我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“誠意西餐”

Plato Cafe & Bistro
餐廳訂位
香港排名第1,333 (共15,301家餐廳)
餐廳詳細資料
4 週前評論

今日約咗個朋友去油麻地交收,順便一齊食晚飯。由於大家好耐無見,所以好想搵一間既坐得舒服又可以傾下計的餐廳。

好彩友人早有準備,帶咗我嚟呢間取名「Plato」嘅樓上 Café。餐廳地點非常就腳,由港鐵油麻地站 C 出口步行過嚟,亦只是兩分鐘路程。

餐廳嘅佈置好優雅,環境舒適,氣氛輕鬆自在,而這天我倆被安排坐在窗口位,可以眺望繁華嘅彌敦道街景,感覺特别寫意。

呢度嘅食物種類都唔少,而且價錢都幾大眾化,餐牌有散點,亦有套餐供應。我哋叫咗兩個 Dinner Set,套餐包是日餐湯、蒜蓉法包及 $34 飲品一杯,而 $34 以上就只需補回差價。

是日餐湯為雜菜清雞湯,雜菜湯用料十足,除了蔬菜外還有不少肉粒,入口帶雞湯嘅鮮味。蒜蓉包烘得很香脆,蒜味同牛油味都好足,配餐湯吃,美味又可口。

先吃卡邦尼煙肉意大利粉 ($128),意粉嘅火候掌握得恰到好處,煙韌而不過腍,有嚼勁。醬汁軟滑 creamy,入口有好濃郁嘅芝士味,唔錯。煙肉下得很慷慨,夾雜在意粉內,送上來時已切成條狀,味道啱啱好,不過鹹又不太淡,食落有肉香。

另一客蘇格蘭比目魚扒 ($198) 質素亦甚高,魚扒睇頭十足,勁大件,煎至四邊金黃,魚皮食落好脆口,魚肉雪白亮澤,片片分明,入口啖啖肉,細嫩得嚟又無骨,配上香氣四溢的松露野菌汁吃,超美味。至於伴吃嘅配菜份量亦唔少,有香草牛油焗薯仔、西蘭花同沙律菜等,夠曬飽肚。

跟餐飲品點咗檸檬生薑茶同凍檸茶 (+$4),生薑茶雖然只係用茶包沖泡,不過茶味同薑味都幾突出,絕對係暖胃之選。

最後我哋仲加咗件朱古力芝士蛋糕 (+$28) 做甜品,件蛋糕嘅朱古力味真係好濃,甜得嚟又有啲甘甘地;面頭嘅朱古力漿好幼滑, 令件蛋糕吃起來帶點濕潤感,食完真係超滿足。

造訪日期: 2021年4月
    • 划算度
    • 服務
    • 食物
感謝 mjqueen7e
該評論乃TripAdvisor會員主觀個人意見,不代表TripAdvisor LLC公司。
發表評論評論 (33)
旅客評等
旅客類型
月份
語言

1 - 5 則評論,共 33

2021年3月30日 透過行動裝置

趁Lunch time同朋友敘舊 揀咗間喺油麻地樓上既Cafe 之前已經食過佐敦分店。依間餐廳坐得舒服 望到樓下繁忙既彌敦道。Chill住食高質西餐 而且價錢合理 拍拖/聚會都好適合~

✅ 香煎澳洲肉眼牛扒 ($128)
牛扒超高質 切開係粉紅色 即使7成熟 都夠晒juicy 肉質夠柔軟!醬汁少少偏咸 建議唔洗點咁多。 薯條有驚喜 炸得超香脆 食唔停~

✅ 香煎比目魚 ($88)
比目魚煎得岩岩好 肉質嫩滑 點埋刁草忌廉汁 成個口都係魚香味

➡️ 羅宋湯&蒜蓉法包
羅宋湯正常都幾足料。包好香蒜蓉味不過少少偏唔夠硬~

✅ 紅桑子草莓茶
餐包埋 正價$34. 超香果味 而且唔甜 飲完都覺得養生 推薦

Plato Cafe & Bistro
油麻地彌敦道483-485號2樓
佐敦吳松街186-188號地舖
人均消費:$120|回頭率: ❣️❣️❣️❣️/ 5

造訪日期: 2021年3月
感謝 leogirlfoodie_hk852
該評論乃TripAdvisor會員主觀個人意見,不代表TripAdvisor LLC公司。
2020年12月15日 透過行動裝置

餐廳:Plato Cafe & Bistro (油麻地)
地址:油麻地彌敦道483-485號2樓

中午時間去咗油麻地呢間樓上黃店Cafe食晏,late afternoon嚟嘅好處就喺唔會阻到人做生意,又可以坐耐少少喺度做嘢

之前已經去過Plato Cafe & Bistro嘅佐敦分店,今次係第一次嚟油麻地店,因為位於樓上,私隱度更加高,亦都坐得舒服啲

原本諗住叫個美國安格斯西冷牛扒($138),點知咁岩冇晒貨,所以就轉咗個肉眼扒俾我;跟餐有蒜蓉多士同餐湯,仲包一杯$34嘅飲品,依家6:00禁堂食,相信好多餐廳都有一定壓力,既然喺黃店消費緊係要闊綽少少

餐湯加$28轉咗個法式龍蝦湯,雖然就冇龍蝦肉,但係都食得出用咗好濃郁嘅龍蝦茸熬製;肉眼扒叫咗七成熟,切開係我想要嘅熟成比例,火候掌握得幾好,仲加咗啲香料醃製,無論喺賣相定係食落都唔差,睇吓!切開啲肉汁仲不停流出嚟添

最近學緊咖啡拉花,當然唔少得叫杯Rose Latte(加$14)欣賞吓人哋啲拉花作品啦☕️,果然無叫錯,有一朵好靚嘅心心花❤️,希望有一日我都可以拉到咁靚啦

總括嚟講,臨近聖誕有趣緻嘅聖誕裝飾,食物質素唔錯,而且餐廳職員都密密收碟同加水,要慶祝生日、傾偈定係飲杯咖啡做吓嘢都一樣得,呢間值得再encore

造訪日期: 2020年12月
感謝 hinsonfoodhk
該評論乃TripAdvisor會員主觀個人意見,不代表TripAdvisor LLC公司。
2020年1月18日

位於酒店的二樓,卻要從旁邊的大廈入口進去,十分容易錯過門口。光顧當天客人不多,而且每組客人分開位置很遠,大聲一點談話也沒有問題。食物分量偏大,食物味道佳,而且飲品也十分有特色,值得一試。

造訪日期: 2020年1月
    • 划算度
    • 服務
    • 食物
2  感謝 lo1111chung
該評論乃TripAdvisor會員主觀個人意見,不代表TripAdvisor LLC公司。
2019年7月13日

係PLATO仲未搬之前,我已經食過,當時仲係一間小小的餐廳,而家搬左之後大左又靚左好多望一望MENU,晚餐好有多SET選擇,有一杯飲品跟送

造訪日期: 2019年7月
感謝 MingK157
該評論乃TripAdvisor會員主觀個人意見,不代表TripAdvisor LLC公司。

去過Plato Cafe & Bistro嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。