我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“抗疫半價,好抵食👍🏽”

翠林辣蟹舫 (天星大廈)
餐廳訂位
2
10/20(週二)
20:00
餐廳訂位
香港排名第887 (共14,128家餐廳)
優等證書
周圍地區: 尖沙咀
餐廳詳細資料
周圍地區: 尖沙咀
3 週前評論

疫症時期好多間店舖都做緊半價優惠依間店我bookmark左好耐架啦只要去過既人都對依到既蟹讚不絕口
.
黃金蝦球 $38/隻
黎到依到緊係想食海鮮啦我對鹹蛋既產品完全抗拒唔到黃金蝦頭係拎蝦肉撈鹹蛋醬去炸啲蝦仲要新鮮既蝦打成蝦滑岩晒中意食蝦既你☺️蝦肉質地完全係鮮味十足,仲好有口感❗️蝦滑仲配埋沙律撈埋蝦球一齊食,可以減少油膩既感覺呢個配搭緊值係
.
避風塘香辣炒蟹 $588
依個蟹吸引到甘多人黎完全知點解蟹肉好鮮甜又多肉如果中意食蟹肉既你真係唔好錯過依隻蟹都有少少膏可以拎碗白飯黎❗️啲蒜仲要好多,炸到好香身成蟹控既你千奇唔好錯過啦

造訪日期: 2020年9月
感謝 feimuihk
該評論乃TripAdvisor會員主觀個人意見,不代表TripAdvisor LLC公司。
發表評論評論 (38)
旅客評等
旅客類型
月份
語言
  • 更多語言

3 - 7 則評論,共 38

2020年9月10日

雖然我唔食得蟹,不過朋友想食都會陪佢去既~
·
黃金流沙蝦球($76@2)蝦球就岩我食啦啖啖肉!!配埋咸蛋黃香,絕對可以encore!
·
黑白胡椒蟹($294)嘩嘩嘩 原價$588.點完先知而家有半價!!!好抵食炒法惹味~肉質結實食得出好新鮮.朋友個樣好滋味我只有羨慕妒忌恨
·
秘製麻辣雞煲(半隻$168)最近好想食雞煲半隻份量都幾多麻辣唔算好重手,醬汁香濃但不過份咸雞肉嫩滑,不錯
·
凍檸茶
·
翠林辣蟹坊
尖沙咀亞士厘道24-38號天星大廈1樓A室

造訪日期: 2020年9月
感謝 foodienethk
該評論乃TripAdvisor會員主觀個人意見,不代表TripAdvisor LLC公司。
2020年9月6日

我一向好鍾意食蟹,知道翠林辣蟹舫有蟹和小菜半價優惠,就二話不說星期六中午來食蟹。

蟹醬焗香辣蟹
鎭店之寶我選了蟹醬焗香辣蟹,一上枱香噴噴,大大隻肉蟹,賣相吸晴。秘製蟹醬很惹味,滿滿的蒜粒,這煮法不像避風塘炒蟹般乾身,帶有一點點濕的,濃味得來又不會太咸太辣,不期然不顧儀態地啜蟹殼蟹非常新鮮,肉質鮮嫩厚實,啖啖肉,兩個人食得律律有味。

三蔥牛仔骨煲
用砂煲上,一上枱啫啫聲,好鑊氣。京蔥、洋蔥、紫洋蔥、青椒爆得超香,加上煎牛仔骨的牛香,簡直冇得輸。牛仔骨火侯控制剛好,肉質鬆軟不硬,裏面保留肉汁,每一口都充滿香濃牛肉味。

蕃茄滑蛋蝦仁
食了蟹和牛,一心想要一點蔬菜類清清油膩。蕃茄正合心意,酸甜酸甜的清新醒胃,蛋又香又滑,再加上爽口蝦仁,是簡單又好味的小菜。

造訪日期: 2020年9月
感謝 FoodieFoodie_84
該評論乃TripAdvisor會員主觀個人意見,不代表TripAdvisor LLC公司。
2020年8月31日

友人向來性格好動,喜愛遊山玩水,吃喝玩樂,不過有見早排疫情一直反反覆覆,所以亦盡量減少外出,最近終於忍唔住,相約我來尖沙咀吃頓午飯。

友人一向識飲識食,今次就揀咗位於亞士厘道嘅「翠林辣蟹舫」。晏晝都食辣蟹咁豪?

原來友人話餐廳早前推出咗多項抗疫優惠,不但可以用半價食不同製法的特色蟹,而且仲有接近 40 款小菜可供選擇,全部都可享半價,十分抵食。

餐牌上的選擇果然好豐富,單係招牌辣蟹就已經有 5 款,當中包括:避風塘香辣蟹、蟹醬焗香辣蟹、黃金流沙蟹、黑白胡椒蟹、薑蔥乾煏蟹。

交由友人發板,點了蟹醬焗香辣蟹 (半價 $294,原價 $588),另外再加咗兩款小菜。隻蟹果然有睇頭,用一個紅色方形木架再襯以黑碟盛上,氣勢十足,而且上桌時還傳來陣陣辛香,十分誘人。

搶先拿了一隻蟹鉗品嚐,蟹肉肥美鮮甜,帶微微辛辣,而且入口明顯比坊間炒蟹 Juicy,肉質又軟又綿,啖啖有汁,加上吸滿了蟹醬的香氣,吃起來特別滋味,真不愧為鎮店之寶。

小菜選了順德小炒皇 (半價 $64,原價 $128) 同黃金豆腐。吃過不少順德小炒,處處不同,此店以臘肉、煎鯪魚條、蝦仁、蕎頭、紅椒配蓮藕和西芹,幾款食材都炒得唔錯,鑊氣十足又夠乾身,足見火候掌握得恰好,用來佐酒一流。

另外碟黃金豆腐 (特價 $34;原價 $68) 亦很有水準,炸粉薄而香脆,豆腐入口仍然非常滑溜,很好吃,點上甜辣醬,更加惹味。

遲些等限制令放寬,到時一定會再多約幾個朋友一起來聚餐。

造訪日期: 2020年8月
    • 划算度
    • 服務
    • 食物
感謝 mjqueen7e
該評論乃TripAdvisor會員主觀個人意見,不代表TripAdvisor LLC公司。
2020年8月31日 透過行動裝置

太耐冇出街食飯,決定食一啲平時唔會喺屋企煮嘅菜式!今日同屋企人去咗尖沙咀站附近嘅一間中式餐廳食飯,呢間餐廳出名食蟹,而我同屋企人都鍾意食蟹,所以就決定嚟試吓!

依家「鎮店之寶」做緊半價優惠,$588就食到全肉蟹,真係非常優惠,我哋就叫咗個避風塘香辣蟹試吓!

侍應端上避風塘香辣蟹嘅時候,隔離枱都忍唔住望左幾眼,因為真係好大隻蟹!而且賣相十分討好,兩隻大肉鉗非常吸睛。廚師首先拎蟹去炸,再用避風塘炒法,好好味!而且蟹肉非常結實同新鮮,啖啖肉嘅感覺真係好正!我自己就鍾意刷完啲蟹肉再加多d避風塘脆脆一齊食^_^

蜜桃咕嚕肉
擺盤非常有心機,用咗三色椒、紫洋蔥同埋蜜桃放外圍,蜜桃並非罐頭蜜桃,沒有浸糖水,食落都算清甜。咕嚕肉啖啖肉,仲要係五花腩,所以炸完都係咁嫩!

酥炸雞軟骨
屋企人表示呢個係佢哋食過最好食嘅炸雞軟骨,因為出面個份非常之薄,而且好香蛋白味!雞軟骨份量都幾多,夠3-4人食。伴碟亦有炸蓮藕,非常香脆,好似食緊薯片咁。

餐廳環境都幾闊落舒服,卡位可以望吓窗外風景,整體而言覺得呢間餐廳非常好,因為睇得出揀選食材方面有一手!

造訪日期: 2020年8月
感謝 Carly W
該評論乃TripAdvisor會員主觀個人意見,不代表TripAdvisor LLC公司。

去過翠林辣蟹舫 (天星大廈)嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單