我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“念念不忘的私房菜”

榮哥廚房私房菜
香港排名第784 (共15,380家餐廳)
周圍地區: 觀塘區
餐廳詳細資料
周圍地區: 觀塘區
2021年5月14日 透過行動裝置

上次試完呢間抵食私房菜之後一直念念不忘,今次再試已經轉了不少新菜式,但味道依然保持水準。侍應為我們準備好四人份量的餐單。
本地水耕沙律菜伴芝麻醬
水耕菜很清甜爽脆,特別是蕃茄超甜,配上芝麻醬很開胃。
茶燻流心蛋伴黑魚子醬配厚切茄子
流心蛋有淡淡的茶燻味道,茄子經過厚切,吸入了魚子醬的味道,特別惹味。
原盅燉川貝陳皮海底椰鱷魚肉湯
最近轉天氣,喉嚨都比較乾,剛剛好有這盅川貝陳皮海底椰潤一潤,夠晒滋潤又補身。
油浸時令海魚(馬友)
服務員上枱時,很細心地為我們切開一件件方便食用,魚炸得香脆可口,魚肉鮮甜又嫩滑。
金銀蒜香時令鮮蔬
蔬菜炒得很有鑊氣,炸蒜香噴噴,味道一流。
他鄉炒米絲
米絲比起平時見到的幼細很多,,口感幼滑,炒得很乾身,加上配菜及黑毛豬火腿,味道及口感一流。
薑汁芝麻湯圓
薑汁味濃而不辣,湯圓皮薄芝麻蓉香,不太甜同膩的感覺。

造訪日期: 2021年5月
感謝 GaileLee
該評論乃TripAdvisor會員主觀個人意見,不代表TripAdvisor LLC公司。
發表評論評論 (42)
旅客評等
旅客類型
月份
語言

4 - 8 則評論,共 42

2021年5月12日 透過行動裝置

今日同屋企人嚟咗觀塘,想食餐超正嘅晚餐,經過官塘工業中心三期,見到有呢間私房菜,於是決定齊齊上去食☺️

4位 特選餐單 ($1656)

本地水耕沙律菜半芝麻醬
- 沙律菜超級新鮮,咬落六卜趣,配搭埋香濃嘅芝麻醬,濃郁同鮮甜嘅味道相互配合,份外開胃

茶燻流心蛋伴黑魚子醬配厚切茄子
- 呢道菜都係冇得彈,流心蛋超超超好食,茶燻味非常突出,火候控制得好好,一啲都唔會老,強烈推介大家食
- 厚切茄子水準都一流,外脆內嫩,炸粉一啲都唔厚,個人超級鍾意食魚子醬,濃郁鮮味,將茄子嘅味道昇華幾倍

原鼎海椰皇仔燉鷓鴣黑毛豚肉湯
- 啖湯非常清甜,入口細膩順滑,一啲味精味都冇,而且非常足料,湯渣都份量十足,我地食到超級滿足

椒鹽豬肺
- 第一次食椒鹽豬肺,平時都係飲豬肺湯多,好特別,椒鹽香口濃郁,痛有少少微辣,但又唔會蓋過豬肺嘅鮮味,反而帶出咗豬肺嘅鮮嫩

油浸時令海魚
- 呢個都係其中我最鍾意一個菜式,油浸針嘅方式令海魚表皮變得酥脆,但肉質唔會變老,仲保持到其嫩滑,食落卜卜脆,超好味,一啖接一啖

江南百花雞 (半隻)
- 百花雞都係驚喜滿滿,雞皮非常之好食,而且入邊饟咗蝦,令到口感層次更加豐富, 鮮味十足

蟹皇瑤柱時令鮮蔬 (菠菜)
- 呢個菜式好有驚喜,見似常見普通嘅菜但整得好好食,菠菜熟度控制得非常好,唔會太軟身
- 蟹皇瑤柱簡直係精粹,其鮮甜細膩令到菠菜原有嘅味道更加發揮得淋漓盡致,令我唔太鍾意食菜嘅人都食到舔舔脷❤️

他鄉炒米絲 (24個月西班牙黑毛豬火腿配福建莆田米粉)
- 炒米絲好特別,係街外比較少有嘅麵種,米絲幼細得嚟幾有咬口,配搭埋鹹香十足嘅黑毛豬火腿,別具一番風味

時令甜品 (薑汁黑芝麻湯圓)
- 呢個甜品都幾好食,薑味突出,但又唔會過分濃烈,搶咗湯圓嘅風頭;湯圓軟滑,內餡綿密甜美,黑芝麻味格外香濃☺️

食物質素非常高,而且餐廳內部擺設同餐具都非常別緻,而且枱與枱嘅分隔做得幾好,私隱度高,啱晒一家大細聚會

造訪日期: 2021年5月
感謝 bon_bon_foodie_zone
該評論乃TripAdvisor會員主觀個人意見,不代表TripAdvisor LLC公司。
2020年2月19日 透過行動裝置

上星期生日,諗住對自己好啲,去食正野。呢間私房菜之前朋友介紹過,一直想去,終於有機會喇!觀塘地鐵站一出就係,好方便。
入到去,店員好有禮貌地招呼我地,開左茶歎下先。

涼伴黑白木耳:開始食個涼伴開胃菜真係好醒神。黑白木耳都好爽脆,淡淡嘅麻油味好香

雙色墨魚仔:白色原味,紅色少辣。咬落去卜卜脆,唔韌,無渣

茶燻流心蛋伴黑魚子醬配厚切茄子:店員建議食左流心蛋先,品嚐左陣煙燻味先。就咁放埋嘴邊已經好香煙燻味,一路食愈來愈濃郁,唔會俾其他味搶走。好正!厚切茄子配個汁,甜甜地好開胃
本地水耕有機沙律菜伴芝麻醬:好新鮮,食落去"sok sok 聲"

原盅燉哈蜜瓜螺頭黑毛豚肉湯:熱辣辣,好清甜。入面好多料:桂圓、陳皮...好足料呀!欣賞個湯雖然有肉,但唔會好油,非常健康!

蝦球水芺蓉:底下係蒸蛋白,面頭金黃色係甘荀汁。滑捋捋嘅蛋白入口即溶。蝦球上有啲炸薑絲,連埋蝦球一齊食,脆脆地多個口感層次,同埋薑嘅香味能夠更突出蝦同埋蛋白嘅味道。

蒜香芝士焗老外蠔王:面層芝士有香濃嘅蒜味同胡椒味,恰到好處。帶出蠔嘅鮮味,食得出大廚用心調味。

士多啤梨黑豚肉排骨:排骨好似豬扒咁大塊,外皮炸得香脆,配上香甜嘅士多啤梨汁,好夾!重點係咁大塊排骨一啲都唔韌,好鬆化!下面嘅米通味道較啖,同上面味道濃嘅排骨簡直係完美組合。

魚湯浸小棠菜:魚湯底真材實料,有魚鮮味加埋少少薑味,好養顏。

荷香蒜蓉海班片原籠蒸紅白米飯:飯好有蒜蓉嘅香味,紅米加白米好有咬口,層次豐富。海班片幾厚,啖啖肉

薑汁湯丸:飲落滋潤,應該落左冰糖煮。湯丸配合微微薑辣湯,為呢一餐畫上完美句號

呢餐生日飯好滿足,為呢排沉悶嘅生活添上一點色彩

造訪日期: 2020年2月
感謝 HaHaRachelLM
該評論乃TripAdvisor會員主觀個人意見,不代表TripAdvisor LLC公司。
2019年12月5日 透過行動裝置

聽說觀塘工業區有間榮哥私房菜,手工好了得㗎!講真!觀塘區真系好多美食!原來私房菜都有呢!地點都不難找,觀塘工業區三期 4樓,我哋就行樓梯上又可以懷舊下工業區特色。

遠遠就望到 "榮哥 "生招牌,裏面都幾寬敞和光猛,三五知己喺度食嘢傾偈真系一種樂事, 侍應生好有禮貌招呼,餐具紙巾都印了榮哥生招牌,私房菜就請榮哥為我哋發板了。

嘩!十二道菜!

每款都好精緻呀!手工真系一流!睇得出廚師放咗唔少心機心思呢!食材鮮味和很特色啊!

12道菜逐一出場介紹下先

前菜3款冷盤:

本地水井沙律菜拌芝麻醬~

有機菜鮮嫩新鮮賣相好似朵花一樣

涼拌黑白木耳和雙色墨魚仔~

黑白木耳爽口脆口爽甜,雙色墨魚仔辣味很醒胃。

茶熏流心蛋伴黑魚子醬配厚切茄子~

入口暖暖茶熏味再配埋厚切炸茄子,味道簡直一絕。

原盅燉哈密瓜螺頭黑毛豚肉湯和原盅燉川貝陳皮海底椰鱷魚肉湯各兩盅~ 

前者味道甜蜜潤喉,後者鱷魚肉火喉夠冇得輸呀超正又足料

蝦球水芙蓉~

蛋好嫩滑仲有微薄薄芡汁味道好夾,蝦球好大隻好鮮味,口感有點似龍蝦味道㖭。

澳洲大露筍黑松露醬炒鮮百合~

原個小南瓜上碟,外貌好吸引,有啲唔捨得食添,再配埋大大條露筍和鮮百合黑松露濃濃醬好正呀!

清炒花尾躉斑球配鮮露筍~ 

大大塊斑球味道鮮,露筍爽脆。

荷香蟲草花牛肝菌蒸沙欄雞~ 

味道一般般。

金銀蒜香有機時令鮮菜~

有機菜特別鮮味爽甜。

大紅大紫炒飯和時令甜品~~

顏色好靚粒粒分明,仲好爽口,味道唔太咸 紫色有啲似紅菜頭再配埋脆蝦米好香口,食到尾聲有點飽,不過竟然成碟飯都食曬呢!

甜品是雪耳木瓜杏汁,養顏和潤喉。

總結~私房菜大滿足溫馨的一餐!

感謝 monchanym
該評論乃TripAdvisor會員主觀個人意見,不代表TripAdvisor LLC公司。原文語言為中文,源自www.tripadvisor.com.hk 查看原文
2019年11月4日 透過行動裝置

一直喜歡私房菜的神秘感,它那種令人期待又盼望的感覺。。。今晚終於來臨了! 為了好朋友,在一星期前已預約好了!

茶熏流心蛋伴黑魚子醬配厚切茄子 ~ 賣相討好,看著蛋汁緩緩的流出,令人垂涎三尺。。。 大口咬入嘴裏,蛋的香韻盤旋在口腔內,揮之不去! 厚切茄子, 用上少少炸漿,令外皮脆口;而內里軟綿, 魚子醬汁超贊,十分好味!

原盅燉哈密瓜螺頭黑毛豚肉湯

先飲為快,喝下兩啖,甘甜的味道已湧上心頭,充斥哈密瓜和螺頭的甜香,黑毛豚肉肉質柔軟有彈性,吃起來清爽不油膩無腥味。

原盅燉陳皮海底椰鱷魚肉湯

初秋緊系要進補,看到湯水是很清澈的,有陳皮的香,鱷魚肉是可止咳的,多飲可增強抵抗力呢!

士多啤梨黑豚肉排骨

以米通做底層,一口三文治般,大口放任去咬,肉香且軟,米通且脆,士多啤梨汁給予清新口感,搭配!

寶貝鮑魚仔極尚金牌福建炒飯

朋友一邊吃,一邊只顧說著: ''蛋真的很香,蛋真的很香呢!" 以一個簡單餸菜,而做成與別不同的口感和結果,只能說廚師功力不可抹!

蝦球水芙蓉

晶螢剔透,原來水芙蓉是用甘筍淬取而成,加上香滑雞蛋,一啐便滑入喉嚨,擺放上面的彈口蝦子,也只好輪為配角了!

感謝 Trip806658
該評論乃TripAdvisor會員主觀個人意見,不代表TripAdvisor LLC公司。原文語言為中文,源自www.tripadvisor.com.hk 查看原文

去過榮哥廚房私房菜嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。