我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“一試難忘西餐廳🍴”

The Grill Room (堪富利士道)
訂位
2
7/12(週日)
20:00
訂位
香港排名第50 (共13,941家餐廳)
優等證書
周圍地區: 尖沙咀
餐廳詳細資料
周圍地區: 尖沙咀
2020年6月1日

呢日要同朋友慶祝生日,網上搵到呢間餐廳評價唔錯,決定book位同朋友試下。
入到黎裝修格調好舒服,店員仲俾我地對住廚房坐,可以望到廚師忙碌地煮食,別有一番風味。
又係去到邊間西餐廳都好,必點的黑松露薯條唔好睇佢好似好細咁,份量都好大兜。
前菜叫左個parma ham配溫泉蛋黑松露蘆筍沙律,呢個係凍食的都幾特別,將溫泉蛋拮爛,蛋漿撈埋落d露筍到原來都幾夾。
個蜆仔配香草蒜油扁意粉蒜香味好重,配埋少少忌廉又唔會太膩,非常好
重頭戲黎啦~ 叫左個安格斯肉眼扒配黑松露蒜蓉,五成熟真係煎到岩岩好~肉質好林而且食得出配料唔太多,保存返肉質既鮮味。另外佢個黑松露蒜蓉真係整得好出色,又香又滑

造訪日期: 2020年5月
    • 划算度
    • 服務
    • 食物
感謝 iceeeeelee
該評論乃TripAdvisor會員主觀個人意見,不代表TripAdvisor LLC公司。
發表評論評論 (267)
旅客評等
旅客類型
月份
語言
  • 更多語言

6 - 10 則評論,共 267

2020年5月29日

今個週末同女朋友去嘆番個假日午餐。揀呢度係因為環境好舒服,座位與座位之間好闊落,唔會好迫,加上疫情都唔想同隔離枱咁近,加上呢度週末都有set brunch,仲有兒童餐添。

套餐首先有前菜湯或者沙律,我哋各揀一款試吓,發覺前菜都非常有誠意!

先講個湯,飲得出真係用咗好多蘑菇去打成嘅蘑菇湯,菇味相當濃,加埋店員新鮮即磨黑椒,更加帶出蘑菇香。

而沙律係Ceaser Salad,簡單嘅羅馬生菜配菜麵包粒同炸煙肉碎,好refreshing。

到主菜方面,女朋友要咗黑松露蘑菇意粉。除咗有大量嘅新鮮菇類,個汁加埋黑松露醬同忌廉,嗰陣菇味就更加濃烈,仲好creamy。

而且扁意粉唔會洽到好淋,配忌廉汁食都唔會一pat pat,仍然保持到口感。

而我就要左份和牛漢堡配沙律薯條。個漢堡包本身好軟熟,加上師傅烤過之後個面好脆,仲散發着震震牛油香。

成個包係簡單用咗一塊非常厚,肉味好濃又juicy既和牛漢堡扒,厚切蕃茄同芝士組成,但大漢堡扒實在太出色,成成個包真係簡單而美味。配埋粗身嘅薯條同沙律菜其實真係好飽肚。

造訪日期: 2020年3月
感謝 dory l
該評論乃TripAdvisor會員主觀個人意見,不代表TripAdvisor LLC公司。
2020年5月28日 透過行動裝置

今日是親愛的大喜日子,好想給他有個難忘 birthday 佢又唔想大搞只想簡簡單單就滿足了,簡單也很想給他驚喜快樂和難忘。

選擇了尖沙咀The grill Room地方,

今晚還有二人套餐食添,太好了 ✌

Set dinner for 2好底食,份量算大,廚師很用心製作,侍應生又很有禮貌,環境好,冷氣夠。

套餐有前湯和沙律和甜品,主餐有大大塊美國安格斯肉眼排,五成熟就啱啱好肉汁juicy和香煎魚柳配日式醬油汁,魚肉實啖啖肉很鮮味配日式醬非常格呢!

食牛排還可加$58有2隻大蝦啊!當然要加啦!因為今晚要歡樂哈哈哈

飲品選了Nuts Bout Tella有點奶昔味

P&O Kick帶點甜甜 sweet sweet

生日當然要有生日蛋糕啦!一早同侍應生溝通了,只是簡單特別在甜品cake 碟上寫上happy birthday字樣,都算系簡單驚喜啦

特別感謝"The grill Room"為客人生日有這服務,謝謝。

感謝 monchanym
該評論乃TripAdvisor會員主觀個人意見,不代表TripAdvisor LLC公司。原文語言為中文,源自www.tripadvisor.com.hk 查看原文
2020年5月12日 透過行動裝置

疫情之下成日屈起屋企都唔係辦法
今日就約咗朋友去尖沙咀食扒
·
☆ 燒美國安格斯肉眼扒配黑松露薯蓉 HKD$338
炭火將肉汁緊緊鎖著,熟成度燒得十分到位,五成熟既肉肉咬落很多肉汁 而且肉質非常鮮嫩,只需加上少許黑胡椒,便能令肉味更為濃郁 配以紅酒燒汁及香草薄荷醬令味道更加突出。而搭配既黑松露薯蓉亦絕不遜色,濃郁的牛油及黑松露香味,令人禁不住吃了很多!
·
☆ 香草鮮蠔芥末忌廉汁扁意粉 HKD$168
超喜歡的一道意粉 半生熟既鮮蠔脹卜卜,咬落口感軟腍且juicy,Creamy既芥末忌廉醬汁,味蕾簡直係雙重刺激雙重享受 味道雖有點嗆鼻但又不會過辣,實在食得 新奇刺激 拌以蟹籽一齊食,每口吃下口感更多一種層次呢~
·
☆ 特色主題燒吞拿魚車厘茄杏仁片沙律 HKD$128
食好西之前當然要食個清新既沙律 哩度既沙律做得很出色[強] 清新爽脆既沙律菜,特別一提既係顏色紅嫩既燒吞拿魚,肉質非常嫩滑,而且咬落軟腍非常 十分高質既一道沙律前菜!
·
The Grill Room
尖沙咀堪士富利道6至-6A號爵寓2樓

造訪日期: 2020年4月
感謝 foodie_anniechan
該評論乃TripAdvisor會員主觀個人意見,不代表TripAdvisor LLC公司。
2020年5月1日

本身對這間餐廳情有獨中,一來交通方便,二來位處服務式大廈的二樓,由地下大堂至電梯,以至餐廳內,燈光柔和,甚有酒店FEEL,令人有種由繁華街道進入另一個恬靜空間的感覺。而最重要的當然是餐廳環境以及食物的質素。

由於今日主力是嚐主菜,為免吃得太飽,所以我們只選了一個晚市套餐 (主菜+湯+甜品),其餘則散叫

忌廉南瓜湯 (是日餐湯)
上檯時,可要求侍應加少許黑椒粉,南瓜蓉已打碎,溶入忌廉湯中,口感相當幼滑,入口有淡淡的南瓜甜味。

香草白酒煮青口配黑松露薯條 $198
滿滿一桶青口,份量不少,肉質豐滿,嫩滑彈牙,帶少少白酒及海水味,非常鮮甜。
另配上粗身薯條,洒上黑松露碎,黑松露味道不是太突出,但薯條熱辣辣,炸得剛剛好,口感外脆內軟,不油膩,加分。

慢煮三文魚配香草乳酪汁伴小麥米 $198
初初上檯時還以為是盤沙津,面層鋪滿青青紫紫不同種類的新鮮沙律菜,還有顏色鮮艷奪目的蟹子,撥開沙律菜,便見到主角慢煮三文魚。若果兩人共亨,每人大約可分到大約一個手掌份量;三文魚利用慢煮方法烹調,所以三文魚的天然粉橙色得以保留,肉質鮮嫩濕潤,口感幼滑,混合碟邊帶微酸的香草乳酪汁同食,更能帶出三文魚的鮮甜味道;旁邊拌以外型細細粒的小麥米,入口有少少脆脆地, 有點似食藜麥。整個配撘令人覺得好豐富。

葡式香辣燒雞配黑松露薯條椰菜沙律 $318 (晚市套餐 )
這客葡式香辣燒雞足有一隻雞份量,外皮掃上peri peri辣椒醬,經過烤、燒步驟,呈現出原始的燒雞風味,香噴噴,顏色燒得很靚,簡直令人垂涎欲滴。燒雞皮下脂肪少、嫩滑,餐廳選用不太辣的peri peri辣椒醬,所以不太吃辣的朋友大可放心一試。燒雞肉厚,一點也不韌,還很 juicy ,肉質細嫩,十分惹味。

藍莓cheese cake配生果
比相像中軟身,易切開,藍莓醬的酸味更突顯芝士的味道,在已處於飽肚的狀態下,這個份量剛剛好。

P & O KICK $68
peach, orange, ginger ale, lemon
味道有點似綠寶橙汁汔水,不太甜,檸檬汁、桃汁及姜味汽水中和了純粹的鮮橙味,味道很清新。

在這段抗疫時期,餐廳的客量比我預期的多,而餐廳亦沒有鬆懈,除了為每一位入座的客人量體温,於當眼處擺放搓手液,檯與檯之間亦增加了屏障,雖然有少少破壞了餐廳的環境,但相對私隠度提高了,客人又食得安心。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
服務水準有進步

我們選了廚房對出BAR 檯位置坐,雖然檯下面有掛鉤可掛袋,但隨身物品有點大,剛好頂著腳,門口接待員見狀,便為我們加了張矮凳在旁邊方便放置隨身物,真的十分細心。見他忙於接待剛到步的客人,又要時刻顧及客人的需要,表現比起以住同一位置的員工貼心勤力。

總括而言,好員工絶對能為餐廳的整體形象加分。

造訪日期: 2020年4月
    • 划算度
    • 服務
    • 食物
感謝 3point3
該評論乃TripAdvisor會員主觀個人意見,不代表TripAdvisor LLC公司。

查看過The Grill Room (堪富利士道)的旅客也查看過

 

去過The Grill Room (堪富利士道)嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單