因為冷氣太凍叫佢哋關或者開冷氣,佢哋都冇不耐煩,幾值得一讚

星期六午市放題$258一個人,限時兩個鐘,有大概70款食物,除咗有唔同嘅雞牛豬肉類之外,仲有多款小食蔬菜同埋刺身甜品等。我阿媽比我更識食,佢話要加多$38任食埋澳洲M5和牛、鹿兒島豚五花肉同埋鹿兒島豚西冷

食物上菜速度都算快同齊,用部tablet點完餐唔洗3分鐘啲食物就陸續上枱,肉類整體唔差,雖然上枱果陣有啲肉仲係帶有啲雪,但放上去格網燒完肉質依然鮮嫩多汁,我特別鍾意食佢地嘅慢煮牛舌同M5和牛,牛舌燒大約每邊2分鐘,外層香軟,內裡多汁又爽口,encore咗好幾轉,食到最後原來我地兩個食咗超過一百件肉,係時候做返多啲運動喇!

刺身大約有十零款,雖然唔係用冰座住,但都算新鮮,仲有帶子同鯛魚任食;另外佢個清酒煮蜆都值得一試,蜆肉有啖啖清酒香,唔會有腥苦味,呀媽都話好食;唔夠飽嘅食多碗豬骨濃湯稻庭烏冬,或者叫返碗鰻魚丼飯食都一樣得

臨走仲有Haagen-Daze雪糕同埋Be Water洗手液送,滿足滿足

造訪日期: 2021年1月
1  感謝 hinsonfoodhk
該評論乃TripAdvisor會員主觀個人意見,不代表TripAdvisor LLC公司。
2020年7月6日

午餐食乜好?不如試下放題燒肉?
平日90分鐘午市放題
星期一至五 (小童/成人同價)
供應時間: 12:00 - 15:30 $148
連蔬菜類,牛豬雞,魚共33款選擇
醬燒牛,胸肉,五花,牛柳粒,牛舌,
豬頸肉,雞翼,雞軟骨,多春魚,秋刀,南瓜,粟米等,包汽水任飲
銅鑼灣熊本燒肉
用平板落單,上肉快,不漏單,質素唔錯
蔬菜類燒菠蘿夠開胃
一人一客醬料,燒肉辣醬,豉油
肉既質素相當唔錯,雞翼開邊單骨易燒快熟
牛肉不會肥多於肉
無煙火烤肉,沒有太大油煙,唔會食到成身味道
90分鐘,食完感覺係完全足夠,每款都可以試到
牛比雞肉快熟,主力食牛就好了
另外必試雞翼,好易烤,又好食
中間交替食下蔬菜就唔會好油膩
飲品櫃有各種飲品自取,無限任飲
食評後感,$148真心好抵食
銅鑼灣謝斐道477-481號3樓
3/F, 477-481 Jaffe Road, Causeway Bay

造訪日期: 2020年7月
    • 服務
    • 食物
感謝 alex lam 林
該評論乃TripAdvisor會員主觀個人意見,不代表TripAdvisor LLC公司。
2020年6月17日

現時不少燒肉放題都要四五百元,看到銅鑼灣這間熊本燒肉平日午市放題每位最平只需$148元實在令人咤異,環境更比想像中寬敞乾淨。

我倆選擇了每位$258的放題,比起$148的食物選擇更加豐富。餐廳以平板電腦點菜,刺身、牛肉、蔬菜等大路款式都應有盡有,另外自助區亦提供飲品任飲。

牛肉部位選擇不少,例如有醬燒牛排骨、安格斯牛肉眼、牛側腹橫肌、極上牛胸腹肉、牛五花、牛柳粒、厚切牛舌及牛柏葉等。以人均百多元任食的價格而言固然不能奢求和牛級水準,但肉類質素絕對對得起價錢有餘。

整體上菜速度合理而且份量大致充足。其他食物包括煙肉車厘茄卷、荔枝豚肉卷、大蝦、雞腎、鰻魚飯、朱古力布朗尼、抹茶蕨餅等,從小食以至是主食及甜品都一應俱全,以此價格而言實在物有所值。

造訪日期: 2020年6月
    • 划算度
    • 服務
    • 食物
1  感謝 Voracious1006
該評論乃TripAdvisor會員主觀個人意見,不代表TripAdvisor LLC公司。
2019年12月22日

可能最近大家心情都唔太好,但都要比自己少少時間放鬆下;好似橡根咁,拉得太勁都要放一放;
所以今日就放縱自己一下,食任食日式燒肉!

因為星期五是假期前夕的關係,所以每位$328。  
每個爐都有一塊鹽板(喜馬拉雅玫瑰岩鹽),可以在燒熟之後,沾一沾少少鹽味。 
*海鮮拼盤
這是送的海鮮拼盤,有青口,蝦,帶子和鮑魚;因為不太懂燒海鮮,只有蝦是燒得好食的,失敬失敬!其他海鮮都毀在我們手上。
大部份的肉都試過一次,以下這幾款是我們encore encore再encore的

*特選豚肩
豚肩是有咬口一點的位置,又不會太肥。

*地獄豚頸肉
地獄豚頸肉偏辣,都可以接受;
豚頸肉很爽口。
*牛柳粒
牛柳粒是比較易燒的一款;
而且很淋又入味。
*醬燒牛排骨
因為是近骨的位置,所以有肉亦有脂肪;
首先肉醃得最入味,而且很淋很JUICY。

*明太子釀雞翼
明太子釀雞翼帶少少辣味;
釀了大量的明太子,正呀。
*和牛拼盤 (+$38)
個人認為差少少錢大家可以加埋;
這個和牛拼盤,一份就是三件不同的:牛小排、肉眼和五花牛;
有肥的,半肥瘦的和瘦的都有;
個人愛吃瘦的和半肥瘦的,太肥真的受不了;
和牛是最有牛脂味的。
*清酒煮蜆
這個清酒煮蜆,放題的質素來說真的不錯;
朋友點了三碗,哈哈!
蜆肉不會太細,而且很彈牙,又沒有沙。
*刺身
刺身尚算新鮮,不過不失。
順帶一提,餐廳內抽風設備不錯,燒完肉都不會有太大的油煙味。 

造訪日期: 2019年11月
感謝 Eatproduct
該評論乃TripAdvisor會員主觀個人意見,不代表TripAdvisor LLC公司。

去過熊本燒肉嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。