我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“午餐食乜好?不如試下放題燒肉?”
熊本燒肉的評論

熊本燒肉
訂位
香港排名第2,882 (共13,985家餐廳)
價位: US$36 - US$39
餐廳詳細資料
4 週前評論

午餐食乜好?不如試下放題燒肉?
平日90分鐘午市放題
星期一至五 (小童/成人同價)
供應時間: 12:00 - 15:30 $148
連蔬菜類,牛豬雞,魚共33款選擇
醬燒牛,胸肉,五花,牛柳粒,牛舌,
豬頸肉,雞翼,雞軟骨,多春魚,秋刀,南瓜,粟米等,包汽水任飲
銅鑼灣熊本燒肉
用平板落單,上肉快,不漏單,質素唔錯
蔬菜類燒菠蘿夠開胃
一人一客醬料,燒肉辣醬,豉油
肉既質素相當唔錯,雞翼開邊單骨易燒快熟
牛肉不會肥多於肉
無煙火烤肉,沒有太大油煙,唔會食到成身味道
90分鐘,食完感覺係完全足夠,每款都可以試到
牛比雞肉快熟,主力食牛就好了
另外必試雞翼,好易烤,又好食
中間交替食下蔬菜就唔會好油膩
飲品櫃有各種飲品自取,無限任飲
食評後感,$148真心好抵食
銅鑼灣謝斐道477-481號3樓
3/F, 477-481 Jaffe Road, Causeway Bay

造訪日期: 2020年7月
    • 服務
    • 食物
感謝 alex lam 林
該評論乃TripAdvisor會員主觀個人意見,不代表TripAdvisor LLC公司。
發表評論評論 (16)
旅客評等
旅客類型
月份
語言

1 - 5 則評論,共 16

2020年6月17日

現時不少燒肉放題都要四五百元,看到銅鑼灣這間熊本燒肉平日午市放題每位最平只需$148元實在令人咤異,環境更比想像中寬敞乾淨。

我倆選擇了每位$258的放題,比起$148的食物選擇更加豐富。餐廳以平板電腦點菜,刺身、牛肉、蔬菜等大路款式都應有盡有,另外自助區亦提供飲品任飲。

牛肉部位選擇不少,例如有醬燒牛排骨、安格斯牛肉眼、牛側腹橫肌、極上牛胸腹肉、牛五花、牛柳粒、厚切牛舌及牛柏葉等。以人均百多元任食的價格而言固然不能奢求和牛級水準,但肉類質素絕對對得起價錢有餘。

整體上菜速度合理而且份量大致充足。其他食物包括煙肉車厘茄卷、荔枝豚肉卷、大蝦、雞腎、鰻魚飯、朱古力布朗尼、抹茶蕨餅等,從小食以至是主食及甜品都一應俱全,以此價格而言實在物有所值。

造訪日期: 2020年6月
    • 划算度
    • 服務
    • 食物
1  感謝 Voracious1006
該評論乃TripAdvisor會員主觀個人意見,不代表TripAdvisor LLC公司。
2019年12月22日

可能最近大家心情都唔太好,但都要比自己少少時間放鬆下;好似橡根咁,拉得太勁都要放一放;
所以今日就放縱自己一下,食任食日式燒肉!

因為星期五是假期前夕的關係,所以每位$328。  
每個爐都有一塊鹽板(喜馬拉雅玫瑰岩鹽),可以在燒熟之後,沾一沾少少鹽味。 
*海鮮拼盤
這是送的海鮮拼盤,有青口,蝦,帶子和鮑魚;因為不太懂燒海鮮,只有蝦是燒得好食的,失敬失敬!其他海鮮都毀在我們手上。
大部份的肉都試過一次,以下這幾款是我們encore encore再encore的

*特選豚肩
豚肩是有咬口一點的位置,又不會太肥。

*地獄豚頸肉
地獄豚頸肉偏辣,都可以接受;
豚頸肉很爽口。
*牛柳粒
牛柳粒是比較易燒的一款;
而且很淋又入味。
*醬燒牛排骨
因為是近骨的位置,所以有肉亦有脂肪;
首先肉醃得最入味,而且很淋很JUICY。

*明太子釀雞翼
明太子釀雞翼帶少少辣味;
釀了大量的明太子,正呀。
*和牛拼盤 (+$38)
個人認為差少少錢大家可以加埋;
這個和牛拼盤,一份就是三件不同的:牛小排、肉眼和五花牛;
有肥的,半肥瘦的和瘦的都有;
個人愛吃瘦的和半肥瘦的,太肥真的受不了;
和牛是最有牛脂味的。
*清酒煮蜆
這個清酒煮蜆,放題的質素來說真的不錯;
朋友點了三碗,哈哈!
蜆肉不會太細,而且很彈牙,又沒有沙。
*刺身
刺身尚算新鮮,不過不失。
順帶一提,餐廳內抽風設備不錯,燒完肉都不會有太大的油煙味。 

造訪日期: 2019年11月
感謝 Eatproduct
該評論乃TripAdvisor會員主觀個人意見,不代表TripAdvisor LLC公司。
2019年12月18日

想緩和一下心情,趁周末去完感謝祭再食燒肉放題。
呢度既座位好闊落
先用平板電腦點餐,分哂類款式都幾多。 快手先點刺身來個開端,帶子、油甘魚、甜蝦、真鯛也不錯!

食燒肉始終中意日式多於韓燒。 呢度採用無火爐,燒得均勻,無咁易燶。仲附上喜馬拉雅岩鹽板,燒完放上鹽板,增加肉香層次。 先來一客一次性海鮮拼盤,有大虎蝦、鮑魚、扇貝、青口。
大虎蝦蝦肉鮮味,Q彈爽口。
燒扇貝帶海水咸香!

點了一份全牛拼盤,色澤鮮紅,質素幾好

三文魚鮫,連魚鰭一起燒至魚皮金黃。高溫之下魚油亦會慢慢從魚肌裡釋放出黎,魚翅位咬落去有意想不到既脆卜卜咬落非常香口!

加左$48升級和牛、鹿兒島五花肉~

重點點左幾次和牛,肉質細緻嫩滑,且油脂分佈均勻,肉色帶光澤。

鹿兒島五花肉,脂肪與肉相間,香烤兩邊入口分外香口。

明太子雞翼,每只雞翼內層都釀入大量橙紅色的明太子粒,睇落實淨飽滿。雞翼烤熱時要注意別讓其漏餡,熟透後雞皮所分解出既油香夾雜明太子既鹹鮮份外滋味,咬落內裡直頭有爆餡之趣,餘下既雞肉同樣嫩滑,好juicy。

平時食日本串燒必點既大蔥雞肉串都有, 雞肉鮮味,輕輕既焦香味,沾上雞油肉汁既大蔥,相當誘人。

厚切牛舌嫩滑,肉質彈牙。 醃過既雞腎,微辣爽口,幾惹味~

我中意用牛五花放在露筍上燒,油脂香完全被露筍吸收~ 最後一人有一杯Haagen Dazs雪糕,滿足!

造訪日期: 2019年10月
    • 划算度
    • 服務
    • 食物
感謝 Karina C
該評論乃TripAdvisor會員主觀個人意見,不代表TripAdvisor LLC公司。
2019年11月25日

好耐都冇食過日式燒肉放題

有得點熟食,點左個蜆肉湯、小丸子、之士年糕仲有螺肉同中華沙律

放題點少得食魚生,去到之後首先梗係食個啦,味道都唔錯好新鮮 基本上除左無壽司,外面放題有野既食呢度都有,但外面放題無得燒肉,呢到就有好多唔同肉既部位任君選擇

多料到圍滿晒成個鍋,有大隻青口等海新鮮,

食完之後揀咗嘅肉類就啱啱好嚟到喇,佢啲肉類相當高級下,有唔同種類嘅和牛,另外海鮮都唔錯,有新鮮嘅蝦可以任叫

豚肉、牛、雞...... 每種肉類都細分唔同醬汁味道,豬肉雞肉都有唔同嘅部位,都幾多種類下,淨係豚肉都有唔同嘅味道,要試晒都唔容易㗎

<<推薦>> 厚切牛舌、牛小排、豚正花肉,最中意厚切牛舌,燒到7成熟,落少少鹽,襯熱食 好爽口好juicy 辣汁豚肉花五肉,真係有入口即溶嘅感覺架

海鮮選擇都幾多而且好新鮮,燒完唔會話冇味,蝦真係大大力推,好大隻好清甜,真係唔知轉左幾多轉完係徹底回晒本

蔬菜類都有唔同嘅選擇而且都幾新鮮

食烤肉又點少得點醬呢~個醬好香唔會太咸

尾聲仲有哈根大師一杯,有咖啡、朱古力同雲呢拿揀

整體環境座位坐得好舒服,飲品有得任飲仲有夠凍,食物款式多,豐富既一餐,都可以食到呢個質素既肉來講價性比非常高,價錢屬合理!對食肉獸黎講,絕對係好滿意

MENU: 係用機點的,好方便,無漏單

造訪日期: 2019年10月
    • 划算度
    • 服務
    • 食物
感謝 Susannel1825
該評論乃TripAdvisor會員主觀個人意見,不代表TripAdvisor LLC公司。

去過熊本燒肉嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單